انا اتثبت النهرده بس بطريقه شيك

[aif]

يا دكتور عيشو ...
انت باي حال من الاحوال كنت ناوي تديله فلوس ....
يبقي خلي نيتك انك بتديله مساعدة او صدقه .... فعل خير ...
لو هو مستحق يبقي مافيش مشكلة
لو كان كذاب وبيمثل يبقي انت برضه اخذت ثواب علي نيتك
وال 5 جنيه مش ح يمثلو حاجة بالنسبة لك ... لكن اذا شعرت انه صادق ومزنوق فعلا ومحتاج حد يساعده يبقي ال5 جنيه دي ممكن تكون طوق نجاة بالنسبة له
الموضوع محتاج نظرة للشخص وشوية فطنة وفراسة .... اكيد ح تشعر انه كذاب والا صادق
والمهم النيه

[محمد المشد]

كل هذا نتيجة للتسيب الموجود بالشارع المصرى ، ونتيجة لترك الشرطة المهمة الاساسية لها فى العمل الجنائى ، والاهتمام بالجانب السياسى ، مما زاد الطين بلة 0000 واتمنى ان تفرض الشرطة سيطرتها مرة اخرى على الشارع المصرى لعودة الانضباط ومحاربة البلطجة والسرقة وتنظيم المرور بدلا من الاهتمام بالامور الاخرى ، لاننى اخشى ان تنفجر الامور يوماً ما

[AhmedGen2]

ايه يا جماعة محدش رد عليا حد عارف حاجة عن السيلف ديفنس بيتجاب منين وليه رخصة ولا ايه ؟ كذلك المونشاكو ..

[khalid_adel]

وايه المشكله لو اتأكدت من اللي بيطلب منك انه بيتكلم جد وتعرف حقيقته احسن
عشان لو كان واخدها شغلانه وانت اديته يبقى انت كده بتساعده وبتحببه في الموضوع ده وبتسهله ليه اما لو كل واحد رفض يدي كده غير لما يتأكد من اللي قدامه يبقى الناس دي مش هتلاقي اللي يديها وتبطل النصب ده
بمناسبه التثبيت بقى بجد انا مره كنت رايح المدرسه (ثانوي) وكان معايا واحد صحبي المهم طلعو علينا اتنين صيع بيقولو طلعو اللي معاكو وانا ساعتها كان معايا موبايل وساعه وفلوس طبعا قلت لايمكن ياخد مني حاجه زي كده ( كان الموبايل غالي جدا ايامها) المهم فضلت اتكلم معاه والامض اوي وارغي وهو ماسكلي المطوه في جنبي بعد تلت ساعه رغي مني وكده قمت عامل نفسي بطلع الحاجه قمت هوووب جريت انا وصاحبي جريو ورانا لاقيت ميكروباص ماشي شاورتله الله يكرمه وقفلنا ركبنا وقلناله العيال دي بتقلبنا وبيجرو ورانا كانو جم ووقفو قدامه بيوقفوه وكده قام الراجل كتر خيره طلع وخبطهم كده بسيط ومشي
شوف سبحان الله ربنا بيبعت جنوده ويسخرهم للواحد ازاي

[MoToRiZeR]

يا ريت يا جماعة حد يرد عالراجل اللي بيسأل عالصاعق و الحاجات دي بتتجاب منين و بكام و ليها رخصة ولا لأ .. عشان انا بفكر أجيب صاعق برده

[Ghamrawy]

يا ريت يا جماعة حد يرد عالراجل اللي بيسأل عالصاعق و الحاجات دي بتتجاب منين و بكام و ليها رخصة ولا لأ .. عشان انا بفكر أجيب صاعق برده

اسال كريم منير ، هو كان متكلم فى الموضوع ده قيل كده و عندوا واحد صاحبوا بيجيب الحاجات دى

[AhmedGen2]

اوك انا بعتله رسالة خاصة ..

[mars3v]

ايه يا جماعة محدش رد عليا حد عارف حاجة عن السيلف ديفنس بيتجاب منين وليه رخصة ولا ايه ؟ كذلك المونشاكو ..

Check this group on Facebook

http://www.facebook.com/group.php?gid=7353765694

[MeshoMicra]

ياخبر ابيض ايه كل ده ؟
معلشى سؤال ساذج من ام
هل الكلام ده بيحصل للشباب بس ولا ممكن يحصل لبنت مثلا وهى بتشيك على عربيتها
افيدونى وطمنونى بجد حاجة زادت عن حدها
وحسبى الله ونعم الوكيل فى كل واحد كان سبب فى تردى الاحوال بالشكل ده فى مصر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

لا متقلقش مافيش حريم بتشيك علي عربيتها

دول يادوبك اخرهم يحطو بنزين :D

[MeshoMicra]

انا بردو حصلي حوار شبهو كده بس غريب


وانا بركن تحت بيتنا بليل حوالي الساعه 2

لاقيت واحد شكلو غلط في غلط ولاقيتو بندهلي باسمي وبيقولي ازيك يا ميشو عامل ايه

انا بصيتلو كده وقولتلو خير

قالي اخوك مزنوق في فلوس وعايز يروح الاقيش معاك 2 جنيه اركب تاكس

بصراحه انا استغربت اوي علشان انا معرفهوش وهوا اصلا كمان ميعرفنيش

المهم قولتلو لا مش معايا بقمه الغلاسه

المهم قالي الجمله الشهيره بتاعتهم حردهملك وحجبهملك لغايه عندك والكلام ده

فبضرب ايدي في جيبي اديلو فبيبص لاقي فيه فلوس فقالي طب مافي فلوس كتير اهم وفضل يشتمني كانه صاحبي من زمان وانا معرفش واخد الفلوس ومشي -وفضل يشتمني بردو علشان قولتلو في الاول معييش-




بس عمتا انت اتصرفت صح اوي وياما حتقابل وحتشوف وان قابلني ناس كتير ايزين فلوس يروحو بلدهم وانا مش بعبرهم الصراحه

[bee]

السلام عليكم ورحمة الله وبركاته

يا جماعة انا معاكوا ان الي بيحصل ده مش صح ..
بس أنا ليا رأي وبعمل بيه وأحب أشاركوا معاكوا وليكوا حرية التصرف ..
ساعات بتحس ان السائل ده يستحق من طريقة طلبه الي بتكون بخجل وعزيزة على نفسه ..
وساعات سوري يعني "ببجاحه" ..
في الحالتين طلع اي حاجه واديهالوا سواء مصدق أو لأ ..
لان إن شاء الله ثوابك هيوصل بصرف النظر ده محتاج ولا لأ ..

" وأمّا السائل فلا تنهر "[1].

وقال رسول (ص): " لا تردوا السائل ولو بشق تمرة " ( يعني اي حاجه ربنا يقدرك عليها).
وقال (ص): " للسائل حق وإن جاء على الفرس " (يعني حتى لو جايلك على فرس يعني مثلا الايام دي لو نازل من عربية وطلب منك اديلوا ..)

ـــــــــــــــــــــــــــــ
[1] الضحى، الآية: 10.
[2] صححنا اكثر الأحاديث هنا على ما في سفينة البحار الجزء الأول ص585 وكتاب الزكاة من الوسائل أبواب الصدقة باب 33 ـ 37 واحياء الأحياء في كتاب الفقر.



تحياتي

[Mzeid]

بصراحة أنت إتصرفت صح يا دكتور عشو ..
و حصل مرة مع واحد صاحبي عنده في الشارع هنا في طنطا كان يعني حوالي 12 سنة لما كان صغير كان ماشي مرة في الشارع و واحد وقفه و بيقوله طلع اللي معاك قاله معيش حاجة قام قاله طلع هو ساعتها كان معاه 2 جنيه فخبى جنيه و طلع الثاني ف و هو بيطلعه الجنيه الثاني وقع منه قاله و دة كمان يا حلو .. :):)
و بعدين مش عايز أقولك كمية عمليات التثبيت قد إيه عندنا في أبو قير و عند الكلية - الأكاديمية - ..
و مرة واحد قريبي كان وراه كورس في إسكندرية و هو من طنطا فوصل إسكندرية بدري و قال يتمشى شوية على البحر على معاد الكورس ما يجي و الكلام دة كان على الظهرية - يعني الدنيا زحمة و الناس مالية الشوارع - و كان بيتكلم في الموبايل بتاعه بيطمن أهله إذ به يفاجأ بواحد حاطط مطوة في جنبه و يقوله هات الموبايل طبعاَ و لا واحد من اللي ماشيين فكر يعبره أصلاَ فإضطر يعطيله الموبايل ..
:(:(

[أبومعاذ]

نصيحة مجربة
لما حد يقف يكلمك و عايز يثبتك اهرش في ودنك ايوة ارفع ايدك و اعمل نفسك بتهرش في ودنك هيقلق منك و هيحس انك ناوي تناوله في وشه و هتلاقيه بيرجع لورا شوية اما لو فكر يعمل حاجة معاك بجد بايدك التانية و فعينه بكل قوتك و اطلع اجري باسرع ما يمكن و كدا كدا الناس اللي بتثبت دي مش بتنزل تثبت الا لما بيكونو متنيلين شاربين و بالتالي مستحيل لو جريت يجيبك

[أبوسيف]

أنا معظم المواقف اللى قابلتها كانت ناس معهاش فلوس وعاوزة تروح بيتها اللى فى بنها اوالقناطر او اى مكان بعيد. آخر مرة كنت فى مدينة نصر ولاقيت واحد طلعلى فجأة وقالى لو سمحت انا عاوز أروح امبابة ، ممكن توصفلى ، قلتله ممكن تركب للتحرير وبعدين تغير ، فجأة لاقيته بيقولى اصل مراتى تعبانة فى مستشفى الحميات وعاوزة 150 جنيه علشان تخرج من المستشفى ، وهى محجوزة فى المستشفى ومش هايخرجوها الا لما أدفع الفلوس وقعد يعيط.
الراجل بصراحة شكله مش متشرد ولا حاجة ، بس انا برده حاسس انه نصاب ، المهم فكرت شوية وقلتله طب تعالى معايا نروح المستشفى وانا هادفعلك الفلوس هناك. لقيت الراجل وشه جاب ألوان وبقى مش عارف يرد ، وبعدين لقيته بيقولى لا انا بس عاوز اروح هناك ، قلتله طب تعالى معايا هاوصلك ، قالى لأ حضرتك فهمتنى غلط ، انا عاوزك توصفلى اروح ازاى!
قلتله طب وبتعيط ليه طالما بتسأل بس :)

المهم فى الموضوع ان الناس بتحاول تألف اى قصة علشان تحرجك ومع المفاجأة بتبقى انت مرتبك ومش عارف تتصرف ازاى فبالتالى بتعمل اللى هو عاوزه ، انما لو انت قدرت انك تعكس الموقف وتخليه هو فى موقف محرج هتلاقيه اتكشف بسهولة ، وكمان لو هو صادق هاتقدر تتأكد من دة.
انا جربتك الطريقة دة اكتر من مرة وكانت ناجحة جدا.
ببساطة لو حد عاوز فلوس علشان يسافر ، قوله تعالى هاوصلك الموقف وأدفعلك الآجرة للسواق
ولو حد عاوز فلوس علشان والدته تعبانة فى المستشفى وعاوزة فلوس ، قوله تعالى نروح المستشفى
وهكذا ...
بس الكلام ما ينفعش مع الجماعة المحششين ، دول عاوزنلهم ترتيب تانى.

[hogo_9i]

حصلت معايه بس مش تثبيت انما انا كنت على قاعد على القهوه لواحدى من غير اصحابى المهم لايت واحد شكله غلط خالص واخد بشله فى وشه حاجات كتير فى وشه دخل عليه وى قعد على الكرسى الى جنبى وقلى ازيك قلتولو ازيك الى انا من السيد زينب وى اسمى احمد وى عايز فلوس عشان يراوح وكان لسانه تقيل عرفت انه شارب كمان وى بيجمع الكلام بى العافيه قلتولو تعالى معايه هركبك وى هدفع
انا الفلوس وى كمان هديك فلوس فى ايدك زياده الى انتا مش مصدقنى خلاص انا مش عايز حاجه
وى راح سيبنى وى ماشى