طيب ليه التناكة دي .. دا انا غرضي شريف

[Bonanza]

سلام عليكم


طبعا كلنا ناس محترمة و بنقف للناس اللي بتعدي الشارع

الموضوع و ما فيه اني مش فاهم ليه لما تقف لواحدة بنت في عمر الشباب عشان تعدي الشارع

تلاقيها بصتلك من فوق لتحت و بتناكة مالهاش مثيل

و تعدي بكل بروود

و من غير ما تشكرك و كأنك عبد اسود و ممكن كمان تنفخ و هي بتعدي

اكني ما صدقت شوفتها عشان تعدي قصادي عشان اعاكسها و ابصلها

مع اني بقف و بشاور بايدي انها تعدي و بعدين ابص الناحية التانية عشان اعرفهم اني مش واقف عشان اعاكس

لكن بردو باخد نفس الوش الابلاكاش .. حتي لو مراتي راكبة جنبي

[amdd]

يا سيدى من ده كتييير بس انت خليك عادى ومش حاجة زى دى تعكر مزاجك
فى بعض البنات متعوده انها وهى فى الشارع لو حد حتى قالها لو سمحتى تفتكر انه بيعاكسها (هى تقريبا غريزه)

[Dr Ahmed]

يا أخى هنا فى السعودية موضوع مرور المارة دا فى غاية التحضر

لو أى حد معدى شافك مستنى أو معاك شيلة أو حريم أو طفل أو راجل كبير فى السن أو أطفال مدرسة يدى الانتظار ويقف ويوقف السيارات خلفه لحد ما تعدى وكله كده فى منظر يفرح فعلا

[hosamsief]

حصلت مع واحد زميلى قبل كده .... بس الواد طلع تمام
قام مطلع راسه من العربية و قالها " امال لو كنتى حلوة شوية ... كنتى عملتى ايه ؟؟؟
فحطت وشها فى الارض و مشيت علطووووووووووول ...

[Esam Mosaad]

بص انا ليه وجهه نظر مختلفه نفس مضمون الموضوع بس سؤال تانى

ليه لما بنت بتعدى الطريق ممكن تقف وتوقف الى وراك وتشاور انها تعدى
رغم ان لو كان واحد ممكن تكبر دماغك

محدش يقولى زوق لان الزوق مبيفرقش بين ولد وبنت

بس اعتقد ان المعنى الصحيح للموضوع ده مينعفش يتكتب

[amdd]

والله بنقف للراجل و الست والبنت

[Bonanza]

بص انا ليه وجهه نظر مختلفه نفس مضمون الموضوع بس سؤال تانى

ليه لما بنت بتعدى الطريق ممكن تقف وتوقف الى وراك وتشاور انها تعدى
رغم ان لو كان واحد ممكن تكبر دماغك

محدش يقولى زوق لان الزوق مبيفرقش بين ولد وبنت

بس اعتقد ان المعنى الصحيح للموضوع ده مينعفش يتكتب

طبعا المعني واضح لو حد بيقف للبنات بس

لكن الغريب ان البنت اللي بتعدي بتديك الوش من غير ما تعرف انت بتعاكس ولا محترم


لو البنات بتحب تعتمد علي نفسها و تعدي لوحدها من غير ما حد يقفلها .. خلاص نقف للرجالة بس

[Evo]

بتعتمد على نوع العربية اللي وقفت يا معلم وعلى اللي سايقها شاب '' روش طحن '' ولا لأ

[hosamsief]

الستات عموما ممكن تتلبخ و تعمل بلوة و قلبها خفيف لما بتعدى الطريق و مش بتعرف تتصرف خالص و ممكن تتراجع عن القرار و هى فى نص الشارع علشان كده لازم نقف ... انما الراجل تحس انه بهلون ممكن يتصرف و يجرى و يشاور ... بس انا شخصيا بقف للناس الكبار ستات و رجاله .....

[bmya]

الزوق في مصر بيتفهم غلط !!
انا دايما بقف لاي حد بيعدي وبكبر دماغي حتى لو عده من قدامي مره وحده ورخامه بكبر دماغي وبقف وخلاص ومبحبش ادي كلاكسات يعني لو شارع زحمه و في ناس كتير بمي براحتي وراهم وخلاص ومع ذلك ياماااا اتخانقت يعني مره كنت ماشي وقدامي ماشي عربيه بصندوق اللي هي مواصلات في الارياف المهم الراجل وقف ووقفت وراه وبعدين لقيته مطول وبينزل ناس وهيحاسب وكده قلت اطلع منه يدوب جاي اعديه لقيت ست كبيره ومعاها نزله من العربيه دي ومش باصين اصلا للشارع يعني بيتكلموا ومش مركزين وقطعوا عليه الطريق روحت واقف وما ضربتش كلاكسات ولا اي حاجه كان معايا والدي جمبي المهم الست وهي ماشيه هي اللي خبطت فيا لانها مش باصه اصلا راحت خابطه في الاكصدام بتاعيولقيتها راحت مصوتا بعلو صوتها اااااااااااه منكم لله حسبي الله ونعم الوكيل يعني عشان راكبين عربيات تموتونا الله يخودكم واعديت تدعي عليه دعاء السنين انا بصيت كده وروحت منفض لها وماشي وبقيت بضرب كف على كف وطبعا اي حد شايف ست كبيره بتدعي وبتصوت وشاب راكب عربيه يبقى وووووووووووووووش الشاب هواللي تيييت وغلطان ويستاهل ان عربيته تتكسر !! بس انا كبرت دماغي اولا لانها ست كبيره في السن وقلت معلش مختش بالها واتخضيت لما خبطت فيا
حصلي نفس الحوار بقه مع راجل باااااااااااارد برود السنين ماشي بيتكلم في الموبيل ومش باصص على الطريق خالص وانا جاي من جمبه كده لقيته قطع عليه روحت مفرمل وواقف وقلت اعديه عادي كنت ماشي براحه ومش مستعجل قلت مش هتفرق يعدي هو والجو حر ربنا يكون في عونه وانا راكب عربيه برده وتكييف فمش مهم استنا انا الامور عمل نفس الحوار بتاع الست برده بيعدي راح خابط فيا وبرده لقيته بيشتم بس ده بقه ملوش عذر بصراحه وراجل مش كبير في السن هو الاول قالي مش تفتح نفضت وروحت ماشي لقيته شتم روحت راجع له تاني و قلتله تصدق انك بارد واللي زي ما ينفعش معاك غير بتوع التاكسات والميكروباصات كان زمانك لو عملت كده ع واحد منهم كان داسك ومشي لقيت بيشتم روحت نازله والناس اتلمت بقه ومعلش يا استاذ والجو حر والاسطاونه اياها اللي هي عباره عن حقد معجونفي غل !!! حاجه تقرف فعلا

[M.Elgergawy]

انت غلطان يا أسامة في حد يقف عشان وحدة تعدي ومراته جنبوا

[ahmedeihab]

نصيحه علشان مش يحصل معاك كده
اعمل زى حلاتى اقف للناس الكبيره بس علشان تعدى لكن دول بقوا عالم زباله الواحده فيهم
بقت فاكره نفسها ملكه جمال شارع 10 بولاق الدكرور سنه 2012
^_^

[alaasaid]

انا بعملها لوجه الله و مش فارق معايا البنت او الست انها تشكرنى , و بعملها سواء راجل او ست مش فارقة المهم ناخد ثواب

[human]

يا راجل!! هو الموضوع ده طلع انترناثونال!!

انا كنت فاكر الاول العربيه المازدا فيها حاجه ولما غيرتها قولت اكيد فيا انا
حتى غيرت تالت و برضه نفس الموضوع ... انا كنت مفكر شكلى فيه حاجه مستفزه

[r0xer]

مبقفش غير للناس اللي فوق ال30.

او لو واحدة صغيرة حبتين لكن معاها اطفال. وبوقف الشارع كله وبدي انتظار واللي مش عاجبه يخبط راسه في الحيطة.....عبور المارة هو الأهم في كل دول العالم.

اما بخصوص البنات اياها اللي بتفرح بإن واحد وقف عداها، فدا بعيد عنك بسبب عقدة النقص اللي انتشرت جدا بين بنات بلدنا واللي خلتهم معندهمش ثقة بتاتا في نفسهم......معلش محتاجين جلسات علاج جماعي كلنا. رجالة وحريم!