بتصرف كام فى الشهر

[ahmedhawas]

هههههههههههههههههههههههههه
مش متجوز
400 عربيه
400 فاتوره موبيل و نت
600 مصاريف ليا خورج و هدايا و كده
250 مصاريف اكل الكلاب
و الحمد الله مستوره

أهم حاجة أكل الكلاب .. إوعى تفرط في أكلهم.

[الغزالى]

لما بكون فى الشغل .. حوالى 850 جنيه ..
مع انى باخد 700 جنيه ...
مواصلات حوالى 200 جنيه
الباقى اكل وشرب وخروجه او خروجتين فى الشهر ..
مبجبش لنفسى حتى شراب
--------------
بس اخلص امتحانات وارجع الشغل .. هايكون فى خطه جديده للمصاريف

[pro_samir]

مجمعتش قبل كده

400 انترنت وموبايل
350 الحد الأدني للعربيه
200 اقساط
500 متوسط ما بين نثريات وأكل برا

طب ده الحد الأدني للحاجات الأساسيه ، نفسي اوفر شويه بس ايه اللي ممكن اوفر فيه مش عارف :))
ده غير طبعا كالعاده ممكن ادخل سوبر ماركت اشتري علبة مناديل ولا شاي ولا ولا...
اشد شوية رفايع حاجه من هنا علي حاجه من هنا الاقيني دفعت 50 جنيه مثلا
اضرب في كام مره في الشهر

الحمد لله

[yousef1978]

أنا أعرف ناس عندهم بند مهم جدا في مصارييفهم

بند الصدقات وصلة الرحم

أعرف واحد بيخصم نسبة من مرتبه ودخله - وبيعتبر النسبة دي كأنها لم تكن سواء المرتب زاد ولا قل بتبقى النسبة ثابته
ويركن فلوس البند ده على جنب ويفكر بقى هيصرفه إزاي

وأعرف واحد تاني بيخصم مبلغ ثابت من المرتب

وفيه ناس عاملين اشتراكات شهرية مع بعض ويجمعوا الاشتراكات دي وبيعملوا زي لجنة كده تتصرف فيها

هو ده في رأيي الإدخار الحقيقي والتأمين الرباني

وربنا بيقول ( من ذا الذي يقرض الله قرضا حسنا فيضاعفه له أضعافا كثيرة )

وزي ما سمعت إن ربنا سمى الصدقة قرض لكي يطمن المتصدق أنها ستعود إليه - وحتى لا يخشى المتصدق من ركن المال بدون عائد فقد تعهد الله سبحانه وتعالى له أن صدقته أفضل من أي مجال استثمار آخر وأن الله سوف يعيده إليه أضعافا كثيره

وأهو كل واحد على قد لحافه يمد رجليه

[shaddadfalcon1]

ماتبقا تاخدني معاك يازميلي

ههههههههههههه
بعد الشر عليك يادوك
انت فهمتني غلط خالص
دي حاجات بتروح لنا محتاجه جدا

اخرها كان الشهر اللي فات واحد صناعيني بقاله 10 سنين بيضرب 5 برشامات ترامادول في اليوم لحد ماجه يوم مسكوه وهو ماسك سكينه وعايز يدبح اخوه ولما فاق قال الكلام ده محصلش وعايزين نوديه مستشفي الأدمان في الاسكندريه وهيتحجز 15 يوم هناك وبما انه صنايعي وبقاله كتير دلوقتي مش بيطلع من البيت فالناس بتجمعله فلوس عشان مصاريفه بدل ماتسيبه يموت ولايعمل مصيبه

بس برده لو عايز تيجي يبقي جزاك الله كل خير

[human]

الكهربا بس 750 جنيه

خلونى ساكت بدل ما اقر عليكم

[Mo3taz Selim]

أنا أعرف ناس عندهم بند مهم جدا في مصارييفهم

بند الصدقات وصلة الرحم

أعرف واحد بيخصم نسبة من مرتبه ودخله - وبيعتبر النسبة دي كأنها لم تكن سواء المرتب زاد ولا قل بتبقى النسبة ثابته
ويركن فلوس البند ده على جنب ويفكر بقى هيصرفه إزاي

وأعرف واحد تاني بيخصم مبلغ ثابت من المرتب

وفيه ناس عاملين اشتراكات شهرية مع بعض ويجمعوا الاشتراكات دي وبيعملوا زي لجنة كده تتصرف فيها

هو ده في رأيي الإدخار الحقيقي والتأمين الرباني

وربنا بيقول ( من ذا الذي يقرض الله قرضا حسنا فيضاعفه له أضعافا كثيرة )

وزي ما سمعت إن ربنا سمى الصدقة قرض لكي يطمن المتصدق أنها ستعود إليه - وحتى لا يخشى المتصدق من ركن المال بدون عائد فقد تعهد الله سبحانه وتعالى له أن صدقته أفضل من أي مجال استثمار آخر وأن الله سوف يعيده إليه أضعافا كثيره

وأهو كل واحد على قد لحافه يمد رجليه

ربنا يكرمك و يبارك لك

[cyborg_ift]

بسم الله الرحمن الرحيم
300 جندي للعربيه
500 جندي ايجار شقه وكهرباء ومياه
500 جندي اقساط اجهزه
600 جندي جمعيات
1000 جندي مصاريف البيت
500 جندي حضانة البنت
الاجمالي
3400
المرتب من 3000 الى 4000 ومبحوش حاجه

[hazemhassan]

ماااااااااااافيش امل

[icehearted girl]

هو المفترض لما تتجوزي ان شاء الله, انتي اللي هاتفتحي البيت و تصرفي, دة انت لقطة

لا مش اناللي هصرف..بس بردو المسئولية مشتركة

الفكرة ان الاكل والشرب دلوقتي مبقوش مكلفين ولا ليهم اهمية زي بقية المصاريف

يعني لما استخدم بنزين ب 600 جنيه تقريبا.. قابل للزيادة ومصاريف موبايلات ونت ونثريات عبيطة ملهاش اي لزمة تقفل 1500..دا غير القسط زيهم بردو يعني 3000.. وفلنهاية انا مش بفتح بيت

امال لو فتحت بيت هصرف كام؟؟؟

انا حسة ان العلاقة طردية..يعني وقتها هتقل مصاريفي الشخصية اكيد. والنثريات

بس مش عارفة بقي هتقل فعلا..ولاهتقل عشان هواللي هيدفع

[icehearted girl]

هي فعلا كل واحد وأولوياته وأولويات شغلة...

يعني حاليا انا تقريبا مباكلش برة البيت نهائي نادرا جدا يعني

بس مقابل كدا كارثة فلموبايل لاني بخلص معظم شغلي بيه

وكارثة فلبنزين عشان مشواري طويل وبسافر مرتين اسبوعيا

دا غير احتياجات كوكي اللي بالنسبة لي اهم من احتياجاتي انا

دا غير هس هس الشرا اللي عند كل البنات... شنط وجزم والذي منه الخ الخ

....

حد يناولنني برشامة الضغط الله يكرمكم

[icehearted girl]

انتو قلتولي بيل جيتس مرتبط ولا لأ؟؟؟

[A.Saad]

بيقولك اغنى تاجر فى الوكالة بيدور على عروسة

[max_ziro]

800 مرتب
منهم 200 بنزين
100 قسط
50 جمعية مع اختى الصغيرة و سعات بطنش (هههههههه)
100 اكل فطار فى الشغل + اى حاجة سريعة
الباقى نثرى و غالبا اخر الشهر مبيتبقاش حاجة خالص
ايام ما كنت خاطب كان النثرى 50% منة للموبايل دلوقتى ممكن اعد يومين او ثلاثة منغير رصيد و ماخدش بالى ..

[Bonanza]

والله تصدقوا الموضوع ده خلاني اعيد حساباتي تاني .. انا كنت بشتكي من كتر المصاريف بس عمري ما حسبتها بالورقة و القلم

انا قريت كل مشاركة و لقيت اني ممكن احوش من مرتبي مع اني مش بيفضلي دلوقتي ولا ملييم قبل اخر الشهر

انا حالا هافتح شييت اكسيل و اسجل فيه كل حاجة انا بجيبها و ايه اللي ممكن استقطعة من الفلوس دي

لازم نعمل وقفة بقي من اللي هي دي


انا لسة متجوز بقالي 7 شهور

هاقولكوا شوية مصروفات مالهمش اي تلاتين لازمة بس مفيش حل تاني غيرهم

- مصاريف جراج لعربيتي و عربيت مراتي 300 جنيه
- مصاريف السلم و الاسانسير 125 جنيه
- موبايلي 300 جنيه و ساعات بتزيد
- موبايل مراتي حوالي 200 جنيه
- مصروف مراتي 300 جنيه
- بنزين عربيتي 250 الي 300 جنيه
- بنزين عربية مراتي تقريبا 250 جنيه
- انترنت 90 جنيه
- انابيت البوتاجاز حوالي انبوبتين في الشهر 70 جنيه

المجموع 1885 جنيه

دا غير الاكل و الشرب و قسط الشقة و قسط القرض و الخروجات و العزومات و اطباق الحلويات لو معزومين في حتة

والله يخربيت كارفوور اللي كل ما اروحة اصرفلي مبلغ و قدرة في شوية اي كلام ( شوكولاتة - عصائر - صوص - كهن - محن )