الحقوناااااا اسكندريا غرقت :)

[Deshahcoka]

رجالة النهاردة 3 يوم على التوالي مش مبطلة مطر و الدنيا زايطة و اسكندريا بقت بسين :)

المشكلة مش في كل ده :) المشكلة انوا في غسيل متنشر من اول الشتا و محلوف عليه انوا مينشفش :( حاجة تجن :( ههههههههه

ايه الكلام يا اسكندرانية :) يلا ننزل نشد على البحر ؟

رجالة ياريت الناس تحاول تقول ايه الجديد يعني ايه الي اتسد و عايم و كدة يعني :)

[tameraast]

المعموره مدخلها بسين عظيم

و كبرى المندره عايز نفل علشان تعرف تدخله

[Mostafa.Mahran]

وقدام كارفور اول امبارح كان منظر مروع

والمحور علشان مايل على جنب فالمية متكومة على الجنب اليمين

طبعا غير ان نفسى اشوف بلاعة بتسحب المية لتحت لا كله بيطلع المية لفوق

بجد حاجة مسخرة و الواحد مش عارف يضحك ولا يعيط على الخيبة دى

[Deshahcoka]

ا قلك الاشد :)

النفق الي في جمال عبد الناصر الي فوقيه بنزينة موبيل سيدي بشر ده بقى البحر الاعظم

اخر 45 من ناحية الراسة السودا من اليمين لو عربية (جمر) حتغرق :)

ابوقير مهزلة حتى الطريق الوراني

سبورتنج عند سور النادي ترام البحيرة العظمى للغطس

غير كدة كل الشوارع الداخلية و حتى البحر

اهم حاجة في كل ده البلاعات الفخ مش قادر اوصفلك مش بيطلعوا ميه لا دول بيكسروا المساعدين و الجنوط و عايزن يعملوا بلالين عشان العربية تعوم :) حاجة تيت ! الواحد ماشي عايز دبابة برمائية :)

بالنسبة لبحيرة المعمورة ديه مستفزة بس عديت فيها و حسيت العربية بتطفوا :) و الشكمان اتكتم و بيتفتف :)

[abogogo]

‫ط؛ط±ظ‚ ط§ظ„ط§ط³ظƒظ†ط¯ط±ظٹط© 2011/11/14‬‎ - YouTube

ربنا معاكم

[Donzi]

يا خبر

الله يكون في عونكم يا جماعة

[تامر.محمد]

الله يكون في عونكم
عايزكم تدعو بضمير للي بنى البنية التحتية لمصر الله يجحمه مطرح ماهو قاعد :)

[ashouhdy]

المصريين المتفذلكين ردموا كل مصارف المياة اللى بناة الرومان واليونانيين فى البلد عشان يبنوا عليها

ودى النتيجة

[فتح الباب]

اين ذهب الصرف الصحى واين ذهب عادل لبيب وماذا كان يفعل عادل لبيب الحقيقه كان راجل شغال تمام

[osama.m]

دا كوبري المندرة عشان تعرفوا حالنا دلوقتي

[youtube]http://www.youtube.com/watch?v=TZWSnLAqAoQ&feature=share[/youtube]
بيتهيألي لو النوبيرا دخلت في المية دي احتمال تبوش
البلد كلها تعتبر واقفة كل الطرق الرئيسية بقت حمام سباحة و البلاعات بتزود المية مش بتصرفها

[ashouhdy]

حيعمل اية عادل لبيب ... بقولكم ردموا المصارف عشان يبنوا عليها و يزودا طول الخوازيق ... والكلام مؤكد

يعنى الخواجات كانوا عارفين بيعملوا اية واحنا كالعادة الطمع عامى العيون

[pro_samir]

ربنا يكون في عونكم

طلعو القوارب من البحر ركبولها عجل

[hobiko]

عادى يا جماعة احنا ممكن نحل المشكلة دى بطريقة مبتكرة

نسيب العربيات و نمشى بمراكب ...... و يبقى من انجازات الحكومة انها عملت اسكندرية زى فينسيا

و الله الموفق و المستعان :))))))))))))

[adel1414]

عمر الخوجات مايعملوا حاجة غلط يعنى اسكندرية زمان كنا بنستنى الشتا لانك فعلا تحس انك فى اوربا مصارف المطر اللى عملها الرومان واليونانيين كان مهما تشتى انت ولا همك دلوقتى شتا يومين تلاته ارفع العربية وانزل بالغواصة والله اللى كسر الشوارع وعمل كدة فى اسكندرية عادل لبييب اللى ربنا ياخده فى محافظة طالبت انه يبقى محافظها؟والسؤال فيها اييه لو طالبنا بالمحجوب تانى محافظا لاسكندرية؟

[Karim_Monir]

ويقال ان في عاصفة رعدية عنيفة يمكن تقلب بعاصفة ثلجية احتمال تهب منيوم الخميس بليل وحتى الجمعة
كنت قريت الكلام ده من كام يوم على اكيو ويزر