أجيب منين كاميرا تجسس أو حتى dash كام

[رزق]

motion detector
مش كدة هيشتغل لو حرك عربيتك بره الجراج علشان يطلع عربية تانية

فيه فكرة تانية Roxer يفيدنا فيها
انذار يتعمل لو العربية بعدت عن مكانها لمسافة معينة يضرب ليك
كدة لو العربية خرجت بعيد عن 20 ولا 30 متر عن الجراج الانذار يزمر عندك فى الشقة وتنزل تبص عليها
ولو عربية الوالد بتركن معاك والايجار معقول
خدوا انتم الاثنين 3 اماكن فى اخر الجراج او مكانين وتخلوا المفاتيح معاك ومع الوالد وتتسحب من بتاع الجراج
بس كدة انت هتركن جوة خال وتستنى كل مرة يطلع لك الباقى اللى قدامك

أنا كنت بقول motion detection بس في موضوع الكاميرا بحيث إنها متسجلش على الفاضي
أول ماتحس بحركة في الصالون تبتدي تسجل

يبقى تاخد مكان صاحب الجراج لان حضرتك وغيرك اصحاب الجراج ومن غيركوا الجراج ملوش لازمة.وان لم يكن فالبديل يبقى المنزل الفاضى اللى على يمين المغسلة او المغسلة لان مفتكرش هيغسلوا بلليل او الصبح بدرى قبل ما تطلع.ومفتكرش انك لو قلت لصاحب الجراج انك عاوز مكانه يقول لا . ولو قال لا يبقى توصله الفكرة ديه.

اولا : انت انقذت ابنه ومش ضامن ممكن يكررها تانى ولا لا ومش هتنام كل يوم قلقان وانت راكن العربية فى جراج.

ثانيا : عشان ابقى ضامن مفيش حاجة تتسرق تانى يبقى لازم اركنها فى مكان ومقفولة.

وبالنسبة لعربية الحج يفضل تحطها جنبها او خليها فى الاخر وتتقفل برضه ويبقى الخروج على تيلفون عشان يفضوا اودامها ويجهزوها ده لو الحج ملوش مواعيد ثابتة للخروج.

تمام ألف شكر على الافكار دي عمتا أنا الموضوع شاغل بالي جدا لإن أبسط حاجة
1 كده أنا عرفت ليه في في العربية حكة جامدة وكنت حتجنن أعرف حصلت امتى
2 ممكن بسهولة اروح ارخص الاقي مخالفات عكس طريق أو غيره

[mustafavet]

في جهاز مانع السرقة بشريحة محمول كان نازل عنه اعلان علي المنتدي
اشتريه
هتعرف امتي العربية بتتفتح وممكن بعدها ب 5 دقايق تتصل علي الجهاز في العربية يقوم يفصل محرك العربية يعني حتي لو اخدها هتبقي عارف وممكن تفصل العربية خالص ومش هيقدر يشغلها غير بيك انت

[Ayman-Ahmed]

لا شكر على واجب وربنا يسترها معانا جميعا.

[أحمد كمال]

انا لو مكانك كنت قلت ايوة سارقها و اسيبه يبات في الحجز و اما يستوي ابقى اتصالح .....

افرض كان عمل بيها مصيبة يوميها و لا قتل واحد تحاسب انت عالمشاريب؟

[el_nahal2004]

السلام عليكم ورحمة الله وبركاته
مينفعش ان حضرتك تكون عارف ان فى عدم امانة فى الجراج وتفضل متواجد به حتى لو اخدت المفتاح
حضرتك انت راكن فى جراج عشان تريح بالك مش عشان تجيب كاميرا او عشان تقرا العداد فى الطلوع والنزل وتعرف ان هية عدت او لأ

غير الجراج خالص حتى لو بعيد شوية واشترط على الجراج انك متسيبش المفتاح

[رزق]

السلام عليكم ورحمة الله وبركاته
مينفعش ان حضرتك تكون عارف ان فى عدم امانة فى الجراج وتفضل متواجد به حتى لو اخدت المفتاح
حضرتك انت راكن فى جراج عشان تريح بالك مش عشان تجيب كاميرا او عشان تقرا العداد فى الطلوع والنزل وتعرف ان هية عدت او لأ

غير الجراج خالص حتى لو بعيد شوية واشترط على الجراج انك متسيبش المفتاح

كلامك لا غبار عليه لكن حضرتك مش متصور صعوبة الركنة في المنطقة
وزي ماهو واضح أنا مش من النوع اللي عنده قلب يركن مكان مايحب و يقول ل أي حد لو رجعت و لقيت فيهـا خربوش صغير حنفخك

[Land_Cruiser]

ولو أنى قريت رد حضرتك على موضوع الركن فى جراج تانى لكن أنا برضه انصح حضرتك تدور على جراج تانى حتى لو بعيد لان الناس دى مينفعش تاتمنهم بعد ألواقعه السابقه و ممكن تتكرر و الراجل صاحب الجراج مش هتعرف تخلص معاه و هترسي فى الاخر انك ترضى بالامر الواقع و كمان مهما عملت من حلول ده هيستلزم انك تقعد تراقبها و كل ما تحصل حاجه تسيب اللى فى ايدك و تنزل جرى تشوف ايه اللى حصل و حتى لو عملت كده كذا يوم شويه و هتزهق و طبعا حكايه انك تركب كاميرا دى مكلفه و كمان مش هتقعد تراقب فى العربيه ليل نهار و بعدين حتى لو عملت كده ما هوه ممكن يخرج بيها بعد ما حضرتك تنام و ممكن حد يطلع على المفتاح اللى معاه و لا هتعرف. يعنى باختصار الموضوع مالوش غير حل انك تشوف جراج تانى يكون أمان و ما تحتاجش تسيب المفتاح لسايس و لا حاجه و لو المشوار للبيت هيبقى بعيد ممكن تاخد تاكسى و تعتبر ان فلوس التاكسى كان اشتراك الجراج غلى شويه بس تريح دماغك من وجع القلب ده و ممكن تاخد جوله سريعه فى المنطقه عندك و ان شاء الله تلاقى واحد كويس و بالتوفيق..

[el_nahal2004]

كلامك لا غبار عليه لكن حضرتك مش متصور صعوبة الركنة في المنطقة
وزي ماهو واضح أنا مش من النوع اللي عنده قلب يركن مكان مايحب و يقول ل أي حد لو رجعت و لقيت فيهـا خربوش صغير حنفخك

والله حاسس بحضرتك وفاهمك وانا من الناس الى كنت زيك معرفش اقسى على سايس او اجى على حد حتى لو هو جه عليا
بس بجد انا الى اتنفخت من الموضوع ده مش شرط عربية اى حاجة عمتا الواحد لما بيلائيك سهل وطيب بيجى عليك جامد لغاية ماقلبى قوى غصب عنى
حاول حتى تصطنع ده قدامهم
بس برده مينقعش تكمل معاهم لانهم عرفوك خلاص

[رزق]

الجراج قفل بعد أول شهر ليه (مفيش حد اشترك فيه غيري أنا ووالدي) أظن عشان زي ما قلت إن معظم جراجات المنطقة 60 جنيه و ده 180 جنيه
بالرغم من اللي عملوه فيَّ إلا إني حزين إنه حيقفل عشان كان مريح دماغي من الركنة تماما فـأرجع البيت وقت مرجع هلاقي ركنتي
وبالذات في آخر اسبوعين مبقوش ييجوا اساسا فـدماغ آخر حاجة بأنزل معايا مفتاح الجراج اطلعها واقفل ورايا و أمشي و أرجع أفتح ادخلها و اقفل ورايا تاني يعني بقى ملكية شخصية بقى هههه

[نور القمر]

ارزاق يا رزق هنيالك ومبروك عليك عشان انت طيب