مزاجك ايه وليه ؟

[friendship7897]

الحمد لله - مبسوطة أوي ومودي عالي - علشان نايمة بدري إمبارح فلحقت الفجر إنهاردة وقريت الورد كمان - ولما بقدر أنتظم على دا - بيكون اليوم كله عال العال .
اللهم يا مثبت القلوب ثبت قلوبنا .
نور - أنت مقولتيش مودك أيه ؟ وليه !

[أشرف العدوي]

متنــــــــــــــــــح
مش عارف ليه

[nonia]

مش عايزة اتحرك حتى من مكاني اعمل اي حاجة ماليش نفس خااااااااالص
وفي نفس الوقت عندي مليون حاجة لازم تتعمل :( ومش عارفة من ايه

[amarakl]

سقعان جدا :-)

[hosamsief]

مبسوط و متفائل و مرح و فل الفل .... ده واحد صاحبى قابلته انهاردة ...
انما انا .... بمر بـالاربع فصول فى اليوم .....
فى الصباح : مستعجل ... مهم ..... بجرى .. متوتر
فى الشغل : مرهق .... مصدع ..... سقعان .... مترصد
و انا مروح: متنح .... لا مبالاة .... مدروخ ....بتاوب
اول ما ادخل البيت : مبسوط ... مرح.... جعان... فجعان..
بس كده

[mohamed_mohsen]

قلقان من الامتحان اللي جاي جداً
خصوصاً بعد ما الامتحانين اللي فاتوا جم طوال جداً
و عايز اخلص عشان دي آخر سنه و بقالي كتير في الكليه
و في نفس الوقت زهقان جداً و مش عايز ابص في حاجه
ادعولي انجح السنه دي ارجوكم

[AboELsoud]

مبسوط عشان حاسس ان ربنا راضي عليا

كل ما احاول اعمل الحاجات السيئه اللي كنت بعملها و نفسي ابطلها الاقي نفسي متضايق قوي قوي و مخنوق و تعبان و مش عايز اكمل
اخرها اني تعبت شويه فعرفت قد ايه الواحد ضعيف جداااا و لازم تكون اكتر حاجه شغلاه هي علاقته مع ربه

وكل ما اجي اصلي و اقترب الى الله احس بفرحه حقيقه

ادعولي بالهدايه و الثبات :)

[rompo10]

قلقان جدا ومخنوق جدا ودماغي فيها مليون مشكله ومش لاقي حل لاي حاجه منهم (في موضوع مستنيه بقالي 7 سنين انه يحصل وبحاول معاه بكل الطرق )الحمد الله علي كل شئ

[Ghosts]

يا جماعة بأختصار مفيش حد فى الدنيا دى عايش من غير هموم و مشاكل ....
و كل ما الواحد يخلص من مشكلة يلاقى نفسة دخل فى مشكلة جديدة ....

أحنا عايشين فى دنيا ألم مش بينتهى ....
لكن مهما حصل لازم نقول الحمد للة ....

[AhMeD EzZ]

مبسوط و قلقان شوية عشان داخل علي قرار مهم جداا في حياتي و خايف من النتائحج

[shaddadfalcon1]

ادين الحقنه بسرعه ارجوك محتاج الجرعه

ضرسي بينقح عليا موووووووووووووووووووووووووووووووووووت من البارح بالليل والمسكن اللي كان بيخليني محسش باي الم لمدة 6 ساعات مش بياثر اكتر من نص ساعه
وعامل زي المبرشم اللي ماخدش البرشامه بتاعته ودماغي زي مايكون فيها مسمار وفي الم فظيع في راسي مش عارف في انهي جزء وحاسس ان هيجلي انهيار عصبي من الألم

[محمد عز]

مخنوق

[حماده عزو]

حاسس أن الدنيا مش سايعانى من الفرح وبرضو مضايق
لأنى فى أقل من 24 ساعه حصلى حاجتين واحده حلوه قوى وكان نفسى تحصل من 7 سنين والتانيه وحشه أوى وكانت غير متوقعه بالمره
الحمد لله على كل حاجه

[المنسي]

انا بدعى ربنا يفكها عليا الشهر مبلحقش اجى يوم 10 والفلوس بتخلص ودلوقتى كمان اكتر وداخل على ايام مايعلم بيها الاربنا وداخل على ظروف جديدة ومصاريف اكتر ومش عارف اجيب فلوس ليها منين ادعولى يفك كربى

[MohssenRashed]

الحمد لله راضي و مبسوط