بتفضفض لمين لما تبقى مخنوق ومتضايق؟

[MohssenRashed]

هههههههه

دة من باب انك بتنتقم ؟؟

أعتقد أن أكبر غلطة ممكن يعملها راجل متجوز أنى يشتكى لمراتة ....
لية بقى ؟؟!!

الست من غير حاجة قلقانة علطول حتى لو مفيش حاجة تستدعى القلق ....
لو أنت جيت فى يوم من الأيام قلتلها مثلآ أن فى عندك مشكلة فى الشغل ....

هتلاقيها بتسئلك أسئلة ملهاش أول من أخر زى :
- المشكلة دى حصلت أزاى؟؟!!
- يعنى أنت ممكن تترفد بسبب المشكلة دى؟؟!!
-طب هتدور على شغل تانى؟؟!!
-ياترى معاك فلوس لحد ما تدور على شغل؟؟!!
-طب معاك كام؟؟!!
-هى الفلوس دى هتكفى لحد أخر الشهر؟؟!!

دى حاجة بسيطة من الأسئلة اللى هتتسئلها ....
وهى مش هتبطل تسئل إلا إذا لقيت شغل تانى أو طلقتها ....

لو عندك مشكلة أقعد مع نفسك وفكر فى الحلول بعيدآ عن تشويش المدام ....
هتلاقى المشكلة بعون الله أتحلت ....

أكيد أي مشكله انت فيها اول حد هيتأثر بيها بيتك فأولى ان مراتك تشاركك في المشكلة مش تتفاجأ لو في حاجه ( ده رأي ).

[khaled_bibo]

هو في مقوله انا مقتنع بيها جدا

"Never tell your problems to anyone...20% don't care and the other 80% are glad you have them." - Lou Holtz

[Ghosts]

لما بابقى مخنوق بادخل جوة اوضتى واقفل بالمفتاح مع" نفسى" لان دى الحاجة الوحيدة فى الدنيا اللى مـتأكد ان عمرها ماهتقلب عليا فى يوم من الايام
والناس اللى بتثق فى اصدقائها: ايه اللى ضمنك انه مايقعش بكلمة ولو غصب عنه؟؟....احنا اللى هانوقع بين الاصدقاء ههههه :) :)
مع ان ناس كتييير بتقعد تفضفضلى بحاجات ماليش علاقة بيها وماحبش اشغل دماغى بيها بس مابعرفش اقولهم كفاية
فابتخنق فابروح اقعد مع نفسى تانى لغاية ما ازهقها ..وانا هازهق لوحدى يعنى :)

كالعادة ....
وكأنى أنا اللى كاتب المشاركة دى يا د/ محمود ....

[Ghosts]

ليه يعني ؟؟؟؟؟؟

لعلمك في ستات عقلها ارجح من 100 راجل

انا كمان احيانا بقعد افضفض مع المدام
ورأيها بيكون سديد في معظم الأحيان

ليه تعامل المرأة انها مش بتفكر

الجواز سكن ومشاركة

انا أسف علي اسلوبي في الكلام
بس ربنا كرم المرأة والمرأة في الأسلام ليها دور ضخم جدا والرسول عليه الصلاة والسلام اوصانا بالمرأة خيراً

تقبلوا مروري

والله المستعان
،
،

لو كان كل الستات كدة مكنتش هتلاقى 400 ألف ست بتطلق سنويآ فى مصر بس ....
وبكدة وصل عدد المطلقات فى بلدنا ل 2.5 مليون مطلقة ....

[shaddadfalcon1]

انتو نسيتو حاجه

طبيعة الرجل انه لما يتخنق بيعتزل الناس وبيبقي مش عايز يتكلم ولو حد حاول يخليه يتكلم هيتخنق اكتر
علي عكس الست لما بتتخنق لازم تتكلم ولو متكملتش هتنفجر

وده ساعات بيودي لمشاكل زوجيه كتيير
تلاقي الزوج حاجه مضايقاه ومش عايز يتكلم عنها وتلاقي الزوجه راسها والف سيف تعرف في ايه

[Car's Sniper]

كالعادة ....
وكأنى أنا اللى كاتب المشاركة دى يا د/ محمود ....

هههههههههه حبيبى ياGhosts