سبحان العاطي الوهاب

[mahmoud_anwar]

أولآ انا لابنق ولا بحسد بس سبحان الله اغلبيه الناس الي غنيه اغلبيتها فلاحين واي شكلهم جعرين
وتلقيهم لا متعلمين ولا نيله وشهادت الي معاهم شهادات صحة وكله ماشي بي ظهرة
يعني لما واحد زي ده يظهر في الاعلام وهو لا متعلم ولا نيله وفي غيرة في كليه اعلام وكليات تانيه ومش لقي الفرصه انا عايزك تدققه علي قدم شوبير شوفه لبس شراب لونه ايه علي بنطلون البدله الي بيفهم في البرستيج والكلاسيك هيعرف انه فلاح صرف مع العلم انا اهلاوي بس انا اعرف ان الناس الي فوق اهتمامهم نمبر واحد بمظهرهم
[youtube]http://www.youtube.com/watch?v=njjLU7Ry2WE[/youtube]
انا اعرف انك ممكن تلبس اي لون شراب مع الجينس زات الالوان العجيبة
وانا بيني وبنكم بكره شوشو بسبب انتقادة كثيرآ لثورة وهو فل من فلول النظام الفلاح القديم

[human]

متسلق

[shaddadfalcon1]

مال المنظر بانه يطلع في التلفيزيون ولا ميطلعش ؟
ده لعيب كوره وده حال معظم لاعبي الكره في مصر والعالم وطبيعي بيببقي مشهور

[waelfarid]

الراجل بيتكلم في ذوق الملابس كالوان وخطوط وسبحان العاطي الوهاب
صحيح اييييييييييييييييييييييييييييييييييه دهده دهده لا بنقر ولا حاجة هههههههههه حتة كدة قاسم السماوي للي يعرفه من جيل السبعينات
ربك بيرزق قليل الحيلة علشان صاحب الحيلة يتعجب
وكله بيتحاسب

[hussein]

هى فلاح بقت شتيمة؟؟

[rompo10]

اولا ياباشا كلنا فلاحين لو اي واحد دور علي اصله جده مثلا او جد ابوه هايلاقيه فلاح دا مش عيب ثانيا كل العظماء في العلم والعلماء المصريين والوزراء و رئيس الجمهوريه علي مره العصور واساتذه الجامعات كلهم من الارياف وفلاحين في موضوع اللبس دا تقول مابيعرفش يلبس وهي الدنيا كده انت مثلا بتفهم في اللبس كويس بس وظيفتك مش قد كده واحد تاني مابيفهمش في اللبس وفي وظيفه مرموقه مثلا مين الاحسن انت ولا هو وتقبل مروري

[MTAK]

طبعا لا تعليق على شوبير لان عليه كثير من التعليقات
و لكن بمناسبة اللبس و اللى بيفهم و مايفهمش

مره كان فى سيمنار لشركة عالميه و حط تحت عالميه دى مليون خط
و اجهزتها فى الناحيه العلميه من اكبر و ادق ما يكون و اقل جهاز بيعدى المليون مستريح
و كمان لا تعمل الا فى الحاجات الحساسه اوى
يعنى باختصار كان فى السيمنار ده عليه القوم من مديرى الشركات و دكاترة الجامعه
و كان مكانه فى مركب على النيل بس مش فاكر اسمها و خدنا رحله من الصبح الى العصر

المهم اللى كان بيشرح لنا كان من احد اكبر مديرى الشركة بفرعها الام فى سويسرا
كان حاجه كده طول بعرض بشقره فى شعره و زرقه فى عينه و كان لا بس حتة بدله
تحفه بلا مبالغه
الجاكت لما فتحه لقيت ايه
الحزام بتاع البنطلون عبارة عن حزام العريض بتاع الجينز و كمان من ابو توكه حديد كبيره كانت عارزه فى بطنه اساسا من كبرها , انا بصراحه اول مره اشوف كده
حد شاف كده قبل كده حتى لو كده و كده
؟؟؟؟؟

[Egyzizo]

هو المفروض الشراب يبقى لونه ايه على البدلة دى؟

[Ahmed Selim]

بغض النظر عن شوبير نفسه.......و عن كلمة فلاحين

شوفت بعينى أجانب قبل كده لابسين أحذية رياضية خفيفة على بدل

فيه ناس مش فى دماغها الحاجات دى خالص.

[medododo]

فعلا سبحان العاطي الوهاب
ودي مشكلة مصر
ياريت الفلاح يفضل فلاح والعامل يفضل عامل
إحنا شعب رقص على السلم وعلى مزاج كل حاكم بنمشي
محمد على كان مع الزراعة زرعنا
عبد الناصر صناعة صنعنا
السادات إستيراد سبنا الاتنين وأستوردنا
مبارك شجع الفهلوة وكانت دي النتيجة
لاعب كورة الناس تنحيني ليه
وسباك بيتقاله ياباشا وميكانيكي على أده يتقاله يابشمهندس وخرجين هندسة يتغربوا برة مصر
حاجة تكسف
مرة كنت قرأت على إن الفلاح في هولندا بيتابع البقر في المزرعة عنده عن طريق الاب توب وفي حساسات موجودة في المزرعة لو حصل أي مشكلة بتبعتله إميل ورسالة على الموبيل
هو ده الفلاح اللي ياريت يكون عندنا منه

[icehearted girl]

هي فلاحين دي شتيمة؟؟

الفلاحين دول اللي بيأكلونا ولا مؤاخذة

وبعدين كل واحد يلبس اللي بيريحه طالما مش مخالف للآداب العامة

ملحوظة علي جنب بقي:

معظم اللي عايشين ف منطقة ريفية مستواهم المادي مرتفع لان احتياجاتهم ونثرياتهم مببتكونش كتير

بس بمجرد مينتقلوا لمكان حضري..حدث ولا حرج بيعلنوا إفلاسهم طبعا

[human]

اللى بيتكلم عليه مش مظهر فقط
اللى بيتكلم عليه انه لا يمتلك مقومات تشغله فى اى عمل ليه علاقه بالاعلام

[mahmoud_anwar]

متسلق

فعلآ هو متسلق بس
ده انا امنيه حياتي اول ما النادي الاهلي اشتراه كان صورة وهو جيبه من نادي طنطا

[mahmoud_anwar]

مال المنظر بانه يطلع في التلفيزيون ولا ميطلعش ؟
ده لعيب كوره وده حال معظم لاعبي الكره في مصر والعالم وطبيعي بيببقي مشهور

ازاي مال المظهر بانه يطلع في التلفزيون ده حتي يبقا عيب عليه
هو في التلفزيون بيحسسنا انه انسان مولد في بقة معلقه دهب ده شوشو وبحس وانا بتفرج عليه وهو بيهاجم الثوار انه راجل درس سياسه واتعلم في جمعات لندن ودرس بره واحنا مش وخدين بالنا

[mahmoud_anwar]

الراجل بيتكلم في ذوق الملابس كالوان وخطوط وسبحان العاطي الوهاب
صحيح اييييييييييييييييييييييييييييييييييه دهده دهده لا بنقر ولا حاجة هههههههههه حتة كدة قاسم السماوي للي يعرفه من جيل السبعينات
ربك بيرزق قليل الحيلة علشان صاحب الحيلة يتعجب
وكله بيتحاسب

انا والله مش بقر بس مدايق ان واحد زي ده هلفوت كان من النظام القديم وعامل فيها فليسوف

والمشكله تحس انه وهو بيتكلم عايز يقولم انا فاكر مامي كانت بتعملي سندوتشات مربي بي الذبده
انا بكره النوعيه دي ليه لما ربنا يدينا بننسي اصلآ