بتصرف كام فى الشهر

[SheNo0o]

حصل الى كنت خايف منه
انا من يوم ما بطلت ببعد عن التوتر و الشد العصبى لانى هاكل السجاير مش هشربها
موضوع كده اتفتح ..اتجدد يعنى ..
فى تتش بينى و بين واحد صاحبى
فى نفسيه اصلا مزفته و مهببه بهباب
فى قعده لوحدى و الملل قاتل
فى علبه ميريت مستورد من تحت الكوبرى فى شارع البحر :)

مقدر والله بس برده انا لسه متمسك ومش هنهار
ربنا يصبرك ويبعد عنك كل الظروف الي خلتك ترجعلها
وياريت من حالا متشتريش ومتسبش معاك وتبطل تاني وتقدر ترجع زي الاول متنهارش وترجع لسه انت مشربتش كتير ومفيش حاجه تستاهل انك تتخنق هي مش بتضيع الخنقه لما بتشربها علي فكرة
ياراجل ياطيب ده انا بجيب بلغم لدلوقتي

[KHALED AYMAN]

مقدر والله بس برده انا لسه متمسك ومش هنهار
ربنا يصبرك ويبعد عنك كل الظروف الي خلتك ترجعلها
وياريت من حالا متشتريش ومتسبش معاك وتبطل تاني وتقدر ترجع زي الاول متنهارش وترجع لسه انت مشربتش كتير ومفيش حاجه تستاهل انك تتخنق هي مش بتضيع الخنقه لما بتشربها علي فكرة
ياراجل ياطيب ده انا بجيب بلغم لدلوقتي

والله كلامك صح ..
بس فى حاجات تستاهل انى اتخنق و ازعل و اولع فى نفسى كمان و هى مش بتضيع الخنقه..لكن تعود على فعل معين فى ظرف معين ..والواحد بيطلع غله ..انا بسمع صوت السيجاره وانا بشربها !
امسك نفسك انت وانا جاى متقلقش

[نور القمر]

التموين بفلوس مش ببلاش
الاسعار دي مستحيله دلوقتي ممكن من سنتين تلاته اربعه مثلا
ومعلش 4 فرخات 2 كيلو بـ 100 جنيه ؟!! منين وانا اشتري المحل كله :)
كيلو البانيه ب 28 جنيه لا احنا كده دخلنا في الهزار :)
انا اخر مره سألت عن البانيه في ميتلو قالي تقريبا حاجه وستين او حاجه وسبعين

يا مدام نور انتي بتخمي

فين علبة التونه اللي ب3 جنيه دي ؟ والفرخه 8 قطع ؟ هنشتري الفرخه نعذبها ههههه

وكيلو السمك ب10 جنيه :))
من كام يوم اشتريت كيس جمبري ومكرونه ب60 جنيه يدوب وجبه سريعه لأربع اشخاص

طب بلاش الأسعار .. انا جمعت توتال اللحوم وطلع المجموع غلط :))

بس فعلا المشكله مبقتش في الأكل ، يعني انا بقالي فتره سيبت الشقه وعايش مع والدي
يعني مبقتش ادفع ايجار وبواب ولا كهربا ومصاريف الأكل والديليفري نزلت .. إلخ
ومع ذلك مصاريفي الأساسيه اللي قلت عليها بنزين ونت وموبايل ونثريات داخل في 1500ج

امال الواحد لما يفتح بيت هيصرف كام

لا اتصرفى عاوزين روتين اسبوعى
هو حضرتك دبستينا فى 800 فى الشهر وسبتينا
مش نافع
حضرتك اتصرفى
ده انا قولت خلاص هنوفر شويه

تصدقوا فعلا ارقام مش منطقية
انا مركزتش في المشاركة نقلتها زي مهي وخلاص لاني عارفة نفسي فاشلة في التوفير وبخلص مصروف البيت في تلتين الشهر وباقي الشهر اسرسبهم ورقة ورقة عشان جوزي مياخدش الصدمة دفعة واحدة
ده غير اني مسلبطة معاه وكل حاجة اقوله ماليش دعوة دي برة المصروف زي الكهربا والمية والغاز والتليفونات والنت وشحن الموبايلات 6 خطوط لينا والعيال وكل دول معرفش ميزانيتهم كام
ده البامبرز بس ميزانيته بتعدي ال 200 جنيه
جوزي بيقول الحمد لله سرقة العربية جات مصلحة بطلتي تخرجي وتصرفي ده غير مصاريف العربية
مش فاهم ان اللي مقعدني في البيت البرد خوفا على يارا وهو شهرين الدنيا تدفي وارجع امارس هوايتي


وبعدين يا محمد عبد الله اذا كنت انا بقولك يوميها اشتريت مواد لصنع تورتة بحوالي 80 جنيه وطلعت فاشلة كان اولى انا اتعلم التوفير من المشاركة دي

[نور القمر]

صحيح نسيت اقولكم ان الحاجة الوحيدة اللي بعرف اوفر فيها هي البانيه
بشتري فرختين كبار الواحدة فوق2 كيلو ب 50 - ل 60 جنيه
واخلي الراجل يعملي الصدور بانيه بتبقى غدوة كويسة والاوراك غدوة تاني مع الجزء بتاع الكتف شوفتوا انا ست بيت مدبرة ازاي :)

[blazer]

على فكرة المعطر زي البرفان كدة مفروض نظافة شخصية ! يعني انتا لما بتنزل مبتحطش ريحة و لو حد قالك يبقى ترد رد جارح ! الراجل حب يستفسر و ينصحك بس :]

نظافه شخصيه ايه حضرتك ؟
هو معنى انى مش حاطط المعطر الشجره فى العربيه ان العربيه مش نظيفه او صاحب العربيه مش نظيف!

[mohammedabdallh]

ايه يا مدام نور انتى هربتى
يا خساره عشمتنى بالحلق خرمت انا ودانى
وصحيح تورته ايه دى الى جبتى ليها حاجات ب 80ج
انا مراتى يوم ما تعملها لعيد ميلاد بنتى او ليا حاجات ب 30الى 40 ج بالكتير
فعلا لازم لازم الفلوس تتصرف لو وفرتى من هنا ولا من هنا هتتصرف هنا

[mohammedabdallh]

نظافه شخصيه ايه حضرتك ؟
هو معنى انى مش حاطط المعطر الشجره فى العربيه ان العربيه مش نظيفه او صاحب العربيه مش نظيف!

هو ميقصدشى حاجه اكيد
عامل زى موضوع البرفان فى ناس وهى نازله بتحط برفان وناس لا
انا من الناس الى مبحطش علشان عندى حساسيه على صدرى من اى ريحه او برفان او حتى ريحه السجاير

[blazer]

هو ميقصدشى حاجه اكيد
عامل زى موضوع البرفان فى ناس وهى نازله بتحط برفان وناس لا
انا من الناس الى مبحطش علشان عندى حساسيه على صدرى من اى ريحه او برفان او حتى ريحه السجاير

لا مش الفكره
انا مكنتش اقصى من اللى قلته ان هو مهم او مش مهم موضوع المعطر
انا كان قصدى ان الناس بتهتم اهتمام غير عادى بحاجه مش من الاساسيات وبتبقى دا اساس حياتها
وضربت مثال على كدا
ان واحد اول ما ركب عربيتى دا التعليق اللى علقه على ان مفيش معطر !!!!!!!

[Deshahcoka]

لا مش الفكره
انا مكنتش اقصى من اللى قلته ان هو مهم او مش مهم موضوع المعطر
انا كان قصدى ان الناس بتهتم اهتمام غير عادى بحاجه مش من الاساسيات وبتبقى دا اساس حياتها
وضربت مثال على كدا
ان واحد اول ما ركب عربيتى دا التعليق اللى علقه على ان مفيش معطر !!!!!!!

فعلا يا باشا زي ما اخونا mohammedabdallh قال :) انا مش قصدي حاجة بس هوا تحسه كدة حاجة بتعملها لنفسك و انتا راكب العربية :) حاجة شخصية يعني قصدي :]

هوا لو جبت واحد ب 6 جنيه الي هوا اريون اكس ده الي بيتعلق رحته بتروح كل اسبوع يعني ادي 24 جنيه في الشهر :)

[shaddadfalcon1]

انا كان قصدى ان الناس بتهتم اهتمام غير عادى بحاجه مش من الاساسيات وبتبقى دا اساس حياتها
وضربت مثال على كدا

انت جبت المفيد في الجمله دي
اساسيات الحياه بتختلف من شخص للتاني

يعني في ناس اساسيات المعيشه بالنسبه له انه يفطر ويتغدي ويتعشي في البيت اي اكل حتي لو عيش حاف كل يوم ويبقي كده مرضي
في ناس تانيه منها واحد صاحبي بقوله انت ليه بتخرج كتير ده انا بخرج انا ومراتي وعيالي مره كل شهرين تلاته قالي انا لازم اخرج مره علي الأقل كل اسبوع ومقدرش اققل عن كده وده اساس في حياتي مقدرش اعيش من غييره عشان انا مش عايش عشان اشتغل وخلاص

في ناس زي حالاتي بتشتري لبس كل سنه ولا اتنين وبتبقي مهندمه وشيك وفي ناس تانيه لازم مصروف شهري لايقل عن 500 جنيه للبس كل شهر

في واحد لازم يلف بالعربيه كل يوم اي لف ويحرقله ب 20 جنيه علي الفاضي وفي واحد تاني مش بيدور العربيه الا اذا كان مشوار ضروري جدا

الغالب بيبقي الشخص البيتوتي اللي زي حالاتي اللي بيحب قاعدة البيت بتبقي مصاريفه قليله واللي مش بيحب يقعد في البيت بتتبقي مصاريفه كتيير

[yousef1978]

ا

الغالب بيبقي الشخص البيتوتي اللي زي حالاتي اللي بيحب قاعدة البيت بتبقي مصاريفه قليله واللي مش بيحب يقعد في البيت بتتبقي مصاريفه كتيير

أنا مشكلتي إني مش بيتوتي خالص - وفي نفس الوقت نفسي أوصل للمعادلة الصعبة وهي إن خروجاتي تبقى من غير مصارييف أكتر من مصارييف البيت

ساعات كتير أم العيال بأصعب عليها وتعملنا أكل في البيت وناخده معانا - حتى الشاورما والجاتوهات وده بيوفر علينا كتير

بس ربنا يبعد عننا عروض كارفور والسنتر بوينت ههههههههه

وإن شاء الله قريب هألبسها هي والولاد في الميزانية ويبقوا يوروني شطارتهم - يكشي يأكلوني زلط حتى ويشتروا بالميزانية دهب - المهم لغاية آخر الشهر ما حدش يلعب في دماغي قبل المرتب ما ينزل

[yousef1978]

مكرر

[blazer]

فعلا يا باشا زي ما اخونا mohammedabdallh قال :) انا مش قصدي حاجة بس هوا تحسه كدة حاجة بتعملها لنفسك و انتا راكب العربية :) حاجة شخصية يعني قصدي :]

هوا لو جبت واحد ب 6 جنيه الي هوا اريون اكس ده الي بيتعلق رحته بتروح كل اسبوع يعني ادي 24 جنيه في الشهر :)

ياباشا
لو فكرت فى الموضوع
هتلاقى ان كل حاجه لو هنفكر فيها بنفس المنطلق
يبقى هتدفع كل شهر مبلغ كبير فى الحاجات اللى تمنها بسيط
24 جنيه معطر
و 20 جنيه ملمع
و 30 جنيه كذا و 50 جنيه كذا وفى الاخر تحسبهم تلاقيم 300 او 400 جنيه على حجات يمكن الاستغناء عنها

انا واحد لسه متخرج وشغلى غير مستقر
لو عملت كدا هصغر فى نظر نفسى جدا انى اصرف ربع دخلى فى كماليات
انما لو ربنا كرمنى ووسع رزقى هبقى اعمل كل اللى نفسى فيه

[Xander2010_Evo]

يا الله أخيرآ وصلت للصفحة 14
الأول ربنا يكون ف عونكم جميعآ يارجالة ويكرمكم كمان وكمان
أنا لسه متخرج من الكلية وعندي 22 سنة الحمد لله أخدت إعفاء من الجيش ومستني ربنا يكرمني بشغل قريب إن شاء الله
بالنسبة بقي للمصاريف فحاليآ لسه فالتكية الحمد لله وربنا يدي الحاج الصحة وطولة العمر
أيام الكلية علشان كانت فالإسماعيلية كانت كتيرة شوية والحمد لله
ف حدود 350 إيجار شقة مع أصحابي + 500 مصاريف شخصية شهرية يعني ف حدود 850 جند
والحمد لله علي كل شيء .. لسه بقي لما ربنا يكرمني بشغل هبقي أجي أقولكم ع النظام فعليآ .. إدعولي :)

[Mahmoud Mosaad]

فى علبه ميريت مستورد من تحت الكوبرى فى شارع البحر :)

أكيد تقصد كوبري المشاه إللي عند العباسي
يا هلا بالمحلاوية، أنا محلاوي الاصل على فكرة ومتجوز من هناك وبروح المحله من وقت للتاني، اتمنى أتعرف عليك يا برنس.