مزاجك ايه وليه ؟

[max_ziro]

الحمد لله ..
دماغى فيها مليون حاجة و مش عارف اركز فى شغلى الى مرتبة مبيكفنيش اول 10 ايام و بفكر فى مشاريع بقالى ييجى شهر لف و سحلة على اسعار و ايجارات و دراسات جدوى سريعة و هكذا ...........

بس الحمد لله مودى تمام

[نور القمر]

حاله يأس ..لحظه كتابه المشاركه و قبلها و بعدها ..بقالى اكتر من 5 شهور مش قادر استوعب وفاه اخويه الكببير ..ولا قادر استوعب ان انا الى بقيت الكبير ..و مسؤول عن حاجات كتييييييييييييييييييييير ابويه و امى و اخويه الصغير و شغلى و شغل اخويه الله يرحمه ..مش فاهم ازاى كده اصلا ! تركيبه معقده جدا من الاحباط و الياس و الزهق و الخنقه و الضيق ...

نسيت اضيف كمان حاله حيره مستمره ..فى حاجه مش عارف اقولها ولا لا ! بس متعلقه بموضوع اخويه بردو

ربنا يصبرك ويصبر والدته والاسرة كلها
انا بموت بابا اكتشفت ان الحزن على فقدان الاعزاء مش بينتهي بمرور الوقت فما بال لما يكون شاب صغير وتوفى في ظروف مش معروفة للاهل ومشكوك في امرها
حسيت بنفس الاحساس في وفاة بابا لان بناء على كلام اطباء شاكين انه توفى بسبب جرعات عالية من الكيماوي نسببت في تهتك الكبد وطلبوا مني اجيب مايثبت الجرعات دي وقتها عشان نقاضي الدكتور و

[KHALED AYMAN]

ربنا يصبرك ويصبر والدته والاسرة كلها
انا بموت بابا اكتشفت ان الحزن على فقدان الاعزاء مش بينتهي بمرور الوقت فما بال لما يكون شاب صغير وتوفى في ظروف مش معروفة للاهل ومشكوك في امرها
حسيت بنفس الاحساس في وفاة بابا لان بناء على كلام اطباء شاكين انه توفى بسبب جرعات عالية من الكيماوي نسببت في تهتك الكبد وطلبوا مني اجيب مايثبت الجرعات دي وقتها عشان نقاضي الدكتور و

آمين يا رب ..
وسبحان الله كان حاسس ..
سايب ورقه فى مكتبه فى الشغل كاتبلى فيها كل تفاصيل اداره الشغل ...
وصانى على حاجات كتير مفهمتش وقتها هو بيقول كده ليه !
خاطب و كاتب كتابه و باقى على فرحه شهرين و حاجز القاعه و كله تمام و فجأه وقف ..كان فى حاجات ناقصاه زى مثلا بدله الفرح ..كل ما اقوله يا احمد انت هتنزل من الجيش قبل الفرح باسبوع ..ما تجيب البدله دلوقت عشان ميبقاش الوقت مزنوق ..يقولى فكك ملهاش لازمه ..الادوات الكهربائيه والدتى قالتله انت مجبتهاش ليه ؟؟ مفيش وقت يا احمد لما تنزل ..قالها يا ماما متشغليش بالك ..ربنا يسهل ان شاء الله ...
ومتفقين انا و هو على ادق ادق تفاصيل الفرح ...
حاجات كتير جدا ...
ان شاء الله حقه هجيبه ..لان لو انا الى مكانه مكانش هيسيب هفوه من حقى مهما كان الى ظلمنى ...
لحد دلوقت مش معايا اى حاجه تثبت ان ليه حق ..لكن قريب هوصل ان شاء الله

[نور القمر]

ان شاء الله حقه يرجع له ولو مكنش في الدنيا يبقى في الاخرة ربنا ما بيضيعش حق حد

[KHALED AYMAN]

ان شاء الله حقه يرجع له ولو مكنش في الدنيا يبقى في الاخرة ربنا ما بيضيعش حق حد

ياااااااارب

[minicooper20]

عملت ايه يا خالد فى الامتحان يا رب تكون حليت

[KHALED AYMAN]

عملت ايه يا خالد فى الامتحان يا رب تكون حليت

انت دعيت متأخر :)

[maka]

لله الحمد

الواحد زهقان و معندوش وقت حتى يزهق :(

[نور القمر]

مصدعة مع حالة مش عارفة اوصفها بس هي خليط من زهق على قرف

[osama.m]

من كتر الزهق و الاكتآب بقى عندي لا مبالاة فظيعة
عندي امتحان بكرة الصبح و مش عارف المادة اسمها اية
ميقتش حاسس بأي جديد و بحاول باي طريقة اجدد ايامي و بردو مش نافع

[M!SHO]

فرااااااااااااااااااااااغ

[AmatoALLAH]

امممممممممممم

متنحه , دماغي واقفه من التفكير , مش عارفه اخد قرار , عليا دين و مش عارفه هسدده ازاي

بس ربنا كريم هيحلها ان شاء الله

[نور القمر]

ربنا يفك كربك يا امة الله ويسهل سداد الدين
وحشاني كتير على فكرة

[human]

الكلاب تسير و القافله تعوى

[alaa74]

الحمد لله على كل حال

يمكن مكنتش حابب أول مشاركه ليا بعد غياب طويل عن المنتدى تكون فى الموضوع دة

لأنى هكون مضطر إنى أتكلم عن حالتى النفسيه والمزاجيه وأحوالى عموما .

المنتدى واحشنى جدا جدا وكل أعضاؤة وأصدقائى المحترمين جدا اللى سألوا عنى

وأخصهم بالذكر أخى الحاج /أحمد إبراهيم جزاة الله كل خير على سؤاله الدائم عنى .

عفوا مدام نور أسمحيلى أقدم واجب العزاء لأخى خالد أيمن فى وفاة أخوة العزيز

وبقوله اصبر واحتسبه عند الله من الشهداء وان شاء الله ليا معاك كلام كتير فى المضوع دة .

بالنسبه لموضوعك المحترم .............

المود : وحش جدا جدا ..................

السبب : أسباب كتير حاجات كتير حصلت الفترة اللى فاتت منها الحلو ومنها اللى مش حلو

خالص والاثار المترتبه على كل الأحداث دى لازالت موجودة وربنا يستر ..........