سبحان العاطي الوهاب

[mahmoud_anwar]

هى فلاح بقت شتيمة؟؟

لا طبعآآ انا فلاح اي نعم انا مولود في مصر وعايش واتعلمت في مصر بس اهلي من المنوفيه
ايه العيب في كده

[mahmoud_anwar]

اولا ياباشا كلنا فلاحين لو اي واحد دور علي اصله جده مثلا او جد ابوه هايلاقيه فلاح دا مش عيب ثانيا كل العظماء في العلم والعلماء المصريين والوزراء و رئيس الجمهوريه علي مره العصور واساتذه الجامعات كلهم من الارياف وفلاحين في موضوع اللبس دا تقول مابيعرفش يلبس وهي الدنيا كده انت مثلا بتفهم في اللبس كويس بس وظيفتك مش قد كده واحد تاني مابيفهمش في اللبس وفي وظيفه مرموقه مثلا مين الاحسن انت ولا هو وتقبل مروري

ياباشا انا قصدي في كلمة فلحين ان اي واحد بيعمل شيئ شاذ وشيئ مش هو بيتقال عليه اتوماتك فلاح
ومثل تاني لو واحد دماغه نشفه او تفكيره علي قده تلقي الناس بتقوله انتا ايه صعيدي دماغك قفل ليه
كده اما بي النسبه ان في حد احسن مني فاده حكم ربنا لو جتلي الفرصه تأكد هركبها ومش هنزل منها وهي دي حال الدنيا يعني زمان كان اخر احلام شوبير انه يحدف كور للعيبه النادي الاهلي
دلوقتي بقا يتهجم علي الاهلي احيانآ الي هو عمله ثانيآ يهاجم كل ماهو ليه صله بي الثورة

[mahmoud_anwar]

طبعا لا تعليق على شوبير لان عليه كثير من التعليقات
و لكن بمناسبة اللبس و اللى بيفهم و مايفهمش

مره كان فى سيمنار لشركة عالميه و حط تحت عالميه دى مليون خط
و اجهزتها فى الناحيه العلميه من اكبر و ادق ما يكون و اقل جهاز بيعدى المليون مستريح
و كمان لا تعمل الا فى الحاجات الحساسه اوى
يعنى باختصار كان فى السيمنار ده عليه القوم من مديرى الشركات و دكاترة الجامعه
و كان مكانه فى مركب على النيل بس مش فاكر اسمها و خدنا رحله من الصبح الى العصر

المهم اللى كان بيشرح لنا كان من احد اكبر مديرى الشركة بفرعها الام فى سويسرا
كان حاجه كده طول بعرض بشقره فى شعره و زرقه فى عينه و كان لا بس حتة بدله
تحفه بلا مبالغه
الجاكت لما فتحه لقيت ايه
الحزام بتاع البنطلون عبارة عن حزام العريض بتاع الجينز و كمان من ابو توكه حديد كبيره كانت عارزه فى بطنه اساسا من كبرها , انا بصراحه اول مره اشوف كده
حد شاف كده قبل كده حتى لو كده و كده
؟؟؟؟؟

يعني هو لزم الاجنبي يكون نمبر واحد في العالم واحني العرب نمبر 3
علي فكرة في عرب عندهم برستيج ولا يجي حد من الاجانب جمبهم في شيئ وفي اجانب برستيج اكتر مننا برضه
وعلي سبيل المثال في العرب عندك
عزت ابو عوف الي يشوفه في الحقيقه ميقولش عليه مصري ولا يعرف عمره الحقيقي ايه
عندك كاظم الساهر
عندك جورج وسوف
عندك في الاجانب براد بيت
جينترافولتا
نيكولا سكدج
لما بتشفهم في جوائز اسكر بتحس بي انهم برستيج عالي جدآآآ وكل حاجه تحس انها معملوه كا سمفونية تقدر تلحنها
وعندنا برضه واحد يغلب الناس دي كلها في ملابسة الروعه ورغم كونه مصري لا عالم ثالث ولا عالم اول ورغم هذا اشيك شخص شاهدته وهو شعبولا

[mahmoud_anwar]

هو المفروض الشراب يبقى لونه ايه على البدلة دى؟

المفروض في الكلاسيك
البنطلون الاسود يلبس شراب اسود
البنطلون الكحلي يلبس شراب كحلي
لزم الشراب علي نفس لون البنطلون وليس الحزاء

[mahmoud_anwar]

بغض النظر عن شوبير نفسه.......و عن كلمة فلاحين

شوفت بعينى أجانب قبل كده لابسين أحذية رياضية خفيفة على بدل

فيه ناس مش فى دماغها الحاجات دى خالص.

تمام مش مختلفين
بس كل واحد ومكانه في العمل
يعني ماينفعش طيار الي الركاب من جميع فئات الشعب الي بيركبه معاه الطيارة يلبس حذاء باتا مثلآ او يلبس شبشب علشان عنده كلو في صباعه
مينفعش ابقا رايح اكشف في عياده نظيفه والقي الدكتور لبس بلطو ولبس لبس الشغل وفي الاخر لبس شبشب وجي يكشف عليا سعتها هشك انه يكون دكتور اصلآ ممكن افتكرة حلاق ما الحلاقين بيلبسة بلطو الدكترة الايام دي
معلش شوبير العالم كله بيتفرج عليه وده وجه للمصرين وهو في مكان مش مكانه ولا يصلح له

[mahmoud_anwar]

فعلا سبحان العاطي الوهاب
ودي مشكلة مصر
ياريت الفلاح يفضل فلاح والعامل يفضل عامل
إحنا شعب رقص على السلم وعلى مزاج كل حاكم بنمشي
محمد على كان مع الزراعة زرعنا
عبد الناصر صناعة صنعنا
السادات إستيراد سبنا الاتنين وأستوردنا
مبارك شجع الفهلوة وكانت دي النتيجة
لاعب كورة الناس تنحيني ليه
وسباك بيتقاله ياباشا وميكانيكي على أده يتقاله يابشمهندس وخرجين هندسة يتغربوا برة مصر
حاجة تكسف
مرة كنت قرأت على إن الفلاح في هولندا بيتابع البقر في المزرعة عنده عن طريق الاب توب وفي حساسات موجودة في المزرعة لو حصل أي مشكلة بتبعتله إميل ورسالة على الموبيل
هو ده الفلاح اللي ياريت يكون عندنا منه

الله ينور عليك ياباشا بجد
قولت كل الي نفسي اقولة بس انا معرفتش اقوله كده
تسلم ايدك

[mahmoud_anwar]

هي فلاحين دي شتيمة؟؟

الفلاحين دول اللي بيأكلونا ولا مؤاخذة

وبعدين كل واحد يلبس اللي بيريحه طالما مش مخالف للآداب العامة

ملحوظة علي جنب بقي:

معظم اللي عايشين ف منطقة ريفية مستواهم المادي مرتفع لان احتياجاتهم ونثرياتهم مببتكونش كتير

بس بمجرد مينتقلوا لمكان حضري..حدث ولا حرج بيعلنوا إفلاسهم طبعا

حضرتك راجع الردود الي شركت بيها في الموضوع وهتعرف الاجابات الي حضرتك حطط عليها علامة استفهام؟

[mahmoud_anwar]

اللى بيتكلم عليه مش مظهر فقط
اللى بيتكلم عليه انه لا يمتلك مقومات تشغله فى اى عمل ليه علاقه بالاعلام

ده سعد الصغير يمكن يكون ليه مقومات اكتر من شوبير
مش هنسي مرتضي منصور لما قاله ياشوخير
والاتنين قعده يردحة لبعض وكمان ظهر لنا موهبه ملهاش حل في مجال الاعلام توفيق عكاشه

[mohdamin18]

افتكرت كلمة عمي ليا و هو طبيب جراح بيقوللي الله يخرب بيت اللي خلى الناس كلها تتعلم ... انا كان مكاني في الأرض ازرع و اشتغل الصبح و على بالليل انام و مكنش يبقى ليا تعليم و بلاش وجع دماغ كان زمان مصر معاها اكلها و شربها مش دلوقتي كله عايز يبقى دكتور و خلاص و مش عارفين هيروحوا فين بعد كدا

:(

[mahmoud_anwar]

افتكرت كلمة عمي ليا و هو طبيب جراح بيقوللي الله يخرب بيت اللي خلى الناس كلها تتعلم ... انا كان مكاني في الأرض ازرع و اشتغل الصبح و على بالليل انام و مكنش يبقى ليا تعليم و بلاش وجع دماغ كان زمان مصر معاها اكلها و شربها مش دلوقتي كله عايز يبقى دكتور و خلاص و مش عارفين هيروحوا فين بعد كدا

:(

والله معاه حق فعلآ لو كل واحد اشتغل مهنته او كل واحد شاف الشيئ الي يصلح يعملة بي اتقان
كنا زمنا بقينا عالم تاني تحترم بعض

[Egyzizo]

المفروض في الكلاسيك
البنطلون الاسود يلبس شراب اسود
البنطلون الكحلي يلبس شراب كحلي
لزم الشراب علي نفس لون البنطلون وليس الحزاء

شكراً