محتاج أستشارة من حد بيفهم في البناء و المعمار

[أشرف العدوي]

أنا ساكن في أخر دور
و السقف عندي واخد ماية كتير لدرجة ان الكرانيش الجبس ابتدت تتفتفت
و اثار الرطوبة ظاهرة في السقف كله بصورة كبيرة

محتاج اعرف انا ممكن اعمل ايه علشان انهي المشكلة دي
و هل هحتاج اني اغير السقف
يعني اهده و ابنيه من اول و جديد لاني خايف يكون الحديد المسلح صدى

و الأرضية بتاعة السطح ممكن اعمل فيها ايه علشان انهي المشكلة دي

و كمان الي هيعمل الحوار ده بيبقى محار و لا بنى عادي و لا مهندس

و لو فيه مواد بناء ياريت الأاسعار التقريبية و تكلفة صيانة المتر بتاع السقف قد ايه

و لو غيرت السقف كله يتكلف كما هو مساحته حوالي 140 متر

و شكراً مقدماً

[engaass]

أنا ساكن في أخر دور
و السقف عندي واخد ماية كتير لدرجة ان الكرانيش الجبس ابتدت تتفتفت
و اثار الرطوبة ظاهرة في السقف كله بصورة كبيرة

محتاج اعرف انا ممكن اعمل ايه علشان انهي المشكلة دي
و هل هحتاج اني اغير السقف
يعني اهده و ابنيه من اول و جديد لاني خايف يكون الحديد المسلح صدى
ده حل عمرك ماهتحتاج تعمله

و الأرضية بتاعة السطح ممكن اعمل فيها ايه علشان انهي المشكلة دي
الارضيه تتعزل ضد الرطوبة بشراتح بيتومينية مسلحة بالبوليستر

و كمان الي هيعمل الحوار ده بيبقى محار و لا بنى عادي و لا مهندس

لازم مهندس يعاين حالة السقف الاول وبعدين يحدد طريقة الاصلاح المناسبة لليقف كخرسانه فى حالة وجود داعى لذلك ويبقى يتابع عملية العزل ضد الرطوبة عشان تطمن انه اتعمل صح
وبعدين مبيض تشوف محار لاصلاح الكرانيش

و لو فيه مواد بناء ياريت الأاسعار التقريبية و تكلفة صيانة المتر بتاع السقف قد ايه
كل ده يتوقف على المعاينة عشان المهندس اللى يشوفه يقدر يقدرك التكلفة التقدرية للموضوع

و لو غيرت السقف كله يتكلف كما هو مساحته حوالي 140 متر
فكرة هدم السقفواعادة بنائه فكرة بشعة
انت كده يبقى بتهد تشطيبات الشقة بالكامل(من الاخر متفكرش نهائى فى الحل ده)

و شكراً مقدماً

أحمد أمين
مهندس مدنى

[محمد عز]

متقلقش

اول حاجة طالما فيه نشع فى السقف يبقى فيه مصدر مياه فى السقف

ممكن يكون مياه مطر وبالتالى لازم يتعمل طبقة عازلة فى السطح بميول ناحية فتحات لصرف مياه المطر (ميزراب)

والحل ده ينفع حتى لو

لو مصدر المياه حاجة تانية زى حد مثلا وجود زرع على السطح او حد دائم الغسيل (سجاد) على السطح

اما ان كان فيه حمام بيسرب مياه على السطح وده مستبعد لانك فى اخر دور

يبقى الحل طبقىة حماية مع تظبيط الميول وعزل جيد مع فتحات لتصريف المياه

اوعى حد جاهل يقولك تهد السقف وتعمله تاني

[A.Saad]

http://www.nilemotors.net/Nile/189982-a.html

[أشرف العدوي]

الف شكر ليكو جميعاً
طيب انتوا ايه رأيكوا في الي هقوله ده

انا عندي السقف متبلط

اشيل البلاط و الرمل الي تحتيه , اسيب السقف شوية بتاع اسبوع مثلاً ( الكلام ده هيبقى في الصيف الي جاي )
علشان ينشف و يطلع كل الرطوبة الي فيه
و لا أعمل طبقة البوتومين دي على البلاط الي موجود و ابتدى الموضع اليومين دول

[mik_e30]

الرمل الي تحت البلاط هتلاقية مليان مية اصلا والمشكلة عندك بدل السقف متبلط اكيد ان البلاط في فراغات بينة وبين بعضة
با الاسهل لو حالة البلاط كويسة انك بعد نهاية الصيف هيكون السقف نشف شوية فاتسد الفراغات الي بين البلاط زي ما صنايعي البلاط بيعمل
هتجيب امنت ابيض وبودرة وخلطهم في مية بس يكون الخليط مش خفيف اوي وهتكبهم عالبلاط وتحركهم بمقشة او مساحة علبلاط فا هيدخل في الفراغات وبعد كدا مش هتنزل مية تاني الا لو طبعا في فراغات او كسور في البلاط
دا ابسط حل
والحل التاني هيكون مكلف بس اضمن كتير وانا عملتة وكان السقف عندي الحديد بتاعة بان من تحت
فا كسرنا الاسمنت لحد ماوصلنا للحديد من تحت و نضفناة ومحرنا علية من الاول
ومن فوق نضفنا السط ح خالص وجبنا بيتومين في منة صفايح وفي منة بيكون خيش متغرق بيتومين وبيتفرش بس الصفايح انت بتسخنها وتدهنها افضل كتير لانك مبتسبش اي حتة احنا جبنا برميل
وبعد مابتفرش او تدهن بتجيب رمل ناشف مش مرطب وتفرش حوالي 7 سنتي رمل فوق البيتومين وبعدين تجيب بلاط سقف الي هو اسمنت دا من غير رسم وتبلطة البلاط دا رخيص وبيستحمل وبعد كدا يامعلم انسي انك تفكر في السقف دا تاني ابدا ابدا

[engaass]

الف شكر ليكو جميعاً
طيب انتوا ايه رأيكوا في الي هقوله ده

انا عندي السقف متبلط

اشيل البلاط و الرمل الي تحتيه , اسيب السقف شوية بتاع اسبوع مثلاً ( الكلام ده هيبقى في الصيف الي جاي )
علشان ينشف و يطلع كل الرطوبة الي فيه
و لا أعمل طبقة البوتومين دي على البلاط الي موجود و ابتدى الموضع اليومين دول

هو لو البلاط مستوى وبدون ما يبقى فى مناطق عالية و واطية يبقى ممكن تعزل علية بس طبعا لازم تبلط فوق العزل فهل عندك امكانية انك تبلط تانى وده معناه أن منسوب السقف هيعلى حاجة بتاع 10 الى 15 سم عن المنسوب الحالى لانك غالبا هتعزل حرارة بالمرة
لازم قبل اى حاجة تسيب السقف ينشف كويس عشان يخرج كل المياة اللى جواه وعشان كده انا افضل انك تعمل القصة دى فى الصيف عشان لو عملته دلوقتى هيبقى فى مشكلة ان الميه هتتحبس جوه السقف ومش هيكون ليها منفذ غير من الناحية اللى عندك فى الشقة وبالتالى ممكن تتسبب انك بعد ما تصلح تشطيبات السقف من محارة وكرانيش وخلافة ممكن تكتشف ان المشكلة لسه موجودة
وأى استفسار انا تحت امرك
المهم بقى العربية خلصت ولا لسه

[م.احمد زكريا]

شوف انا رأيي تعرف ايه مصدر الميه العلى السطح هل في تسريب من خزانات او ماسير مياه او العملية مطر فقط
لان اصلاح او سد المصدر 90% من الحل

ثانيا انا شايف انك تشيل البلاط بالكامل والرمل التحته وتعزل السقف كويس جدا ضد الرطوبة وتعزل حرارة بالمرة
وتغير الرمل لو كان مبتل

وبعدين تبلط على نظافة وتضبط الميول وتعمل مزراب في السقف يصرف لخارج المبنى

وبكدة ترتاح إن شاء الله

[أشرف العدوي]

الف شكر ليكو جداً
ان ان شاء الله ابتدي العملية في الصيف و ممكن ابقى استعين بمهندس من هنا ( بس اهم حاجة يعملي خصم كويس علشان انا معايا الأستيكر بتاع المنتدى )

المهم بقى العربية خلصت ولا لسه

العربية خلصت من زمان كنت حطيت ليها صورتين و هي في الفرن
و خدت ختم الشارع كمان
خبطة في الأكصدام الخلفي بس مش جامدة البوية طقت بس

[SYD]

الف شكر ليكو جميعاً
طيب انتوا ايه رأيكوا في الي هقوله ده

انا عندي السقف متبلط

اشيل البلاط و الرمل الي تحتيه , اسيب السقف شوية بتاع اسبوع مثلاً ( الكلام ده هيبقى في الصيف الي جاي )
علشان ينشف و يطلع كل الرطوبة الي فيه
و لا أعمل طبقة البوتومين دي على البلاط الي موجود و ابتدى الموضع اليومين دول

1+

بالظبط كدة

حضرتك الي حلتها لنفسك

وانا كنت داخل اقولك الكلام دة

استني للصيف

حاول تكسر التنشيع وسيبه اسبوعين لحد لما الشمس تطلع كل الرطوبة

اعزل كويس اوي

بلط فوقيه

اعمل ميول

اعمل صرف pvc طبعا

اعمل بيب وليكن 2 علي الاقل

املي العرانيس بتاعة البلاط بمادة كدة من كيماويات البناء الحديث (شبه شوية بتاعة حمامات السباحة) وسيبك من الأسمنت الأبيض

والله المستعان
،
،

[أشرف العدوي]

أحب أبشركم ان العمارة كلها غرقت امباح
ماسور الصرف أتسدت و غرقت الشقة عند والدتي في الدور الرابع
جبنا واح سلكها
المجاري طفحت في الدور التاني ( أول بلكونة ) بعتنا جبنا الراجل تاني
و من هنا المصيبة
صاحب الشقة سعودي و مسافر
مش قادر اوصفلكم منظر المدخل بتاع العمارة و هو بيمطر و من تحت باب الشقة و هو بيطلع مياه على السلم متخطي عتبة رخام أرتفاعها 2 سم تقريباً
أتصلنا بالراجل صاحب الشقة
بعت لنا حد على الساعة 12 باليل فتحنا الشقة و البواب عاش فيها لحد الصبح


انا بعد ما كنت خايف على سقف شقتي

انا دلوقتي خايف على العمارة كلها

هي تعتبر حديثة
اتبنت في منتصف التسعينات
و اساستها كويسة جداً ( والدي الله يرحمه هو الي بانيها ) و ما كانش بيبخل عليها في مصاريف التأسيس على اساس انها هتبقى بتاعتنا لوحدينا ( بيت عيلة يعني )

هل في أجراء احترازي ممكن يتعمل و لا اسيبها على الله

[engaass]

طبعا لازم تشوف ايه مشكله الصرف وتحلها عشان متتكرش
ان شاء الله مفيش مشكلة