أجيب منين كاميرا تجسس أو حتى dash كام

[رزق]

للاسف أنا عندي مشكلة صعبة
جراج جديد فتح تحت البيت (جراج البيت اصلا بس كان مقفول و اتأجر لحد) وانا استبشرت خير عشان المنطقة قلبت شبه شعبية فـالركنة فيها صعبة جدا

المشكلة إني لازم اسيبله نسخة من المفتاح عشان الجراج صغير جدا فـلو عربية عايزة تطلع كل اللي قدامها لازم يتصرفوا فيهم
المهم أول كام يوم كانت المعاملة تمام .. لكن في يوم بفتح علبة الكنسولة اللي جنبي مالقيتش الفلوس اللي باشيلها فيها لزوم الزنقة (حوالي 20 و 6 جنيه كوينات)
يوميها راجع ناوي على شر بس مالقيتش غير ابن صاحب الجراج قلتله وبعدين قلتله اعرفلي مين خدهم و كده ولسبب ما قلت فداها

كل يوم برده كنت الاحظ إن الكرسي اتحرك ومعاه المرايات بالرغم إن ده كان طلبي الوحيد عشان أنا بكره انهم يتغيروا
المهم قلت يا واد سيبك يمكن بس عشان يعرف يطلع وينزل (عشان صاحب العمارة عامل الجراج في الضهر على حارة عشان يبيع اللي قدام محلات)

جت بقى القشة اللي قطمت ظهر البعير
من يومين كده صحيت على مكالمة من صاحب الجراج الساعة 2 الصبح بيقوللي مامعناه الحقني ابني اتمسك بالعربية في لجنة في دار السلام (و عشان مبسبش الرخص فيها و هو معهوش رخصة اشتبهوا فيه إنهـا مسروقة)..لبست و نزلت وانا مش شايف أدامي و رحت بعربية ابويا ومعايا صاحب الجراج
و لما وصلت لقيته راكن على جنب الكمين وقاعد ورا في العربية وانا بصراحة كان دمي بيغلي وعايز اصفيه لكن الاب كان قاعد بيحسبن عليه طول الطريق وقال لي سبهولي أنا حنفخه

من يوميها وانا بيجيلي كوابيس وأصحى على الموضوع ده
وليكم انكم تتصوروا إن من كتر قرف الركنة في المنطقة موضوع إني أسيب الجراج ده مش في دماغي خالص
ناس اقترحت عليَّ أكتب عداد الكيلو بالذات قدامهم عشان أعرف لو اتحركت
أنا شايف اركب كاميرا ظاهرة أو مخفية عشان أبسط حاجة أعرف لما حد ياخد منها حاجة

في كاميرات بتركب زي

Dash Cameras and Dash Cam Accessories by Dash-Camera.com
Dash Cameras and Dash Cam Accessories by Dash-Camera.com
بس للاسف غالية نار و زيادة عن اللازم
فـهل فيه حاجة رخيصة والاقيها في مصر؟
كمان أنا عايزها تسجل بس لما الباب يتفتح أو لما العربية تكون دايرة فـياريت يكون في الإختيار ده

[Dr_Mido]

صعبه دى انا كنت بركن فى جراج من شهر قلتله الكيلومتر كذا هطلع $#%#%#$^$%#^ اهاليكو كلهم لو زاد واحد كيلو متر صحيح والعربيه فيها فلوس فكه كذا لو نقصت هطلع $%#$%#$^%لو العربيه اتجرحت مش هقلكو هعمل فيكو ايه كنت بتحط اول عربيه فى جنب الارض الفاضيه بعيد عن المدخل اعمل كدة مش هتنفع كاميرا

[رزق]

أكيد جراجك كبير يا دوك المشكلة عندي إن فعلا الجراج صغير يعني يعني بتاع 7 عربيات بالكتير وعشان تطلع اللي ورا لازم تمشي اللي قدام
بس إنت عملت معاهم الصح للاسف أنا بتعمل كويس مع الناس دي يمكن عشان كده بيستخفوا بيا
أنا مش فاهم إزاي واحد إنت مستامنه على عربيتك ياخدها يعمل بيها مشواره الخاصة
حتى ولو كانت دي أول مرة وحتى ولو الواد لسة صغير بتاع 17 سنة
أنا فعلا شكرت الظابط بتاع الكمين عشان لولاه مكنتش عرفت

[Dr_Mido]

أكيد جراجك كبير يا دوك المشكلة عندي إن فعلا الجراج صغير يعني يعني بتاع 7 عربيات بالكتير وعشان تطلع اللي ورا لازم تمشي اللي قدام
بس إنت عملت معاهم الصح للاسف أنا بتعمل كويس مع الناس دي يمكن عشان كده بيستخفوا بيا
أنا مش فاهم إزاي واحد إنت مستامنه على عربيتك ياخدها يعمل بيها مشواره الخاصة
حتى ولو كانت دي أول مرة وحتى ولو الواد لسة صغير بتاع 17 سنة
أنا فعلا شكرت الظابط بتاع الكمين عشان لولاه مكنتش عرفت

حاسبهم بعداد الكيلومتر وعرفهم اللى فى العربيه فكه كذا لو نقصت هخصمها من حساب الشهر ولو العربيه اتجرحت هخصمها من ايجار كذا شهر جايين ربمنا ميجيبش حكات بس فهمه انك عارف اللى فى عربيتك ايه بالظبط ومحدش هياخد منه حاجه

[shaddadfalcon1]

قولهم ان العربيه فيها فلوس وحاول تركنها ف مكان ممكن متحركش منها

[HOSSAM99]

يا أستاذ رزق
مينفعش اللي حضرتك عملته ده
كان المفروض تعمل محضر و تثبت فيه إن الموضوع مش بعلمك و تظبطهم (و بعدين ربنا يحلها و تطلع الواد) كان لازم يبات ليله بعيد عن أبوه
لكن كده صدقني هايعملها تاني لكن مش هايطلع بالعربيه في أماكن يكون فيها لجان

و الصراحه مينفعش تدي المفتاح لحد نهائي لأن اللي عمله الولد مش أقصي شئ ممكن يحصل

لو العربيه تتركن في الشارع و تكون متغطيه أفضل من الوضع الحالي

[رزق]

يعني فكرة الكاميرا متنفعش؟

[Khaled Online]

للاسف أنا عندي مشكلة صعبة

من يوميها وانا بيجيلي كوابيس وأصحى على الموضوع ده
وليكم انكم تتصوروا إن من كتر قرف الركنة في المنطقة موضوع إني أسيب الجراج ده مش في دماغي خالص
ناس اقترحت عليَّ أكتب عداد الكيلو بالذات قدامهم عشان أعرف لو اتحركت
أنا شايف اركب كاميرا ظاهرة أو مخفية عشان أبسط حاجة أعرف لما حد ياخد منها حاجة

في كاميرات بتركب زي

dash cameras and dash cam accessories by dash-camera.com
dash cameras and dash cam accessories by dash-camera.com
بس للاسف غالية نار و زيادة عن اللازم
فـهل فيه حاجة رخيصة والاقيها في مصر؟
كمان أنا عايزها تسجل بس لما الباب يتفتح أو لما العربية تكون دايرة فـياريت يكون في الإختيار ده

السلام عليكم يا بشمهندس
ربنا يكون في عونك والحمدلله إنها جت على أد كدة
برضه ربنا قدر ولطف. أنا مش عايز حتى أفكر في الاحتمالات التانية
موضوع الكاميرا ده ممكن جدا تلاقيه في الفلكي اللي في التحرير
من أكتر من سنتين كنت سألت على كاميرا مراقبة شبيهة وهم عندهم أشكال وألوان وكمان أسعار مختلفة حسب قدرة ومواصفات الكام
بس متروحش لبتوع مستلزمات الكمبيوتر اللي هناك
لأ كمّل كأن التحرير في ظهرك هتلاقي كذا محل خاصة على النواصي وعندهم اللي بتطلبه
أسعارهم كانت من 150 جنيه بخلاف تمن السلك وبعديها حاجات أغلى
والحمدلله إن الولد ماأخدش عربيتك وعمل بيها شيئ مخالف ولا حادثة

حاسبهم بعداد الكيلومتر وعرفهم اللى فى العربيه فكه كذا لو نقصت هخصمها من حساب الشهر ولو العربيه اتجرحت هخصمها من ايجار كذا شهر جايين ربمنا ميجيبش حكات بس فهمه انك عارف اللى فى عربيتك ايه بالظبط ومحدش هياخد منه حاجه

+1
والكلام يكون مع صاحب الجراج مش مع اللي واقفين فيه
الكلام منه ليه وقع تاني خالص عليهم وده عن تجربة
وبرضه حتة تركيب الكاميرا دي أنا مش عارف بصراحة هتكلمه فيها ازاي

[HeMa_LanCeR]

انت ازاي حضرتك سيبته عادي كده
افرض كان عمل بيها جريمة كده تشيلها انت بقي
بصراحة تصرف غلط 100%
كان المفروض تعمل محضر تثبت فيه الكلام ده
وعداد الكيلو متر مش صح لأنة ممكن يفك الفيشة :)

[Ayman-Ahmed]

ليها حل بسيط جدا يا سيدى الفاضل.هتختار مكان فى الجراج ميكونش مشكلة بالنسبة ليهم فى طلوع ودخول عربيات وتركن فيه دائما وتقفلها وتاخد مفتاحها معاك.ولو اننى اشك ان الجراج ده ادارته تمام ولو ان الاب ميعرفش ان ابنه بيخرج بعربيات ولكن فعلا مش هتقدر تعرف ايه اللى بيعملوه بالعربيات برة.

وحضرتك عاوز تكلف نفسك تمن كاميرا عشان تطمن على العربية اومال راكنها فى جراج ليه.؟

واكيد نظام الجراج والناس اللى فيه ليهم اوقات معينة وانت كمان فاعرف مين العربيات اللى بتطلع فى نفس وقتك تقريبا ومين فيهم اللى ممكن يتاخر عن ميعاده وبيرجعوا امتى بلليل واركن وراهم او فى وسطهم واقفلها برضه وخد مفتاحك .ولو قالوا مينفعش تاخد المفتاح ردك يكون ومينفعش اسيبه وحد يعملى بيها مشكلة برا.

الا اذا كنت تقدر تشوف جراج تانى ولو بعيد شوية.

[رزق]

انت ازاي حضرتك سيبته عادي كده
افرض كان عمل بيها جريمة كده تشيلها انت بقي
بصراحة تصرف غلط 100%
كان المفروض تعمل محضر تثبت فيه الكلام ده
وعداد الكيلو متر مش صح لأنة ممكن يفك الفيشة :)

للاسف كلامك صح لكن اللي حصل

بس كده إنت قفلتها خالص بموضوع الفيشة

[رزق]

ليها حل بسيط جدا يا سيدى الفاضل.هتختار مكان فى الجراج ميكونش مشكلة بالنسبة ليهم فى طلوع ودخول عربيات وتركن فيه دائما وتقفلها وتاخد مفتاحها معاك.ولو اننى اشك ان الجراج ده ادارته تمام ولو ان الاب ميعرفش ان ابنه بيخرج بعربيات ولكن فعلا مش هتقدر تعرف ايه اللى بيعملوه بالعربيات برة.

وحضرتك عاوز تكلف نفسك تمن كاميرا عشان تطمن على العربية اومال راكنها فى جراج ليه.؟

واكيد نظام الجراج والناس اللى فيه ليهم اوقات معينة وانت كمان فاعرف مين العربيات اللى بتطلع فى نفس وقتك تقريبا ومين فيهم اللى ممكن يتاخر عن ميعاده وبيرجعوا امتى بلليل واركن وراهم او فى وسطهم واقفلها برضه وخد مفتاحك .ولو قالوا مينفعش تاخد المفتاح ردك يكون ومينفعش اسيبه وحد يعملى بيها مشكلة برا.

الا اذا كنت تقدر تشوف جراج تانى ولو بعيد شوية.

للاسف مش حينفع عشان أنا بأنزل يوميا وأول واحد بطلع و مش ضروري اكون آخر واحد برجع
هو أنا فعلا شاكك في الاب صاحب الجراج لكن كلامه معسول ومش عارف امسك عليه حاجة

[HeMa_LanCeR]

طيب انت ممكن تجيب موبايل رخيص وتشغل فية خاصية الرد الألي
وابقي اتصل عليه هيفتح عليك وتعرف ايه اللي بيدور في العربية :)

[Dr_Mido]

طيب انت ممكن تجيب موبايل رخيص وتشغل فية خاصية الرد الألي
وابقي اتصل عليه هيفتح عليك وتعرف ايه اللي بيدور في العربية :)

وليه العذاب دة عاوز عربيتك تتلف ورق مناديل معطرة اطلع على القسم اعمل محضر سرقه للعربيه وبلغ صاحب الجراج ان لو العربيه اتحركت من الجراج بدون اذن هتعمل محضر سرقه وتتهم ابنه بيه وياسلام لو عملتلك محضر بواقعه ان العربيه خرجت بدون اذنك قبل كدة تبقى برنس

واروشهم بقى فى اوقات مختلفه انزل اكنك بتجيب حاجه من العربيه هيخافو تتحرك لانهم مش عارفين انت ممكن تنزل امتى تجيب حاجه منها

[رزق]

طيب انت ممكن تجيب موبايل رخيص وتشغل فية خاصية الرد الألي
وابقي اتصل عليه هيفتح عليك وتعرف ايه اللي بيدور في العربية :)

ماهي دي متنفعش عشان كذا سبب ابسطهم إني معرفش امتى حتحصل الحاجة