Tweet
السلام عليكم
انه في يوم امس الجمعة الموافق 3/12/2011 استقبل بيتنا المصون القطة المقطقطة honey من نوع الشيرازي الاصيل ابن الاصول - دا لو مكنش اضحك عليا يعني - يبضاء اللون كثيفة الشعر - بس مش اوي - و تبلغ من العمر 5 شهور بالتمام و الكمال
و بما اني اول مرة استقبل حيوان اليف في البيت فا عاوزة نصائح حضراتكم من معتادي تربية القطط و اصحاب الخبرة في الموضوع
لحد دلوقتي اللي اعرفو عنها انها بتاكل كل حاجة و بتحب الموز و الشيكولاتة و العسل جداااااااااا و فعلا كنت جايبة سنيكرز و اول ما طلعتها و قبل ما افتحها لاقيت القطة على رجلي و بوزها في الشيكولاتة و هاتتجنن و تاخدها ، بس حسب نصيحة احد الاصدقاء ان الشيكولاتة بتوقع شعرها و كمان بتسوس سنانها فا بلاش منها احسن و بيني و بينكم احسن عشان انا معنديش استعداد اشارك حد في الشيكولاتة بتاعتي نهاااااااائي
ملاحظاتي من انبارح لانهاردة انها انتوخة اوييييييي و طول النهار تصحى من النوم عشان تنام و تصحى تاكل اكل بسيط و تيجي تلزق جنبي و تتكور على نفسها و تنام و اما اقوم من جنبها تصحى تبص حواليها و تنام تاني لدرجة ان ماما بتوقللي هي مكنتش بتنام عند اصحابها الاولانين ولا ايه ؟ فهل دا طبيعي ولا ايه النظام ؟
مابتكلش كتير خالص مش عارفة عشان لسة مش واخدة علينا ولا خايفة من المكان ولا دا العادي بتاعها ، انا جيبتلها سلمون و جبنة نيستو و جبنة شيدر و بطاطس محمرة و دي كلها حاجات صحابها قالولي انها بتحبها بس بتاكل حاجة بسيطة اوي و ماتكملش
الحمد لله متعودة تعمل بيبي في الحمام و جيبتلها رملة على ما تتعود على مكان التواليت و خدتها كزا مرة وريتها مكان التواليت و عرفتو و بقيت تروح لوحدها
و اكتشفت عنها اكتشاف صدمني و خلاني حطيت راسي في الطين و عنيا اتكسرت قدام الناس
الهانم عندها يدوب 5 شهور و اتجوزت عشان كانت متربية مع ولدين اكبر منها و الظاهر انهم غرروا بيها بس الحمد لله مش حامل و الا كنا هانحتاس نكتب العيال باسم مين
ها بقى ناصيحكم و تعليقاتكم ايه قبل ما احتاس و ارجعها ؟؟
انه في يوم امس الجمعة الموافق 3/12/2011 استقبل بيتنا المصون القطة المقطقطة honey من نوع الشيرازي الاصيل ابن الاصول - دا لو مكنش اضحك عليا يعني - يبضاء اللون كثيفة الشعر - بس مش اوي - و تبلغ من العمر 5 شهور بالتمام و الكمال
و بما اني اول مرة استقبل حيوان اليف في البيت فا عاوزة نصائح حضراتكم من معتادي تربية القطط و اصحاب الخبرة في الموضوع
لحد دلوقتي اللي اعرفو عنها انها بتاكل كل حاجة و بتحب الموز و الشيكولاتة و العسل جداااااااااا و فعلا كنت جايبة سنيكرز و اول ما طلعتها و قبل ما افتحها لاقيت القطة على رجلي و بوزها في الشيكولاتة و هاتتجنن و تاخدها ، بس حسب نصيحة احد الاصدقاء ان الشيكولاتة بتوقع شعرها و كمان بتسوس سنانها فا بلاش منها احسن و بيني و بينكم احسن عشان انا معنديش استعداد اشارك حد في الشيكولاتة بتاعتي نهاااااااائي
ملاحظاتي من انبارح لانهاردة انها انتوخة اوييييييي و طول النهار تصحى من النوم عشان تنام و تصحى تاكل اكل بسيط و تيجي تلزق جنبي و تتكور على نفسها و تنام و اما اقوم من جنبها تصحى تبص حواليها و تنام تاني لدرجة ان ماما بتوقللي هي مكنتش بتنام عند اصحابها الاولانين ولا ايه ؟ فهل دا طبيعي ولا ايه النظام ؟
مابتكلش كتير خالص مش عارفة عشان لسة مش واخدة علينا ولا خايفة من المكان ولا دا العادي بتاعها ، انا جيبتلها سلمون و جبنة نيستو و جبنة شيدر و بطاطس محمرة و دي كلها حاجات صحابها قالولي انها بتحبها بس بتاكل حاجة بسيطة اوي و ماتكملش
الحمد لله متعودة تعمل بيبي في الحمام و جيبتلها رملة على ما تتعود على مكان التواليت و خدتها كزا مرة وريتها مكان التواليت و عرفتو و بقيت تروح لوحدها
و اكتشفت عنها اكتشاف صدمني و خلاني حطيت راسي في الطين و عنيا اتكسرت قدام الناس
الهانم عندها يدوب 5 شهور و اتجوزت عشان كانت متربية مع ولدين اكبر منها و الظاهر انهم غرروا بيها بس الحمد لله مش حامل و الا كنا هانحتاس نكتب العيال باسم مين ها بقى ناصيحكم و تعليقاتكم ايه قبل ما احتاس و ارجعها ؟؟
.gif "Majd(4)")
بس انا ماخلفتهاش و نسيتها
Comment