بتصرف كام فى الشهر

[Mahmoud Mosaad]

أنا أول ما اتجوزت كنت بحول اني أحط سقف للمصاريف وأحوش مبلغ معين ولو موصلتش للسقف دة ووفرت فلوس زيادة تتحط على التحويش
أنا كنت حاط سقف 2000 جنيه شهري غير اللبس وصيانة العربية
وأول ما ربنا رزقني بأياد والمرتب زاد شوية طبعا رفعت السقف ال-3000 وبردو رفعت المبلغ اللي بحوشه كل شهر ومش حاس انني مبذر أوي وبقول امال لو فيه طفل تاني وإياد دخل المدرسه حاعمل إيه ؟ !!!!!
ربنا بيرزق الواحد فعلا على قد احتياجاته طول ما هو بيشكره وميكنش سفيه في الإنفاق

[Ahmed_Ramadan]

أموت و أعرف أهالينا كانو بيجيبوا مصاريفنا و الفلوس اللى بيدوهلنا منييييييييييييييييييييين ؟؟!!

الموضوع ده مجننى من زمان

[نور القمر]

أموت و أعرف أهالينا كانو بيجيبوا مصاريفنا و الفلوس اللى بيدوهلنا منييييييييييييييييييييين ؟؟!!

الموضوع ده مجننى من زمان

هي الاسعار من سنتين تلاتة كانت زي دلوقت ؟
ولا من 5 سنين زي 10
من 15 سنة كانت ال 1000 جنيه مصروف كان مقتصر على طبقة المرفهين

[shaddadfalcon1]

احلي حاجه لما اقعد مع جدتي والاقيها بتقولي كنت اخد ال 5 صاغ واروح السوق اتسوق للبيت كله (بيت عيله مليان رجاله) وارجع بالباقي وبعدين الاقي ابني بيقولي للمره العاشره هات جنيه اشتري بونبوني ببقي عايز اعيط

انا نفسي في ابتدائي واعدادي كنت باخد بريزه اشتري بشلن ستدوتش صاروخ (رغيف + طعميايه) واشتري بقي حاجه تانيه احلي بيها

[Ahmed_Ramadan]

هي الاسعار من سنتين تلاتة كانت زي دلوقت ؟
ولا من 5 سنين زي 10
من 15 سنة كانت ال 1000 جنيه مصروف كان مقتصر على طبقة المرفهين

الفكرة إن المرتبات كانت ضعيفة برضو

[م/مصطفى محمود]

الغالب بيبقي الشخص البيتوتي اللي زي حالاتي اللي بيحب قاعدة البيت بتبقي مصاريفه قليله واللي مش بيحب يقعد في البيت بتتبقي مصاريفه كتيير

انا للأسف العكس ، الفترة اللى ببقى نشيط فيها (كلية وجمعيات وكده ) بخس جدا ومبصرفش حاجه تقريبا (عندي حاجه كبيرة ومهمة بفكر فيها ) ، لكن الفترة اللى زي دلوقتى (جيش وملل وانتخة وسلبية ) بتخن جدا وباكل كتير ومبتحركش من البيت وصباح الحلويات

[KHALED AYMAN]

أكيد تقصد كوبري المشاه إللي عند العباسي
يا هلا بالمحلاوية، أنا محلاوي الاصل على فكرة ومتجوز من هناك وبروح المحله من وقت للتاني، اتمنى أتعرف عليك يا برنس.

يا اهلا يا اهلا ...
بالظبط ..اصل الراجل الى تحت الكوبرى ده عتيق :)
بجيب منه لما ملاقيش سجاير فى البلد :(
الشرف ليا طبعا اتعرف عليك ..هبتعتلك رقمى ع الخاص و لما تنزل اى وقت كلمنى

[SASA3]

الصراحة الموضوع حلو

و شيق بس برضه نقول الحمد لله
و يا ريت الناس تخلى حتى معاها 50 جنيه كل شهر و يا ريت يكون اول الشهر و انت لسه معاك فلوس و يوم الجمعه تحطهم فى الصدقات


غير كده الواحد ممكن ياخد الكلام ده و يعمل بيه بحث و الله
يعنى الى شفته فى اول 4 صفح ان الاكل من بره كتيييير اوى و ناس بتصرف على الاكل الى من برا جامد
يعنى لو حد حب يفتح مطعم يبقى تمام


يلا مين عاوز يفتح مطعم فى المنتدى هنا :):)):)

[elbeheri]

مفيش فاايدة والحمد لله على كل شئ

[ossamayk]

قصة المصاريف مرتبطة ارتباط وثيق بالدخل
والواحد أحسن ميحسبهاش بس فيه كام حاجة لازم يعملها
-الرضا والقناعة بما رزقنا به الله مهم كان الدخل
- انفاق الدخل بما يرضي الله تعالى (يعني كل واحد لازم يتخيل نفسه قبل ما يصرف مليم إن ربنا هيسأله عليه يوم القيامة فهل الرد سيرضي الله تعالى؟ لأن كل واحد سيسأل عن ماله فيما أنفقه يوم القيامة)
-الواحد نفسه يكون له مبلغ معين من الصدقة ممها كانت الظروف (انفق ينفق الله عليك)
-احتساب النيه في كل مليم يصرف على البيت أنه صدقه على أهل بيتك لأنها خير صدقة يتصدق بها الشخص.
- إن تبقى شيء يجب من ادخاره قل او كثر.
وتالله المستعان

[أبو إياد]

انا بقا كل لما الاقى طريقه لزياده دخلى الاقى المكان اللى يتصرف فيه الفلوس بس انا بحسبها العكس
ان ربنا زودلى الدخل لان هايكون عليا التزام والحمد لله كل مايزيد دخلى تزيد مصاريفى وحاسس انه استحاله اقدر اعمل اى مدخرات

[amdd]

قصة المصاريف مرتبطة ارتباط وثيق بالدخل
والواحد أحسن ميحسبهاش بس فيه كام حاجة لازم يعملها
-الرضا والقناعة بما رزقنا به الله مهم كان الدخل
- انفاق الدخل بما يرضي الله تعالى (يعني كل واحد لازم يتخيل نفسه قبل ما يصرف مليم إن ربنا هيسأله عليه يوم القيامة فهل الرد سيرضي الله تعالى؟ لأن كل واحد سيسأل عن ماله فيما أنفقه يوم القيامة)
-الواحد نفسه يكون له مبلغ معين من الصدقة ممها كانت الظروف (انفق ينفق الله عليك)
-احتساب النيه في كل مليم يصرف على البيت أنه صدقه على أهل بيتك لأنها خير صدقة يتصدق بها الشخص.
- إن تبقى شيء يجب من ادخاره قل او كثر.
وتالله المستعان

الكلام ده رائع وعاقل بس لو فعلا الناس تعقل

[amdd]

ها مقولتش انت بتصرف كام

[mohammedabdallh]

مين بالظبط صاحب الموضوع ولا مين

[amdd]

يا فندم حضرتك طبعا من غير جدال صاحب الموضوع الاصلى ومكنتش اعرف انك هتزعل اوى كده لما لقيت الموضوع عاجبنى ومن فتره محدش دخل عليه وقولت احاول انشط المشاركات فيه علشان نشارك بعض بالاستفاده
اسف فعلا