مش قادر أفهم الشباب عايزين ايه !!!

[Ahmed Anwer]

تجربتي :_


1- الفلوس بالإنتاج أو مقاولة مع ضبط الجودة و بدايتها من طبيعة خط إنتاجك و جودته و طريقة تنظيمك

2- لما يكون عندك حد كويس تمسك فيه بايديك و سنانك و متتكبرشي و تقول فيه زيه عشرة علي القهوة


أخيرا 750 جنية ، مرتب ضعيف دلوقتي جدا علي العمالة الذكور حاليا (( باتكلم علي السوق في القاهرة ))، خطط لزيادة الرواتب أو ربطها بالإنتاج أو تعويضهم بحوافز و مكافآت


يأما تستعين بعمالة آناث ، لو المجال يسمح بعمالة الآناث مفهوش مجهود بدني شاق

البنات أكثر جلد و إلتزام و دقة حتي لو هتوفرلهم اتوبيسات و تجيبهم من مناطق بعيدة


في النهاية شايف العامل ، الحلقة الأضعف في العملية الإنتاجية في مصر و الأسوأ فعل بس بعد سوء الإدارة المصرية عامة و الفهلوة في المكن و خطوط الإنتاج و تنظيمه

[hazemhany]

750 جنيه قليل ؟؟؟
مهندس الكهربا لما يتخرج و يشتغل في اتخن مصنع "توشيبا مثلا" بياخد اد ايه ؟؟
اخر رقم سمعته من شهرين تلاتة كان 1200 جنيه

مهو النظام كله غلط ...مهو انا لما بقول 750 قليل للعامل ..يبقي بالمثل 1200 قليل ع مهندس تعب وطلع عينه في التعليم والكلية ..علشان كده هيفضل المنتج مصري طول عمره تعبان ومفيش اي تقدم علشان مفيش اي اهتمام بالموارد البشرية اللي هيا اهم حاجة في المنظومة ...وردا ع استاذ MaZaGAngeE لو حضرتك هتفضل مستكتر الطموح عليهم ..يبقي متستناش اي تحسن في الانتاج او الالتزام منهم في الشغل..ومش لازم علي فكرة طموحه يبقي صاحب مصنع يعني ..بس ع الاقل يبقي عندي ادني الاحتياجات الاساسية اللي مرتب حضرتك مش هيفرهولوا ...وع فكرة ياما شوفنا عمال صغيرين وبقوا اصحاب مصانع وملايين بعد كده ..فمتستكترش عليهم حتي يبقوا اصحاب مصانع :)

[Ahmed Anwer]

آه و فيه حاجة تانية بخصوص موضوع الأحور


فيه قاعدة إقتصادية بتقول


طول ما أجور المؤسسة (شاملة الإدارة و العمالة ) لا تزيد عن 10-15% من ثمن المنتج

يبقي أنتا سليم

و ما أعتقدشي فيه مؤسسة في مصر تكلفة الأجور فيها تتخطي هذه النسبة في ثمن المنتج


غير المؤسسات الإستشارية و الخدمية

[aif]

العمال لازم يخافو منك ويحترموك ويحبوك
لازم الحزم والجد في التعامل مع العمال
كون انهم مش بيفهو دي حاجة يسأل عنها اللي اختبرهم وعينهم في الشغل المفروض انك تختار عمال على الاقل قابلين للتعلم .... مش انفار من بتوع لم الدودة في موسم القطن .... ولو انهم برضو اكيد بيفهمو ف لم الدودة والا كان صاحب الغيط مشغلهمش عنده
لازم نظام اداري ولايحة جزاءات .... ولازم كمان حد يبقى عبرة ع الاول
لازم كبش فداء ف الاول عشان الباقي يخاف ويمشي عدل

[Dr.Rayyan]

ممكن حد يفسرلى حاجه هتجننى دخل العامل الصينى اللى بيعمل ولاعه سخان وفيها لمبه و3 بطااريه ب جنيه واحد شامله كل الحوارات اللى ممكن تتخيلها او لا تتخيلها كام ؟

[shadygalal669]

سواقين معاهم رخصة درجتها ايه ياشادي بيه ؟يعني خاصة ولا مهنية ولا ايه بالظبط

سواقين نقل ثقيل درجة اولي مهنيه و هيشتغل ع عربيه كساحه "اللي بتشيل اللوادر والحفارات"

[A7MED_PHARMA]

dentist
النظام الشيوعي ف الصين .. على أد ماهو قاسي
على أد مابيوفر جزء من العدالة الإجتماعية للعمال
يعني مهما كان دخل العامل .. فالحكومة الشيوعية بتحكم السوق إنه مايذدش على قدرات العامل على الشراء
وحكم الحكومة الصينية .. مافيهوش هزار ولا وسايط(( غير طبعا أعضاء الحزب الحاكم نفسه)).
يعني التسيب ف الصين مش موجود
يعني العامل هناك لو أخد دولار كل يوم .. الحكومة بتاعته هتظبط السوق إن الدولار يكفيه وزيادة
بس
يعني أجر العامل الصيني 40 سنت ف الساعة.. يعني 2.4 ج ف الساعة
يعني الــ 10 ساعات شغل = 24 ج مصري
يعني الشهر بتاعه 720 ج مصري ف الساعة في 10 ساعات شغل
بس بيكفوه ويفيضواااااا
علشان أكلهم وشربهم وإحتيجاتهم اليومية أقل من عندنا كتير

[A7MED_PHARMA]

والمصري للأسف إستهلاكه من الكماليات مبالغ فيه
يعني تخيلوا لو الراتب 750 ج .. ومكنش إختراع المحمول مثلا موجود
هنتكلم على التكلفة
هيوفر على الأقل (على الأقل) 50 ج شهريا من المصاريف
السجاير .. لو العامل المصري مش بيدخن .. هيوفر على الأقل (على الأقل) 200 ج ف الشهر
وهكذا
غير تكاليف الحياة
يعني ف الصين مثلا
علشان تجهز شقة .. والله أعلم ماعندهمش سفرة ونيش وشبكة ومهر ومؤخر وقايمة وفرح بكام ألف في قاعة وعربيات تتأجر .. وماعندهمش مواسم وأعياد العريس يروح يعيد ع العروسة بــ 200 ج
وماعندهمش أوضة أطفال بكام ألف..وماعندهمش كل السلطة إلي عندنا ف مصر


عارفين

لو الحكومة حكمت سعر المنتجات الإستهلاكية للمصريين
الــ 750 ج هيكفوا ويفيضوا والله
يعني الطماطم لما تتباع بسعرها الرسمي(حاجة وستين قرش والله أعلم).. والسرفيس فضل بربع جنيه.. والنقل العام فضل بربع جنيه
الفلوس هتكفي

لكن سعي المصريين للفشخرة والمظاهر.. والفنتظية
هي إلي مودينا ف داهية

[Ahmed Anwer]

ممكن حد يفسرلى حاجه هتجننى دخل العامل الصينى اللى بيعمل ولاعه سخان وفيها لمبه و3 بطااريه ب جنيه واحد شامله كل الحوارات اللى ممكن تتخيلها او لا تتخيلها كام ؟

زي ما قالك د/أحمد ، دخل العامل الصيني مش أقل من العامل المصري


يمكن ازيد كمان و دي معلومات حقيقية


و علي فكرة الصين دي عبارة عن ورش تحت بير السلم يعني كل الشغل بيتعمل بآساليب بدائية و شغل يدوي بس عندهم خبرات عفاريت ،،،

بس الفرق :_

1- أسلوب الإدارة كله أسلوب خط الإنتاج ، العامل قاعد علي مكنته أو بيجمع قطعة طول النهار مابيعملشي غيرها يعني حتي لو حمار هيحترف مهنته ، غير عندنا في مصر العامل مطلوب منه يعمل قرد عشان يرضي الإدارة

2- حياتهم قاسية ، بيناموا و بياكلوا و يعيشوا في المصنع نفسه ، الصين مفهاش ويك اند ،ن تصدق دي ؟؟ عندهم أجازة سنوية واحدة فقط السنة شهر أو شهرين مش متذكر ، الصين كلها بتقفل فيها فعلا


3- الصين أصبحت مصنع العالم و هيا اساسا دولة قارة يعني صاحب مصنع الولاعات ده لو بيكسب قرش صاغ في الولاعة مع الإنتاج الكمي الضخم يبقي مليونير ، غير مصر اللي إعتمادنا كله علي السوق المحلي اللي مهما كان ضيق جدا و لا يقارن بالأسواق العالمية

4- أسعار الخامات في الصين أرخص من اي بلد في العالم بسبب الرقابة الشديدة ، غير إنهم أساسا عفاريت ممكن يعمل من الفسيخ شربات و بيعيدوا إنتاج كل حاجة و يعملوا من التراب منتج شكله تحفة و فينشه رائع

و ممكن تلاقي الزوج عايش في مدينة و الزوجة في مدينة تانية و سايبين ابنهم في قريتهم الأصلية و يتقابل العيلة الشهر ده بس


أنا كنت عامل زمان أووي موضوع عن الصين و المصانع فيها هأدور عليه

[KHALED AYMAN]

استاذ هشام هاني ..بلاش نستعمل كلمه ظلم لان العمال مش ظلمه لا دول نسبه كبيره منهم حراميه ..
و بالنسبه للحاجات المتحكمه في سعر المنتج ..المواد الخام مثلا الغزل كل المصانع في مجالنا بتشد في شعرها لان السعر طاااالع ناااازل ...و دي بتسبب خساير ..
ياريت تراجع مشاركتي الي فاتت و تقولي فين الظلم