ولي العهد عايز يستحمى

[أحمد الجندى]

اي حاجه كبيره وحطه فيها في اوضة النوم وشكرا
مراتي كان عندها باستله كبيره او حاجه بلاستيك شبه الكروانه كانت بتدفي فيها المياه وتجيبها جنب السرير وتنقعه فيها لحد ماينضف وبعدين ترميه علي السرير

ولما الدنيا تبقي ساقعه قوي كانت بتجيب مناديل مبلله من ام جنيه ونص وتمسح بيها جسمه من عير مياه خالص عشان مياخدش برد

في الصيف بقي هتلاقيه فاكر نفسه قرصان البحار

المدام عندى بتعمل كده بالظبط

[م.احمد زكريا]

مابلاش تحمية واستنى لما الصيف يجي

وتبقى حماية ولا حماية العيد

ربنا يجيبهولك بالسلامة

بس أم حاجة مايكونش في تيار هواء ودرجة الحارة تكون في حدود 20 - 21 كله هايبقى تمام

[Gelgel2004]

[QUOTE=zago;3873950365]البانيو البلاستيك ده بيتباع في كارفور المعادي
ب 170 جنيه تقريبا
بس اييييييه مقولكش
حاجه كده اخر الاجه :)
وفيه سداده زي بلاعه البانيو العادي
ومكان تحط فيه الصابونه
والارضيه بتاعته مبتزحلقش
حاجه فعلا تليق بمقام امين لجنه سياسات :9[/QUOTE
الاخ العزيز zago
ماله بانيو الهلال و النجمه الذهبيه
35 جندى و زى الفل
بحمي فيه ملك - اميره مصر الجديده و الشروق و ضواحيها - و بتتطلع زى الفل من غير مجفف - اصلى بوفر الكهربا.

[ghareeb]

أولا كل الى قال إن البيبى يستحمى فى غرفة النوم هو ده الكلام الصحيح و من غير دفاية و لاحاجة المهم المية تكون دافية كويس
الأهم إزاى تحمى طفل لسة مولود لأن ده صعب جدا فى الأول
خد الموقع ده فية شرح بالصور
*طريقة استحمام الأطفال حديثي الولادة بالخطوات المصورة*

تانى حاجة و أهم حاجة حاول تتعامل عادى مع طفلك فى الشتا يعنى بلاش تهتم قوى بموضوع الدفاية و اللبس التقيل قوى لأ إتعامل بدون خوف و هو هايبقى أسد إن شاء الله لكن الإهتمام الزيادة ممكن يقلب بالعكس

ربنا يبارك لك فية

أه نسيت حاول تستعين بوالدتك أو حماتك فى أول مرة تحمية فيها عشان هتلاقيهم عندهم خبرة إزاى يمسكوا الطفل كويس

[tifa55555]

يشرف بالسلامه ان شاء الله
حضرتك بس شغل الميه السخنه شويه فى الحمام وهو يدفى
والشقه كلها تكون متقفله كويس
ولفه لفه كويسه قبل ما يخرج من الحمام
ونعيما مقدما

[نور القمر]

في حاجة زي الشبكة بتتفتح وتتقفل زي ترابيزة المكوة بينم عليها البيبي في البانيو العادي بتاع البيبهات او طبق الغسيل وده هيريح اوي مع حديثي الولادة

[Karim_Monir]

بانيو بلاستيك في اوضه النوم يا دكترة حمام ايه الله يكرمك ده حتة لحمة حمراء
عبد الرحمن مواليد 13 يناير وشفت معاه نفس الكلام
وكنزي 13 يونيو
ربنا رزقني بالحر والبرد عشان مازعلش :-)

[abogogo]

في حاجة زي الشبكة بتتفتح وتتقفل زي ترابيزة المكوة بينم عليها البيبي في البانيو العادي بتاع البيبهات او طبق الغسيل وده هيريح اوي مع حديثي الولادة

[zago]

انا بقترح توديه اي مغسله
يستحمى دراي كلين
:)

[chicobon]

شغل المكيف علي السخن في حجرة النوم و يستحمي هناك

[khaled_yassin]

قبل ما يشرف وعامل فيك كدة
امال بقى لما ينور الدنيا هيعمل فيك ايه
ربنا يخليهولك ويكلامك بيه يا رب

[Ahmed A Rahman]

لفة ببطانية متخفش قوى كدة دول عفاريييييييت .....الف مبروك وربنا يباركلك فية

الله يبارك فيك يا دكتور, ملاقيش عندك بطانية زيادة

الف مبروك
اخترناه وبايعناه :)

حضرتك كده جربت كل حاجه مش باقي غير انك تولع حطب في الحمام
:)

تصدق مفكرتش فيها
وبعدين بعد ما يستحمى الفه في حزام ريش واقعد الف بيه حوالين النار
حد يعرف ازاي بيولعوا في الحطب ؟؟؟

اولا مبروك، بص انت تشغل المياه السخنة على الفاضى تعمل شوية بخار و تدفى الحمام قبل ما الباشا يدخل بربع ساعة، ونصيحة حاول ما تبالغش فى تدفئته عموما علشان ما يتعبش و مناعته تضعف.

الله يبارك فيك ياباشا
حجربها واقولك

[Ahmed A Rahman]

معلش هو الطفل المولود حديثا بيستحمى في الحمام يادكتور ..!!! من واقع الخبرة السابقة في عروستين عندي اولا الطفل لما تحميه خصوصا حديث الولادة بتشتري بانيو بيبي بيكون بلاستيك وعلى مقاس الطفل وفي حجرة النوم وبشوية مياه دافئه وشامبو اطفال وقطعة إسفينج ويستحمى في حجرة النوم بعد غلق جميع اماكن تيارات الهواء شباك او باب وياريت تدفي الحجرة بدفاية وتحط حاجه تحت عقب الباب وبعد ماتحمي البيبي مايخرجش من الاوضة يرضع وينام على طول .... لأنك لو حميته في الحمام هتخرج به على جو الشقة ممكن لا قدر الله ياخد برد .... وربنا يكرمك ويبارك لك فيه ويكون صالح بأذن الله
صور البانيو

كنت داخل اقول نفس الكلام بس حضرتك سبقتى
اوعى يا دكتور تحمية برة غرفة النوم مش هيستحمل
ربنا يبارك فية ويجيلك على خير ان شاء الله

بلاش فكرة تدفيله الحمام ي خالص لان الجو بيكون سخن يطلع برة فلهوا ياخد برد بردوا مش حل

بص

حضرتك اولا متحميهوش فلحمام..والله بتكلم جد.. ف اوضة النوم تقفل الباب وتجيب بانيو بلاستك صغنتوت كدا....ومية دافية وتحميه ف خلال 5 دقايق بلكتير..والموضوع دا مش كتير..يعني مرة كل اسبوعين تلاتة مثلا..غير كدا الحموم يكون علناشف..قطن مبلول بمية دافية ولوسيون..وتعري جزء جزء من جسمه وتمسحهوله..بس هو يشرف بالسلامة بس

البانيو البلاستيك ده بيتباع في كارفور المعادي
ب 170 جنيه تقريبا
بس اييييييه مقولكش
حاجه كده اخر الاجه :)
وفيه سداده زي بلاعه البانيو العادي
ومكان تحط فيه الصابونه
والارضيه بتاعته مبتزحلقش
حاجه فعلا تليق بمقام امين لجنه سياسات :9

الله يرحمك يا أمي ... على ايامي ... وانا مولود في اوائل السبعينيات ماكنش في بانيو بلاستيك والرافاهيه الموجوده حاليا البلد كانت خارجه من حرب .... كانت بتحميني في طبق الغسيل البلاستيك كان طفره ساعتها :030104_emm7_prv: بعد الطشت الالومنيوم والطشت النحاس ... انا موعاش هما اللى بيحكولي وكانوا بيدفوا الاوضة بالباجور النحاس ابو كباس ماكنش فيه دفايات :copy of m-s5:

احبائي الحلوين

كل ده قررنا انا ومراتي منعملوش
عشان (الزروطة) اللي شفناها مع الآنسة جنا

اولا اوضة النوم ضيقة ومفيهاش حتة نحط فيها البانيو الخزعبلي
ثانيا جربنا قبل كده واتقلبت اوضة النوم لساحة غسيل عربيات وكل حاجه بقت مبلولة والمرتبة شربت ميا وخرجنا نمنا بره

وبالتالي قرار سيادي جمهوري
ولي العهد حيستحمى في الحمام يعني حيستحمى في الحمام وهو على بعد خطوة واحدة من اوضة النوم

هااااااااااه ادوني ارائكم عشان شكلكم خبره

[Egyzizo]

أفضل طريقة لتدفئة الحمام وباعملها لنفسى لما باضطر استحمى فى الشتا :) ، انك تقفل الحمام كويس وتشغل الدش الساخن شوية قبل ما تخش الحمام بربع ساعة واللا حاجة ، هتخش تلاقى الحمام دافى جداً .. جربها بترمومتر جوى هتلاقى الحرارة فى الحمام أعلى من بره بـ 3 درجات على الأقل.

[Ahmed A Rahman]

ده انا كنت حكتبله يجيب غساله فول اوتوماتيك بالمجفف
وكده يتغسل وينشف على طول
بس خفت الناس تفكرني بهرج
:)

لا احنا نأجر كابينة فرن من اللي بيرشوا فيها العربيات

نرشه بسرعة بالكومبريسور, وبعدين نحمي الحرارة

وحيطلع فابريقة كمان