هي النفسنة و الشلللية من بعض الاعضاء وصلت للدرجة دي !!!؟؟

[heshamzaky]

فى اللى أكبر من كده

ايه رأيكم فى اللى شغال مخبر على الناس اللى فى المنتدى و عنده استعداد يبعت فيهم تقارير أمنية خصوصا المشاركين فى قسم أحوال الشارع الثورجية من مناهضى حكم العسكر ؟؟؟!!!

ده المفروض نقول فيه ايه ؟؟؟!!!!

بافتراض ان الكلام دة صحيح هى فارقة مع حضرتك فى حاجة
طالما انت صح يضايقك فى اية الموضوع دة
انت مش واخد بالك ان قسم احوال الشارع المصرى بقى منتدى سياسى من الدرجة الاولى
و اى منتدى سياسى مليون فى المية حا تلاقى فية مراقبة من كذا جهه أمنية
======================
بالعكس دة سيادتك مفروض تكون ايجابى و لو لقيت اى دعوات تحريضية او حاجة مريبة نسبيا على صفحات النت عموما مفروض انك تبلغ عنها الله اعلم مش ممكن تكون الدعوات التحريضية دى من ناس مش عاوزة مصلحة مصر
و أكيد انت عاوز مصلحة مصر صح و لا غلط

[alaa74]

يا ريت الناس تراجع نفسها
وتفتكر العيش والملح وحقوقهم
الصاحب عمره ما يتحول لعدو علشان شكله بقي مش عاجبك
اللي كان عاملك خده مداس مكانش خدام عندك لا دا كان بيقدرك
اللي كان بيضحك في وشك مش علشان مستني منك حاجه لا دا كان فرحان بلقاك
اللي واساك في زعلك ومحنتك مكانش شمتان فيك
اللي اخد منصب اخده علشان كان يستحقه مسحبهوش من تحت رجلك
راعو العيش والملح
راعو الاخوه
راعو كل حاجه و كل موقف عديتو فيه مع بعض
لما يكون واحد مخنوق من واحد الشتيمه فيه من المحيطين مش حتزيدكم غلاوه
بالعكس دي بتعرف الناس معدنكم
اللي شتم في واحد علشان انا مخنوق منه بكره يشتم فيا لما يتخنق مني
ياما اتخانقت ناس مع بعض علي المنتدي وبره المنتدي هما اصحاب وحبايب واخوه
بلاش العكس يحصل دلوقتي
اشتروا الصاحب مهما يكلفكم
تعالي علي نفسك علشان محدش يزعل منك
متراضيش حد بالشتيمه في حد تاني
لو شايل من حد ومغلول منه وحاقد عليه متتكلمش خليه جواك لحد ما ربنا يهدي تفكيرك للحق كل كلمه منك بتنزلك من قلوب الناس ساعتها وبتخلي غيرك يحقق بيك هدفه


في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ


في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ

في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ
علشان وقت ما بتتحط الرجوله والحب في كفه مع اي حاجه تانيه
بتتطب مش بتتمرجح علشان مفيش حاجه توزنها ولا تساويها
كررتها وافتكروها
وحطوها في ودانكم ولسه فيه وقت للتراجع عن الخساره

لخصت الحكايه كلها فى كلامك يا محمد ومش هزود عليك كتير .

من سنين نعرف بعض

بينا إحترام وحب وكل واحد مننا بيفضل التانى على نفسه بالفعل مش بالكلام .

بنقف مع بعض وبنساند بعض

مش علشان مصلحه أو غايه أو هدف .

الأمثله كتيرة قوى وإفتكروا مثلا موضوع أخونا رحمه الله عليه محمد جمعه وإزاى كان تفاعل

الناس وحرصها على إنها تتبرع بالدم وإنها تروح تشوفه ، مع إن ناس كتير جدا كانوا ميعرفوش

المرحوم محمد ، لكن اللى كان بيحرك الناس دوافع تانيه مفيهاش أى مصلحه .

كان الدافع إنسانى ،

كان الدافع الحب ،

المنتدى هو اللى جمعنا ،

فى المقابلات بنكون كلنا واحد زى بعض على الرغم أننا

ثقافات مختلفه

مستويات مختلفه

أعمار مختلفه

تعليم مختلف

أعمال ومناصب ومهن مختلفه

لكن فى النهايه

كل دة واحنا متجمعين فى أى مقابله مش بنشوفه ولا بنلاحظه

لأن التعامل مش على أساس الند بالند ولا على أساس التنافس

أبدا كنا ولا زلنا شخص واحد

بناكل نفس الأكل

وبنتكلم نفس اللغه

وبنخاف على بعض قوى

لأن اللى جمعنا كان أكبر من أى خلاف أو تنافس أو حتى أى شئ ....

يمكن بسبب السلبيات اللى من النوع دة ببعد كتير ومبشاركش كتير

لكن دايما بغيب وبرجع

بطول فى الغياب

لكن بحن للمنتدى بيوحشنى

وبيوحشنى اخوانى واصدقائى فى المنتدى

عشرة كبيرة مش سهل تضيع أوحتى تتنسى

لإختنا صاحبه الموضوع ....

المنتدى بأعضاؤة الكرام جميعا على إختلاف ميولهم جزء أصيل من الشعب المصرى والبلد

يعنى هتلاقى الإختلافات والصراعات هنا فى المنتدى زى أى مكان تانى زى شغلك أوأى مكان تانى


بإختصار ......

يكفيكى أن الغالبيه من الأعضاء المحترمين
يكفيكى ان الغالبيه من الأخوة والأخوات الحريصين على الإحترام المتبادل
يكفيكى صداقاتك فى المنتدى والتى أعتقد أنها أهم بكتير من أى إختلاف صادفتيه أو هتصادفيه ....

لنفسى ولكل اخوانى وأخواتى الأعضاء الكرام

نحترم بعض ونحرص على بعض مهما كان خلافنا

لأن اللى باقى هو إحترامنا لنفسنا وإحترامنا لبعضنا

وأخيرا السيرة العطرة لكل واحد منا أفضل بكتير من السيرة الغير طيبه .

بعتذر للإطاله ...

تقبلوا تحياتى ...

[hobiko]

بافتراض ان الكلام دة صحيح هى فارقة مع حضرتك فى حاجة
طالما انت صح يضايقك فى اية الموضوع دة
انت مش واخد بالك ان قسم احوال الشارع المصرى بقى منتدى سياسى من الدرجة الاولى
و اى منتدى سياسى مليون فى المية حا تلاقى فية مراقبة من كذا جهه أمنية
======================
بالعكس دة سيادتك مفروض تكون ايجابى و لو لقيت اى دعوات تحريضية او حاجة مريبة نسبيا على صفحات النت عموما مفروض انك تبلغ عنها الله اعلم مش ممكن تكون الدعوات التحريضية دى من ناس مش عاوزة مصلحة مصر
و أكيد انت عاوز مصلحة مصر صح و لا غلط

استاذ هشام زكى ..... يا أهلا و سهلا

معلش الكلام اللى بتقوله ده مع احترامى مش مبرر خالص .... انى أكون عضو قديم فى منتدى و أرتبط بصداقات مع ناس كتير فيه و أنا فى نفس الوقت بشتغل عليهم مخبر و أروح أقدم فيهم تقارير أمنيه عشان مرة اختلفت معاهم أو مع الأشراف أو مرة اتوقفت

يبقى عيب أوى

يا ريتنى ببلغ عشان على خاطر مصر ..... لأ ده أنا حبلغ عشان مش عاجبنى المنتدى أو مش عاجبنى الأشراف و أنا عارف كويس أوى ان ممكن ناس كتير مالهاش ذنب فى حاجة او مش مهتمة بالسياسة تيجى رجلها فى الموضوع

يبقى حرام ولا حلال ؟؟؟؟!!!!!

تقبل تحياتى

[human]

بافتراض ان الكلام دة صحيح هى فارقة مع حضرتك فى حاجة
طالما انت صح يضايقك فى اية الموضوع دة
انت مش واخد بالك ان قسم احوال الشارع المصرى بقى منتدى سياسى من الدرجة الاولى
و اى منتدى سياسى مليون فى المية حا تلاقى فية مراقبة من كذا جهه أمنية
======================
بالعكس دة سيادتك مفروض تكون ايجابى و لو لقيت اى دعوات تحريضية او حاجة مريبة نسبيا على صفحات النت عموما مفروض انك تبلغ عنها الله اعلم مش ممكن تكون الدعوات التحريضية دى من ناس مش عاوزة مصلحة مصر
و أكيد انت عاوز مصلحة مصر صح و لا غلط

ادعوك للفرجه على فيلم البرئ
هتلاقى تشابه رهيب بين نفس المنطق و المنطق اللى موجود بالفيلم

[Karim_Monir]

للاسف يا دونزي وزي ما بيقول شنوري
كل إناء ينضح بما فيه
وفي ناس مزروعه في ارض نتنه فا مش هايطلع منها غير خبث
وانا شخصيا ياما اتقال عليا كلام في وشي وضهري
بس ده ما زادنيش غير قوة والحمد لله
ورغم انهم استفادو كتير
لكني اتعلمت في حياتي في ناس زي الطفيل

وزي ما شيخنا حببي خالد قال
في قنطرة حساب
واللي هايعدي لازم يخلص
ليك هاتخد عليك هاتدفع
وانا افضل ليا الف مرة ان يكون ليا
الدنيا امرها سهل وهازعل شويه وخلاص
لكن حقوق الناس والغيبة والنميمة وو و و
ربنا يرحمنا دنيا واخرة

[أشرف العدوي]

بغض النظر عن الموضوع
أنا مش فاهم حاجة

[Karim_Monir]

ادعوك للفرجه على فيلم البرئ
هتلاقى تشابه رهيب بين نفس المنطق و المنطق اللى موجود بالفيلم

نيههههههههههههه

[ehab_mansour]

لا حول ولا قوة إلا بالله
الهم الف بين قلوبنا جميعا و اهدنا لما تحبه و ترضاه
رجعت تاني ايام المشاكل اللي كانت قديمة و اللي انقسم فيها اعضاء كتييييييييييير كانو نشطين جدا بالمنتدي و لأسباب غريبة و مريبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله المستعان

[Donzi]

عادي جدا , انتي مستغربة ليه يا دونزي

اي مكان تروحيه فيه كده , فمابالك بالنت

كبري دماغك و اعملي نفسك مش شايفة :)

انا مستغربة لاني مكنتش متوقعة ان دا يحصل في المنتدى او بمعنى اصح بين ناس العلاقة بينهم بسيطة و مش معقدة او متداخلة زي علاقات العمل او الزمالة لان مفيش احتكاك مباشر دا غير ان مفيش مايستدعي ان يبقى في عداوة توصل للحد دا

يعني لو ناس بتتنافس في بيزنس ممكن دا يحصل مع انها هاتبقى منافسة غير شريفة بس بتحصل و لو ناس مع بعض في شغل برضو ممكن عشان مشاكل و حوارات الشغل و هكذا انما هنا مكنتش اتوقع ان دا يحصل بصراحة و بالشكل المتدني دا

في ناس مبتحترمش الاختلاف في الراي
وشايفها انها لما تتريق او تشتم الشخص ال بتكلمه كدا هو حصل على مراده
انا الاول كنت برد على ال يغلط فيا "بكلم على النت فقط" دلوقتي بقيت اتجاهله لاني عارف ان دا هيخليه ياكل في نفسه
يعني مثلا لو اقدر بكل بساطة امسح الكومنت بتاعه و اعمله بلوك لو على الفيس
لو هنا على المنتدى بعمل تقرير و استنى رد الادارة عشان لو مش كدا اقدم شكوى
وفي كل الاحوال حقي هاخده

و بصراحة انا شايف ان الادارة مش زي ما الناس بتصور
هو ممكن الاختلاف معاها حصل عشان الادارة مطبقتش القوانين بحذافيرها في موضوعات"themes" معينة كنوع من التخفيف على الاعضاء و زي ما الاستاذ كريم كان ذكر انه قال للمشرفين يخفو ايديهم في الايقاف في الموضوعات السياسية ف دا ادى ان ممكن مشرف يخف ايده اوي ومشرف لأ

يا استاذ علي مفيش حد مابيجيلوش لحظة و يتعصب او يخرج عن شعوره و يغلط بشكل او باخر و خاصة لو كان اللي قدامه مش بيراعي مشاعرو في موقف معين و مصمم يستفزو لكن ان الامر يوصل لكل الكم دا من النفسنة و التامر و الاستهزاء و بالذااااااااااااات في الضهر بجد بتبقى حاجة قميئة جدا جدا

الموضوع مش متعلق بالادارة في المقام الاول بالعكس هوا متعلق ببعض الاعضاء و اخلاقياتهم لان معظم اللي انا ذكرتو من تامر و تشهير و استهزاء حصل في موقع تاني - الفيس بوك - فالادارة كانت ضحية و اتعرضو لكتير من اللي انا قلته

[Donzi]

اعتقد معظم الكلام والنفسنه والحجات دى فى المنتدى الاجتماعى غير كده لا
المنتدى الاجتماعى سبب المشاكل
المنتدى الاجتماعى سبب وقف 98% من الاعضاء الموقفين
المنتدى الاجتماعى على طول خناقات وبقيت بخاف ادخله اصلا الا لو هسال عن شىء معين فقط
المنتدى الاجتماعى كله سياسه ومشاكل دة غير العلاقات الزوجيه والعلاقات الغير مشروعه اللى كانت فى فتره من الفترات. والدليل...الجمل حيوان اليف ياكل العشب..بصراحه كانت حاجه تقرف
اصبح نايل موتورز منتدى اجتماعى اكتر من انه منتدى سيارات
ياريت نمنع اننا نتكلم فى السياسه دة مش منتدى سياسى ومن زمان بنحكى فى القصه دى

لا يا استاذ احمد مش في الاجتماعي بس للاسف
اجتماعي
احوال الشارع المصري
البيع و الشراء
الاعلانات
و الاقسام المتخصصة في العربيات كمان

لان اكيد في كل المناقشات بيكون في اختلاف في الرأي بس مش المفروض ان الاختلاف دا يوصل للي انا حكيتو خالص و المنع عمره ما هايكون حل

الموضوع اللى بتقولى عليه يا أنسه دونزى بسيط

فى اللى أكبر من كده

ايه رأيكم فى اللى شغال مخبر على الناس اللى فى المنتدى و عنده استعداد يبعت فيهم تقارير أمنية خصوصا المشاركين فى قسم أحوال الشارع الثورجية من مناهضى حكم العسكر ؟؟؟!!!

ده المفروض نقول فيه ايه ؟؟؟!!!!

لا بجد مش عارفة اقول ايه و مش متخيلة انها وصلت للدرجة دي ابدا

يعني اضمن من كلامك ان انا ليا ملف امن دولة ؟؟ عموما يكون ليا الشرف

اما الناس دي فا ربنا يوقعهم في شر اعمالهم ان شاء الله




و الشخص دة موجود هنا ؟[/QUOTE]

ما كل الامثلة اللي انا ذكرتها موجودة هنا مستغرب ليه بقى على دا

[osama.m]

باختصار شديد اوي كده
لما الناس بدات تبص لبعض حصل كل ده
كل ده علشان كلمه اشمعني
اشمعني فلان اتوقف وفلان متوقفش
اشمعني فلان عمل وفلان معملش
اشمعني فلان اتكلم والباقي بيصقف وساكت
اشمعني فلان اخد وانا ما اخدتش
اشمعني في كل حاجه
الاول كان الموضوع حب في الله بين الناس
بعد كده بقي صراع زعامه وتلسين
ياما اتشتمت في وشي وضهري لمجرد ان فيه عدد معين من الناس بيحبني
واتشمت من ناس معرفهمش ولا يعرفوني
بس هو كده
نظام الصايع لما يدخل منطقه لازم يضرب التخين فيها

ربنا يرزقنا ويوطي نفوسنا عن الكبر ويكفينا شر الغرور

بالظبط كدا

[hobiko]

ادعوك للفرجه على فيلم البرئ
هتلاقى تشابه رهيب بين نفس المنطق و المنطق اللى موجود بالفيلم

هههههههههههههه

[A.Saad]

و بالصدفة واحدة من الرسايل دي اتعملها بوست بالغلط كمشاركة في موضوع ما و شفت التحريض عليا و الغلط فيا بعيني و نص الرسالة دي عندي

واكتر من موضوع فى الاحوال كان الاعضاء بيدعوا بعض على صفحات الموضوع بعمل تقرير مشاركة فى عضو او مشاركة مش عاجباهم

ملخص الكلام
رسالة على الخاص بتتكلم عن العضوة صاحبة الموضوع
سواء الكلام يليق او لا يليق
الافضل ان يتم اللجوء للادارة
الا لو العضوة شايفة ان ما حدث ليس من اختصاص الادارة

[Donzi]

اولا


المشاركه ديه من العضو العزيز هشام زكى فى بوست لدونزى
المشاركه ديه مش لاقيها فى الموضوع

اتمسحت ازاى؟؟!!!

انا اللي طلبت ان المشاركات الخارجة عن مسار الموضوع تتحذف و دي كانت من ضمن المحذوفات

اللى عايز يبلغ يبلغ ... انت بتعمل حاجه غلط؟؟؟ ده احنا هنا ماسكين نفسنا فى الكلام ... لو على كده الفيسبوك بتاعنا ممكن يدخلنا جهنم

-
ثانيا
بالنسبه للموضوع المطروح من قبل دونزى

انا مش عارف انت زعلان ليه؟ ماللى يبعت يبعت و اللى يعمل يعمل .... اعمل انت الصح و ماتتفاجأش ان الانسان مجرد انسان
عشان كل ما هتحط امل كبير على الانسان كل ما هتتعب

كلنا بنخطى و نصيب و مافيش حد وحش طول الوقت ولا حل طول الوقت

وانت ممكن تبقى شايف الموضوع من زاويه الضحيه و ممكن يكون اللى بتتكلموا عليهم شايفين نفسهم ضحيه برضه

و الاعضاء اللى بيقولوا المشاكل ده مكانتش موجوده و زمان و مش زمان
انتم نسيتم اللى حصل فى 2008 و 2009؟؟ ده كان مهرجان الوقف للجميع و شلل فعليا و اعتراضات بالجمله و بانرز للاعتراض فى التوقيع
يعنى اللى احنا فيه دلوقتى لا يرقى للمستوى السابق فى ااختلاف لسه

ولا نسيتوا اللى حصل 2010؟ و الوقف اللى حصل و التراشق فى كل مكان فى المنتدى ده احنا روحنا وراهم منتدى تانى!!

لاحظت ان حضرتك بتكلمني على اني مذكر بس انا بنت على فكرة

انا زعلت لان كل دا بيحصل في مكان انا بحبه و بحترمه
ثانيا لانه حصل من اشخاص مكنتش اتوقع منهم دا ابدا و خاصة اني عمري ما غلطت فيهم او مفيش مبرر لانهم يعملوا معايا كدا
ثالثا لاني اكتشفت ان دا مش حاصل معايا لوحدي بل في مجموعة معينة من الاعضاء مقضينها شتيمة و تريقة على باقي الناس لمجرد اختلافهم معاهم في الرأي

في الحالة او في الحالات دي اعتقد من حقي ازعل

اللى عايز يبلغ طبعا براحته و لا تفرق خالص اذا كنا بننزل المظاهرات قدام وزارة الدفاع و قدام المنطقة الشماليه فى اسكندرية

حنخاف من الكلام اللى بنقوله على المنتدى أو على الفيس بوك :)))))

أنا بس مستغرب من اللى عنده استعداد يعمل كده فى زمايله فى المنتدى و فى المنتدى نفسه و هو عارف ان ممكن حد تانى مالوش ذنب رجله تيجى فى الموضوع

أنا بس بستغرب على نفوس الناس مش أكتر

الحمد لله ان مش لوحدي اللي مستغربة لان البعض محسسني ان اللي بيحصل دا عادي جدا و متوقع و طبيعي بس انا مش حاسة كدا خالص

[Donzi]

انا عندي 22 يعني اصغر من اغلب الناس هنا
بس ردي علي اللي مكتوب ده .. نفوس ضعيفه فعلا وعيب لما تبقي شخص المفروض مسئول وتخطيت المرحله دي ويصدر منك الافعال اللي الاستاذه دونزي بتقول عليها

شكرا يا شادي بس الموضوع مالوش اي علاقة بالسن هوا ليه علاقة بالشخصيات و النفسيات و حاجات تانية كتير

أنا مش معاك في دي
الإدارة مش فعل واحد .. يتحكم عليه بإنه كويس في المطلق .. أو سئ في المطلق
مواقف ومواقف
كريم نفسه مش بقا موجود زي الأول .. عنده إهتمامات تانية
=====
النقطة الأهم وسبب مشاركتي في الموضوع
الــشــلللــية
مين قال إنها عيب .. أصحاب أو أصدقاء بقوا شلة بموقف موحد
دي مش عيب

العيب إنهم يتحيزوا ضد شخص بعينه لسبب تافه أو خلافه
النفسنة بقا حاجة تانية خالص..مش هتكلم فيها أساسا

جوايا كلام كتير يخص أعضاء كتير .. لكن مش عاوز أخسر حد
صباح الخير

ماهو الصداقة او الشللية بمفهومها الصح عمرها ما كانت ولا هاتكون عيب يا دكتور و زي ما انت بتقول العيب انها تتحول لاتفاق على شخص او مجموعة اشخاص و كدا احنا متفقين ، اما النفسنة فا حدث ولا حرج