بتصرف كام فى الشهر

[mido]

المفروض الكلام ده يطبع فى كتاب..مكاسب وهمية :)

[Mohamed_Hamid]

أنا ليا تجارب رهيبة في الموضوع ده والمفروض يدرسوها في كليات الاقتصاد :)
أنا تزوجت وأنا في امتياز ...كان مرتبي 260 جنيه سنة 2009 شهر 10 يعني من 4 سنات تقريبا ...
تخيل بقى اني كنت فاتح بيت ب 260 جنيه !!!!
كنت باخد رز وسمنة من أمي من ايراد الأرض ... وساكن في شقة أبويا جايبهالي ...وبكدة وفرت الايجار وارز والسمنة ....ربنا كرمني بعد شهرين واشتغلت في عيادة واحد صديقي وكنت بروح الأيام اللي هو فيها نوبتجي ....
فدخلي زاد بتاع 100 جنيه !!!!!!!!!!!
ده بالنسبة لي ...كان مبلغ خيالي ...خلي بالك أنا بكلمك في سنة 2010 مش سنة 1955 :)
طبعا الأخت زوجتي ربنا يرضى عنها عمرها ماطلبت حاجة فوق طاقتي رغم انها بنت عز زي مابيقولوا ومصروف ايدها معدي 700 جنيه !!!!!!!!!!!
تخيل مثلا ان زوجتي كان معاها اي فون وماكنش أنا في مقدرتي أعزمها على بيبسي صاروخ !!!!!!!!!!!!!!!
كنت بشرب قصب لما أحب أعزمها عزومة ملوكي !!!!!!!
ههههههه
طبعا أبويا وأمي كانوا سايبيني أتربى لأنهم كانوا مصرين أتجوز بعد الماجستير ....فسابوني أشرب :)
المهم ...أثناء توزيع رغبات التكليف كان نازل أول مرة في التنسيق مكان اسمه : 15 مايو !!!
وده بعد انفصال مدينة حلوان عن القاهرة !
المهم كتبت 15 مايو دي عن طريق الخطأ !!
وتطلع المدينة دي فييييييين !!! جنب سكني تقريبا ..!!والمفاجأة انهم بيعطوا الطبيب حافز اضافي تقريبا 200 جنيه زيادة !!!!!! ده بالنسبة لي مبلغ فلكي !!!:)
المهم ...طبعا ده كان رزق الزواج ...
تم تكليفي في 3 2010 ...اشتغلت شهر كامل بدون مرتب طبعا وكان شهر من أصعب مايكون !
اقسم بالله كنت بلحم النبطشيات علشان ال 2 جنيه المواصلات كانوا بيفرقوا معايا ,,,فبدل ما اجي 6 ايام في الاسبوع كل يوم 6 ساعات ...كنت اخد 24 ساعة وناس كتير بتعمل كدة بس أنا كنت بعمل كة علشان أوفر فلوس المواصلات !
المهم ...
طبعا ربنا كرمنب بقى بأول مرتب وكان مفاجأة ...800 جنيه مصري تقريبا !!!!!!!!!!!!!!
يانهار النهار ...
عملنا حفلة على المرتب ده ...بس كان فيه مشكلة ...إني كنت وعدت والدتي إن أول مرتب هديهولها ...
رحت اديت المرتب لأمي !!!!
وقلبي يتمزق !!!
المهم ...أمي أخدت المرتب باليمين وقلبي سقط بين ركبتي وأعطتنيه بالشمال فعادت الحياة إلى روحي :)
لن أنسى هذا الموقف الرائع لك ياحاجة :)
طبعا عيشتنا اتغيرت بعد هذا المرتب الضخم !
وبقيت أشتري سمنة !
صحيح بجيب علبة سمنة بلدي كل 4 شهور ...بس أهو بقيت أشتري سمنة ...وده تغير جيو استراتيجي مذهل :)
شوية كدة ...وواحد معايا في المركز الطبي اللي في مايو عنده مركز قال لي هعوزك تشتغل هناك ...هتديني كام يابومبو ... الكشوفات بالنص !
طبعا دخلي ارتفع ارتفاعا غير مسبوق !!!!!!!!!!!!!
بقيت أقبض مبلغ ضخم جدا ومش عارف أصرف فلوسه فين !!!!
أصبح دخلي الشهري تقريبا 1400 جنيه !!!!!!!!!!!!!!!!!!!!!!
الكلام ده تقريبا في 7 2010 ...طبعا نظرا لضخامة المبلغ ...بدأت أحوش منه !!!!!!!!!!!!
والله العظيم زي ما بقولك كدة ...وبدأت حملة تسديد ديوني !!!!!
ربنا كرمني اخر كرم .... مراتي سافرت السعودية لأبوها شهرين قعدت أنا مع أمي ...وحوشت بقى 2800 بلبل !
طبعا ده بالنسبة لي مبلغ فلكي ...وبدأت أفكر أشتري عربية !!!!!!!!!!!
قسما برب العزة زي ما بقولك
رسمت خطة على سنة ونص تقريبا إني أشتري عربية ب 15 ألف ...
المهم ...ربنا كرمني بقى وقامت ثورة يناير ورحت استلمت نيابتي في مستشفى تعليمي وسجلت ماجستير وامتحنت جزء أول ...ودخلي تقريبا هذا الرقم الضخم بل والضخم جدا !!!!!!
طبعا النيابة بقى بتزود دخلي كمان 400 جنيه تقريبا نبطشيات !!
ده برضو بالنسبة لواد من سنة كان مرتبه 280 جنيه يعتبر رقم رهيب :)
بعد ماخلصت امتحان الجزء الأول للماجستير بقى يامعلم ...ربنا كرمني اخر كرم ولله الحمد والفضل والمنة ..
زادنا من فضله وكرمه وجوده ...وبارك لنا فيه ...
لكن أنا إجمالا مؤمن بمجموعة أفكار بتخليني ما اصرفش كتير ...
يعني مثلا أنا عندي عدد 2 مكيف و 2 سخان كهربا ومعدل فاتورتي الشهرية 40 جنيه أو أقل ده مؤخرا ...
لكن من شهرين كدة كان بيجيلي 30 جنيه فاتورة !!!!
الميه بدفع تقريبا 6 جنيه في الشهر ...
بجيب اللحوم من منافذ وزارة الزراعة بتاعت الحكومة ... لسة بجيب رز من أرض أمي الله يباركلها ...
بجيب الفراخ مثلا في العروض بتاعت كارفو
طبعا عندي بطاقة تموين فبجيب السكر وزيت القلي من التموين
تقدر تقول بصرف في الشهر قرابة 1000 جنيه
بس ده مؤخرا ...
لكن الأول كنت باكل فرخة 800 جرام في الاسبوع :)
الترشيد مهم جدا .... وجود ديب فريزر مهم جدا جدا جدا
أذكر في مرة الوطنية نزلت عرض على صدور الفراخ المخلية ( فيليه ) كان الكيلو ب 28 تقريبا رحت اشتريت 10 كيلو وحطيتهم في الديب فريزل قعدوا معانا بتاع 6 شهور :)
وجود زوجة مدبرة ده مهم جدا جدا جدا
طبعا التوكل على الله ومحاولة اللجوء اليه ودعاءه في الكرب مهم جدا جدا جدا

مش عارف اقولك ايه ! انت راجل مكافح فعلا



ربنا يبارك لك فى أهل بيتك ويديم عليكم نعمة السعادة. البركة هى السر وليس كثرة المال :)

صديقي المواطن
أنا بقى ممكن.أكون صاحب.أغرب قصص في المنتدى
أنا بقه من.الناس اللي شبه الناس في عهد الملك لما جت الجمهورية وإتصادرت أموالهم فلسوا وقعدوا عالحديدة بس فضلت اﻷنفة وعزة النفس معاهم أنا بقه أعتبر مليونير سابق و أعلنت إفلاسي مرة في 2008 ساعة اﻷزمة المالية العالمية كنت في دبي ورجعت مصر وفتحت شركات ببواقي فلوسي وكسبت شوية وجت ثورة يناير سرحت موظفيني وجمدت النشاط وقفلت شركاتي طبعا أيام العز كان مصروفي الشهري يقارب ال 70 ألف جنيه وكان عندي خدامة مغربية وطباخة مغربية وسكرتيرة مكتب و2 سكرتير خاص و3 بودي جارد.بموكب سيارات 4 لي وللحماية وكان عندي 8 عربيات شخصية منهم 7 على عدد أيام اﻷسبوع والثامنة عربية ستريتش لينكولن سودة.طويلة شبه بتاعت الرئيس اﻷمريكي طبعا بصفتي إنسان مؤمن وعمري ما ظلمت حد قعدت فترة سنة في نفسية محطمة ولكني لم أقطع لا صلاتي ولا طبعي الطيب فصعب واحد يكون بيصرف 75 ألف في الشهر تقريبا يرجع لصفر قعدت كام شهر في شقة مصيف لوحدي بتاع 9 شهور متزلش باب العمارة وبعمل أكلي بيدي وخسيت بتاع 20 كيلو وبعد كده كان عندي بقايا ملك اجرته وبعيش منه وكان عندي 4 عربيات بعت وحده منهم وسددت منها ديون وأكل وشرب ورفغت كل عربياتي الثلاثة ومنهم عربيتين زيرو ووحده كلاسك في أماكن متفرقة عند اﻷهل واﻷخباب عشان مدفعش كراجية عليهم والتالتة سبتها عند سمكري لندة سنة.ونص معرفش عنها حاجة وإفتكروني مت بس طلع شريف وحط العربية في محل مقفول جنبه وطبعا أنا فضلت من غير تلفون لمدة.سنة وشوية ومنقطع عن كل الدنيا ونسيت حتى صوتي عامل إزاي ومبفتحش الباب لحد
بعد كده شويه شويه فضلت زعلان من الدنيا بس رجعت للحاجة الوحيدة اللي بتنسيني همومي وهي عربياتي وتحول الموضوع ﻹدمان لدرجة النهارده بقه عندي 8 عربيات وبخلص في التاسعة وبخلص كل وقتي وحياتي مع اﻷسطوات وفي التعديل والبحث عن سيارات ومفاوضات عشان أقنع الناس أشتري بالتقسيط وبيبوعولي كتير ﻷتي إنسان شبعان وأمين دلوأتي بصرق على نفسي حوالي 600 جنيه شهريا وبصرف على عربياتي حوالي 4500 جنيه شهريا ومرتبط بمصاريف للعربيات بمعدل سنتين لقدام على هذا المعدل طبعا أنا صيور جدا وبستحمل يغني أقصر على نفسي ومقصرش على عربياتي أحياتا لما مدي كلام ﻷسطة إني أسدلو فأنا معرفش أكذب وممكن أديلو آخر ألف جنيه في جيبي وأقعد ب 16 جنيه أسبوعين ومزعلش أنا طباخ شاطر جدا ولقضيها طبيخ رز أو خضار أو سندوتش طعمية وزجاجتين مياه كل يوم لغاية متفرج حيقلك طب مش تشتري هدوم حقلك ﻷ ﻷنه فايدة إنك تكون مايونير لما كنت أشتري قميص أجيب كل اﻷلوان وبحب الشرابات والملابس الداخلية فعندي أكثر من 400 شراب وبتاع 200 شورت وفانلة ويمكن 150 قميص على 60 بنطلون من أول وزن 90 لغاية وزن 130 عشان كنت بخس وأتخن وعندي من كل حاجة بزيادة زي تلفزيونات وغسالات وأثاث وكده فتقريبا مش محتاج حاجة يمكن من هنا ول 5 سنين بطلع ﻷعنال الخير بتاع 200 في الشهر دلوأتي بسبب نرض الغربيات مش عارف أحوش جنيه ولا فيه واحدة ترضى تتجوز واحد كل فلوسه رايحة على عربياته وبيعانلها كأنها عربياته أنا عشان جاهز نمكن 20 ألف تجوزني بس مش عارف أحوش 20 لكشة وحدة بس من شعرين شاري عربية ب 10 آلاف وقبلعا بشعرين شاري عربية ب 32 ألف وبكرة.حشتري عربية ب 30 ألف وخاطب من 3 سنين وفسخت ورجعت تاتي لنفس البنت ومعرفش إزاي حوشت وجبتلها دبلة وخاتم ب 8 آلاف وفاضل بس 20 ألف وأتجوز بس كاش نفسي أقلهن قسطوهالي بس مكسوف وأمي وخطيبتي بيقولولي لو كان طقم جنوط ب 20 ألف وعاجبك كنت سويت الهوايل عشان تجيبه وبقلهم أكبر عربية أنا بجيبها قسط والناس بتتساهل معايه إزاي بشريكة حياتك عايزين يظغطوا غليك ويخنقوك بحجة عادات وتقاليد قلتلهم بصوا أنا عشان ال 20 ألف حوقف الجوازة سنة ونص حصرف على عربياتي بتاع 80 ألف وبعدها أبتدي أحوشلك الغشرين ألف في أربع شهور وأنا مصمم وهم مش عاجبهم الكلام
ملحوظة أنا شخص منظم من طقولتي وبسجل كل حاجة وعندي كراسة وسجلات وخطط لكل خطوة في حياتي يغني لو إديت فقيرة ربع جنيه في إشارة من 10 سنين حتلاقيني كاتبها بالساعة والتاريخ وسعر الدولار يومها

قصتي يا شباب قصة غريبة وطويلة وليها آلاف الفصول لا مجال لذكرها هنا وأرجوكم بلاش حد ينصحني أبطل هواية العربيات أو أبيع عربية وأفك عن نفسي عشان كان غيركم أشطر والناس بح صوتها معايه بس مش قادر لما بشتغل في عربية بحس إني في دنيا غير دنيتتا الوحشة

الخلاصة في الموضوع ده
فيه ناس عايشة ب 500 وراضية وناس بتاخد 30 ألف ومش بتقضيهم بس محدش بيبات من غير عشا

ودمتم للنضال

أستذ صدام: اسمح لى أقولك انت حكاية. بس فتح بيت أولى من كم المصاريف دى على العربيات. واضح ان خطيبتك بتحبك وشرياك اوى . بلاش تكسر بخاطرها. الزوجة المحبة اليومين دول عملة نادرة. ربنا يصلح حالى وحالك

[Mohamed_Hamid]

بعيدا عن الواحد بيصرف كام

لأني بتعب لما افتكر و الاقي نفسي مش بعمل حاجه اصلا
سؤال لولبي كل يوم بساله لنفسي
هي الناس بتتجوز ازاي؟؟؟؟؟؟؟
و ماحدش يقولي بيقلل مصاريفه و الكلام ده
لان الواحد اصلا بيقلل مصاريفه و بيحاول يوفر شويه
نفسي اعرف هي الناس اللي بتتجوز بمرتبها 2000 جنيه ازاي
و اعرف ناس مرتبها مش بيعدي 1200 و متجوزين و مخلفين
دول بياكلوا رمل و زلط ولا ايه!!!!
بلاها جواز لو الواحد خلقه ماشي جنب الحيط و مش عارف يكفي مصاريفه
امال لو متجوز

هما بيبهدلوا في نفسهم كده ليه و يتجوزا
علي ايه يعني!!!
وماحدش يقولي تاني عفه نفس
ما هو الواحد المفروض يفكر شويه...مش اعف نفسي و بعديها اقعد اشحت

مش مستاهله الواحد يتجوز بصراحه و يقعد يشحت هو و المدام و نبيع مناديل في الشارع بعد الشغل

السر فى البركة وليس كثرة المال

[saddam]

مش عارف اقولك ايه ! انت راجل مكافح فعلا



ربنا يبارك لك فى أهل بيتك ويديم عليكم نعمة السعادة. البركة هى السر وليس كثرة المال :)



أستذ صدام: اسمح لى أقولك انت حكاية. بس فتح بيت أولى من كم المصاريف دى على العربيات. واضح ان خطيبتك بتحبك وشرياك اوى . بلاش تكسر بخاطرها. الزوجة المحبة اليومين دول عملة نادرة. ربنا يصلح حالى وحالك

المصيبة إني عارف إنها شارية وحاربت أهلها عشاني وأهلها من سنتين فسخوا الخطوبة بسبب خلاف تافه بيني وبين أخوها الكبير وبعد كده إتخطبت بالغصب بعد مني مرتين عشان متقدرش على أهلها 4 إخوات صبيان ورغم كده طفشتهم ورجعتلي تاني ومصممة متتجوزش غيري لكن المصيبة إني مش عارف أفرمل أنا تقريبا شغال في عربياتي أكتر من 60 أسطة في مختلف اﻹختصاصات وكل شهر لازم أراضي جزء منهم وعندي أقساط 3 غربيات لازالت مفتوحة غير السمكري والبوهيجي دول كل شهر أقل واجب أوديلهم 2500 وفي شهور بديلهم 4 آلاف عشان مفيش عربية تكلف بوهية.وسمكرة أقل من 7 آلاف عشان تطلع فبريكة فلو كل شهر إديته ألف آدي 7 شهور راحت على 1000 في عربية واحدة وعندك الكناليات لو كل عربية راكبلها كلكسات ب ألفين جنيه إضرب الرقم ده في 9 عربيات بقلك مصايب غير كده هو.الوقت الوحيد اللي بقضيه في حياتي مع عربياتي أو مع الصنايعية أو في أفكار التصاميم أو في شراء كماليات هو ده الوقت السعيد بحياتي أما أي أوقات تانية بتخليني أفتكر أنا كنت فيييييييييين وبقيت فين دلوأتي فأكتئيب بس إنشغالي بالعربيات منسيني همومي عشان كده أنا بسميها إدمان زي السجاير والمخدرات والكحول والعياذ بالله والبنات كل الحاجات دي مليش فيها بتاتا وتخليت عن كل أصدقائي فعشان مكونش وحيد فبقعد مع عربياتي
ودمتم للنضال

[Mohamed_Hamid]

لما تتجوزوا ان شاء الله وتشوف الحياة الزوجية وربنا يرزقك بالذرية الصالحة ساعتها هتكتشف ان فى حاجات ممكن تنسيك اسمك اصلا مش همومك بس :))

[Ahmadhamza84]

بالمناسبة : عوني أحكي لكم اشتريت عفشي ازاي ؟!!!!!
رحت جبت التسريحة بتاعتي من بيت أمي :)
رحت لنجار عند مديرية الأمن وخليته عمل لي دولاب جرار ب 100 جنيه وسرير ب 500
وديت التسريحة والدولاب والسرير للأسترجي وخليته دهنهم بني شوكولاته كلهم وزرفته 200 جنيه :)
اشتريت مطبخ صيني الجاهز ده كان أيامي لسة نازل جبته ب 300 جنيه !
وعند الزوايا علشان الخشب بتاعه تعبان عملتله أسافين ( جمع اسفين ) زان لأنه خشب كونتر علشان يستحمل انه يتعلق ....
ماشي عند واحد منجد أفرنجي أعرفه لقيت واحد رامي صالون شوية هلاهيل خشب ...قلتله ياعم أشرف بقولك ايه ....ماتيجي ناخد الخشب ده ونعيد عمايله عند أي نجار ؟!!!
الراجل انبهر طبعا لأنه مش متخيل ان دكتور وأبوه شغال في السعودية يتجوز على عفش مهلهل !!! :)
مايعرفش ان أبويا باعني في سوق الخميس :)
المهم يامعلم اشتريت شوية الخشب الخردة دول ب 300 بلبل ووديتهم لنجار عملهم وزبطهم بكمان 300 بلبل
والمدهباتي أخدله 100 بلبل واشتريتله رخامة وبقى صالون اخر ألاجة :)
طبعا أنا معنديش نيش ...ومش مقتنع بحوار النيش ده أصلا :)
جبت سفرة مدورة كدة ب 6 كراسي مستعملين برضو ب 800 جنيه ( اشتريتهم من الراجل اللي عملهم أصلا وسعر تكلفتهم أصلا 2000 جنيه وباعهم ب 3000 وتم استعمالهم 9 شهور وأنا اشتريتهم ب 800 )
الكرسي تقيل جدا ...حاجة مفتخرة يعني :)
وطبعا ماجبتش تليفيزيون ودخلت من غير أنترية ( كفاية الصالون ) وكنت فلست وأعلنت إفلاسي وبقي المرتبة والملل !!!!!!!!!!!
وكانت المصيبة !!!
قلت أنا اخد المرتبة بتاعت سريري اللي في بيت أبويا وأنجدها يامعلم وأزود شوية قطن ...
بحكي لخالي الحوار فتقريبا صعبت عليه قال لي ياعم خلاص هديتي ليك المرتبة :)
فاااااااااااااااااااااضل الملل ...
اتصرفت في ملل ب 80 جنيه بس كانت سيئة جدا جدا بصراحة واتكسروا بعد 6 شهور ... بس طبعا فكوا أزمتي ربنا يكرمهم :)
طبعا الوالد جزاه الله عنا خيرا سايبلي الشقة حمامها متوضب وده حل تقريبا 80 % من المشكلة !!!
أنا لحد دلوقتي شقتي بلاط مش سيراميك ... وللستائر قصة أخرى :)
بس علشان ماتفكرش كتير أنا عملت الستاير من بواقي القماش اللي نجدت به الصالون :)
فاكر الصالون هلاهيل الخشب ؟!!
أهو ربنا بارك فيه وعملنا من بواقي قماشه ستاير كمان :)

[saddam]

بالمناسبة : عوني أحكي لكم اشتريت عفشي ازاي ؟!!!!!
رحت جبت التسريحة بتاعتي من بيت أمي :)
رحت لنجار عند مديرية الأمن وخليته عمل لي دولاب جرار ب 100 جنيه وسرير ب 500
وديت التسريحة والدولاب والسرير للأسترجي وخليته دهنهم بني شوكولاته كلهم وزرفته 200 جنيه :)
اشتريت مطبخ صيني الجاهز ده كان أيامي لسة نازل جبته ب 300 جنيه !
وعند الزوايا علشان الخشب بتاعه تعبان عملتله أسافين ( جمع اسفين ) زان لأنه خشب كونتر علشان يستحمل انه يتعلق ....
ماشي عند واحد منجد أفرنجي أعرفه لقيت واحد رامي صالون شوية هلاهيل خشب ...قلتله ياعم أشرف بقولك ايه ....ماتيجي ناخد الخشب ده ونعيد عمايله عند أي نجار ؟!!!
الراجل انبهر طبعا لأنه مش متخيل ان دكتور وأبوه شغال في السعودية يتجوز على عفش مهلهل !!! :)
مايعرفش ان أبويا باعني في سوق الخميس :)
المهم يامعلم اشتريت شوية الخشب الخردة دول ب 300 بلبل ووديتهم لنجار عملهم وزبطهم بكمان 300 بلبل
والمدهباتي أخدله 100 بلبل واشتريتله رخامة وبقى صالون اخر ألاجة :)
طبعا أنا معنديش نيش ...ومش مقتنع بحوار النيش ده أصلا :)
جبت سفرة مدورة كدة ب 6 كراسي مستعملين برضو ب 800 جنيه ( اشتريتهم من الراجل اللي عملهم أصلا وسعر تكلفتهم أصلا 2000 جنيه وباعهم ب 3000 وتم استعمالهم 9 شهور وأنا اشتريتهم ب 800 )
الكرسي تقيل جدا ...حاجة مفتخرة يعني :)
وطبعا ماجبتش تليفيزيون ودخلت من غير أنترية ( كفاية الصالون ) وكنت فلست وأعلنت إفلاسي وبقي المرتبة والملل !!!!!!!!!!!
وكانت المصيبة !!!
قلت أنا اخد المرتبة بتاعت سريري اللي في بيت أبويا وأنجدها يامعلم وأزود شوية قطن ...
بحكي لخالي الحوار فتقريبا صعبت عليه قال لي ياعم خلاص هديتي ليك المرتبة :)
فاااااااااااااااااااااضل الملل ...
اتصرفت في ملل ب 80 جنيه بس كانت سيئة جدا جدا بصراحة واتكسروا بعد 6 شهور ... بس طبعا فكوا أزمتي ربنا يكرمهم :)
طبعا الوالد جزاه الله عنا خيرا سايبلي الشقة حمامها متوضب وده حل تقريبا 80 % من المشكلة !!!
أنا لحد دلوقتي شقتي بلاط مش سيراميك ... وللستائر قصة أخرى :)
بس علشان ماتفكرش كتير أنا عملت الستاير من بواقي القماش اللي نجدت به الصالون :)
فاكر الصالون هلاهيل الخشب ؟!!
أهو ربنا بارك فيه وعملنا من بواقي قماشه ستاير كمان :)

صديقي المواطن
إنت مواطن وطني بس إنت أكيد ربنا رزقك بوحده وأهلها عايزين يستروا بنتهم دلوأتي البنات تغيرت أنا عن نفسي عندي 9 عربيات وأملاك بره مصر وشقتي تمليك ضغيرة بس مفروشة وبضلي ولا أدخن ولا أشرب ولا في حياتي تلفظت لفظ بذيء ولما بروح أخطب بقول مش حكلف أهل العروسة ربع جنيه وكمان عشان أعز بنتكم حكتبلكم قايمة 60 ألف رغم إنهم مش حاطين قرش وحكتب مؤخر 100 ألف ودبلة وخاتم ب 8 آلاف وتصدق محدش راضي بعد كل ده عاوزين مهر فوق 20 ألف رغم إنهم داخلين بمجهودهم معدش حد بيدور الستر حتى المنقبة بتشترط شروط غريبة
إلى الله المشتكى
ودمتم للنضال

[Ahmadhamza84]

مرة واحد صاحبي راح يتقدم لبنت فالجوازة اتفشكلت علشان السيراميك وصاحبي ده بتاع عربي شوية فقال لي :
قلت لها أنت امرأة عقلها في الأرض :)
ربنا يرزقك زوجة صالحة يا أستاذ صدام