...مجنون...

[A7MED_PHARMA]

بتقول فيها

أنا رايح النقابة بكره.....الاثنين
مشوار بتاع ساعتين ف النقابة والادارة المركزية
وبسسسسسسسس
احمد ميدو هيقابلني هناك..وهنتغدى سوا

[mohammedabdallh]

ربنا يخليك يابوحميد


بس أهو جنون
مين يتجنن معايا دلوقتي .. ويقابلني في اليكس عند القرصان الوغد

لو كنت شوفت الموضوع ده انبارح كنت جيت معاك
بجد بحب اسكندريه اوى فى الشتا
وعى الاقل كنا اتعرفنا على القرصان واتقابلنا وجه لوجه

[Dr_Mido]

سافرت اسماعيليه الفجر كلنا سمك وجمبرى فى مطعم كان بيقفل فتحناة تانى اما الراجل عرف اننا هبل وجايين من القاهرة مخصوص


احلى سمك كلته فى حياتى

[A7MED_PHARMA]

محدش مجنون تاني
إيه
الرجالة عقلت ؟

أنا كنت متوقع نااااااااااس كتير(بلاش أقولهم بالإسم بقا)
كنت متوقعهم يخشوا يقولوا(( انا إتجننت مرة .. وإتجوزت .. وأديني بدفع تمن جناني ))

[saadelden]

انا علي كدا عاقل اوي d:

[wesam_salom]

كنت عازب واتجوزت
فيه جنان اكتر من كده

[A7MED_PHARMA]

انا علي كدا عاقل اوي d:

الباشا سينجل ؟؟؟

صح

[A7MED_PHARMA]

محدش مجنون تاني
إيه
الرجالة عقلت ؟

أنا كنت متوقع نااااااااااس كتير(بلاش أقولهم بالإسم بقا)
كنت متوقعهم يخشوا يقولوا(( انا إتجننت مرة .. وإتجوزت .. وأديني بدفع تمن جناني ))

كنت عازب واتجوزت
فيه جنان اكتر من كده

قلتش حاجة انا ؟؟؟

[pro_samir]

قلبت عليا المواجع

[A7MED_PHARMA]

قلبت عليا المواجع

أوجزت
فأنجزت

إيه المشاركة الجميلة دي

وبعدين؟؟؟

ماتيجي نروح القاهرة بكره

[pro_samir]

اصلك فكرتني بالماضي .. جامده كلمة الماضي دي

تطق في دماغك حاجه تعملها من غير ما تشيل هم أي حاجه ومن غير حسابات كتير

انما دلوقتي الواحد متكتف مش زي زمان

الجنان موجود .. بس بحسابات ، مبقاش مطلق

أمال لو حصل و.. كمان هيبقي ايه الوضع ؟

[wassim_nasser]

ده فورست جامب
متقلقش
ده العادي بتاعه :) :)

انا شاركت في الجنون
مره كنت قاعد انا وابن خالتي في العيد وصاحبته اللي هيا مراته حاليا كانت مسافره بورسعيد
وراح قاللي متيجي نروح بورسعيد دلوقتي
وبالفعل طلعنا on the run
وخدنا التموين
وطلعنا
اللي يفقع بقي
راح التيت واقف قدام الفندق وكلمها
انا هنا
بجد
لا
الله
انا فرحانه
هئ ومئ وطبله وشخليله
وشويه نحنحه
وراح مروح
تـيـــــــــــــــــــــــــــــــــــــــــــــــ ـــــــــــــــــت

طب انا مالي انا
رحت بورسعيد ورجعت نص ساعه
الا ما جبت فانله بحمالات حتي

فورست جامب حته واحدة! طب كنت نزلت اتصورت معاه .. فقرى أوى انا !

[saadelden]

الباشا سينجل ؟؟؟

صح

اكيد

بس بفكر اتخبط ف عقلي قريب, حسب تساهيل ربنا !