الحقوناااااا اسكندريا غرقت :)

[Deshahcoka]

ويقال ان في عاصفة رعدية عنيفة يمكن تقلب بعاصفة ثلجية احتمال تهب منيوم الخميس بليل وحتى الجمعة
كنت قريت الكلام ده من كام يوم على اكيو ويزر

حضرتك بتتكلم بجد ! ده ال 3 ايام الي فاتوا بهدلوا الدونيا و كان بينزل تلج فعلا و انا شفته و نزل عليا عند ستلالي !

كدة يبقى نجهز القوارب :)

[ashouhdy]

اديلوا ادى :)))

[icehearted girl]

بالنسبة لبحيرة المعمورة ديه مستفزة بس عديت فيها و حسيت العربية بتطفوا :) و الشكمان اتكتم و بيتفتف :)

والله حاجة مسخرة مش عارفة اضحك ولا اضايق..طب الناس بتنزل تمشي ازاي؟

[ashouhdy]

قواعد القيادة فى البحيرات

اول قاعدة خلى رجلك ع البنزين ع طول عشان المياة متدخلش ودفع العادم يطردها لبرة
وخلى عزم الموتور عالى متخلوش يريح
اقفل ازازك وطرطش ع اللى جمبك وشغل مسحاتك عشان اللى حيجرى فيك بعد الطرطشة :))

[amr mokhtar]

الظريف ان كل سنة بيتقال نفس الكلام
و الناس تقف تصور و ترفع على النت
و ندخل نقول الإسكندرية بتغرق زى اللى حصل السنة اللى فاتت
و برضه مفيش فايدة
مفيش اى حاجة بتتغير

[amr mokhtar]

بالنسبة لمحور التعمير (سابقآ)
كنت لسه على الطريق ده النهاردة
فيه أجزاء منه فى إتجاه البرج إلى الإسكندرية فاضلها شوية و مش هنلاقيها

[Deshahcoka]

قواعد القيادة فى البحيرات

اول قاعدة خلى رجلك ع البنزين ع طول عشان المياة متدخلش ودفع العادم يطردها لبرة
وخلى عزم الموتور عالى متخلوش يريح
اقفل ازازك وطرطش ع اللى جمبك وشغل مسحاتك عشان اللى حيجرى فيك بعد الطرطشة :))

باشا المشكلة انوا الاوتواماتك مش حتعرف تفضل تدوس بانزين و تعلي الاربي ام :) عشان العربية حتجري :) و لو مروت و زود كل شوية و نقلت العربية تنط و كدة دمار للفتيس :)

بالنسبة لقف الازاز انا مش بلاحظ انوا كله بيقفله الا قله :) و دول بيترطشوا على خلق الله طول السكة :) بس جامدين

[ashouhdy]

ما انت اكيد مش حتخش فى بحيرة مياة تطرطش وتقف ! ما كدة حيجيبوك ههههههههه الميزة على الكورنيش امبارح كنت مع واحد ب أوبترا تحس انة بيخطف منى برك المياة ويدخل فيها يغرق العربيات الكتيانة اللى ماشيين على الاول على الشمال ويجرى

هى بيبقى ليها متعة بس اوعى العربية تعووم وتعووم منك لأن ملف سيدى جابر كان فى اوكتافيا حتتقلب ... الملف كلة مياة بحيرة برضة على اليمين وهو داخل بسرعة فوجئ بالمياة كبس فرامل جوة البحيرة ورمى شمال واتفرج على احلى لعب :)))))))

[icehearted girl]

حصلتلي دي من سنة ونص... كان يوم مطرة معقول... بس تاني يوم الصبح كنت طالعة كوبري عباس من البحر الاعظم وشيفة ف طلعة الكوبري شوية مية افتكرتها حاجة بسيطة...ونا ماشية هلي 60 تقريبا فجأة اول مدخلت فلمية دي اتاريها بركة عميقة جداااااااااااااااا..لقيت العربية كأنها لبست ف حيط وبتجري بس يمين وشمال مش قدام ..ولقيت نافورة مية دخلت العربية من تحت

مش هنساه اليوم دا لأنه كان اول يوم ليا فلشغل ورحت والشوز والشراب مبلولين مية بطينة

[power]

علي راي الاغنيه الشهيره "فكل شارع في بلادي......الميه وصلت لفخادي".

[bmw323]

حصلتلي دي من سنة ونص... كان يوم مطرة معقول... بس تاني يوم الصبح كنت طالعة كوبري عباس من البحر الاعظم وشيفة ف طلعة الكوبري شوية مية افتكرتها حاجة بسيطة...ونا ماشية هلي 60 تقريبا فجأة اول مدخلت فلمية دي اتاريها بركة عميقة جداااااااااااااااا..لقيت العربية كأنها لبست ف حيط وبتجري بس يمين وشمال مش قدام ..ولقيت نافورة مية دخلت العربية من تحت

مش هنساه اليوم دا لأنه كان اول يوم ليا فلشغل ورحت والشوز والشراب مبلولين مية بطينة

والله فكرتيني لما بردو فى نفس الوقت تقريبا لما الشوارع عندنا غرق غرقان السنين وكنت نازل من كوبرى فيصل وفاكر أن فى نزلة الكوبرى مياة بسيطة ونازل هووووب أحساس أنى دخلت بالعربية فى موجة فى وسط البحر ههههههههههههههههههههههههههههه

حبيبنا فى أسكندرية كلوا يشد الحتة الرانجلر وينزل نعمل مقابلة الغرقانين واحنا مشغالين بين شطين وترعة

[abou_ruqi]

علي راي الاغنيه الشهيره "فكل شارع في بلادي......الميه وصلت لفخادي".

هاهاهاهاهاهاها
واخبار ام زغيو والعجمي وكرير ايه ؟
دول اساسا كانوا بيغرقوا من الندى بتاع لفجر !

[Karim_Monir]

هاهاهاهاهاهاها
واخبار ام زغيو والعجمي وكرير ايه ؟
دول اساسا كانوا بيغرقوا من الندى بتاع لفجر !

ماتفكرنيش بالعجمي عشان ذكرياتي معاها سيئة جدا من ايام الاكسيل والبيتلز :-(
وكمان بالكرولا السنة اللي فاتت في السيول العنيفة اللي هدت كازيونهات الكورنيش :-(

[abou_ruqi]

ماتفكرنيش بالعجمي عشان ذكرياتي معاها سيئة جدا من ايام الاكسيل والبيتلز :-(
وكمان بالكرولا السنة اللي فاتت في السيول العنيفة اللي هدت كازيونهات الكورنيش :-(

وانت ايه اللي يوديك العجمي في السيول وببيتل ؟ مالو جسر السويس مش فاهم انا ؟