مرتبات مدرسات الحضانه ايه؟

[FunnyMickey]

هيا زوجتك عاوزه تشتغل يعني ياهيثم وفي نفس الوقت تدخل الولدين حضانه ؟

[Ayman-Ahmed]

حلو قوي يعني مش هتدفع للأولاد المبلغ كامل صح .؟ هي عندها طلفين فهل الطبييعي انها تدفع نسبه فعلا ولا الطبييعي انها تدفع كامل المبلغ ؟

زى ما قلت لحضرتك فى الاول حسب سياسة المكان ولكن معظمهم مبيدفعوش المبلغ كاملا للاطفال ومش عارف هيعملوا ايه بالنسبة لطفلين بصراحة.

[Ayman-Ahmed]

في حضانه بتودي فيها ابنها ب 300 جنيه في الشهر وعارضه عليها شغل وقالولها هيبقي المرتب قصاد الولدين + مبلغ رمزي

هل ده كويس؟

لحد امتى بمعنى اول سنة هتكون كدة والزيادة بعد كدة كويسة ولا لا.

لو المدام مش فارقة معاها المبلغ الرمزى فى سبيل انها مش هتدفع اشتراك الحضانة للولدين وكمان هتكون معاهم بصفة مستمرة تقريبا وتشرف عليهم معظم الوقت يبقى عرض كويس.

[shaddadfalcon1]

هيا زوجتك عاوزه تشتغل يعني ياهيثم وفي نفس الوقت تدخل الولدين حضانه ؟

بصراحه هي الحضانه لزقه في العماره وانا الصبح بودي ابني محمد واخر النهار هي بتنزل تاخده فهي مره قالت للمديره انها خريجة تربيه طفوله ومن يومين عرضت عليها شغل ومراتي قالتلها اننا في القاهره لمدة 5 شهور بس قالتلها مش مشكله المهم مراتي قالتلها هاخد راي زوجي وانا بصراحه رفضت شعلها قبل كده عشان بعيد انما دي جنب العماره وهي هتموت وتشتغل (نفسها يبقي معاها فلوس بتاعتها ههههههه)

النهارده قالتلها موافقه والمديره قالتها يبقي كده قصاد الولدين وذياده مبلغ رمزي يعني مش هتاخدي زي بقية المدرسات فانا بقولها شوفي المبلغ قد ايه واساليها الأول هو المرتب كام اصلا وهتخصم كام ومراتي مش فارقه معاها اصلا وبتقولي حتي لو مش هاخد فلوس خالص اهو قصاد ان الطفلين ببلاش والواحد اصلا ب 300 جنيه

بس طبعا مشترطه عليا اني هدفع للحضانه عشان هي تاخد مرتبها سليم (ماديين قوي الستات دوول)

فمش عارف هتعمل ايه بكره بقي

طبعا انا معترض علي عمل السيدات لو ملوش لازمه بس في الحاله دي مفيش مواصلات مفيش اختلاط مفيش تتاثير علي البيت (من 8 او 9 الي 4 ) يعني هبقي في البيت وهتخلي بالها من العيال وتشرف بنفسها عليهم)

[نور القمر]

لو مكنتش قالت لك تاخد هي مصاريف الولد كنت هقولك اديني رقمها عشان اوعيها :)

[AmatoALLAH]

لا كده خالي بالك الفلوس هتجري في ايد مراتك و هتعمل انقلاب عليك









هههههههههههههههههه

انا بهرج طبعا

[AmatoALLAH]

لو مكنتش قالت لك تاخد هي مصاريف الولد كنت هقولك اديني رقمها عشان اوعيها :)

حبيبتشي حبيبتشي خدتيها من علي طرف لساني :)

[نور القمر]

تصدقي حتى جملتك اخدتيها من طرف لساني
ياترى ده توارد افكار بينا بس ولا بين كل بنات حواء هههههههههههههه

[AmatoALLAH]

لا اكيد الصنف كله نازل بنفس السيستم :))))))

[shaddadfalcon1]

لو مكنتش قالت لك تاخد هي مصاريف الولد كنت هقولك اديني رقمها عشان اوعيها :)

لا ماهي اكيد مصريه وشاربه من نيلها بس انا هدفع مصاريف واحد بس مليش دعوه بالتاني

[heshamzaky]

لو عايز رايى بصراحة تقعد بالطفلين فى البيت بمزاجها و تبقى ملكة زمانها تتفرج على التيلفزيون تشرب شاى تشرب عصير و لا انها توجع دماغها فى دوشة العيال فى الحضانة و تشيل مسؤلية و كدة كدة تركز فى طفلين أفضل
مش قصة فلوس بس تتعب نفسها لية اساسا اذا كانت ممكن تستريح

[Eng_hatemfathy]

مجرد نزولها الصبخ مع ما يصاحبه من اعداد ملابس وتجهيز الاولاد وافطار حضرتك والامتناع طبعا عن ساعة النوم المبروكه يعد نزول الزوج والاولاد سيؤدى الى ضغط نفسى يتراكم مع مرور الوقت وان كان فى البدايه غير محسوس من باب التغيير ومن باب قاعدة الممنوع مرغوب الا انه ومع مرور الوقت سيصبح مؤرقا بالاضافه الى قاعدة اؤمن بها واشهدها على اقرب الناس الى ان المراة التى تذوق المال من جراء عملها غالبا لا تستطيع ان تتوقف عن العمل حتى لو اعطاها زوجها مثل ما تتقاضى الا بسبب قهرى لا تستطيع التغلب عليه وربنايرشدكم للخير ولا تنسى الاستخارة

[shaddadfalcon1]

لو عايز رايى بصراحة تقعد بالطفلين فى البيت بمزاجها و تبقى ملكة زمانها تتفرج على التيلفزيون تشرب شاى تشرب عصير و لا انها توجع دماغها فى دوشة العيال فى الحضانة و تشيل مسؤلية و كدة كدة تركز فى طفلين أفضل
مش قصة فلوس بس تتعب نفسها لية اساسا اذا كانت ممكن تستريح

حاولنا كتيير مع الأولاد بس بجد مش بيتعلمو اي حاجه في البيت وبينفضولنا تماما
في الحضانه كل يوم بيتعلم حاجه حلوه وجميله واصلا لو حسيت ان العيال هتدلع في الحضانه عشان مامتهم معاهم هخليها تسيبهم

مجرد نزولها الصبخ مع ما يصاحبه من اعداد ملابس وتجهيز الاولاد وافطار حضرتك والامتناع طبعا عن ساعة النوم المبروكه يعد نزول الزوج والاولاد سيؤدى الى ضغط نفسى يتراكم مع مرور الوقت وان كان فى البدايه غير محسوس من باب التغيير ومن باب قاعدة الممنوع مرغوب الا انه ومع مرور الوقت سيصبح مؤرقا بالاضافه الى قاعدة اؤمن بها واشهدها على اقرب الناس الى ان المراة التى تذوق المال من جراء عملها غالبا لا تستطيع ان تتوقف عن العمل حتى لو اعطاها زوجها مثل ما تتقاضى الا بسبب قهرى لا تستطيع التغلب عليه وربنايرشدكم للخير ولا تنسى الاستخارة

انا فاهم قصد حضرتك طبعا لكن في الأخر هي هتاخد الفلوس مني انا مش من الحضانه وطبعا لو حسيت باي حاجه من الحاجات اللي حضرتك ذكرتها هتكون اخر يوم في الشغل ليها

[egyptiandiver]

يا ريت حضرتك تسيب المدام تشتغل و تاخد خبرة و الاولاد يتعلمو بشكل نظامي و يحتكو باولاد تانيين و هما في سن صغير و ده هيمهد ليهم دخول المدرسة بعد كدة بشكل طبيعي. و ماتزعلش مني محدش عارف الموت من الحيا..... يعني أنا ممكن يجيلي أجلي دلوأتي يبئة مراتي تئدر تكمل مشوار الاسرة عشان معاها صنعة في اديها، و بحلفلك إن في حضانات و مدارس في kg كمان بتدفع للمدرسات مبالغ ممكن 10,000 جنيه و حتى أكتر و بدون ذكر أسماء. ربنا يعملك الصالح - أخوك أحمد سامي