مرتبات مدرسات الحضانه ايه؟

[shaddadfalcon1]

السلام عليكم
عايز اعرف لو خريجة تربيه طفوله هتشتغل في حضانه والحضانه دي في مدينة نصر - الحي التامن المفروض المرتب يبقي في حدود كام؟ وياتري لو اتعرض عليها مرتب تقبله وخلاص ولا المفروض تفاصل معاهم ؟

وياتري لو متزوجه وعندها اولاد وهتاخد اولادها معاها المفروض تدفعلهم هنا كمان ولا يبقي في خصومات مثلا ؟

جزاكم الله خيرا مقدما

[نور القمر]

في الهرم لا تتعدى ال 400 جنيه وكانت المتقدمة خريجة اداب عربي وخبرة في التدريس لاعدادي وابتدائي !

[zago]

غالبا المرتب مش حيكون مكفي المواصلات
او كروت الشحن
او حتي البيبسي
مرتب حقير يعني من الاخر
:)

[shaddadfalcon1]

في الهرم لا تتعدى ال 400 جنيه وكانت المتقدمة خريجة اداب عربي وخبرة في التدريس لاعدادي وابتدائي !

طيب ومدينة نصر اخبارها ايه؟
دي اقل حضانه هنا ب 300 جنيه للعيل وفي لحد 2000 ومفيهاش اي حاجه

[Ayman-Ahmed]

هتختلف من مكان لمكان بمعنى كبر المكان ونضافته ومستوى التعليم فيه واللى بيشتركوا فيه يعنى لو الطفل هيدفع مثلا 1000 جنيه ممكن المدرسة لو خبرتها كويسة تاخد 500-700 جنيه وبالنسبة لو معاها اولاد هيبقى حسب نظام الحضانة برضه هتدفع بنسبة كام.فيه حضانات بتدفع 20_40%.

فى مدرسات فى حضانة بياخدوا فوق ال1000 حسب برضه هما بيدرسوا ايه فى الحضانة.

موضوع انها تفاصل فى المرتب برضه هيتحكم فيه خبرتها وبتشتغل بقالها اد ايه و هل هى مدرسة عربى ولا انجليزى.

[egyptiandiver]

سلام عليكو, مرتب المدرسة يعتمد على حاجات كتير أوي زي : مستوى الحضانة و مكانها، عدد اللغات إلي بيتقدم فيها ... شغل عادي ولا شغالين بسيستم منظم زي نظام منتسوري مثلاً، عدد سنين الخبرة، المادة إلي المدرسة هتديهة English ولا دين ولا فرنساوي، الدرجة العلمية للمدرسة يعني ثانوي غير بكالوريوس غير ماجستر مثلاً، و من غير كلام جنسية المدرسة تفرق كتير! يعني مدرسة انجلش بريطانية الجنسية مثلاً بتاخد فلوس مختلفة تماماً غير مدرسة انجلش مصرية للاسف الشديد. و أخطر و أهم حاجة في الموضوع ده و لنجاح الشغلانة دي هي الحب! أيوا الاطفال الصغيرين مشاء الله ازكية و بيعرفو مين بيحبهم و مين لأ. كمان الالتزام و عدم الغياب لآي سبب إلا لو حاجة قهرية. أنا رأيي تبتدي اسيستانت لمدة موسم واحد مثلاً و تكسب خبرة و السنة إلي بعدها مدرسة و ممكن و هي assisstant بردو تحضر دورة أو تاخد دبلوما في التخصص ده أو لو هي مدرسة انجلش مثلاً تاخد كورس English في حتة تمام. و ممكن تعتبر أول 2 3 4 سنين حتى إستثمار في نفسها و بتالي يتحول مرتبها من خانة المئات إلى الألاف! و ربنا كريم لو عندها طموح ممكن تحوش و بعد عدد من السنين يكون هي عندها مشروع حضانة خاص بيها. ملحوظة أنا و مراتي مدرسين - أخوك أحمد سامي

[AmatoALLAH]

علي حسب مستوي الحضانه

انا اشتغلت قبل كده بس الكلام دا من 10 سنين لما كنت في الجامعه , كنت بشتغل summer job
و كنت باخد وقتها 650 جنيه

و اللي بيشتغلوا فيه مش زي summer job كانوا بياخدوا من 900 الي 1300 جنيه

[shaddadfalcon1]

سلام عليكم, مرتب المدرسة يعتمد على حاجات كتير أوي زي : مستوى الحضانة و مكانها، عدد اللغات إلي بيتقدم فيها ... شغل عادي ولا شغالين بسيستم منظم زي نظام منتسوري مثلاً، عدد سنين الخبرة، المادة إلي المدرسة هتديهة english ولا دين ولا فرنساوي، الدرجة العلمية للمدرسة يعني ثانوي غير بكالوريوس غير ماجستر مثلاً، و من غير كلام جنسية المدرسة تفرق كتير! يعني مدرسة انجلش بريطانية الجنسية مثلاً بتاخد فلوس مختلفة تماماً غير مدرسة انجلش مصرية للاسف الشديد. و أخطر و أهم حاجة في الموضوع ده و لنجاح الشغلانة دي هي الحب! أيوا الاطفال الصغيرين مشاء الله ازكية و بيعرفو مين بيحبهم و مين لأ. كمان الالتزام و عدم الغياب لآي سبب إلا لو حاجة قهرية. أنا رأيي تبتدي اسيستانت لمدة موسم واحد مثلاً و تكسب خبرة و السنة إلي بعدها مدرسة و ممكن و هي assisstant بردو تحضر دورة أو تاخد دبلوما في التخصص ده أو لو هي مدرسة انجلش مثلاً تاخد كورس english في حتة تمام. و ممكن تعتبر أول 2 3 4 سنين حتى إستثمار في نفسها و بتالي يتحول مرتبها من خانة المئات إلى الألاف! و ربنا كريم لو عندها طموح ممكن تحوش و بعد عدد من السنين يكون هي عندها مشروع حضانة خاص بيها. ملحوظة أنا و مراتي مدرسين - أخوك أحمد سامي

جزاك الله كل خير استاذ احمد

[shaddadfalcon1]

علي حسب مستوي الحضانه

انا اشتغلت قبل كده بس الكلام دا من 10 سنين لما كنت في الجامعه , كنت بشتغل summer job
و كنت باخد وقتها 650 جنيه

و اللي بيشتغلوا فيه مش زي summer job كانوا بياخدوا من 900 الي 1300 جنيه

الف شكر ياامة الله وهي غالبا هتبقي فتره برده مش مستمره وممكن تكمل معاهم
بس الحضانه دي كانت فين لان واضح ان مستواها عالي وياتري الطفل كان بيدفع كام؟

[shaddadfalcon1]

هتختلف من مكان لمكان بمعنى كبر المكان ونضافته ومستوى التعليم فيه واللى بيشتركوا فيه يعنى لو الطفل هيدفع مثلا 1000 جنيه ممكن المدرسة لو خبرتها كويسة تاخد 500-700 جنيه وبالنسبة لو معاها اولاد هيبقى حسب نظام الحضانة برضه هتدفع بنسبة كام.فيه حضانات بتدفع 20_40%.

فى مدرسات فى حضانة بياخدوا فوق ال1000 حسب برضه هما بيدرسوا ايه فى الحضانة.

موضوع انها تفاصل فى المرتب برضه هيتحكم فيه خبرتها وبتشتغل بقالها اد ايه و هل هى مدرسة عربى ولا انجليزى.

حلو قوي يعني مش هتدفع للأولاد المبلغ كامل صح .؟ هي عندها طلفين فهل الطبييعي انها تدفع نسبه فعلا ولا الطبييعي انها تدفع كامل المبلغ ؟

[heshamzaky]

معلش الموضوع مش بيتقاس بالطريقة دى
المرتب الى حا تتقاضاة المدرسة فى الحضانة ليس لة علاقة بسعر الحاق اى طفل فى الحضانة لانها فى النهاية موظفة مش شريكة فى الحضانة
المرتب من 400 الى 700 جنية بالكتير و الله اعلم
البلد مفيهاش شغل و الدنيا واقفة وقفة سودة
يا تقبل العرض يا ترفضة مفيش اشغال فى البلد فاضية
و لو المدرسة عندها اطفال ممكن الاتفاق مع صاحبة الحضانة على الموضوع دة
مفيش قانون ملزم كلة بالاتفاق
لكن لو مدرسة و عندك فى نفس المدرسة طفلين بيتم عمل خصم على المصاريف الدراسية للطفل الثانى و نسبة بسيطة لا تذكر من الملغ الى بتدفعة طبعا

[human]

مش هيكفوا البيبس

[shaddadfalcon1]

متشكر ليكم جميعا

[shaddadfalcon1]

في حضانه بتودي فيها ابنها ب 300 جنيه في الشهر وعارضه عليها شغل وقالولها هيبقي المرتب قصاد الولدين + مبلغ رمزي

هل ده كويس؟

[AmatoALLAH]

Disney House

عند سور الكلية الحربيه و فعلا كانت حضانه تحفففه