سنة اولى قطط :) ياريت اي نصايح يا جماعة

[minicooper20]

انا اللي جيبت دا كلو لنفسي بس انا ماخلفتهاش و نسيتها

بس هحاول

هتنجحى و هتحبى الموضوع
دى قطه امال لو مربيه 6 كلاب زى حلاتى كنتى عملتى ايه يا دونزى

[eng.octooo]

طعميها لو مش متطعمة
وخلى بالك بلاش تخليها تاكل اكل مش مستوى وخصوصا اللحوم والحاجات دى

عوديها على اكل البيت بلاش اكل جاهز غير كل فين وفين لانها هاتتعبك بعد فترة هاتتعود على الاكل الجاهز وهاتسيب اكل البيت

اسألى لو فية حاجة معينة ونجاوبك عليها

انا عندى عنتر وسندريلا (ازاى ماتسألوش:)

[Mzeid]

انا اللي جيبت دا كلو لنفسي بس انا ماخلفتهاش و نسيتها

بس هحاول

اهم حاجة تحبي القطة و تاخدي عليها :)

[Donzi]

طعميها لو مش متطعمة
وخلى بالك بلاش تخليها تاكل اكل مش مستوى وخصوصا اللحوم والحاجات دى

عوديها على اكل البيت بلاش اكل جاهز غير كل فين وفين لانها هاتتعبك بعد فترة هاتتعود على الاكل الجاهز وهاتسيب اكل البيت

اسألى لو فية حاجة معينة ونجاوبك عليها

انا عندى عنتر وسندريلا (ازاى ماتسألوش:)

لأ بقى لازم اسأل بصراحة ؟؟

سيبك من قطتي و من موضوعي خاااااااالص و قولي تيجي ازاي دي ؟؟

[Donzi]

جبنه شيدر ورومى وبطاطس .. وعيش توست وكافيار .. واللقط حظوظ

انت هاتنق عليها و انا بقول اصلا مابتكلش !! و بعدين انا قلت سلمون و فينو مين اللي جاب سيرة الكافيار !! دا انا نفسي كلتو مرة واحدة في حياتي فقط لا غير و من يوميها ماشوفتوش

لا تفشل ايه بس
دا انا مستنيكى تشجعينى

بس انت ادعيلي و انا هاوافيك باهم الاخبار و التطورات و نتيجة التجربة القططية قريبا ان شاء الله

هتنجحى و هتحبى الموضوع
دى قطه امال لو مربيه 6 كلاب زى حلاتى كنتى عملتى ايه يا دونزى

انا بحب الكلاب كمان جدااااااااااااااااااا بس مش اي كلاب ، مبحبش الصغيرين الهبل دول بحب الكبار اللي شوية و يقلبوا اسد او نمر

عندك جولدن رتريفر ؟؟ دا بعشقوا بجد

[eng.octooo]

ههههههههههه الاتنين بتوع اختى بس انا الى جبتلها القط الاول وسميتة عنتر :) وفضلت مفهمها انها لو غيرت اسمة هايزعل منها ومش هايسمع كلامها تانى ههههههه هيا فى خامسة ابتدائى بس صدقت :)

لما جابت التانية بقى كنت ناوى اسمية عبلة لقيتها بتقولى انت مش قلت انة مينفعش نغير اسمها قلت اة :) قالتلى خلاص خالتو مسمياها سندريلا هههههههه

[Donzi]

ههههههههههه الاتنين بتوع اختى بس انا الى جبتلها القط الاول وسميتة عنتر :) وفضلت مفهمها انها لو غيرت اسمة هايزعل منها ومش هايسمع كلامها تانى ههههههه هيا فى خامسة ابتدائى بس صدقت :)

لما جابت التانية بقى كنت ناوى اسمية عبلة لقيتها بتقولى انت مش قلت انة مينفعش نغير اسمها قلت اة :) قالتلى خلاص خالتو مسمياها سندريلا هههههههه

ههههههههههههههههه

من حفر حفرة لأخيه - او لأخته - وقع فيها

[AhMeD EzZ]

فكرتيني بنفسي اول ما جبت ميشو و توتشي :)

نصايح علي السريع كدة

بلاش لبن بلدي او لبن كامل الدسم هاتلهم لبن خالي الدسم

بلاش لانشون نهائي

السمك و السلمون قللي منهم عشان بيوقع الشعر

لو هي شيرازي بيور هاتيلها فرشة شعر من اي دكتور بيطري بتبقي عاملة زي ايد كدة و طالع منها حاجات عاملة زي الدبابيس عشان تسلكي شعرها يومياً عشان الشيرازي شعرة بيبوظ بسرعة

ممكن تجيبلها اكل قطط و ارشحلك Friskes و دة في منه Dry حبوب دة العلبة ال 300 جرام ب 13.75 و ال2 كيلو و لا 3 كيلو بحاجة و ستين و طبعا اوفر و التاني الي بيبقي لحوم wet و دة الكيس ال 85 جرام ب 6.25 و العلبة ال 300 جرام ب 13.75 بس متوعيدهاش عليهم اساسي يعني تبقي وجبة تتقدم ليها كل يومين
الاسعار دي من خير زمان لانه ارخص واحد بيبعهم

هاتلها من كارفور بتاعة كدة عاملة زي العامود مصنوعة من الخيش عشان تسن ضوافرها فيها بدل ما تبوظلك عفش الشقة كله

في اطواق الحشرات دي بتباع عند المحل المشهور الي بعد اشارة روكسي و ناصية العزيز بالله ب 25 و دي مدتها 3 شهور بس بتمنع اي حشرات و بتباع في كارفور بحاجة و 50 جنيه

لما تعمل حاجة غلط او تطلع في مكان انتي مش عايزاها تكون فيه بلي ايدك شوية مية خفيفة كدة و علي وشها رشيها مش هتقرب منه تاني

خلي ليكي سيطرة عليها عن طريق نبرة صوتك

و انتي بتحميها اوعي تجيبي مية علي وشها هتبهدلك

دايما نضفي ودانها

هاتلها كورة بلاستك صغيرة لزوم اللعب و التطيط

دة في فكرة حاليا لو في سؤال تحت امرك

[windofchange]

لا استاذنتهم والله

و بعدين انا مكنتش اعرف موضوع الرمل دا و هوا دا اللي عرفت اتصرف فيه و انا مروحة

ايه رويال هاوس دا و فين ؟ و رملة الكريستال دي بتتجاب بكمية قد ايه و تتغير كل قد ايه و تمنها قد اييييييييييييه ؟؟

دي شغلانة مش فايتة

ممكن تعوديه علي بيبة (بلاعة الحمام) وفي ناس بتعودها علي التويلت اه والله!! وآخر راحة وده فيديو من فيدوهات كتير Cat Pooping In Toilet - YouTube

[Moustafa.yonis]

هو انا ممكن اعرف من فين اجيب القطط واسعارها ايه

[windofchange]

مستشفي الشعب اللي فالعباسية كان لي تجربة سيئة معاها القطة عندي كانت حامل واتأخرت كام يوم فالخلفة فاختي وامي راحوا المستشفي دكتور هناك اداها حقنة للطلق تقويه تقريبا ولا ايه مش عارف والمفروض تتاخد وهي معندهاش طلق هي كان عندها والقطة قعدت تتشنج وماتت بعد اقل من ساعة ربنا يجازيه باللي عمله لأنها كانت عشرة 4 سنين فلازم تسألي الدكتور بيعمل ايه واسم الدواء ايه عادي واللي ميرضاش روحي لغيرة

[eng_maged]

اولا الف مبروك. انا ربيت في حياتي حوالي ييجي 10 قطط بولادهم واحفادهم وهحاول اساعدك قدر الامكان

لحد دلوقتي اللي اعرفو عنها انها بتاكل كل حاجة و بتحب الموز و الشيكولاتة و العسل جداااااااااا

بصي القطط بتاكل كل حاجه زينا بالضبط وبتحب المشاركه يعني بتحب تاكل معاكي على السفره ومتكلش من طبقها. ده لو تنكه يعني. بس في حاجات غلط عليها زي الشكولاته مثلا والمربى والحاجات المسكره اوي وده غلط على صحتها عموما وعندك مثلا الكبده القطط بتموت فيها بس بتخليها ترجع لانها مش بتعرف تهضمها. فلازم ناخد بالنا من الحاجات ده. متخلهاش تاكل عشوائي وخليها تاكل في مواعيد ثابته. اربع او ثلاث وجبات يوميا. جربي الجين والبيض والسمك واللحمه والفراخ والرز والخضروات وبلاش لبن كتير. وجربي تهرسي جبنه نسته في بطاطس مهروسه ده صحيه جدا للقطط.

ملاحظاتي من انبارح لانهاردة انها انتوخة اوييييييي و طول النهار تصحى من النوم عشان تنام و تصحى تاكل اكل بسيط و تيجي تلزق جنبي و تتكور على نفسها و تنام و اما اقوم من جنبها تصحى تبص حواليها و تنام تاني لدرجة ان ماما بتوقللي هي مكنتش بتنام عند اصحابها الاولانين ولا ايه ؟ فهل دا طبيعي ولا ايه النظام ؟

القطط عاده بتنام 18 ساعه في اليوم ماعدا فتره شبابها من تنام 16 او 14 وده الفتره اللي من 6 شهور الى سنه ونص

و اكتشفت عنها اكتشاف صدمني و خلاني حطيت راسي في الطين و عنيا اتكسرت قدام الناس الهانم عندها يدوب 5 شهور و اتجوزت عشان كانت متربية مع ولدين اكبر منها و الظاهر انهم غرروا بيها بس الحمد لله مش حامل و الا كنا هانحتاس نكتب العيال باسم مين

طالما هي قطه مش قط يبقى لازم تعملي حسابك انها هتحتج تتجوز وهتفضل تعمل اصوات غريبه في فتره طلب الجواز وبتكون تقريبا كل 45 يوم لمده 5 ايام.
موضوع الرمل ده بلاش الرمل العادي لان بيكون في ميكروبات وحشرات وممكن ينقلها ديدان وامراض
اشتري رمل طبي وهو مش هيبقى غالي اوي على فكره

اللي انت محتاجاه دلوقتي تعرفي عياده بيطريه كويسه جنبك وتطعميها تطعيم ثلاثي مره في السنه وتديها شربه ديدان كل 3 شهور وتشتريلها طوق حشرات ورمل طبي

ولو في اي استفسار تاني انا في الخدمه
مهندس ماجد

[mustafavet]

السلام عليكم
هما طبعا الاخوة قاموا بالواجب
بس احب ااكدلك بس علي التطعيم لان دا ضروري جدا علشان مرض اسمه التكسوبلازما ودا بيسبب عقم في الناسء والرجال
في طوق بديل الايفوماك ودا للحشرات ودا برده ضروري جدا
بالنسبة للزواج ف ممكن تريحي نفسك خالص وتعمللها عمليو جراحيه اسمها Ovaristrectomy او ازاله المبيض
واحيانا في ناس بتعمل كمان hysterectomy او ازاله الرحم وفي الحالة دي القطة مش هتفكر في الزواج نهائي
اما لو مش هتعملي العملية يبقي زي ما الزملاء كلموكي كدا
في طبعا ادوية خاصة للقطط وفي ادوية بتعملها تسمم ف مش اي طبيب بيطري معرفة كدا تروحيلة ولازم يكون متخصص
لو في اي مشاكل مرضية لا قدر الله قابلتك انا تحت امرك
انا طبيب بيطري
السلام عليكم

[الغزالى]

انت هاتنق عليها و انا بقول اصلا مابتكلش !! و بعدين انا قلت سلمون و فينو مين اللي جاب سيرة الكافيار !! دا انا نفسي كلتو مرة واحدة في حياتي فقط لا غير و من يوميها ماشوفتوش

لا نق ولا حاجة ... مبروك على honey

[icehearted girl]

أنا بكرة إناث القطط..بكرههم

كائنات غوغاء وعشوائيين

الحمدلله الذي رزقني ب كوكي