سنة اولى قطط :) ياريت اي نصايح يا جماعة

[Donzi]

بتموت :'( :'(

ماتت :'(

بجد ؟؟؟؟ هي تعبانة بقالها كتير ولا ايه ؟

[AhMeD EzZ]

ابدا كانت بدات ترحع من النهاردة بليل بس

[icehearted girl]

مين ماتت !!

[mody3on]

مين ماتت !!

توتشي :(((
معلش هي حاجة صعبة جدا .. لو هتجيب قطة تانية حافظ عليها بقى

[mustafavet]

متاسف اني بزعج حضرتك بس مش لاقي حاجة اعملها لان الوقت متاخر و مش لاقي دكاترة

حضرتك كنت كاتب ان حضرتك دكتور بيطري

انا القطة عندي تعبانة جدااا و عمالة ترجع و مش قادرة تشيل نفسها كل شوية تقع

و انا شاكك انها حامل يا تري اقدر اساعدها ازاي ؟ :(

وعليكم السلام ورحمة الله
يشرفني الرد علي حضرتك يا فندم
رقم واحد اوعي تديها اي مسكنات لانه ممكن يزود عندها الترجيع ويؤدي لا قدر الله للوفاة لو السبب قرحة في المعدة وياتري عمرها كام واخبار درجة الحرارة ايه
ثانيا ممكن حضرتك تجيب حقنة للترجيع من اي صيدليه وتديهالها زي كورتجين بي 6ومش تضغط عليها في الاكل خالص
ثالثا : ايه انواع الاكل اللي حضرتك بتاكلهالها
رابعا بقي حضرتك بتشك في الحمل .......... ممكن حضرتك تقولي الاسباب اللي دفعتك لكدا ولا حضرتك جوزتها ....... ولو جوزتها ياتري يوم ايه بالظبط؟
خامسا هل اخدت ادوية قريب او تطعيم؟

[AhMeD EzZ]

توتشي :(((
معلش هي حاجة صعبة جدا .. لو هتجيب قطة تانية حافظ عليها بقى

انا عندي واحد تاني ربنا يقدرني و احافظ عليه

المشكلة ان الوقت كان متاخر و مفيش ولا دكتور فاتح و لا مستشفي الشعب في العباسية

ختي الصيدلية البيطرية الوحيدة الي جنبي كانت قافلة

[windofchange]

البقاء لله يااحمد معلش ربنا يعوضك خير وانت اكيد مقصرتش معاها,هي كانت عندها كام سنة؟ وتفتكر مثلا داست علي بودرة او حاجة زي سم واقع عالارض وبعد كده وهي بتنظف نفسها لحسته فاتسممت ده ممكن يكون حصل؟

[mustafavet]

حضرتك لو بتدور علي الاسباب ممكن تاخدها لكلية طب بيطري وتدخل الجثة معمل باثولوجي يعملوا تشريح بعد الوفاة ويشوفوا الاسباب

لكن من اللي حضرتك حكتهولي مفيش حاجه غلط ومقدرش احدد السبب

[icehearted girl]

وناللي كنت داخلة اقولكم اخيرا بعد سنين عذاب انتهزت فرصة ان كوكي بيتفرج ملبلكونة وكتفتة وقصتله ضوافره اخيرا

[zago]

وناللي كنت داخلة اقولكم اخيرا بعد سنين عذاب انتهزت فرصة ان كوكي بيتفرج ملبلكونة وكتفتة وقصتله ضوافره اخيرا

خدتيه على خوانه ؟!!!!
هو ده الكلام
:)

[icehearted girl]

مش خوانة..بس هو بيحب اوي يقعد فلبلكونة ونا مبدخلوش كتير فمتهيألي طول مهو جوا البلكونة

هيسكت علي اي حاجة عشان مدخلوش

بكرة بقي هحطله مانيكير

[zago]

بكرة بقي هحطله مانيكير

انا ححلق لشيتوس كابوريا
:)

[dolly13]

ياااه يا دونزى فكرتينى بالذى مضى انا كنت باحب تربية القطط قبل ماتجوز
ولما ولادى التلاتة قالو عايزين قطة جالى قط شيرازى هدية بس كان قمر فضل معانا يمكن اقل من سنة لحد ماحسيت ان حقوق الحيوان ممكن تقاضينى على اللى الولاد بيعملوه فيه فقررت امشيه وطبعا زعلت عليه فترة كبيرة لكن ده كان افضل له بدل المصير المهبب اللى كان مستنيه مع القرود قصدى الولاد الى عندى
لكن مبدئيا القطة اللى عندك مش شيرازى خالص لكن مش مهم هى ايه طالما انتى بتحبيها
ربنا يسهل وتشيلى ولادها قريب ويطلعو حلوين وقطاقيط

[AhMeD EzZ]

البقاء لله يااحمد معلش ربنا يعوضك خير وانت اكيد مقصرتش معاها,هي كانت عندها كام سنة؟ وتفتكر مثلا داست علي بودرة او حاجة زي سم واقع عالارض وبعد كده وهي بتنظف نفسها لحسته فاتسممت ده ممكن يكون حصل؟

حوالي سنتين و نص

لا ابدا مفيش حاجة من الكلام دة عندي في البيت

[AhMeD EzZ]

حضرتك لو بتدور علي الاسباب ممكن تاخدها لكلية طب بيطري وتدخل الجثة معمل باثولوجي يعملوا تشريح بعد الوفاة ويشوفوا الاسباب

لكن من اللي حضرتك حكتهولي مفيش حاجه غلط ومقدرش احدد السبب

متشكر علي تعبك معايا يا دكتور

وناللي كنت داخلة اقولكم اخيرا بعد سنين عذاب انتهزت فرصة ان كوكي بيتفرج ملبلكونة وكتفتة وقصتله ضوافره اخيرا

هههههه كويس :)

مش خوانة..بس هو بيحب اوي يقعد فلبلكونة ونا مبدخلوش كتير فمتهيألي طول مهو جوا البلكونة

هيسكت علي اي حاجة عشان مدخلوش

بكرة بقي هحطله مانيكير