هو انا لازم اصاحب الصنايعي ؟؟؟!!!!!!!!!!

[l0new0lf]

مش بيعجبني اللغة اللي بعض الناس بشوفها بتتعامل بيها مع الصنايعي
الواحد منهم بيتصاحب عليه وهو عارف انه احط خلق الله (ربنا يهدى)
وتسمع كلام من عينة ( تؤمر يا بوب - احنا بتوعك يا ريس - من عينيا يا غالي .....
وكأنهم راضعين علي بعض (عاملوا الناس قدر عقولهم, ربنا يهدى)


ولو كلمت واحد صاحبك يقولك ما هو لازم اتصاحب عليه عشان يخلص لي العربية وميخدش مني كتير
مع احترامي ..

في النهاية ده صنايعي
يعني علي المستوي الانساني (ده انسان زيك زيه و تعامله بالضبط بالطريقه اللى تحب الناس يعاملوك بيها) معتقدش ان هيكون بينك وبينه اي تواصل انساني او ثقافة مشتركة (فيه فرق بين العلم و الثقافه و انا على استعداد انى اخدك لواحد صنايعى ممكن ميكونش معاه شهاده او درجه علميه زيك و لكن هو من الثقافه انه ممكن يفحم دكتور جامعه)
علي المستوي النفسي : انا شخصيا لم اتعامل حتي الان مع صنايعي محترم واعتبر الصنايعية زي بالظبط فئة سواقين الميكروباص : عاوزين الحرق (مش معنى ان نصيبك كان مع صنايعيه وحشه يبقى نعمم ان كل الصنايعيه او سواقين الميكروباص وحشه, و قبل ما تتعامل مع صنايعى اسأل اهل ثقه عليه او اسالهم على صنايعى كويس)
علي المستوي الخلقي والشرعي والتربوي : فالغااااااااالبية العظمي منهم حرامية (لما تعامل واحد على انه حرامى, حتى لو هو مش حرامى, هيسرق منك, ليه؟ لانك بتعامله على انه حرامى و طبعا فاضحه على انه حرامى. وصلت؟؟)

وفي الاول وفي الاخر انا ليه شغلي يتعمل في العربية بما يرضي الله
وانت ليك فلوسك حق ما تعبت وبذلت مجهود (الموضوع مش شغل و فلوس بس, قال رسول الله صلى الله عليه وسلم((انما جئت لاتمم مكارم الاخلاق)),)

اكتر من كده مفيش

مع احترامى ليك
لما صنايعى ينصب عليك و يعاملك بطريقه تضايقك يبقى العيب فيك انت و فى طريقه تعاملك معاه, ربنا يهدى

[AutoTycoon]

من تواضع لله رفعه

[blazer]

انا اعتقد صاحب الموضوع مش وجهة نظره التعالى او كدا
هو يقصد " ودا بيحصل فعلا " ان فيه ناس ممكن تقلل من قيمتها قدام الصنايعى عشان يحسسه انه هو والصنايعي واحد
عشان ميدحكش عليه او ينصب عليه او لما يجى يحاسبه ويحس انه " صنايعى زيه" مش هيدحك عليه
ودا ممكن انت تعمله فعلا بس بانك تفهمة انك فاهم وعارف الشغل اللى بيتعمل كدا ايه لان لو الصنايعى عاوز ينصب هينصب وانت مش هتاخد بالك فى احيان كتيره

وغير كدا
الصنايعيه دول بشر فيهم الحلو وفيهم الوحش
وياما قابلت صنايعيه اخلاقهم زباله الزباله و منهم ناس محترمين وولاد ناس فعلا
فمتقدرش تحكم عليهم حكم مطلق لانك بتتعامل معاهم فى كل مجالات حياتك " ميكانيكى - نجار - نقاش - كهربائى - بياع فى محل - بواب "

[khaloooda]

من تواضع لله رفعه

تاني
بعد اللي قلته ده كله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

[khaloooda]

بس انا معاك ان مفيش صنيعي بيعمل شغله علي اكمل وجه ومفيش صنايعي مش حرامي بدون ما اكون بعمم او بدون هجوم منكم مع احترامي لكل وجهات النظر يعني

مفيش صنيعي من الي قابلتهم علي الاقل يستاهل معامله حلوة او يستاهل من اصله ان الواحد يروحله وياريتهم بيعملوا شغلهم علي البيكوا زي ما ديما بسمع انما شغل اي كلام وفلوس اكتر وميستحقوهاش

اعتقد انك كده جبت الفايدة

[lad]

الراجل شكلو مش قصده هو بس شكله كام صنايع أرفه أوى ففى لحظة خنقه بس قال كلام مكنش قصده فعلا أنا فوت على صنيعى صنيعى من الى بتعامل معاهم من زمان فى العيد سلمت عليهم لأن زى ما فيه الوحش فيه الكويس و الى بسبلو العربيه و اروح انام وأنا مطمن

[Ahmod]

على فكرة يا جماعة فعلا فيه نوعية من الناس دي وبكل اسف لما تتعامل معاهم بما يرضى الله واكنهم زيك بالظبط تلاقيهم بيتعالو عليك وبيعملو حساب لكل الناس معادا انت

انا عندي في الجراش اللى بركن فيه بتعامل مع الناس هناك اكنهم اخواتي وانا طالع وانا نازل اسلم وايه الاخبار واحكي معاهم وكل مالعربية يحصل فيها حاجة ولا ابقى محتاج حاجة اتكلم معاهم اخد رايهم

في الاخير كل مارجع متاخر الاقي المكان اللى برجع فيه حد خده

مع ان المفروض كل واحد عربيته ليها مكان مخصوص محدش ليه الحق انه يركن فيه غيرك وبتدفع عليه ايجار شهري يعني المفروض حتى لو مرجعتش وهبيت العربية برة ملوش انه يغلي حد يركن مكانك

ويقولك معلش خليها عليك المرة دي مع ان يبقى فيه اماكن كتير فاضية واقوله طب اشمعنى خد مكاني مايخدش المكان التاني ليه يقولي لاء اصل ده بتاع فلان وهيجي كمان ساعتين

عديت الموضوع مرة واتنين في التلاتة سبت العربية في نص الجراش وزعقت وعملت مشكلة وقلتلهم هو كل مرة مكاني انا اللى يتاخد دونا عن كل الاماكن اللى في الجراش اشمعنى انا اللى مش بيتعملي حساب

ومن سعتها والمعاملة اختلفت تماما

فبصراحة انا من الناس اللى شايف سواء هتتعامل مع صنايعي او مع بواب او مع اي حد المعاملة تبقى بحدود الطلب وخلاص على كدة لكن تصاحبه والكلام ده مش منطقي بصراحة وغالبا بيجي فوق دماغك انت !

[SYD]

الرسول علية الصلاة و السلام كان طيب و لين القلب علشان كدة الناس ألتفت حولة
لو غليظ القلب لانفضو من حولة

و لو كنت فظا غليظ القلب لأنفضوا من حولك
صدق الله العظيم

[SYD]

الصراحة

الصنايعية انواع كتير

في منهم ماخدش حظه من الدنيا ونزل شغل من 5 سنين وماتعلمش اصلا ودة احيانا بيكون ناجح جدا وليه في شغله وبس
وعلي الوجه الأخر احيانا بيحاول يعمل نفسه روش وخصوصا لو بيتعامل مع شباب كتير زي بتوع صيانة العربيات الجولف والأبيزا والبي ام
بيحاول يقلد الزباين وتلاقيه راح لازق شعره (بيحاول يعمل اي حاجة) وتلاقيه بيحاول يصاحب الزباين ومش بعيد يخرج معاهم

وفي منهم اتعلم شوية ونزل الشغل
ودة بردو بيكون صنايعي بس مخلط
منه اخلاق صنايعية ومنه اخلاق بني أدمين عاديين

وفي منهم كمل تعليم واشتغل
ودة بتاع شغل ويمكن كمان يكون تنك

وفي الي طبعه التناكة

وفي الي طبعه ان يكون لسانه مش نظيف

وفي منهم الي جدع

وفي منهم الي طبعه النتانة او ياكل وينكر

يعني بمعني اصح
والخلاصة

انهم بشر منهم الحلو ومنهم الوحش
وانت وبختك

والله المستعان
،
،

[hossaam]

اعتقد اني فهمت قصد الاخ صاحب الموضوع

الحكاية مش تعالي على فئة من الناس ...لكن محاولات بعضنا للتقرب للصنايعي واحيانا نفاقه ومجاملته علشان الشغلانة تخلص كويس هو اللي بيبقى حاجة مملة احيانا...

على فكرة يا اخي...بحكم عملي ...تعاملي اليومي بيكون مع مئات الصنايعية..وانا وصلت لقناعة
ان دي طبيعة الانسان المصري...ما بيحبش الرسميات والميري...يعني لازم قفشه هنا...سيجارة هنا..الله ينور يا معلم هنا....وهتلاقيه قايدلك صوابعه العشرة (غالبا)....موضوع عاوز مرارة سليمة..بس دي طبيعة شعب...هنعمل ايه يعني :(

[l0new0lf]

على فكرة يا جماعة فعلا فيه نوعية من الناس........ !

مش معنى انى بعامل الناس باحترام و ود اننى معرفش احافظ على حقوقى
اسمحلى ده يندرج تحت المسمى الشائع
عيب يوزر

[أبو صلاح]

على فكرة يا جماعة فعلا فيه نوعية من الناس دي وبكل اسف لما تتعامل معاهم بما يرضى الله واكنهم زيك بالظبط تلاقيهم بيتعالو عليك وبيعملو حساب لكل الناس معادا انت

انا عندي في الجراش اللى بركن فيه بتعامل مع الناس هناك اكنهم اخواتي وانا طالع وانا نازل اسلم وايه الاخبار واحكي معاهم وكل مالعربية يحصل فيها حاجة ولا ابقى محتاج حاجة اتكلم معاهم اخد رايهم

في الاخير كل مارجع متاخر الاقي المكان اللى برجع فيه حد خده

مع ان المفروض كل واحد عربيته ليها مكان مخصوص محدش ليه الحق انه يركن فيه غيرك وبتدفع عليه ايجار شهري يعني المفروض حتى لو مرجعتش وهبيت العربية برة ملوش انه يغلي حد يركن مكانك

ويقولك معلش خليها عليك المرة دي مع ان يبقى فيه اماكن كتير فاضية واقوله طب اشمعنى خد مكاني مايخدش المكان التاني ليه يقولي لاء اصل ده بتاع فلان وهيجي كمان ساعتين

عديت الموضوع مرة واتنين في التلاتة سبت العربية في نص الجراش وزعقت وعملت مشكلة وقلتلهم هو كل مرة مكاني انا اللى يتاخد دونا عن كل الاماكن اللى في الجراش اشمعنى انا اللى مش بيتعملي حساب

ومن سعتها والمعاملة اختلفت تماما

فبصراحة انا من الناس اللى شايف سواء هتتعامل مع صنايعي او مع بواب او مع اي حد المعاملة تبقى بحدود الطلب وخلاص على كدة لكن تصاحبه والكلام ده مش منطقي بصراحة وغالبا بيجي فوق دماغك انت !

انا حصل معايا زيك بالظبط
الاول محايلة ودفع فلوس علشان يعملي تاندة على حسابي
وبعد لما عملها بشهرين لاقيته شال كل التن بحجة ان صاحب الارض هيبني الحتة اللي واقف فيها
وبعد كده مبناش راح عامل لناس وناس تند
طبعا انا من الناس اللي مغضوب عليهم
للاسف على فمرة انا بيتي لازق في الجراج يعني جارهم

بقيت الاول اركن في اي مكان فاضي شوية وشوية اناهد واعاتب
وبعد كده بقيت اتخانق
وبعد كده بقيت اوقفها ورا عربيات زي ما هو عايز واشد فرامل يد عند وقال يعني سهو والحركة دي بتجننه لان ساعات بخرج براحتى ويبقى الناس عايزة تخرج ومشعارفة
وبرضه مجابش نتيحة
المهم كان عايز فلوس تاني علشان يعمل تاندة على حسابي من جديد
قلتله انا هعمل التندة على حسابي بس هخصمها من الايجار وقعدت شهرين ما ادفعش رخامة لغاية لما عمل هو التندة
بعد لما تعملت لقيت برضه ناس بنت تيت بتركن مكاني لاني باجي متأخر شوية
عملت في يوم حركة جامدة موت
الجراج مدخله بيدخل عربية واحدة بس رحت موقف العربية فيه وشادد فرامل يد ومعشقها وقلتلهم اي ابن تيت هيقرب منها هولع فيه وعشت دور البلطجي
قعد على الحال ده 4 ساعات في ذروة رجوع العربيات ومشيت وقفلت تليفوني ولا عبرت فيهم
خليته يكلم نفسه لحد ماعرف يوصلي

وبعد كده الحال اتظبط شوية
آخر لما زهقت عرفت مين الناس المهمة في الجراج
بقيت اركن مكانهم واسيبه يتخانق معاهم وكنت بسمع خناقتهم معاه كل مرة وانا قاعد في شقتي

لغاية لما اتعدل ومكانش بينام قبل ما ارجع بسلامتى ويطمن اني دخلت مكاني او في مكان بديل لا يقل تميز عن مكاني

بس ده كان نتيجة اني دلعتهم بزيادة

[أبو صلاح]

بص في مبدأ كده ساعات بعمله لما اتعامل مع صنايعي اول مرة
بكلمه شوية بتناكة واعيش عليه اللخظة
وابقى عارف انه هيظبطني في المصنعية
بس بيبقى عامل حساب انه لو مظبطش الحاجة ممكن انا ازعله

ووقت الحساب اللي بيطلبه بياخده واظبط الناس اللي معاه
وبعد كده لو كملت معاه بتعامل معاه عادي بدون اي حوارات

وفي ناس مبينفعش معاهم اي حوارات ولا تظبيط
ودول كلنا بنقابلهم وبيغرمونا
بس لازم نعديها
بعتبر التكلفة اللي دفعتها اني ربنا كفاني شره في حاجة اكبر
والواحد بيتعلم

[ziours]

احييك عى موضوعك وكلامك صح ميه الميه اوالناس فعلا بكلامهم الساذج ولغة الخنوع مع الصنيعية هي اللي خلت الصنيعي يتنك ويتامر وياريت نسيبنا من الكلام اللي مودينا في داهية زي( احنا ولاد تسعة ) واشرب كوبيه الشاي معاه ده صنيعي بيشتغل وبياخد في المقابل اجرته وربنا خلق الناس درجات وياريت محدش يقول ده نوع من التكبر ابدا دي الحقيقه والواقع

[khaloooda]

الحمد لله اني لقيت ناس فهمت انا اقصد ايه وكمان عايشت المعاناه اللي عايشتها مع الصنايعية