...شوية كلام...

[khaled_bibo]

طب تعمل ايه بقى اما تحس انك شفاف و ان كل الناس عارفاك عشان العربيه و تبقى مصلحه بالنسبه لهم و مش بتقدر تتأخر على حد فيهم و لو انك متأكد 100% انك يوم اما هتعوزوا مش هتلاقيه و لا هيعبرك حتى هقولك على حاجة قالها خالي الله يرحمه (احلى حاجة في الدنيا دي الطناااش ) ديه احسن كلمه سمعتها

[A7MED_PHARMA]

القصص دي كوم
والعربية كوم تاني

.............
الصالون عندي أبيض في أبيض .. الكراسي والتابلوه وكله كله أبيض
والعربية متروقة .. وجنوط وحركات
مايعديش يوم من غير ماحد يجي يقولي" زفة أخويا " .."زفة إبني"
ودايما بييجوا يستهبلوا .. يقولولي يادكتور إحنا عازمينكم (مثلا)على فرح أخويا
أقول مبروك ألف مبروك . لو فضيت هاجي
يقولولي .. طيب هتيجي إمتى علشان نعمل حسابنا على ميعاد الكوافير ..أو أي حاجة بنفس معنى إن أنا إلي هزف
ساعتها بقول والله حسب ظروفي .. أصل رايح مع الحاج المنصورة .. وإحتمال نرجع متأخرين
حاجات زي كده
ناس أعرفها .. وناس معرفهاش
وكأن حسن التعامل مع الناس .. بيخليهم يطمعوا في توصيلة مجانية أو زفة فرح مجانااااااا
ماهو أنا فاضيلهم بقا ..ماواراييش شغل ولا أكل عيش

[minicooper20]

ياباشا في حد يقعد فى بلد فلاحين ما تشوف حتة نضيفة احسن دة الناس لما بتيجي تشتم بتقول يا فلاح

ملهم ياعنى الفلاحين
و ليه هما مش اعدين فى حته نضيفه
دنا بحسدهم على الروقان
انا بقا فلاحين

[SS]

اعتقد ان اللى تاعبك مش كلام الناس فى حد ذاته ... اللى تاعبك فكرة انك تتظلم بدون سبب

مش مهم الظلم ده شكله ايه او حجمه...لكن هو فى النهاية ظلم من ناس ما اذيتهاش فى حاجة ...ده اذا ماكنتش خدمتها

يعنى مش القضية انه شخص بيتكلم عليك ...و لا عملك حاجة فى عربيتك و لا خد دواء و مدفعش فلوسه

الفكرة فى النهاية انه شخص بيجور عليك حتى لو فى حاجة هايفة.....

و اللى بيتعبك اكتر انه انت ما بتقدرش تاخد حقك او ترد الاساءة....

مش علشان مش هاتقدر تعمل فيهم انيل من اللى بيعملوه.....

و لكن عشان مش ها تعرف تعيش بنفس المنهج اللى هما عايشين بيه

فانت ما بين نارين....لا قادر تتقبل الناس و بلاويها و عمايلها.....و لا قادر تتحول و تبقى زيهم

عايز اقولك بس بما انك قولت انك عارف اخرتها ايه و مهما عملت و و وصلت و...و....فانت هتسيب كله فى الاخر

قبل ما تعمل حاجة لحد اقف لحظة و اتأكد ان نيتك لربنا ...عشان لو طلع كويس و بيقدر خير و بركة

لو ما طلعش ...برده خير و بركة....لأنك عارف و متأكد انك ما عملتهاش هدر ..فاكيد مش هاتزعل

ده يمكن تلاقى شخص جايلك ...و عارف انه (....) و جاى لمصلحته..و ....و ....و ...و تبقى بينك و بين

بتضحك على لفه و دورانه فى طلب مصلحته....زى الاخ اللى بيعزمك ع الفرح كده

و تلاقى نفسك بتعمله اللى هو عايزه....و انت قصدك بيها ربنا..ع الرغم ان الشخص نفسه مايلزمكش بتلاتة تعريفة

بس طبعاً ده مش معناه انها تبقى تكية لكل من هب و دب

بس يمكن لو اكدت ع نفسك فى موضوع النية ...... يمكن يخفف عنك شوية

لكن فى رأيى " لو انا كنت فهمتك صح" مش هتسريتح تماماً ...طول ما انت عايش فى السيرك

لا عارف تسلم من الى فيه و لا عارف تبقى زيهم و تتعايش...و لا عارف تتقبل الوضع كما هو عليه

اتمنى تكون فهمت الهذى اللى انا بقوله .....عشان انا نفسى مش فاهمه!!

و أسف ع الاطالة يا دوك .....

الاقيش عندك حاجة للمغص ينوبك فيه ثواب؟؟!

[nonia]

أنا كل مرة .. بقول فعلا مش هعمل خير تاني
ووالله الذي لاإله إلا هو .. بعمل الخير تاني ومش بقدر أمنع نفسي
مش هقول علشان أنا راجل بحب أخدم وبحب (أتصيط) إني راجل خدوم
والله أبدا
أنا ببساطة مش بقدر أحوش خدمة عن حد لو أقدر أعملها .. حتى لو أحيانا على حساب مصلحتي

بس ساعات الموضوع بيبقا زيادة عن اللزوم

يعني إلي قالي "" أما إنك راجل ملكش لازمة صحيح "
وإلي يقول إني كنت رايح لبنته أعلق لها محلول .. علشان أعاكسها

وإلي يقول إني بتاع حشيش ونسواااااااااان

حسبي الله ونعم الوكيل ع العقول

ده انا على كده حالة اسوأ تقريبا متنومة مغناطيسي بارجع اعمل
من غير ما اخد بالي وبعد كده اقول انا قولت مش هاعمل كده غلط
وبعدين اقول هو انا هالوم نفسي على خير عملته لا طبعا ويجي في بالي بقى
كل القيم اللي اختفت من حياتنا اننا المفروض نحب للناس الخير زي مانحبه لنفسنا
و..........و..............و............و.......... .
وهكذا يرجع الفيلم يتعاد من الاول
لا الناس اللي زي الراجل ده كتييييييير بيقولوا كلام فاضي
هما اصلا تقريبا مش فاهمين معناه وكلمة راجل الناس اصلا
من كتر ما اخترعوا معاني ليها نسيوا معناها الحقيقي
بمعني ان هو لو راجل مكانش قال كده
لكن التصرفات اللي الناس بتفهمها حاجة تانية خاااااااالص ديه
بلاش اتفتح فيها عشان شايلة منها كتييييييييييييييييير

[A7MED_PHARMA]

اعتقد ان اللى تاعبك مش كلام الناس فى حد ذاته ... اللى تاعبك فكرة انك تتظلم بدون سبب

مش مهم الظلم ده شكله ايه او حجمه...لكن هو فى النهاية ظلم من ناس ما اذيتهاش فى حاجة ...ده اذا ماكنتش خدمتها

يعنى مش القضية انه شخص بيتكلم عليك ...و لا عملك حاجة فى عربيتك و لا خد دواء و مدفعش فلوسه

الفكرة فى النهاية انه شخص بيجور عليك حتى لو فى حاجة هايفة.....

و اللى بيتعبك اكتر انه انت ما بتقدرش تاخد حقك او ترد الاساءة....

مش علشان مش هاتقدر تعمل فيهم انيل من اللى بيعملوه.....

و لكن عشان مش ها تعرف تعيش بنفس المنهج اللى هما عايشين بيه

فانت ما بين نارين....لا قادر تتقبل الناس و بلاويها و عمايلها.....و لا قادر تتحول و تبقى زيهم

عايز اقولك بس بما انك قولت انك عارف اخرتها ايه و مهما عملت و و وصلت و...و....فانت هتسيب كله فى الاخر

قبل ما تعمل حاجة لحد اقف لحظة و اتأكد ان نيتك لربنا ...عشان لو طلع كويس و بيقدر خير و بركة

لو ما طلعش ...برده خير و بركة....لأنك عارف و متأكد انك ما عملتهاش هدر ..فاكيد مش هاتزعل

ده يمكن تلاقى شخص جايلك ...و عارف انه (....) و جاى لمصلحته..و ....و ....و ...و تبقى بينك و بين

بتضحك على لفه و دورانه فى طلب مصلحته....زى الاخ اللى بيعزمك ع الفرح كده

و تلاقى نفسك بتعمله اللى هو عايزه....و انت قصدك بيها ربنا..ع الرغم ان الشخص نفسه مايلزمكش بتلاتة تعريفة

بس طبعاً ده مش معناه انها تبقى تكية لكل من هب و دب

بس يمكن لو اكدت ع نفسك فى موضوع النية ...... يمكن يخفف عنك شوية

لكن فى رأيى " لو انا كنت فهمتك صح" مش هتسريتح تماماً ...طول ما انت عايش فى السيرك

لا عارف تسلم من الى فيه و لا عارف تبقى زيهم و تتعايش...و لا عارف تتقبل الوضع كما هو عليه

اتمنى تكون فهمت الهذى اللى انا بقوله .....عشان انا نفسى مش فاهمه!!

و أسف ع الاطالة يا دوك .....

الاقيش عندك حاجة للمغص ينوبك فيه ثواب؟؟!

إنت فاهمني تمام تمــــــــام
بص
أنا عمري ماعملت حاجة علشان الناس تقول إني عملت
يعني لما واحد ماعرفوش أوصله في سكتي بالليل مثلا...ده هيفدني بإيه ؟؟
مش هيفدني بحاجة .. لربنا ولأخرتنا .. ومن غير تعب ولامجهود إضافي
لما واحد ماعرفوش .. وأنا عارف إنه زبالة ومعفن وبينا مشاكل قبل كده وأنه عمري ماهيقول في حقي كلمة حلوة , لما تجيلي علشان أركب محلول لوالدتها بالليل (أنا حكيت القصة دي قبل كده) , ولما ركبت المحلول , قالتلي إتفضل من غير مطرود
يعني روحت له البيت وإحنا متخانقين قبل كده بسبب الشكك
روحت لربنا .. ولحياة إنسان ممكن ربنا يجعلني سبب في إنقاذه
وفي الأخر إنطردت من البيت


تخيل شعورك إيه؟؟؟؟؟

[shaddadfalcon1]

ده طبع الفلاحين وطول مانت عايش في ارياف هتفضل كده طول عمرك
انا كنت زيك بالظبط بس انا كنت بضطر احرم نفسي من كل حاجه حلوه عشان محدش ينق
كنت لما اروح انا ومراتي لاهلها نسهر عندهم الاقي الناس عماله تقولي خير رايح فين وتاني يوم لامي يسالوها برده ولو شاري حاجه يفضلو يبحلقو فيها ويقولوك اتفضل باللي معاك
ولو زهقت واتمشيت شويه في الارض يقولك ده فاكر نفسه ماشي علي الكورنيش
ولو اتكملت بنضافه شويه مش بالطريقه الحلوفه اياها يقولك ده بيستعر من اهله

كل ده انتهي بقرار حازم اني اسيب البلد للأبد وبروح يوم الجمعه اشم هواء نضيف واشوف اهلي وشكرا

انت بقي عايش لوحدك وفي الأرياف يبقي انت اللي جايبه لنفسك يادوك

[Donzi]

لاحظ يا احمد ان انت في مكان ريفي و هي دي طبيعة الناس في الارياف بيبصوا لاي حاجة و لاي حد و بيحبوا الكلام بالعاطل و الباطل

يعني المشكلة مش فيك و لكن دي طبيعة المجتمع اللي انت متواجد فيه

[Ghamrawy]

لاحظ يا احمد ان انت في مكان ريفي و هي دي طبيعة الناس في الارياف بيبصوا لاي حاجة و لاي حد و بيحبوا الكلام بالعاطل و الباطل

يعني المشكلة مش فيك و لكن دي طبيعة المجتمع اللي انت متواجد فيه

علشان كده البلد دى عمرها ما حاتطلع لقدام ابدا

[A7MED_PHARMA]

القصة بإختصار
والدي من الشرقية .. إتجوز وأخد مراته وإشتغل في كفرالشيخ
أنا طلعت للدنيا هناك
كفرالشيخ للي مايعرفهاش .. من أجمل بلاد مصر بدون مبالغة
بينك وبين مصيف بلطيم ساعة بالعربية .. مصيف خرافي
بينك وبين الطريق الدولي ساعة .. ومنها تطلع إسكندرية , أو العريش أو أي مكان براحتك في أقل وقت
المحافظة كلها مساحات خضراااا مع الإحتفاظ بطابع المدن أكتر من طابع الريف
أنا كنت عايش في ميدنة سكنية تابعة لشركة الدلتا للسكر ...أكبر شركة مصنعة لسكر البنجر في الشرق الأوسط
تخيلوا

عمارات أقفية (يعني الشقق مش فوق بعضها ..الشقق جمب بعضها)
حمامات سباحة+صالات جيم+ملاعب خماسية وطايرة +قاعتين إسكواش+ملاعب كرة قدم بالحجم الطبيعي
باصات
رحلات للعاملين بالشركة
غاز طبيعي لحد البيت
جراج تحت كل عمارة بمساحة العمارة نفسها
جدار عالي بيعزل المدينة دي عما حولها .. طانت وسط المساحات الخضرا
أفراد أمن مسلحين وغير مسلحين
ماحصلش فيها حادثة سرقة واحدة طول الــ 24 سنة إلي عشتهم فيها
تسيب عربيتك مفتوحة(بدون مبالغة) وتطلع تنام وإنت مطمن
مساحات خضرااااا وجناين بين العمارات .. ناس راقية .. الكل ماديا مرتاح وصعب تلاقي حد ماكنش راكب عربية
أقل واحد في التجمع السكني ده التابع للعاملين بالشركة كان معاه تويوتا 94 ..أقل واحد
باصات مجانية للمدن المحيطة , كل نص ساعة رايح جاي
رحلات لبورسعيد والمصايف وأليكس .. وكلها بأجر رمزي جنيه لكل فرد
العيش كان بييجي لحد البيت بإشتراك رمزي كل شهر .... جنيه واحد
حفلات ترفيهية في المناسبات والأعياد وأول كل شهر
قاعة سينما .. وقاعة أفراااااااااح مهولة
مهما أوصف مش هتتخيلوا
والأهم
الناس كانت في حالها كده ... أصحاب وحبايب بدون حقد ولا غل

أنا كنت عايش في جنة
العربية كانت بتتغسل كل شهر مرة .. وعمري ماغسلت الصالون بتاعها وهي هناك وأحلف على كده
هنا بقا
كان لازم نرجع للجذور .. لما الحج قرب يطلع معاش
طلبت منه نعيش في أي مدينة .. ولو في الشرقية ,يبقا في الزقازيق المدينة ع الأقل
لا
بنى البيت وكلفه مايقارب الــ 400 الف
ودفسنا فيه
هو من حقه يعيش حياته مكان مايحب
لكن أنا ماقدرش


العربية بتتغسل في الاسبوع مرتين..والصالون بغسله يوم ويوم
الناس وحشة جدااااا
وكل إلي إنتوا عارفينه
تخيلوا

يعني كنت عايش في أرقى مكان حد ممكن يعيش فيه .. وفجأة ألاقي نفسي في بيئة غريبة عليا ومطلوب مني التأقلم
يعني
كأنك جبت صقر , وغرقته في البحر وطلبت منه يعيش زي السمك
مستحيل

ودي مشكلتي
التأقلم معاهم صعب ... ولو حصل التأقلم ده فعلا .. هتبقا مصيبة
أنا ماعرفش أعيش بالطباع دي ... ماقدرش

وإلي قال (من عاشر القوم أربعين يوم ... صار منهم ) راجل كداب وشششششششش

[SS]

إنت فاهمني تمام تمــــــــام
بص
أنا عمري ماعملت حاجة علشان الناس تقول إني عملت
يعني لما واحد ماعرفوش أوصله في سكتي بالليل مثلا...ده هيفدني بإيه ؟؟
مش هيفدني بحاجة .. لربنا ولأخرتنا .. ومن غير تعب ولامجهود إضافي
لما واحد ماعرفوش .. وأنا عارف إنه زبالة ومعفن وبينا مشاكل قبل كده وأنه عمري ماهيقول في حقي كلمة حلوة , لما تجيلي علشان أركب محلول لوالدتها بالليل (أنا حكيت القصة دي قبل كده) , ولما ركبت المحلول , قالتلي إتفضل من غير مطرود
يعني روحت له البيت وإحنا متخانقين قبل كده بسبب الشكك
روحت لربنا .. ولحياة إنسان ممكن ربنا يجعلني سبب في إنقاذه
وفي الأخر إنطردت من البيت


تخيل شعورك إيه؟؟؟؟؟

شعورى ايه ؟؟....ماله شعورى ...فلة...هو انا مش طالع عشان ربنا و بنية انقاذ شخص

و الحمد لله المصلحة قضيت ....و اللى كنت عايزه من ورا مرواحى ليهم هاخده باذن الله

ولو حتى ماتت و لا حصلهم اى مصيبة و مرواحى زى قلته...فبرده اللى انا روحت عشانه هيجازينى كده كده و لو على نيتى حتى

لأ و ايه ده ممكن اخد زيادة لو هم ردوا عليا بإساءة ....طيب قولى انت ازاى اتضايق؟؟

عارف تبقى مضايق و محروق دمك امتى؟؟.....لو هى ضحكت عليك و اشتغلتك عشان تاخد مصلحتها

و انت الموضوع عدى عليك .....و عملت اللى هما عاوزينه ع اساس انهم يستاهلوا....اقولك ليك حق تزعل

لو انت كان ليك غرض او مصلحة سواء كانت كبيرة و لا صغيرة من مرواحك لوالدتها ....و بعد ما قضوا مصلحتهم قلبوك

اقولك ولع فى نفسك

لو انت روحت لهم و مستنى معاملة كويسة حتى ....و هما ردوا بوقاحة ...يبقى تزعل !!!

لكن انت رايح و انت مش طايقهم و عارف انهم سو...و بتوع مصلحتهم و انك مش هتاخد من وراهم حاجة

بالعكس بتضيع وقت و مجهود معاهم و فلوس يمكن كانت تيجى و الصيدلية مقفولة

انت رايح لمكسب تانى و ان شاء الله تاخده و مضاعف كمان....يبقى هاتزعل ليه؟؟

و ممكن تكون روحت بدافع الانسانية و الفطرة السليمة اللى مفروض نكون كلنا عليها

فبالتأكيد مش هتزعل عشان انت لسه انسان و ما قلبتش!!!

عشان كده كنت بقولك حاول تستحضر النية ...مش علشان لا قدر الله نيتك مش لربنا...لأ عشان تبقى فاكر بس انك بتعمل لربنا و ان اللى عنده مش بيروح

و عشان لو عامل حاجة ....بدافع الانسانية حتى لو هايفة ...من الحاجات اللى بتعملها اتوماتيك ...يبقى تكسب برده ثواب انها تكون لربنا

انا عارف ان كلامى قد يبدو انه انشاء او انى عامل ملاك ...يا اما ما عنديش دم و ما بحسش ( ما هو مش معقولة حد يستندل معاك و انت تبقى مبسوط)

بس صدقنى بنسبة كبيرة اللى باقوله لك ده بيحصل....و ممكن احكيلك مواقف كتير

بس مكانها مش هنا .....و بتحصل كمان من ناس قريبين يا ريتهم غرب ...

مش عايز اطول اكتر من كده ...لو لينا نصيب نتقابل ان شاء الله ابقى احكي لك لايف ...

و بالمرة اخد منك دواء المغص...اللى طنشته!!....يااااه عليك يا دوك ..ما تعملش حاجة لربنا كده ابداً

الاقيش عندك اى فيتامينات الله يبارك لك؟؟

[SS]

يعني كنت عايش في أرقى مكان حد ممكن يعيش فيه .. وفجأة ألاقي نفسي في بيئة غريبة عليا ومطلوب مني التأقلم
يعني
كأنك جبت صقر , وغرقته في البحر وطلبت منه يعيش زي السمك
مستحيل

ودي مشكلتي
التأقلم معاهم صعب ... ولو حصل التأقلم ده فعلا .. هتبقا مصيبة
أنا ماعرفش أعيش بالطباع دي ... ماقدرش

لأ سعادتك كده فاهم الموضوع غلط...انت كده ما كنتش فى كفر الشيخ ...انت كده كنت فى يوتبيا بس مش واخد بالك

ضيف عليها بقى لو كنت لسه ما بتشتغلش و مش مضطر تدخل فى دوامة الشغل و الصراعات اللى جواها

و بتتضطر تقبل حاجات مش متفقة مع مبادئك....يا تغير مبادئك نفسها و تخلص

كده ع وصفك تبقى كنت فى الجنة.....و ع فكرة حتى لو عشت فى المدينة ما اعتقدش الحياة هتبقى بالمثالية ديه

[A7MED_PHARMA]

مش يوتوبيا يا إس
كان فيها بعض العيوب .. عيوبها أقل مايكون
الشركة دي شركة مساهمة..العاملين فيها لهم أسهم كبيرة
يعني بيتحكموا في مصاريف الشركة .. وكانوا مدلعين نفسهم خدمات
دي حاجة


أنا مش بتكلم دلوقتي ع موضوع الشغل..بالعكس
أنا بحب شغلي جداااااااااااا
واحد داخل ياخد علبة دوا بـــ جنيه ...أديهال ويديني الجنيه .. السلام عليكم وعليكم السلام
كل إلي مدايقني
المكان
والناس

هنا في الأرياف .. الكهرباء بتقطع لمدة 6 ساعات ...عاااااااااااااااادي جداااااااااااااااااااااا
التليفونات مقطوعة وأنا دلوقتي داخل من فلاشة إتصالات ..مقطوعة من شهر أبريل إلي فات .. يعني من 8 شهور .... وعاااااااااااااااااااااااااااااااااادي جداااااااااااااااااااااا

هنا الناس بتشكك من الصيدليات ..وعااااااااااااااااااااااااااااااااادي
هنا الناس تخش تاخد منك قرص أسبيرين فرط بشلن .. وعااااااااااااااااااااااااادي
هنا الناس ممكن تخش تطلب منك عدد واحد لبوسة , وشكك ...عاااااااااااااااااااااااااااادي
هنا الناس بيدوا نفسهم الحق وفاضيين إنهم يقيموك ويحكموا عليك .. وعاااااااااااااااااااااادي من حقهم
هنا البناس تشوفك راكب عربية ورايح جاي بيها .. يقولوا عليك صايع وفاااااااااااضي وهايف عاااااااااااااااااااااااادي من حقم
هناك
هناك محدش فاضي لحد
هناك محدش بيحكم على حد .. كل واحد حر طالما إنه ماعداش حدود الأخرين
هناك مكان راقي .. وشوارع نظيفة
هناك خدمات
هناك مفيش حاجة إسمها الكهرباء تقطع أكتر من 5 دقايق
هناك مفيش حاجة هناك أساسا إسمها النت تقطع أو الخطوط تتسرق
هناك الصيدليات بتبيع الدوا بالعلبة أو بالشريط بالكتير (هنا بنبيع بالحباية ...وباللبوسة فررررررط)
هناك تحس إنك مش شاذ عن الي حواليك .. ناس زيك وإنت زيهم


هنا تحس إنك مختلف ....مش بالضرورة مختلف أحسن أو أسوأ
لكن هنا في الأرياف ..أي واحد مختلف يبقا وششش راجل تيتتتتتتتتتتتتتت

جرب يا ss إنك تعيش في مكان زي كفرالشيخ ..وتحديدا في المجتمع الي أنا كنت عايش فيه
وجرب تيجي تعيش في الفلاحين



مش هتحس بكلامي غير لو جربت تعيش في الأرياف شهر على بعضه..تعيش فيها بطباع إين المدينة
أنا لما كنت بنزل اجازة زمااان البلد , أنا طبيعي بصحى الساعة 8 الصبح لو ورايا حاجة
طيب لما أكون نازل إسبوع أجازة في الصيف في بيت عمي في البلد .. ييجي يصحيني مع أولاده إلي بيسرحوا الغيط الساعة 4 الفجر ليه ؟؟؟
ولو ماصحيتش معاهم .. يبصولي على إني (دلوعة وفرفور وفافي وتويتي ونايتي وبسكوتة ودونزي)
بالنسبالهم الدكتور
يعني واحد بكرش ونظارة .. ولابش قميص مكوي وبنطلون إسود كاروهات ..وبيكلمهم من أرنبة مناخيره
لكن دكتور لابش جينز , ولابس تي شيرت .. وراكب عربية سبويلر وجنوط ولونين
يبقا بالنسبة ليهم دكتور (لامؤخذة) تيتتتتتتتتتتتتت وفافي وفرفور ونايتي وبسكوتة وتويتي..يعني م الأخر دكتور ماينفعش

فهمتني يازميلي

[bmya]

كل ده جواك يا احمد وساكت :)
ربنا يعينك ياعم انا هنقل الزقازيق ان شاء الله تيجي معايا :))

[azmeralda]

طب ايه رأيك تنسى الحاجات دى شوية وركز معايا
فى مسابقة فى قصر الثقافة بما انك شاعر واديب وكده
مجموعة قصص قصيرة او شعر والجايزة الأولى 3000 ج وهينشروا لك الحاجات مش حاجة لطيفة بدل ما تكتب وخلاص والعتة تاكلهم بعد كده فكر فى الموضوع