...شوية كلام...

[zago]

إلي بيضايقني بجد
ناس ممكن ماتعرفنيش .. ويتكلموا عليا
لكن ناس عارفني كويس جداااااا
وعارفين طبيعتي
وتلاقيهم بيقولوا نفس الكلام ويرددوه زي البغبغانات
وإلي يدايق أكتر
واحد تكون خادمة أكتر من مرة ... وتلاقي بيردد نفس الكلام

مش عاوز أقول إن ده حقد وحسد ... بس ساعات بحس إنها كده فعلا(أحيانا)
يعني أنا بإختصار .. صيدلي شاب .. على قدر من الوسامة .. عندي عربية وصيدلية
ده ممكن يكون مثار حقد وحسد من ناس كتير
ودي بحسها لما أكون راكب العربية .. ومعدي على مجموعة شباب واقفين .. بلاقي في عنيهم بصة ربنا مايحكم عليكم تشوفوها


بس إيه رأيكم في القصة

القصه بايخه
وانصحك تبيع العربيه وتشتري بتمنها دماغك
:)

[zago]

أنا كل مرة .. بقول فعلا مش هعمل خير تاني
ووالله الذي لاإله إلا هو .. بعمل الخير تاني ومش بقدر أمنع نفسي
مش هقول علشان أنا راجل بحب أخدم وبحب (أتصيط) إني راجل خدوم
والله أبدا
أنا ببساطة مش بقدر أحوش خدمة عن حد لو أقدر أعملها .. حتى لو أحيانا على حساب مصلحتي

بس ساعات الموضوع بيبقا زيادة عن اللزوم

يعني إلي قالي "" أما إنك راجل ملكش لازمة صحيح "
وإلي يقول إني كنت رايح لبنته أعلق لها محلول .. علشان أعاكسها

وإلي يقول إني بتاع حشيش ونسواااااااااان

حسبي الله ونعم الوكيل ع العقول

لما حد يقولك ملكش لازمه قوله انت الكل في الكل البركه فيك روح انت علقلها المحلول

وعاكس البنت يا عم مادام كده كده حيتحسب عليك انك عاكستها

وبالنسبه للحشيش اعمل حسابي المره الجايه :)


ولما انت شكلك بتاع حشيش ونسوان امال الاشكال الضاله اللي في الشارع دي تبقى ايه ؟



ملحوظه للأخوه الاعضاء اللي مشافوش فارما على الحقيقه ...
فارمه شاب شكله بسم الله ماشاء الله ابن ناس زياده عن اللزوم
لدرجه انك تحس الادب بيدلدء منه
:)

[zago]

القصص دي كوم
والعربية كوم تاني

.............
الصالون عندي أبيض في أبيض .. الكراسي والتابلوه وكله كله أبيض
والعربية متروقة .. وجنوط وحركات
مايعديش يوم من غير ماحد يجي يقولي" زفة أخويا " .."زفة إبني"
ودايما بييجوا يستهبلوا .. يقولولي يادكتور إحنا عازمينكم (مثلا)على فرح أخويا
أقول مبروك ألف مبروك . لو فضيت هاجي
يقولولي .. طيب هتيجي إمتى علشان نعمل حسابنا على ميعاد الكوافير ..أو أي حاجة بنفس معنى إن أنا إلي هزف
ساعتها بقول والله حسب ظروفي .. أصل رايح مع الحاج المنصورة .. وإحتمال نرجع متأخرين
حاجات زي كده
ناس أعرفها .. وناس معرفهاش
وكأن حسن التعامل مع الناس .. بيخليهم يطمعوا في توصيلة مجانية أو زفة فرح مجانااااااا
ماهو أنا فاضيلهم بقا ..ماواراييش شغل ولا أكل عيش

مصلحه يا دوك
ايجار العربيه بالسواق شامل البنزين وكل حاجه ب 150 جنيه في الساعه
ومتوافر طول اليوم
من اول ما الديك يقول كوكوكوووولا
لحد صلاه الفجر ان شاء الله بتاعه تاني يوم :)
حليتهالك اهو
وفيه تامين 1500 جنيه لو حد دلق حاجه على كرسي العربيه او شرب سيجاره كليوباترا جوه العربيه