أنضف العربية ازاي انا قرفت

[icehearted girl]

بجد قرفت قرف..اكيد دي مشكلة ناس كتير ف البرد دا

يوميا بنزل مش بلاقي ندي...لأ دا كإن العربية لسه خارجة من تحت الدش وكل خد عليه خوخة

بتبقي غرقانة مية...ولو نضفتها بالشرشوبة بتتعك وتتطين

بنضف يادوب حتة مالازاز جمبي بكلنكس عشان اشوف المرايات

ولو رحت بنزينة مش بيرضوا ينضفوها كدا ملمية وينضفلي الازاز وبس

وبمشي بيها كدا الهوا بينشف المية ف خلال نص ساعه تقريبا وتبتدي تجير ويبقي منظرها مقررررررررف اعمل اي بقي

[sayed911]

غطا وتر بروف :) :)

[HeMa_LanCeR]

نضفيها بليل من التراب
والصبح امسحيها بقطعه قطن نضيفة
او غطيها بغاء ووتر بروف واشتري دماغك :)

[ahmed_mido1889]

كانت المشكله دي عندي لما بسافر البلد

بس بقيت اديها بوليش قبل السفر

البوليش والميه اعداء

بفوطه عاديه بتنضف وتشيل كل اللي عليها

[icehearted girl]

مينفعش اغطيها ...مفيش بواب ولما باجي اشيل الغطا بتبهدل بصراحة ونا ببقي نازلة الشغل مينفعش خالص

[A.Saad]

ممكن تشيلى الغطا بالراحة
او تجيبى مساحة الزجاج الصغيرة اللى بالايد
تعملى بيها المياة من جسم العربية
وتنشفى بفوطة مخصوصة للمياة
ميجيش عليها اى تراب علشان متجيرش
المشى بالعربية عليها مياة غلط لانه ممكن يجيب بارومة

وبعدين زهقتى من ايه
ركوب عربية فى مصر مش ساهل
تدفعى لتوكيل حرامى وصنايعى نصاب
سايس نصاب
حوداث غيرك تصلحيها
تستحملى نق من الناس ومشاوير مجاملات
مطبات تقطم ضهرك وتكسر فشة
قطع غيار مغشوشة

[mazagngi2010]

احسن حل تسيبها وتمسح الزجاج بس والهوا هينضفها فى الطريق
انا بعمل كده وزى الفل

[icehearted girl]

طب منا بعمل كدا ... بس ونا ماشية بتلم تراب ورمل كتير اوي وبتتطين بردوا

[sayed911]

الغطا المبطن يا فندم بقطن لو عرفتي تلميه صح عمره ما بيبهدل الواحد الصبح وانا جايب جوانتب صغير "عشان بسوق وانا لابس جوانتي " لو خليتي معاكي واحد الصبح ممكن تلمي بيه الغطا افضل

[amdd]

ممكن تشيلى الغطا بالراحة
او تجيبى مساحة الزجاج الصغيرة اللى بالايد
تعملى بيها المياة من جسم العربية
وتنشفى بفوطة مخصوصة للمياة
ميجيش عليها اى تراب علشان متجيرش
المشى بالعربية عليها مياة غلط لانه ممكن يجيب بارومة

هو ده الحل الامثل وانا بعمل كده لما انزل الصبح الاقى العربية غرقانه ندى امسح بالمساحه وانشف فى الفوطة(امسح العربية من فوق لتحت يعنى السقف وبعدين الزجاج وبعدين الكبوت و الشنطه)ويجعله عامر

[AhMeD EzZ]

انا جايب مساحة قزاز الصغيرة + بنضف العربية بليل + كل شهر وش بولش و واكس

مش بحس بالندي خالص بعد الحاجات دي

[A.Saad]

اما تمشى بيها مبلولة هتلم تراب
معروفة يا ايس

[أبو إياد]

افضل حل هو انك تنظفيها بالليل من كل التراب اللى عليها وياسلام لو العربيه لونها ابيض مش هاتحتاجى تنظفى اى حاجه غير الزجاج طول الاسبوع

[icehearted girl]

عملت بولش امبارح وشكلها كان يفتح النفس

النهاردة الصبح حد رامي عليها مية مبقعاها وشكلها رجع يسد النفس

[KHALED AYMAN]

انا شخصيا اهم حاجه عندي نضافه العربيه من جوا ...عشان كده مش بفتح الازاز لا صيف ولا شتا ...من برا بقي عمري ما شغلت دماغي نضيفه او لا !!