هي النفسنة و الشلللية من بعض الاعضاء وصلت للدرجة دي !!!؟؟

[Donzi]

=====
وإننا نمنع الكلام فـــ السياسة
فده صعب
السياسة في كل مكان
ياراجل إنت لو رايح تعمل شغل عند ميكانيكي..غصب عنك هتتكلم في السياسة


والإجتماعي زي ماقلنا برضووو قبل كده
مهم للناس
بمعنـــــــــــــى
مهم للتواصل بين الأعضاء..
لو منكنش فيه إجتماعي.مكنتــش أنا (أحمد العلاوي) بقالي حوالي 50 صديق حقيقي في كل محافظات مصر.. ودي عندي أهم من أي معلومة ممكن أخدها من المنتدى فيما يخص السيارات

غير كده

المنتدى منتدى سيارات
لو إنت دخلت كل مرة .. بسبب عطل في عربيتك..أو بسبب حاجة تخص عربيتك
يبقا هتدخل على المنتدى مرة كل شهرين تلاتة تقريبا
وساعتها المنتدى هيقع .. طبيعي


بس

تمام جدا و متفقة معاك ان قفل الاجتماعي و احوال الشارع المصري عمره ما هايكون حل لان الاختلافات موجودة برضو في اقسام تانية اي نعم بشكل اقل كتير لكن برضو موجودة

باختصار شديد اوي كده
لما الناس بدات تبص لبعض حصل كل ده
كل ده علشان كلمه اشمعني
اشمعني فلان اتوقف وفلان متوقفش
اشمعني فلان عمل وفلان معملش
اشمعني فلان اتكلم والباقي بيصقف وساكت
اشمعني فلان اخد وانا ما اخدتش
اشمعني في كل حاجه
الاول كان الموضوع حب في الله بين الناس
بعد كده بقي صراع زعامه وتلسين
ياما اتشتمت في وشي وضهري لمجرد ان فيه عدد معين من الناس بيحبني
واتشمت من ناس معرفهمش ولا يعرفوني
بس هو كده
نظام الصايع لما يدخل منطقه لازم يضرب التخين فيها

ربنا يرزقنا ويوطي نفوسنا عن الكبر ويكفينا شر الغرور

+11111111111111111111
اللهم امين

[Donzi]

يا ريت الناس تراجع نفسها
وتفتكر العيش والملح وحقوقهم
الصاحب عمره ما يتحول لعدو علشان شكله بقي مش عاجبك
اللي كان عاملك خده مداس مكانش خدام عندك لا دا كان بيقدرك
اللي كان بيضحك في وشك مش علشان مستني منك حاجه لا دا كان فرحان بلقاك
اللي واساك في زعلك ومحنتك مكانش شمتان فيك
اللي اخد منصب اخده علشان كان يستحقه مسحبهوش من تحت رجلك
راعو العيش والملح
راعو الاخوه
راعو كل حاجه و كل موقف عديتو فيه مع بعض
لما يكون واحد مخنوق من واحد الشتيمه فيه من المحيطين مش حتزيدكم غلاوه
بالعكس دي بتعرف الناس معدنكم
اللي شتم في واحد علشان انا مخنوق منه بكره يشتم فيا لما يتخنق مني
ياما اتخانقت ناس مع بعض علي المنتدي وبره المنتدي هما اصحاب وحبايب واخوه
بلاش العكس يحصل دلوقتي
اشتروا الصاحب مهما يكلفكم
تعالي علي نفسك علشان محدش يزعل منك
متراضيش حد بالشتيمه في حد تاني
لو شايل من حد ومغلول منه وحاقد عليه متتكلمش خليه جواك لحد ما ربنا يهدي تفكيرك للحق كل كلمه منك بتنزلك من قلوب الناس ساعتها وبتخلي غيرك يحقق بيك هدفه


في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ


في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ

في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ
علشان وقت ما بتتحط الرجوله والحب في كفه مع اي حاجه تانيه
بتتطب مش بتتمرجح علشان مفيش حاجه توزنها ولا تساويها
كررتها وافتكروها
وحطوها في ودانكم ولسه فيه وقت للتراجع عن الخساره

أخي الفاضل جزاك الله خيرا على كل كلمة كتبتها

ما شاء الله لاقوة إلا بالله

بارك الله فيك ويسر لك الخير حيثما كنت

وأقول للأخت الفاضلة صاحبة الموضوع لاتحزني فإنهم يهدونك حسناتهم

ويأتون يوم القيامة مفلسين من الحسنات , ويأخذون من سيئات من اغتابوهم

اللهم ألف بين قلوبنا وأصلح ذات بيننا واطرد الشياطين والمنافقين من بيننا

اللهم اهد كل ضال وعاف كل مبتل وأرشد كل حيران وتب على كل عاص

اللهم إنا راضون عنا فارض عنا

اللهم أرضنا برضاك عنا

اللهم أمين

وصل اللهم وسلم على الحبيب محمد

جزاكم الله خيرا

بجد اجمل مشاركتين في الموضوع ، و بجد يا شيخ خالد كلماتك اثلجت صدري و هديتني جدا لاني من انبارح بعد ما اكتشفت كمية الحوارات دي كنت فعلا في حالة نفسية و عصبية سيئة

بس الحمد لله ان ربنا بيكشف لنا الاشخاص على حقيقتهم على الاقل عشان الواحد يعرف الصادق من المنافق

اللهم امين

[Donzi]

[color=purple]بإختصار ......

يكفيكى أن الغالبيه من الأعضاء المحترمين
يكفيكى ان الغالبيه من الأخوة والأخوات الحريصين على الإحترام المتبادل
يكفيكى صداقاتك فى المنتدى والتى أعتقد أنها أهم بكتير من أى إختلاف صادفتيه أو هتصادفيه ....

لنفسى ولكل اخوانى وأخواتى الأعضاء الكرام

نحترم بعض ونحرص على بعض مهما كان خلافنا

لأن اللى باقى هو إحترامنا لنفسنا وإحترامنا لبعضنا

وأخيرا السيرة العطرة لكل واحد منا أفضل بكتير من السيرة الغير طيبه .

بعتذر للإطاله ...

تقبلوا تحياتى ...

والله يا استاذ علاء عند حضرتك الف حق في كل اللي قلته

و يكفيني فعلا الناس المحترمة و الصادقة اللي استفدت منهم في المنتدى و يكفيني الصداقات المحترمة اللي كونتها من خلال المنتدى و بعتز بيها جدا جدا

و شكرا جزيلا على ردك الرائع

للاسف يا دونزي وزي ما بيقول شنوري
كل إناء ينضح بما فيه
وفي ناس مزروعه في ارض نتنه فا مش هايطلع منها غير خبث
وانا شخصيا ياما اتقال عليا كلام في وشي وضهري
بس ده ما زادنيش غير قوة والحمد لله
ورغم انهم استفادو كتير
لكني اتعلمت في حياتي في ناس زي الطفيل

وزي ما شيخنا حببي خالد قال
في قنطرة حساب
واللي هايعدي لازم يخلص
ليك هاتخد عليك هاتدفع
وانا افضل ليا الف مرة ان يكون ليا
الدنيا امرها سهل وهازعل شويه وخلاص
لكن حقوق الناس والغيبة والنميمة وو و و
ربنا يرحمنا دنيا واخرة

استاذ كريم طبعا نابك من الحب جانب من كل اللي انا ذكرته في راس الموضوع دا ان مكنش نصيب الاسد
الظاهر فعلا انه زي ما حضرتك بتقول و ربنا يهديهم و يهدينا جمعيا

و فعلا ادينا بنتعلم بس الواحد مابيتعلمش ببلاش

[MEKAWY2000]

الحمد الله على نعمه الايمان

[Donzi]

لا حول ولا قوة إلا بالله
الهم الف بين قلوبنا جميعا و اهدنا لما تحبه و ترضاه
رجعت تاني ايام المشاكل اللي كانت قديمة و اللي انقسم فيها اعضاء كتييييييييييير كانو نشطين جدا بالمنتدي و لأسباب غريبة و مريبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله المستعان

والله يا استاذ ايهاب انا معرفش اي حاجة عن مشاكل قديمة و لا كنت طرف في اي مشاكل ليها علاقة بالمنتدى خالص

فاعذرني انا مش بعمل انقسامات بالعكس دا انا اكتشفت انها موجودة بشكل كبير و سيىء جدا و دا اللي استفزني و خلاني اكتب الموضوع دا

اما عن الاسباب الغريبة و المريبة فالله اعلم بما في القلوب

ملخص الكلام
رسالة على الخاص بتتكلم عن العضوة صاحبة الموضوع
سواء الكلام يليق او لا يليق
الافضل ان يتم اللجوء للادارة
الا لو العضوة شايفة ان ما حدث ليس من اختصاص الادارة

والله يا استاذ احمد فى مشاركات اتحذفت وهى كانت سبب توضيحى لموضوع الرسالة
لكن ده مش اساس الموضوع ولا سببه ولا هدفه
ده كان مجرد توضيح ومثال ازاى عرفت موضوع التقاريراللى الاعضاء بيتفقوا عليه

الموضوع انا ذكرت فيه كزا موقف مش موقف واحد و ذكرت في مشاركة سابقة ليا ان الموضوع مجموعة من المواقف اللي حصلت - مش شرط معايا - و عرفتها و ضايقتني و طرحتها للمناقشة و قلت انها مش شرط تكون مواقف او مشاكل شخصية

[khaled_yassin]

الغريبه انك بنوتة وبتقولى الكلام دة ؟؟
مع ان البنات ديما بينهم وبين بعض حساسية ونفسنه فالمفروض تكونى متعودة
اخيرا احب اقولك ان هما دول المصريين , للاسف احنا شعب ما بنعرفش نتكلم ولا نسمع بعض ,
وكل واحد فينا بيمسك فى راى معين , وللاسف الاكبر ما بنعرفش نعتذر لبعض
فمن الاخر كبرى دماغك واديكى عرفتى الكويس من الوحش
واخيرا احب اقولك كلمة باينه اوى من كلامك
انك انسانه طيبة اوى وتعاملتى مع الناس هنا فى المنتدى انهم اخواتك
يعنى العشم اخدك , ويمكن دة الى مزعلك
الاغرب انى مش لاقى ولا بنوتة ردت على الموضوع؟؟؟؟

[nevozaky]

الغريبه انك بنوتة وبتقولى الكلام دة ؟؟
مع ان البنات ديما بينهم وبين بعض حساسية ونفسنه فالمفروض تكونى متعودة
اخيرا احب اقولك ان هما دول المصريين , للاسف احنا شعب ما بنعرفش نتكلم ولا نسمع بعض ,
وكل واحد فينا بيمسك فى راى معين , وللاسف الاكبر ما بنعرفش نعتذر لبعض
فمن الاخر كبرى دماغك واديكى عرفتى الكويس من الوحش
واخيرا احب اقولك كلمة باينه اوى من كلامك
انك انسانه طيبة اوى وتعاملتى مع الناس هنا فى المنتدى انهم اخواتك
يعنى العشم اخدك , ويمكن دة الى مزعلك
الاغرب انى مش لاقى ولا بنوتة ردت على الموضوع؟؟؟؟

والله يا استاذ خالد انا رديت وعملت مشاركة قبل كده

المساْلة ان الناس مش قادرة تفهم ان اى حد لما بيعلق على شخص تانى بتبقى بناء على تصرفاته وكلامه واسلوبه .
ولو اجتمع اكتر من شخص فى راْيه على صفة معينة او عيب فى انسان معين يبقى اكيد الشخص ده فى الحاجة دى بنسبة معينة ولازم ياخد باله منها ويحاول يصلحها .او يراجع نفسه لعل وعسى تبقى فعلا موجودة فيه

اما بالنسبة للنفسنة سواء بين الولاد او البنات ملهاش لازمة
لان اللى اودامك هينفسن عليك ليه مش مستاهلة هوه مجرد راْيه ووجهة نظره اللى قابلة انها تكون صح او غلط .

ومفيش حد هيتفق على حد .الا الناس الفاضية وما افتكرش ان فى حد فاضى .
وبالنسبة لتقارير المشاركة السيئة اللى الناس بتعملها .

نظرا لان الاسلوب بيبقى وحش جدا وغير لائق فبكل ادب واحترام الناس بتعمل تقارير مشاركة سيئة من غير ما تغلط فى حد وده وفقا لقوانين المنتدى .
واحيانا بتطلب من اشخاص يعملوا تقارير مشاركة سيئة علشان يكبروا دماغهم ويمشوا قانونى بدل ما يوصل اختلافهم الى حوار متدنى ويغلطوا فى بعض اكتر .

وتقارير المشاركة السيئة مش وصمة عار يعنى .ده شىءطبيعى جدا حفاظا على اداب الحوار العام

وزى ما قلت قبل كده .محدش فاضى لحد علشان اصلا يركز معاه .
الا الناس اللى دماغا رايقة . ومعندهاش حاجة تشغلها .

وعلى العموم اللى يقول حاجة يقولها واللى واثق من نفسه ما يقلقش .

وربنا اعلم بنوايا ومقاصد البشر

ربنا يهدينا جميعا ونكبر دماغنا من امور صغيرة

[Osama_I]

باختصار شديد اوي كده
لما الناس بدات تبص لبعض حصل كل ده
كل ده علشان كلمه اشمعني
اشمعني فلان اتوقف وفلان متوقفش
اشمعني فلان عمل وفلان معملش
اشمعني فلان اتكلم والباقي بيصقف وساكت
اشمعني فلان اخد وانا ما اخدتش
اشمعني في كل حاجه
الاول كان الموضوع حب في الله بين الناس
بعد كده بقي صراع زعامه وتلسين
ياما اتشتمت في وشي وضهري لمجرد ان فيه عدد معين من الناس بيحبني
واتشمت من ناس معرفهمش ولا يعرفوني
بس هو كده
نظام الصايع لما يدخل منطقه لازم يضرب التخين فيها

ربنا يرزقنا ويوطي نفوسنا عن الكبر ويكفينا شر الغرور

يا ريت الناس تراجع نفسها
وتفتكر العيش والملح وحقوقهم
الصاحب عمره ما يتحول لعدو علشان شكله بقي مش عاجبك
اللي كان عاملك خده مداس مكانش خدام عندك لا دا كان بيقدرك
اللي كان بيضحك في وشك مش علشان مستني منك حاجه لا دا كان فرحان بلقاك
اللي واساك في زعلك ومحنتك مكانش شمتان فيك
اللي اخد منصب اخده علشان كان يستحقه مسحبهوش من تحت رجلك
راعو العيش والملح
راعو الاخوه
راعو كل حاجه و كل موقف عديتو فيه مع بعض
لما يكون واحد مخنوق من واحد الشتيمه فيه من المحيطين مش حتزيدكم غلاوه
بالعكس دي بتعرف الناس معدنكم
اللي شتم في واحد علشان انا مخنوق منه بكره يشتم فيا لما يتخنق مني
ياما اتخانقت ناس مع بعض علي المنتدي وبره المنتدي هما اصحاب وحبايب واخوه
بلاش العكس يحصل دلوقتي
اشتروا الصاحب مهما يكلفكم
تعالي علي نفسك علشان محدش يزعل منك
متراضيش حد بالشتيمه في حد تاني
لو شايل من حد ومغلول منه وحاقد عليه متتكلمش خليه جواك لحد ما ربنا يهدي تفكيرك للحق كل كلمه منك بتنزلك من قلوب الناس ساعتها وبتخلي غيرك يحقق بيك هدفه


في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ


في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ

في الاخر الكبار والرجال والعاقلين وولاد البلد حيتصافوا بكلمه وحتفضل انت منبوذ
علشان وقت ما بتتحط الرجوله والحب في كفه مع اي حاجه تانيه
بتتطب مش بتتمرجح علشان مفيش حاجه توزنها ولا تساويها
كررتها وافتكروها
وحطوها في ودانكم ولسه فيه وقت للتراجع عن الخساره

أخي الفاضل جزاك الله خيرا على كل كلمة كتبتها

ما شاء الله لاقوة إلا بالله

بارك الله فيك ويسر لك الخير حيثما كنت

وأقول للأخت الفاضلة صاحبة الموضوع لاتحزني فإنهم يهدونك حسناتهم

ويأتون يوم القيامة مفلسين من الحسنات , ويأخذون من سيئات من اغتابوهم

اللهم ألف بين قلوبنا وأصلح ذات بيننا واطرد الشياطين والمنافقين من بيننا

اللهم اهد كل ضال وعاف كل مبتل وأرشد كل حيران وتب على كل عاص

اللهم إنا راضون عنا فارض عنا

اللهم أرضنا برضاك عنا

اللهم أمين

وصل اللهم وسلم على الحبيب محمد

كلام من الآخر بغض النظر الموضوع أيه

[ezzatfox]

خلاص يا جماعة حصل خير و الحمد لله الحاجات اللى كانت مزعلاكوا .. فى اعضاء فهمتنا انها حاجات عادية خالص .. يعنى التبليغ عن اللى مبيحبش مصر (من وجهة نظر اللى بيبلغ ) دة شىء عادى جدا و واجب وطنى كمان .

و كمان تقارير المشاركة لما نتفق نعملها مع بعض ضد حد مضايقنا دة موضوع طبيعى جدا و عندكوا قوانين المنتدى زعلانين لية بقى .

المهم للاستاذة دونزى و الاعضاء المحترمين . انا من كتر ما كنت بشوف اراء و مناقشات تسد النفس كنت هبطل ادخل على المنتدى .. بس لو انتى و كل الاعضاء المحترمين هيعملوا كدة يبقى هنسيب كل المجالات لامثال هؤلاء الذين تحدثتى عنهم - تطبيقا للقاعدة القائلة - العملة الرديئة تطرد العملة الجيدة .

عشان كدة حاولى تنسى كل دة و متيأسيش .. التغيير لن يأتى بدونك و بدون المحترمين من امثالك

و لا تنسى انة احيانا الاختلاف فى الاخلاق و المبادىء يسمى اختلافا فى وجهات النظر

[Khaled Seif]

السلام عليكم ورحمة الله وبركاته

أختي الفاضلة الأستاذة / دونزي

خذي هذه الهدية الغالية الثمينة من فم من أدبه ربه فأحسن تأديبه الذي كان خلقه القرءان بل كان قرءانا

يمشي على الأرض , هذا الحديث الجميل الذي أحب دائما أن اذكر به نفسي وأسرتي وإخواني في الله

هذا الحديث الذي نعلمه جميعا ولكن قد ينسينا الشيطان إياه

فقد روى أبو هريرة رضي الله عنه أن رجلا سب أبا بكر رضي الله عنه والنبي صلى الله عليه وسلم جالس ,

لايقول شيئا , فسكت أبو بكر رضي الله عنه , فشتمه الرجل الثانية , فسكت أبو بكر رضي الله عنه , فشتمه

الرجل الثالثة , فلما سكت ذهب أبو بكر رضي الله عنه يتكلم , فقام النبي صلى الله عليه وسلم , واتبعه أبو

بكر وقال يارسول الله كان يسبني وأنت جالس , فلما ذهبت أتكلم قمت ؟ فقال إن الملك كان يرد عنك فلما

تكلمت ذهب الملك ووقع الشيطان فكرهت أن أجلس

[nevozaky]

خلاص يا جماعة حصل خير و الحمد لله الحاجات اللى كانت مزعلاكوا .. فى اعضاء فهمتنا انها حاجات عادية خالص .. يعنى التبليغ عن اللى مبيحبش مصر (من وجهة نظر اللى بيبلغ ) دة شىء عادى جدا و واجب وطنى كمان .

و كمان تقارير المشاركة لما نتفق نعملها مع بعض ضد حد مضايقنا دة موضوع طبيعى جدا و عندكوا قوانين المنتدى زعلانين لية بقى .

المهم للاستاذة دونزى و الاعضاء المحترمين . انا من كتر ما كنت بشوف اراء و مناقشات تسد النفس كنت هبطل ادخل على المنتدى .. بس لو انتى و كل الاعضاء المحترمين هيعملوا كدة يبقى هنسيب كل المجالات لامثال هؤلاء الذين تحدثتى عنهم - تطبيقا للقاعدة القائلة - العملة الرديئة تطرد العملة الجيدة .

عشان كدة حاولى تنسى كل دة و متيأسيش .. التغيير لن يأتى بدونك و بدون المحترمين من امثالك

و لا تنسى انة احيانا الاختلاف فى الاخلاق و المبادىء يسمى اختلافا فى وجهات النظر

بعد اذن حضرتك
ما اعتقدش ان فى حاجة اسمها ناس تتفق تعمل مشاركة سيئة ضد حد .
هيه مش خناقة
تفتكر حضرتك ان المساْلة تبقى شكلها حلو وظريف لو الناس فضلت تغلط فى بعض وتشتم فى بعض على العام ولا الافضل انه يقدم تقرير مشاركة ويترك الموضوع كله للاشراف والمساْلة تبقى بكل ادب واحترام .

وما اعتقدش ان الناس بتلجاْ ليها الا فى اضيق الحدود وفى حالت بتبقى صعبة وواضحة مش عمال على بطال .

واعذرنى عمر ما كان اختلاف المبادىْ والاخلاق اسمه اختلاف فى وجهات النظر
لان المبادىْ والاخلاق ثوابت مش بتتغير .

هيه اراء الناس فى الافراد بس اللى يعتبر وجهات نظر مادام لم يعيب فى اخلاقه وسلوكه

المساْلة بقت صعبة اوى والناس كلها بتشتكى من بعض .الحياة مش ناقصة صعوبة علشان نصعبها على نفسنا اكتر

تقبل راْيى واحترامى

[khaled_yassin]

والله يا استاذ خالد انا رديت وعملت مشاركة قبل كده

المساْلة ان الناس مش قادرة تفهم ان اى حد لما بيعلق على شخص تانى بتبقى بناء على تصرفاته وكلامه واسلوبه .
ولو اجتمع اكتر من شخص فى راْيه على صفة معينة او عيب فى انسان معين يبقى اكيد الشخص ده فى الحاجة دى بنسبة معينة ولازم ياخد باله منها ويحاول يصلحها .او يراجع نفسه لعل وعسى تبقى فعلا موجودة فيه

اما بالنسبة للنفسنة سواء بين الولاد او البنات ملهاش لازمة
لان اللى اودامك هينفسن عليك ليه مش مستاهلة هوه مجرد راْيه ووجهة نظره اللى قابلة انها تكون صح او غلط .

ومفيش حد هيتفق على حد .الا الناس الفاضية وما افتكرش ان فى حد فاضى .
وبالنسبة لتقارير المشاركة السيئة اللى الناس بتعملها .

نظرا لان الاسلوب بيبقى وحش جدا وغير لائق فبكل ادب واحترام الناس بتعمل تقارير مشاركة سيئة من غير ما تغلط فى حد وده وفقا لقوانين المنتدى .
واحيانا بتطلب من اشخاص يعملوا تقارير مشاركة سيئة علشان يكبروا دماغهم ويمشوا قانونى بدل ما يوصل اختلافهم الى حوار متدنى ويغلطوا فى بعض اكتر .

وتقارير المشاركة السيئة مش وصمة عار يعنى .ده شىءطبيعى جدا حفاظا على اداب الحوار العام

وزى ما قلت قبل كده .محدش فاضى لحد علشان اصلا يركز معاه .
الا الناس اللى دماغا رايقة . ومعندهاش حاجة تشغلها .

وعلى العموم اللى يقول حاجة يقولها واللى واثق من نفسه ما يقلقش .

وربنا اعلم بنوايا ومقاصد البشر

ربنا يهدينا جميعا ونكبر دماغنا من امور صغيرة

اولا اسف جدا انى ما اخدتش بالى انك علقتى على الموضصوع
ثانيا :من ناحية الناس فاضية فاحنا فعلا فاضيين , والدليل انحنا عمالين نقرا ونرد ونعلق
اقولك على حاجة تانيه كلنا الفضول مخلينا مستنين نعرف ايه الموضوع بالظبط
وانا متاكد ان موضوع دونزى وموضوع الاخت سما هياخد اعلى مشاركة فى تاريخ المنتدى
كلمتى الاخير : الواحد كان ديما بيحس ان الى فى المنتدى اخوات ليه وديما تلاقى بنستشير بعض فى حاجات خاصة كمان
بس للاسف اقتنعت انحنا مش اخوات انحنا مستخبيين وراء جهاز الكمبيوتر وبنتكلم
ومن الاخر بقى احنا لازم نعمل حمله تطهير عرقى ونخرج البنات من المنتدى خالص

[nevozaky]

اولا اسف جدا انى ما اخدتش بالى انك علقتى على الموضصوع
ثانيا :من ناحية الناس فاضية فاحنا فعلا فاضيين , والدليل انحنا عمالين نقرا ونرد ونعلق
اقولك على حاجة تانيه كلنا الفضول مخلينا مستنين نعرف ايه الموضوع بالظبط
وانا متاكد ان موضوع دونزى وموضوع الاخت سما هياخد اعلى مشاركة فى تاريخ المنتدى
كلمتى الاخير : الواحد كان ديما بيحس ان الى فى المنتدى اخوات ليه وديما تلاقى بنستشير بعض فى حاجات خاصة كمان
بس للاسف اقتنعت انحنا مش اخوات انحنا مستخبيين وراء جهاز الكمبيوتر وبنتكلم
ومن الاخر بقى احنا لازم نعمل حمله تطهير عرقى ونخرج البنات من المنتدى خالص

هههههههههههههههههههههه طيب وليه كده بس ده احنا كلنا اخوات .

بس ما يمنعش انك ساعات بتتضايق من تصرفات اخوك او اسلوب كلامه وتعلق عليه وبعدين ترجعوا تتعاملوا عادى لما تفهم وجهة نظره .

المساْلة فعلا ان الناس بتشغل نفسها بحاجات غريبة والمساْلة مش مستاهلة من وجهة نظرى

هافترض مع حضرتك مثال
افرض انا مثلا ليا راْى فى حضرتك وفى اسلوب كلامك مثلا وعلقت على كده من غير ما اعيب فى سلوكك او اخلاقك.اعتقد فى الحالة دى تبقى وجهة نظرى كده فى حضرتك .

بس للاسف الناس مش قادرة تفهم

على العموم حصل خير وعفا الله عما سلف لو بس الناس تفكر بالشكل ده
بس صعب تجمع الناس كلها على راْى واحد

تحياتى واحترامى لحضرتك

[Karim_Monir]

السلام عليكم ورحمة الله وبركاته

أختي الفاضلة الأستاذة / دونزي

خذي هذه الهدية الغالية الثمينة من فم من أدبه ربه فأحسن تأديبه الذي كان خلقه القرءان بل كان قرءانا

يمشي على الأرض , هذا الحديث الجميل الذي أحب دائما أن اذكر به نفسي وأسرتي وإخواني في الله

هذا الحديث الذي نعلمه جميعا ولكن قد ينسينا الشيطان إياه

فقد روى أبو هريرة رضي الله عنه أن رجلا سب أبا بكر رضي الله عنه والنبي صلى الله عليه وسلم جالس ,

لايقول شيئا , فسكت أبو بكر رضي الله عنه , فشتمه الرجل الثانية , فسكت أبو بكر رضي الله عنه , فشتمه

الرجل الثالثة , فلما سكت ذهب أبو بكر رضي الله عنه يتكلم , فقام النبي صلى الله عليه وسلم , واتبعه أبو

بكر وقال يارسول الله كان يسبني وأنت جالس , فلما ذهبت أتكلم قمت ؟ فقال إن الملك كان يرد عنك فلما

تكلمت ذهب الملك ووقع الشيطان فكرهت أن أجلس

بتذكرني باحد زملاء العمل كبار السن ممكن نحسبهم علي جدا
وانا كان منشغل بالعمل الخيري جدا جدا وكان كل همه تفريج ضيق الناس
اللي في عز ما تكون غضبان ومتنرفز ومتضايق من شغل ومتعصب وبتزعق مع زميلك
يجي يغمزك ويقولك مفيش صدقة
تستغرب هو انت بتقول ايه يا شيخنا ده وقته

يوطي عليك يوشوشك ويقولك دي الصدقة بتطفي غضب ربك

فمثالك جه في وقته
لان ترك التوافه خير حاصد للصدقات

احبك في الله وانا لسه ماشوفتكش بتذكرنا دايما بالصالح

[khaled_yassin]

هههههههههههههههههههههه طيب وليه كده بس ده احنا كلنا اخوات .

بس ما يمنعش انك ساعات بتتضايق من تصرفات اخوك او اسلوب كلامه وتعلق عليه وبعدين ترجعوا تتعاملوا عادى لما تفهم وجهة نظره .

المساْلة فعلا ان الناس بتشغل نفسها بحاجات غريبة والمساْلة مش مستاهلة من وجهة نظرى

هافترض مع حضرتك مثال
افرض انا مثلا ليا راْى فى حضرتك وفى اسلوب كلامك مثلا وعلقت على كده من غير ما اعيب فى سلوكك او اخلاقك.اعتقد فى الحالة دى تبقى وجهة نظرى كده فى حضرتك .

بس للاسف الناس مش قادرة تفهم

على العموم حصل خير وعفا الله عما سلف لو بس الناس تفكر بالشكل ده
بس صعب تجمع الناس كلها على راْى واحد

تحياتى واحترامى لحضرتك

والله انتى عندك حق
بس زى ما قولت انا قبل كدة فى ناس كتير دماغهم مش كدة
واقولك على سر بينى وبينك
محدش يعرف لو احنا اصحاب الموقف او الموضوع هيكون رد فعلنا ايه
الغضب اعمى وممكن يكون رد فعلنا غير كلامنا خالص
وانا بحترم جدا اسلوبك الراقى فى الكلام
رسالة بقى اخيرة لاختى دونزى فكك واشترى دماغك واتفرجى على بنوراما كوميدى واضحكى وفرفشى
ولما تتعملى مع المنتدى اتعاملى معاه كانوا حاجة كدة فى اخر ذيل اولوياتك