إعـــــــلان

Collapse

.

,
See more
See less

للمتفائلين فقط : عن السعادة الزوجية ما بعد الزواج

Collapse
X
 
  • Filter
  • الوقت
  • Show
Clear All
new posts

  • #31
    شوف يامعلم
    اولا الجواز ده نصيب ورزق يعني ممكن يبقي رزق كويس وممكن غير كده وفي الأخر كل شيء من ربنا كويس
    ومش شرط ان عشان انت راجل طيب وابن حلال ومتدين وتتاقل بالدهب انك تتجوز واحده بنت حلال وتشيلك من علي الأرض شيل والا مكنش حصل ان سيدنا نوح تبقي مراته في النار
    في ناس كتيير عايزين ضرب الجزم ومتجوزين بنات تتاقل بالدهب وبيهينوهم ويضربوهم والزوجه بتبقي صابره
    وفي رجاله تتاقل بالدهب وشايلين مراتتهم من علي الأرض شيل وهما اصلا يستاهلو الضرب بالبلغه

    بافتراض ان ربنا راضي عنك وعن زوجتك وانتو الاتنين بتتقو الله في معاملاتكم مع بعض ومع الناس يبقي في الحاله دي القرار بايدك تقدر تعيش سعيد وتقدر تعيش تعيس
    يعني هتاخد علي قد ماتدي
    متتوقعش انك متقولش كلمه حلوه لمراتك وهي تفضل كل شويه تقول كلام معسول ماهي بني ادمه برده
    مينفعش تقول انا الراجل وهي اللي لازم تعمل وتخلي مانت مش بارم ديله يعني
    عامل زوجتك كما تحب ان تعاملك
    احسن معاملتها ومعاملة اهلها
    اثني عليها امام اهلها وصديقاتها (بس خلي بالك مش اي حد تعمل قدامه كده عشان الحسد)
    اشكر فيها قدام اهلك بس خلي بالك لو والدتك بتغير بلاش من الموضوع ده كتيير
    متجيش عليها قدام حد ومشاكلك تحلها في بيتك مش قدام الناس
    حط قانون تمشي عليه في بيتك وبره بيتك واتفق معاها علي القوانين دي عشان هي برده ليها راي ولازم تشارك (ديموقراطيه)
    دايما خد براييها بس في الأخر رايك هو اللي يمشي (مفيش مشكله انك تعدل رايك لو شايف ان راييها اصح)
    بلاش تلكيك ولو عارف انها بتحبك عدي وبلاش تتدقق علي الواحده الا لو حاجه بايخه ممكن تاخد موقف
    التاديب بالذوق واللين احسن كتيير من الزعيق والزعل عالفاضي والمليان

    انت ليك القوامه فخليك راجل ياراجل

    واخير اوعي تتشتم بره البيت وخليك ماشي بمبدأ انا محدش يضربني غير مراتي :)

    Comment


    • #32
      المشاركة الأصلية كتبت بواسطة shnory مشاهدة المشاركة
      منوره الموضوع
      اصل كل واحد يتجوز يحسسني انه وصل لمرحله النيرفانا العليا واننا لسه بنمص صوابعنا في معترك الحياه
      وبعد سنه يصطدموا بحاجز الواقع ويقعوا في بلاعه الدنيا وينهلوا من نص البرميل الاسفل
      وكل واحد يقولك انا رجيت البرميل قبل ما افتحه
      وبينسوا انه ما بيتساب شويه العسل بيرجع يطلع فوق والمكون التاني بيرقد تحت
      هههههههههههههههههههههههههههههههههههههه

      مين بقي ال2 التانيين؟؟
      منور بوجودك

      معلش بكره يعرفوا , كلنا اول سنه كنا كده و بعد كده كل حاجه تنكشفن و تبان :)

      بس مش معني كده اننا مش بنتمني لهم السعادة من قلبنااااااا :)

      التاني اكيد الاستاذ احمد كمال :)

      اما التالت مش هقدر اقول اسمه لايجي يحدفني بكلمتين و لا حاجه :)
      [justify][CENTER][IMG]http://a4.sphotos.ak.fbcdn.net/hphotos-ak-ash4/218070_1900970253805_1528143011_32044969_2322091_n.jpg[/IMG]
      [/CENTER]
      [/justify]

      [CENTER]
      [/CENTER]

      Comment


      • #33
        المشاركة الأصلية كتبت بواسطة shnory مشاهدة المشاركة
        مين بقي ال2 التانيين؟؟
        اكيد ابوكمال وحد تاني

        Comment


        • #34
          المستحيلات الاربعه
          العنقاء
          الخل الوفى
          قرش حشيش مش مضروب
          الزوج السعيد


          انت لسه تحت تأثير المسكنات يا ابو صلاح
          اصبر شويه لحد ما البنج يروح وانت تحس بوجع العمليه اللى انت عملتها بنفسك وتشوف نتيجتها
          (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
          لمجرد أنك تحب الجبن الرومي !)

          Comment


          • #35
            المشاركة الأصلية كتبت بواسطة wesam_salom مشاهدة المشاركة
            المستحيلات الاربعه
            العنقاء
            الخل الوفى
            قرش حشيش مش مضروب
            الزوج السعيد


            انت لسه تحت تأثير المسكنات يا ابو صلاح
            اصبر شويه لحد ما البنج يروح وانت تحس بوجع العمليه اللى انت عملتها بنفسك وتشوف نتيجتها
            لا معلش اختلف معاك يا وسام بيك

            في حشيش مش مضروب بس انت اللي مبتعرفش تدور كويس
            [CENTER][SIZE=3]قدرنا كمصريين ان نصنع التاريخ ولا نعيشة
            أن نضيء للأمم الدرب ونتعثر في دياجير الظلام[/SIZE][FONT=Tahoma][SIZE=3][COLOR=#006800][SIZE=2]
            [/SIZE][/COLOR][/SIZE][/FONT] [/CENTER]

            Comment


            • #36
              المشاركة الأصلية كتبت بواسطة SHNORY مشاهدة المشاركة
              وانت كنت مستني تتجوز علشان تغسل سنانك وتحط برفان يا ابو صلاح؟؟
              هههههههههههههههههههههههههههههههههههههههههههههههههه ههههههه

              ههههههههههههههه الله يحرقك يا شنورى ... فقرى
              [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


              [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
              [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

              [/CENTER]
              [/CENTER]
              [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

              [CENTER] _______________[B]
              [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

              [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
              [/CENTER]
              [B][COLOR=Blue][B][SIZE=2]
              اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

              _______[COLOR=Blue]_______________
              [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

              Comment


              • #37
                دليلك للسعادة الزوجية بعد الزواج ......
                -
                -
                -
                -
                -
                ارجع لما قبل الزواج

                Comment


                • #38
                  بصراحة دي اكتر حاجات عجبتني بعد الزواج :
                  1- اصحي من نومي الاقي فطار .

                  2- هدومي دايما ً مكوية و مغسولة و متعلقة .
                  3- لما اتاخر بلاقي حد بيقلق عليا و دايماً بلاقي حاجة بتشدني اني اروح البيت بدري عشان في وحدة مستنياني في البيت .
                  4- لما جبت اولاد باه دي متعة الحياة ادخل القي شوية لعب صغيرة بتجري عليا و بتقول بابا جيه و سعات بيقولولي يا شريف منغير بابا بس بردو مبسوط بيهم اوي .
                  5- باكل اكل نضيف مش اكل من الشارع و دي كانت حاجة تعباني جداً ايام العزوبية .
                  6- الفلوس بتكتر اه و الله بجد ربنا بيرزقني اكتر من الاول و ده بسبب الجواز و العيال .
                  7- وقت محمب اخرج مع مراتي بخرج منغير مواعيد و منعير شروط و منغير اي مشاكل (مراتي و انا حر فيها)
                  8- اكلت اكل عمري مدوقتو قبل كده و ده لان مراتي مشاء الله طباخة ممتازة و امي كانت فاشلة للاسف في الطبيخ فدا عمل فرق كبير معايا .

                  صدقوني الجواز ده نعمة من عاند الله و لازم ننعم كلنا بيها.
                  بالمناسبة انا متزوج من 5 سنوات و عاندي ولدين تؤام سنتين و نص .
                  خليك انت ياباشا زى مانت وربنا يسعدك ويرزقك وتعيش حياتك كلها مبسوط ولا تتحرمش من اللى بتحبهم ابدا
                  ملكش دعوة باللى مش متجوزين واللى بيقولوه اللى ما يعرفش يقول عدس
                  وهمه بيقولوا عدس وفول ولوبيا كمان
                  وانتوا ياخوننا اهدوا شوية
                  انا كنت داخل اشقلب الموضوع لقيتكو قمتوا بالواجب :)
                  [CENTER]وبحبك وانتى بتنقى .. أغانى قلبى يسمعها
                  وأحبك لما بتعاندى .. فى حاجات الدنيا تمنعها
                  :wink05:[/CENTER]

                  Comment


                  • #39
                    المشاركة الأصلية كتبت بواسطة a7med_pharma مشاهدة المشاركة
                    مانت ممكن تصحى من النوم تلاقي باقي العشاء بتاع إمبارح .. ثم إيه لازمة الفطار أساسا

                    لو بتلبس جينز وتي شيرتات زي أخوك فارما .. وعندك غسالة أوتوماتيك .. مش هتفرق معاك الحتة دي

                    يعني ماينفعش تسهر مع أصحابك حتى مطلع الفجر ..ولو خرجت تكون قلقان على الي في البيت ..وماينفعش تتسرمح زي الرجالة اللوز الي زي الفل زي أخوك فارما وشنوري كده

                    ولما يعمل بيبي عليك .. ولما تدخل البيت تعبان وعاوز تنام .. تلاقيهم فوق رأسك واااااء وااااااااااء
                    ولما تحب تتكلم كلمتين على إنفراد .. ماتعرفش علاشن العيال بتعيط
                    ولما تلاقيهم موسخين البيت
                    ولما ييجي جارك الأستاذ مرسي .. يقولك إبنك كسرلي إزاز عربيتي
                    ولما تيجي جارتك الست صفية .. تقولك " لو مالمتش المحروس إبنك , وخليته يبطل يعاكس البت .. هعمل وأسوي"
                    ولما تظبط علبة السجاير بتاعته تحت المرتبة .. وتقلب في الموبايل بتاعه تلاقي بلاوي زرقا
                    شوف هتبقا مطمن وبالك مرتاح إزاي؟؟؟



                    لما تحب تاكل أكل نظيف .. أطلب ديليفري من مسمط .
                    أو تروح تاكل عند أبوصلاح .. الراعي الرسمي للحياة الزوجية السعيدة


                    الفلوس بتكتر
                    لكن المصاريف بتكتر أكتر .. وتلاقي كل وقتك علشان توفر فلوس للناس إلي بقوا في رقبتك
                    ولو إضطريت تستلف علشان تصرف عليهم .. هتعملها


                    وتخرج ليه أساسا
                    كيس فشار .. وتشغل ام بي سي اكشن .
                    وبعدين حاول تتأمل في الكون .. وإنت تنسى المتع الدنيوية البسيطة (نيااههاااااااا)


                    شوفتوا
                    أول الجواز .. إنك تبيع الست الوالدة وتقول عليها ماكنتش بتعرف تطبخ
                    طيب كنت بتاكل من أكلها ليه طالما ماكنتش بتعرف تطبخ(أنا بهزررررر بجد)
                    ولو ع الأكل
                    قلنا إطلب ديليفري من أي مسمط .. أو تسلق بيض وتاكل وخلاص زي مالناس كلها بتعمل
                    ههههههههههههههههههههههههه بصراحة اجمد تعليق يا فارما انا لسة بضحك لغاية دلوقتى تعليقاتك جامدة جدا بس عايز اقولك كلمة واحدة ( بررررررررم بررررررررم) ههههههههههههههههههههههههههههه لا انا قصدى بجد انت بتقول كل ده علشان مجربتش انا اول مرة اشوف واحد زى الاستاذ المحترم ابو صلاح وبصراحة بشجعه احنا عمالين طول عمرنا نشتم ونسب ونلعن اليوم اللى اتجوزنا فيه واحنا فى نعيم والله ولو الواحد شاف الجانب الكويس هايعيش مبسوط كل البنى ادمين ربنا خلقهم بعيوب ومش هانخلص بس الواحد يبص للجانب الحلو عايز تسهر مع صحابك والله بسهر اينعم ساعات بيبقى وش مقلوب بس مش كتيير قوى يعنى لما الموضوع بيزيد عن حده الاهتمام نفسه حاجة كويسة لما ترجع البيت تلاقى منظر كويس وتلاقى هدومك متروقة فعلا حاجة تفرح والله لما بقى النعمة الكبيرة وتلاقى اولادك حواليك حتى لو رضع كل المراحل السنية والله ممتعة جدا كانت بتيجى عليا ايام والله مش بنام واطبق واروح الشغل بس احساس مش هاينفع اوصفه ابدا واتحدى ان حد يوصفه وخصوصا لما يقعدوا يعملوا حركات تلقائية فيه كلام كتيير قوى انا مش عايز اطول عليك بس انا مبسوط من الموضوع قوى ولازم نكمل الموشار علشان دى سنة الحياة اللى ربنا كاتبهالنا انت عالاف كمان انى لما كنت عازب كنت تقريبا كل وقتى برة البيت ممكن لغاية الصبح كنت بزهق قوى واقول مش لو فيه حد يلمنى واستريح شوية من اللف وتلاقى الناس حواليك ليها بيوتها وبجد بنعرف قد ايه اهالينا تعبت علشانا ويارب نقدر نعمل حاجة من اللى عملوها لينا فى الزمن ده ربنا يسترها علينا ويارب تتجوز وتقع وقعة حلوة باذن الله وتقول حقى برقبتى بالتوفيق
                    [I][COLOR=red]I AM NOT GUILTY[/COLOR][/I]

                    Comment


                    • #40
                      هى الخطوبه حاجه و الجواز حاجه و لا السعيد سعيد فى الاتنين
                      كولو بالحنيه بيفك مع تجيات جمعيه حنينها قبل متحلبها

                      Comment


                      • #41
                        دلوقتي ابراهيم ابني الصغير لما ادخل البيت وانا لسه علي الباب محمد بيعرف انه انا معرفش ازاي من قبل حتي مااحط المفتاح في الباب واسمع صوت محمد وهو بيقول بابا حبيبي جه جه والمفروض الصغير عمال يصرخ وواقف يسقف وجي جري عليا وعمال بيغمض في عينه جامد دليل علي الأنبساط
                        دوول لوحدهم بالدنيا كلها

                        مش المفروض انك بتتجوز عشان اكل ولا لبس ولا اي حاجه لان ممكن شغاله تعمل الحاجات دي كلها
                        الموضوع موضوع سنه وعفة نفس ليك ولمرتك ولااسره ومسئوليه وحاجه بتشوفها تكبير قدامك كل يوم

                        اوقات كتير لما اتخيل نفسي من غير جواز بحس اني كنت هبقي ولا حاجه لاني ببساطه شديده مكنش هيبقي عندي دافع اعمل اي حاجه
                        اللي اجيبه اصرفه فسح ولبس وخروجات ولا احوشه او اديه لاهلي طيب وبعدين؟؟؟ ولا قبلين مفيش اي حاجه
                        اللي بتبات فيه بتصبح فيه

                        لو مسافر بره او قاعد في القاهره لوحدي او مراتي عند اهلها بيبقي صباح الملل - بغض النظر عن ان البيت بيبقي عامل زي الأسطبل ومش عارف اكل ولا انيل ببقي حاسس اني تايه ومش عايز انام ولا عايز اصحي

                        فكرتوني بالموزه بتاعة انتو لا هتوردو علي جنه ولا نار

                        Comment


                        • #42
                          المشاركة الأصلية كتبت بواسطة minicooper20 مشاهدة المشاركة
                          هى الخطوبه حاجه و الجواز حاجه و لا السعيد سعيد فى الاتنين
                          علي حسب
                          يعني لو غرضك من الخطوبه معرفة شخصية اللي هتعيش معاها فلازم يبقي في صدامات كتيير ومشاكل كتيير بس هتوفر علي نفسك مشاكل بعد الجواز وخصوصا العيوب القاتله اللي مينفعش فيها الأستمرار ويبقي وفرت علي نفسك راحة البال والفلوس
                          اما لو زي معظم الشباب داخل تعيشلك فترة الخطوبه والخروجات والكلام الحلو والهيء والميء يبقي اكيد هيبقي في مشاكل لرب السما بعد الجواز

                          الحاله بتاعة فتره خطوبة سعيده وجواز سعيد ده مش عارف موجوده ولا لآ بس معتقدش

                          Comment


                          • #43
                            المشاركة الأصلية كتبت بواسطة أبو صلاح مشاهدة المشاركة
                            ياباشا ما اقدرش انساك
                            وليد بيه
                            نفس الحجم الكومبو
                            هههههههههههههههههههه
                            صح ؟
                            ههههههههههههههههههههههههه صح

                            Comment


                            • #44
                              ايه الكلام الجامد ده
                              يا شنوري
                              من فضلك اقعد على كنبة المتفرجين واتعلم
                              :b4_033:

                              كلامكم حلو والله
                              استاذ شداد كلامك عجبني جدا

                              ربنا يكرمنا جميعا للصالح لينا في الدنيا والاخرة

                              طبعا في أخوات معانا في المنتدى
                              ايه رأيكم ؟
                              وخصوصا إزاي بتحاولو تسعدوا المخلوق الذكوري ده إزاي ؟

                              وبعدين الناس اللي بتقول اني عايش في الوهم ولسه التقيل جاي ورا
                              ايه المانع اني اشوف على الاقل تغيير في حياتي حتى لو مؤقت زي ما بتقولوا ولا هفضل حياتي كلها مصر على العزوبية وعايش على نفس الرتم بلا هدف؟

                              مهو مثلا لما حضرتك بتشتري عربية سواء جديد او مستعمل بتدفع تمنها من تعبك وعرقك وعارف انها ممكن تطلع وحشة وتطلع عينك وممكن تطلع حلوة وتبسطك
                              بس الاكيد انك عارف انها في يوم من الايام هتعطل وتحتاج صيانة وهتروح للتوكيل او الميكانيكي وده في أذى مادي ومعنوي مش قليل لكن مقابل ايه ؟ انت اللي تقرر تتحمل ده مقابل ايه ؟

                              حد فاهم قصدي ايه ؟

                              Comment


                              • #45
                                المشاركة الأصلية كتبت بواسطة minicooper20 مشاهدة المشاركة
                                هى الخطوبه حاجه و الجواز حاجه و لا السعيد سعيد فى الاتنين
                                الخطوبه هي الفتره اللي بتمسك فيها ايديها وانتم الاتنين بتبصوا للنجوم وانتم ماشيين
                                الجواز هو البلاعه المفتوحه الي بتقع فيها وانت باصص للنجوم ومش شايفها
                                [CENTER]

                                [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                                [/CENTER]

                                [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                                ---------------------------------
                                [/SIZE][/B][CENTER]
                                [/CENTER]

                                Comment

                                Working...
                                X