أنضف العربية ازاي انا قرفت

[icehearted girl]

منا بعمل زيك كدا... بسس بتقرف ملناس..فلبنزينة تلاقي اي حد ايده بتاكله عشان يلحوسهالك بفوطة زفرة

والسايس كل يوم يتحايل عليا يغسلهالي... وكأنك عملت جريمة...ولازم يحاسبوك عليها

[A.Saad]

ممكن تقولى له فى البنزينة لا
مفيهاش كسوف

[A.Saad]

عملت بولش امبارح وشكلها كان يفتح النفس

النهاردة الصبح حد رامي عليها مية مبقعاها وشكلها رجع يسد النفس

المياة تتمسح بفوطة مندية او مرشوش شوية جلانس
بس بتتعب فى المسح

[FunnyMickey]

انا اخر ما زهقت بقيت بسيبها كده
وحلفت مانتي متنضفه خالص
وحلفان بحلفان
مانيش مستحمي انا كمان
:)

كل يوم ندي ومطره والشارع عندنا كله شجر
وانا مش كاتب عالعربيه حمام عمومي ولا هيا شبه الكابينيه
عشان اي عصفوره تيت ولا حمامه ولا حتي الشجره نفسها تطلب معاها تنزل ترابها علي العربيه
خليها كده بقي

[M!SHO]

انا شخصيا اهم حاجه عندي نضافه العربيه من جوا ...عشان كده مش بفتح الازاز لا صيف ولا شتا ...من برا بقي عمري ما شغلت دماغي نضيفه او لا !!

+1111

[cyborg_ift]

امال انا اعمل ايه في السبعتاشر حمامه اللي لازم كل يوم يصبحو على قفا العربية

[KHALED AYMAN]

انا حتي في البنزينه مبخليش حد ينضف لا الازاز ولا العربيه ...الازاز ليه مساحات و الفوانيس الحمد لله ليها رشاشات ...انا في واحد صاحبي عنده مغسله عربيات بيحلفني يغسلها ببلاش مبرضاش ..و البواب عندنا بينضف عربيه والدي ..و انا قايله عربيتي انا لا !!

[A7MED_PHARMA]

تقف في حتة مكنونة .. متكنش معرضة للهوا بشكل مباشر
وتتمسح قبل ماتبات .. وتتغطى بغطا قماش عادي
والصبح تشيلي الغطا .. وتمسحيها بفوطة زفرة


أنا أكتر واحد بيعاني من المشكلة دي
العربية طول الليل واقفة قدام الصيدلية .. الرطوبة والتراب بتاع العربيات المعدية
على الصبح بتبقا بوظة
فبقيت بمسحها المغرب وأغطيها .. والصبح بشيل الغطا وأمسحها بفوطة زفرة

[أبو إياد]

انا حاسس ان فى مسابقه فى اكتر عضو مابينظفش عربيته من بره
انا لو ماشى بيها مش نظيفه باتجنن ومن كتر ما بوديها المغسله العيال هناك باقوا صحابى وبيظبطوا العربيه ع الاخر من غير ما وضى عليها

[amrezzat82]

يا جماعة الحل انك تجيب فوطة ناعمة جدا من كارفور حتلاقيها ب 6 جنيه
و حتشيلك كل حاجة و تخلي العربية بتلمع و بلاش الحاجات اللى فيها زفارة ديه بتبوظ دهان العربية و تخربشها خرابيش كتيرة
بس عيب الفوطة ديه انها لما تتملي تراب قوي كل كام ثلاث اربع مرات تنظيف يبقى لازم تغسل الفوطة

[M!SHO]

انا حاسس ان فى مسابقه فى اكتر عضو مابينظفش عربيته من بره
انا لو ماشى بيها مش نظيفه باتجنن ومن كتر ما بوديها المغسله العيال هناك باقوا صحابى وبيظبطوا العربيه ع الاخر من غير ما وضى عليها

على كده أنا معفن :)

أنا بغسل العربيه من بره مرتين فى الشهر بالكتير أوى :)

أما العربيه من جوه محدش بيمد أيده فيها غيرى وعلى طول نضيفه الحمدلله

[أبو إياد]

على كده أنا معفن :)

أنا بغسل العربيه من بره مرتين فى الشهر بالكتير أوى :)

أما العربيه من جوه محدش بيمد أيده فيها غيرى وعلى طول نضيفه الحمدلله

يا هشام بيه لما تكون ساكن فى فيصل هاتعذرنى ده الغريب لما يدخل فيصل لاول مره يفتكر ان الجو فيه شبوره وهو بيكون تراب ولما تركن عربيتك اكتر من 8 ساعات عند الشغل تحت كوبرى يبقا عليه العوض ومنه العوض

[alaasaid]

السلام عليكم

هو جو مدينة الشروق كدة , الندى الصبح بيكون مغرق العربية كأنها مطرة , الحل بقى أما غطا وتربروف و من جوة قطن , أو تخلى السايس يمسح العربية كل يوم الصبح قبل معاد نزولك , انما حوار ان الواحد بفضل يمسح بفوطة أو مساحة على الصبح و هو نازل مش جايب همه

[Eng_hatemfathy]

لو الندى كتير فى ممسحه بتتباع عند كارفور من ناحية كوتش ومن ناحيه سفنج تلمى بيها المايه من على السقف والجوانب كانها سيراميك وبعد كده فوطة قطن ناعمة هتلاقى الموضوع سهل وبعد متخلصى كيس الويبس ونضفى ايدك ومن غير اى مجهود

[mahmoud_afifi]

أنا كان عندي نفس المشكله دي. بنزل الساعه 8 وبلاقي ندى مغرق العربيه !
المهم جبت حاجه زي المساحه كده من Sonax بلم بيها المايه وبعد كده بمسح العربيه تبقى بربرق

بالشكل ده ..