دفتر توفير البريد!!

[NaderNabil]

ازيكم يا شباب؟؟

عايز أسأل سؤال....

ليه الناس مش مقبلة انها تحط فلوسها في البوسطة؟؟؟؟مع العلم ان فايدته واصله ل 9.5% أمبارح!!!! يعني أكتر من البنوك بحوالي 3.5%....

هل فيه مخاطر ان الواحد يشيل مبلغ كبير في البوسطة؟؟ ولا هو مجرد عشان اسمه دفتر توفير البوسطة عشان كده محدش بيحط فيه حاجة؟؟؟

ارجو الرد من أصحاب الخبرة و المعلومات

شكرا لكم:)

[ehab08]

ميزة البوسطه ممكن تسحب فى أى وقت وتودع فى اى وقت بس لما فائدة البنك بتنزل الفائدة فى البوسطه برضه بتنزل
لكن فى الشهادات القيمه بتفضل ثابته طوال مدة الشهاده
لو معاك مبلغ كبير ومش محتاجه يعنى ممكن تستغنى عنه لمدة 3 سنوات تعمل شهادة بلاتينيه فى البنك الأهلى المصرى أو بنك مصر والعائد بتاعها 10.5% فى السنه
الكلام ده من 1/5/2008
مثلا:
معاك مائة ألف 100000
العائد السنوى 10500
العائد يصرف كل 3 شهور يعنى 2625
أرجو أن أكون قد أفدتك

[ehab08]

نسيت أقولك حاجه عن الشهادات أنك ما تقدرش تسحبها قبل مرور 6 شهور
وبعد كده لو حبيت تسحبها قبل 3 سنوات حيتخصم الفرق بين 10.5% والفائده السائده فى وقت السحب من قيمة الشهاده

[Islam_galal]

البوسطة نظام عقيم بس بدأ يتحسن و خصوصا ان بنوك كتير دلوقتي بقت معاملاتها متفرقش كتير عن البوسطة

أنا عن نفسي لا أتعامل مع البوسطة لإعتقادي التام أن نظامها نظام ربوي ( حرام)

أنا لي دفتر في البوسطة (اضطراري لتحويل معاش من التأمينات) بس وقفت الأرباح

[nabil246]

مكاتب البريد تعمل يوم السبت بالإضافة إلى العمل لفترة مسائية

اضف إلى مميزات التعامل مع صندوق توفير البريد ، ان مكاتب البريد تعمل يوم السبت بالإضافة إلى العمل لفترة مسائية .

[osama]

البوسطة مشكلتها انك لو حتسحب مبلغ كبير ممكن يقول لك المبلغ مش متوافر الان

[tears]

بلاش يا جماعه حد يذكر الربا بلاش كل واحد مقتنع برايه وكل واحد مننا عنده تفكيره الى بيعرفه الحلال من الحرام بلاش نتكلم فى الموضوع ده

[أبو عبدالله]

بلاش يا جماعه حد يذكر الربا بلاش كل واحد مقتنع برايه وكل واحد مننا عنده تفكيره الى بيعرفه الحلال من الحرام بلاش نتكلم فى الموضوع ده

انا هرد على حضرتك من كلامك انت

دلوقتي حضرتك قولت كل واحد مقتنع برايه وكل واحد عنده تفكيره

طيب ليه حضرتك معترض على راي واحد مقتنع بكلامه وبيقوله
ما هو لو حضرتك مش عاوزه يقول كلامه ورايه
يبقى حضرتك من باب اولى انك متقولشي كمان رايك
مش كده ولا ايه

وبعدين مسألة الحلال والحرام
فده ليس راي شخص او وجهة نظر قابلة للصحة والخطأ
وانما اجماع من كبار العلماء والمشايخ
وديننا بيدعو الى الامر بالمعروف والنهي عن المنكر والدين النصيحة
فمش معقول عاوزني ابقى انا عارف ان ده ربا خصوصا انه من الكبائر
ومش عاوزني اقول حاجه زي كده
فميش حاجه في الدين بتقول كده
انا انصح واقول
صحيح محدش يقدر يلزم احد بشئ ولكن ده شئ بينك وبين ربك ولكن انا برضه بيني وبين ربي اني ابين الحق من الباطل ولا يوجد لأحد سلطة ان يمنع احد من قول الحق او نقله
ولما بنقول حرام فاحنا مش بنقول راينا ولا وجهة نظرنا
والمشايخ والعلماء كذلك وانما الموضوع محسوم من ايام الرسول ان ده ربا ومن يعلم ما هو الربا الذي كان ايام رسول الله صلى الله عليه وسلم فسيعلم يقينا انه كل هذا هو من الربا وليس هناك ادنى شك ولكن دي سنة ربنا في كونه ان يكون للحق محاربين وان يكون للباطل مؤيدين
فأيام رسول الله صلى الله عليه وسلم قالوا انما البيع مثل الربا
حاولوا برضه يلفوا بالقضية للتضليل

وشكرا

وان كنت لا تقبل كلام الاخر فلماذا تريده ان يقبل كلامك

[Akram]

قال الله تعالي ,,
بِسْمِ اللَّهِ الرَّحْمَنِ الرَّحِيمِ
(وذَكِّرْ فَإنَّ الذِّكْرَى تَنفَعُ المُؤْمِنِينَ)

[sss]

انا هرد على حضرتك من كلامك انت

دلوقتي حضرتك قولت كل واحد مقتنع برايه وكل واحد عنده تفكيره

طيب ليه حضرتك معترض على راي واحد مقتنع بكلامه وبيقوله
ما هو لو حضرتك مش عاوزه يقول كلامه ورايه
يبقى حضرتك من باب اولى انك متقولشي كمان رايك
مش كده ولا ايه

وبعدين مسألة الحلال والحرام
فده ليس راي شخص او وجهة نظر قابلة للصحة والخطأ
وانما اجماع من كبار العلماء والمشايخ
وديننا بيدعو الى الامر بالمعروف والنهي عن المنكر والدين النصيحة
فمش معقول عاوزني ابقى انا عارف ان ده ربا خصوصا انه من الكبائر
ومش عاوزني اقول حاجه زي كده
فميش حاجه في الدين بتقول كده
انا انصح واقول
صحيح محدش يقدر يلزم احد بشئ ولكن ده شئ بينك وبين ربك ولكن انا برضه بيني وبين ربي اني ابين الحق من الباطل ولا يوجد لأحد سلطة ان يمنع احد من قول الحق او نقله
ولما بنقول حرام فاحنا مش بنقول راينا ولا وجهة نظرنا
والمشايخ والعلماء كذلك وانما الموضوع محسوم من ايام الرسول ان ده ربا ومن يعلم ما هو الربا الذي كان ايام رسول الله صلى الله عليه وسلم فسيعلم يقينا انه كل هذا هو من الربا وليس هناك ادنى شك ولكن دي سنة ربنا في كونه ان يكون للحق محاربين وان يكون للباطل مؤيدين
فأيام رسول الله صلى الله عليه وسلم قالوا انما البيع مثل الربا
حاولوا برضه يلفوا بالقضية للتضليل

وشكرا

وان كنت لا تقبل كلام الاخر فلماذا تريده ان يقبل كلامك

ربنا يبارك فيك كنت لسه هاقول نفس الكلام ردا على مشاركة اخونا
الدين النصيحة

[Islam_galal]

بلاش يا جماعه حد يذكر الربا بلاش كل واحد مقتنع برايه وكل واحد مننا عنده تفكيره الى بيعرفه الحلال من الحرام بلاش نتكلم فى الموضوع ده

أنا رديت علي الموضوع و لم أنصح أحد بشئ و إنما ذكرت حقيقة للعلم و التذكرة
سيادتك مش من حقك تعترض لأن المواضيع دي مفيهاش اقتناع و لا كل واحد عنده تفكيرة
( وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًاأَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضلالا مُّبِينًا ).

إذا كنت مسلم فاتق الله و لاترد و تبين لان ما قلته يسمي الفحش في القول
و ان كنت غير مسلم فليس لك أن تقول ما قلت لأن المعلومة بالتأكيد لا تخصك

يا جماعه نتقي الله شوية يا نقرأ في كتاب الله و نفهم يا نسكت

[NaderNabil]

ايه يا جماعة!!!! الموضوع مش مستاهل!!!!

و انا أصلا ماطلبتش حد يتكلم في الموضوع ده في سؤالي...ليه الناس بتتكلم في حاجات خارج الموضوع!!!!

كل اللي سألته كان عن تجارب الناس في دفتر توفير البريد و لم أسأل في أي شئ اخر!

شكرا لكل من ساهم بالرد في صلب الموضوع:)

[Islam_galal]

للأسف يا نادر في ناس بتتلذذ بحرق دم بعض
أعتذر عن الخروج عن صلب الموضوع بس بصراحة أفقدني اعصابي

[NaderNabil]

بس لما فائدة البنك بتنزل الفائدة فى البوسطه برضه بتنزل

هيه فعلا كانت 10.5% من شهر و نزلت ل 9.5% بس في جميع الأحوال أحسن من البنك

[M_HaFeZ]

أبو عبدالله ربنا يبارك لك ويبارك فيك
إسلام نبيل انا بقرأ الموضوع ده وباشوف مين هيذكر الجزئيه اللى انت اول واحد قولتها
ربنا يبارك فيكم جميعا