بتصرف كام فى الشهر

[mohammedabdallh]

-300 ج بنزين
-350ج سجاير
-200 ج فطار "غالبا ساندوتشات فول"
-350ج حوالى يومين ف الاسبوع تيك اواى
-300ج صيانات واعطال ولوازم العربيه
-200ج تليفونات وانترنت
-بيتوتى فنادر لما اخرج بس لو افترضنا 4 خروجات ف الشهر يعنى كمان 200ج تقريبا
-300ج اجيب بيهم فاكهه او اى لوازم للبيت عشان مبقاش حمل على اهلى
---
يباه كده 2300ج دول الحد الادنى تقريبا..لواحد عايش اعزب ولا يعول ولا عليه اقساط غير شاملين مجاملات ولا جمعيات ولا هدوم ولا برفانات ولا لزوم موبايلات او كمبيوترات ولا غيره..فعليا بصرف حوالى 3..يعنى بالمنطق كده مصاريف واحد متجوز صعب جدا يكون الدخل اقل من 5 الاف!!مش عارف والله الناس بتتجوز ازاى

لما تتجوز هتلفى السجاير
وهتحاول توفر بقدر المستطاع علشان تقدر تعيش

وهى دى الحياه فى مصر

[mohammedabdallh]

طبعا مستحيل
انا لابدخن ولا بقعد علي قهاوي
٦٠٠٠ جنيه وممكن اشحت اخر يومين في الشهر او ااسحب فلوس من البنك
تطبخ دي اللحمه بشتريها ٨٠ جنيه الكيلو-والفرخه ٣٨ جنيه والفراخ البانيه ٤٥--وشويه فاكهه عاديين اقل واجب من ٨٠ الي ١٢٠
انا بحط بنزين ٥٠ جنيه يوم ويوم وده من غير سفر يعني في الشهر٧٥٠ وده من غير غيار زيت ولا صيانات ولا غيره شقه ١٨٠٠ -اشتراك نت علي تليفونات علي سفريه كل شهر علي اي ظرف طارق اقسم بالله الواحد بيشحت---انتو عارفين تعيشوا ازاي باقل من ١٠٠٠٠ جنيه في الشهر

مش لدرجه 10 الاف
متنساش فى ناس متجوزه ومرتبها لا يتعدى 2000ج وعايشين
بس انت بتحسبها بطريقه تانيه
انت عندك شقه ايحارها 2000ج هو ساكن فى بيته اهله او شقه فى رنج 500ج
لوازم نت وكمبيوتر
هو مستغنى عن الحاجات دى علشان يقدر يعيش
وهكذا
انت بتتاكتف على الحياه حسب المرتب او حسب دخلك
وربنا بيعين الناس بجد

[mohammedabdallh]

انا لو بصرف الفلوس الى انتو بتصرفوها دة كان زمانى معايا عمارات
مش بخل بس نصراحة يعنى لية اشرب سجاير وانا ممكن اشترى فاكهة بدالها
لية اجيب اكل من بره معرفش معمول ازاى وانا ممكن اطبخ او تخلى امك او زوجتك تطبخلك
القهوة مع انى مبقعدش على قهاوى ولا بحبها حاسب لنفسك ياسيدى
فى الاخر الفلوس قاعدة ليك

هقولك
كل واحد له رنج ومستوى معيشه معينه
مش يقدر يتنازل عنه طول ما فى دخل مناسب يعيشك المستوى ده
بمعنى انت لو عندك عربيه ولو مكرهاك فى حياتك
انزل مره اركب مواصلات وكذا موصله ورا بعض هتقول لا عربيتى اكرملى من البهدله دى والقرف ده
لو معاك موبيل غالى مش هتقدر تبيعه وتشترى موبيل رخيص من غير اوبشن
وهكذا
لو ساكن فى منطقه محترمه
مش هتعرف تسكن فى منطقه شعبيه
الا اذا
الدخل بتاعك قل جامد هتطر لو بتشرب سجاير تبطلها تقلل من خروجاتك علشان منتزلشى لمستوى اقل
وقيس على كدا

[4fun14]

وشويه فاكهه عاديين اقل واجب من ٨٠ الي ١٢٠

فاكهه فى الشهر ب 80 جنيه يعنى بتحلى يوميا ب 2.5ج؟ده ميكفيش ليمون!
وبرضه 80ج ف اليوم تباه حوت فاكهه باه :d
تقصد فى الاسبوع اكيد..واكيد فعلا شويه عاديين ;)

[4fun14]

لما تتجوز هتلفى السجاير
وهتحاول توفر بقدر المستطاع علشان تقدر تعيش

وهى دى الحياه فى مصر

ان شاء الله الغى السجاير..عشان حرام مش عشان الجواز
اصلى حاليا ممكن الغى الجواز عشان السجاير عادى جدا
وربنا يعينك يا باشا ويفتح فى وشك ابواب الرزق

[3mr Farrag]

بعيدا عن الواحد بيصرف كام
لأني بتعب لما افتكر و الاقي نفسي مش بعمل حاجه اصلا
سؤال لولبي كل يوم بساله لنفسي
هي الناس بتتجوز ازاي؟؟؟؟؟؟؟
و ماحدش يقولي بيقلل مصاريفه و الكلام ده
لان الواحد اصلا بيقلل مصاريفه و بيحاول يوفر شويه
نفسي اعرف هي الناس اللي بتتجوز بمرتبها 2000 جنيه ازاي
و اعرف ناس مرتبها مش بيعدي 1200 و متجوزين و مخلفين
دول بياكلوا رمل و زلط ولا ايه!!!!
بلاها جواز لو الواحد خلقه ماشي جنب الحيط و مش عارف يكفي مصاريفه
امال لو متجوز

هما بيبهدلوا في نفسهم كده ليه و يتجوزا
علي ايه يعني!!!
وماحدش يقولي تاني عفه نفس
ما هو الواحد المفروض يفكر شويه...مش اعف نفسي و بعديها اقعد اشحت

مش مستاهله الواحد يتجوز بصراحه و يقعد يشحت هو و المدام و نبيع مناديل في الشارع بعد الشغل

[mohammedabdallh]

بعيدا عن الواحد بيصرف كام
لأني بتعب لما افتكر و الاقي نفسي مش بعمل حاجه اصلا
سؤال لولبي كل يوم بساله لنفسي
هي الناس بتتجوز ازاي؟؟؟؟؟؟؟
و ماحدش يقولي بيقلل مصاريفه و الكلام ده
لان الواحد اصلا بيقلل مصاريفه و بيحاول يوفر شويه
نفسي اعرف هي الناس اللي بتتجوز بمرتبها 2000 جنيه ازاي
و اعرف ناس مرتبها مش بيعدي 1200 و متجوزين و مخلفين
دول بياكلوا رمل و زلط ولا ايه!!!!
بلاها جواز لو الواحد خلقه ماشي جنب الحيط و مش عارف يكفي مصاريفه
امال لو متجوز

هما بيبهدلوا في نفسهم كده ليه و يتجوزا
علي ايه يعني!!!
وماحدش يقولي تاني عفه نفس
ما هو الواحد المفروض يفكر شويه...مش اعف نفسي و بعديها اقعد اشحت

مش مستاهله الواحد يتجوز بصراحه و يقعد يشحت هو و المدام و نبيع مناديل في الشارع بعد الشغل

ملهاش حل غير البركه
ودى من عند ربنا
وهتلاقى ناس بتعيش ب 10 الاف وبرده مبيكملوش الشهر
ودى برده من قله البركه ودى من عند ربنا
ف متحولش تحسبها بعقلك
وفى نفس الوقت مترميش نفسك فى البحر وانت مبتعرفشى تعوم

[3mr Farrag]

يعني الواحد المفروض يعمل كشف بركه قبل ما يفكر يتجوز ؟؟
نعرف منين ان فلوس فيها بركه ولا لأ
انا عن نفسي حاسس ان الفلوس بتتبخر من غير ما اعمل حاجه
يبقي كده مافيش بركه عندي و ماتجوزش!!! :(

[friendship7897]

الموضوع جميل أوي ومن فترة طويلة - إزاي الواحد مشفهوش
بس مهم في كل وقت
الحقيقة الواحد لو حسبها هيتعب أوي
لأنه لو شاف اللي أقل منه هيقول عايش إزاي (يا حرام !)
ولو شاف اللي أعلى منه برضوا هيقول هايش إزاي مش سعيد (يا حرام !)
ولو كل واحد يعرف أنه ( على أد لحافك مد رجليك ) هيعيش مرتاح ومتهني
وأهم شئ القناعة والرضا
وحديث النبي صلى الله عليه وسلم " من بات آمنا في سربه ، معافاً في بدنه ، عنده قوت يومه ، فكأنما حيزت له الدنيا بحذافيرها "
بريح النفس اللي غير راضية أو اللي جالها ضيق
أو اللي أتزنقت في شي
أو تمنت حاجة مش عارفة تجبها علشان ضيق اليد
بس والله ربنا بيبارك ، وبيرزق من حيث لا تدري
قال الله تعالى: {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}

[احمد المصرى]

يعني الواحد المفروض يعمل كشف بركه قبل ما يفكر يتجوز ؟؟:m_yes[1]:
نعرف منين ان فلوس فيها بركه ولا لأ
انا عن نفسي حاسس ان الفلوس بتتبخر من غير ما اعمل حاجه
يبقي كده مافيش بركه عندي و ماتجوزش!!! :(

البركه عن طريق ان الفلوس تكون من حلال مش من حرام انك تصرفها فى مكانها الصح . الصدقه طبعا عامل اساسى

دى كلها من اسباب البركه ان شاء الله

[3mr Farrag]

البركه عن طريق ان الفلوس تكون من حلال مش من حرام انك تصرفها فى مكانها الصح . الصدقه طبعا عامل اساسى

دى كلها من اسباب البركه ان شاء الله

والله انا ما بسرق من حد
و ناس كتير فلوسها حلال برضوا و بتتبخر
مش معيار ان الفلوس حلال ولا حرام
في بلاوي معاهم ملاين و مليارات و باختلاسات و قرف و عايشين حياتهم و مش حاسين
ان فلوسهم بتتصرف

[eng/ahmed_go]

حكاية ان الفلوس حلال او لاء مش شرط ان الواحد يكون بيسرق
ممكن يكون شغال في الحكومة ومبيعملش براتبه
ممكن يكون تاجر وبينصب او بيغش
ممكن تكون شغال في قهوة او فندق فيه نايت
ممكن شغال في التسويق وبيضحك على الناس
ممكن يكون مندوب ادوية يحاول يعمل صفقة مع الطبيب على حساب المريض
ممكن يكون دكتور معندهوش ضمير في كشفه
او مدرس بيشرح في الدرس ويكروت في المدرسة
ممكن .........

[3mr Farrag]

انا فاهم كل الكلام ده
و معظمه يعتبر سرقه اي ان كانت بقي غش او نصب او احتيال
الفكره ان بياخد مرتب في الاخر لا يستحقه

[احمد المصرى]

والله انا ما بسرق من حد
و ناس كتير فلوسها حلال برضوا و بتتبخر
مش معيار ان الفلوس حلال ولا حرام
في بلاوي معاهم ملاين و مليارات و باختلاسات و قرف و عايشين حياتهم و مش حاسين
ان فلوسهم بتتصرف

حضرتك فهمت كلامى غلط انا مش قصدى انت خالص لانى مش اعرفك يا باشا انا اسف لو كلامى وصلك غلط دا اولا

ثانيا :- الرزق من فلوس بس ممكن ربنا يجنبك المرض مثلا دا نوع من الرزق لو انت ماشى بالعربيه وكنت هتعمل حادثه وربنا ستر دا نوع من الرزق لانك ببساطه لو عملت حادثه كنت صرفت كام

وصدقنى واكيد الشيوخ اكثر من علما علشان يفيدوك من غير بركه ربنا الحياه مش هتمشى اطلاقا واسال اى حد متجوز مثلا لو بيحسبها بالورقه والقلب استحاله تمشى استحاله بمعنى الكلمه


ثالثا :- بخصوص الحلال والحرام فى حديث بيقول
"إذا غضب الله على عبد رزقه من حرام، وإذا اشتد غضبه عليه بارك له فيه"

وان شاء الله فى انضار الشيخ خالد هو افضل واحد يتكلم فى البركه وفى الدين لانى غير اهل للحديث فى الدين

[Angel_wolf]

حضرتك الموضوع ليه عوامل كتير اهماانت اتعودت على مستوى وعيشة معينين بس الفكرة انك يبقى عندك المقدرة انك تعيش باقل دة لو انت لوحدك طبعا يعنى الواحد يعرف امتى يستغنى عن بعض الرفاهيات دة لو لوحدة ومعندوش التزمات من نوع معين

المشكلة مع ناس بتيجى انهم اتعودوا على مستوى معين على الاقل فى الاكل والشرب ودول لوحدهم على فكرة مبلغ لا يستهان بيه بالنسبة ليا انا لاني اتعودت ان البيت بالنسبة ليا يعنى كل حاجة نضيفة ومحترمة وطعمها حلو

يعنى ممكن اكل من الشارع من عربية كبدة السندوتش ب 1.5 لكن فى البيت لازم اجيب كيلو الكبدة 75 جنية وكذالك اللحمة والفراخ والسمك

الفكرة انا ممكن اصرف لوحدى فى الشهر 1500-1200 وانا معنديش اى التزمات اسرية لانى مش متجوز و دول مش شاملبن الاكل لانى لسة عايش مع اهلى ودول فيهم كتير حاجات اساسية بالنسبة ليا بالنسبة لغيرى هيقلى انت مفترى

لما اتجوز محتاج اخوتهم لان بقى حد معاك هتختارة بنفس مستواك و طريقة عيشتك ولا افل ولا اكتر يعنى على الاقل عاوز 3000 جنية دة لو على السراط المستقيم يعنى 100 جنية قى اليوم اكل وشرب ومصاريف وبنزين لفردين حضرتك يعنى الواحد 50 جنية

يعنى لو حد جالة صداع يبقى محتاجين 3000 جنية و علبة بنادول حضرتك دة بالنسبة ليا انا ناس اعرفهم متجوزين ب 2000 وزى الفل وفى منتهى السعادة وربنا يكرمهم يارب ويوفقهم ودة مش عيب الفكرة فى طريقة عيشة وحياه معينين

وعلى فكرة فى اصحابى مصروفهم لوحدة بيعدى ال 3000 جنية ومش مكفيهم هو ليه حياته ودة ملوش دعوة باى حاجة بس انا عن نفسى

لو اتجوزت وعملت تقشف شديد من المستحيل حتى انى اعيش انا ومراتى ب 100 جنية فى اليوم