طيب ليه التناكة دي .. دا انا غرضي شريف

[Screenplays]

البنت بتفترض السوء النيه فيك و انت مش مهتم بيها اصلا و تبدأ تفسر الموقف علي اساس من خيالها المريض النرجسي

لو سيجموند فرويد جه حلل حاله البنات النفسيه هنا في مصر كان زمنته مات بالشلل الرعاش ههههههههههههه

[aif]

غريبة جدا
انا معايا بقى بيحصل العكس
ألاقيها انبسطت وفرحت اووووي .... وابتسمت وقالتلي ( ربنا ما يحرمني منك يا حجوج )

[charming]

طيب و النبى دة موضوع يستحق نقاش و جدال و تحليل للسؤال هو انا لية البنات بتبصلى بقرف و تناكة مع ان الاجابة واضحة جدا انك لقطة و فوق مستواهم بكتير و العين ما تكرة الا الاحسن منها :)

[charming]

البنت بتفترض السوء النيه فيك و انت مش مهتم بيها اصلا و تبدأ تفسر الموقف علي اساس من خيالها المريض النرجسي

لو سيجموند فرويد جه حلل حاله البنات النفسيه هنا في مصر كان زمنته مات بالشلل الرعاش ههههههههههههه

ههههههههههههههههههههههه خيالها المريض النرجسى على اعتبار انهم شوف العقد شوف الشراشيب و احنا زى الفل

[Screenplays]

لا بس احنا مش في الضياع زيهم

[A7MED_PHARMA]

أنا عمري ماكسرت الطريق على حد بيعدي

أي حد معدي..لازم أقف(علشان بحترم نفسي أوي) وأسيب الناس تعدي
لما بعدي الطريق على رجلي والسواق مايقفش .. بضطر أني أجري أحيانا .. وبحس فيها بإهانة
علشان كده لازم أهدي للناس وأقف علشان تعدي

دي المقدمة
المؤخرة بقا

كام مرة نفس الموضوع يحصل.. وبأشكال مختلفة
أقف ... علشان بنت تعدي .. تبص بتناكة وكأنها فينوس
أقف .. علشان ست كبيرة تعدي .. تبصلي بقرف كأني كنت هموتها
أقف .. علشان راجل كبير في السن يعدي .. يبصلي بحقد ويشوح ويقول الكلمة المعتادة" إنتوا هتموتونا ؟"
وكأن (إنتوا) راكبي العربيات الي معاهم فلوس ومفتريين
و( هتموتونا) والضمير عائد على الغلابة الفقرا المطحونين تحت عجلات الحياة .. وعجلات السائقين المترفين المفتريين


ولاحول ولاقوة إلا بالله

[lanos2004]

هههههههههههه موضوع لذيذ انا كل اما اعدى بنت تبتسم ليا وتقلى شكرا او تشاور ليا كمان ههههههههه انا محظوظ يا ناس

[shaddadfalcon1]

هههههههههه طيب لما تقف هيا وتبتسم وتشكرك ويبقي فاضل شويه وتقولك ده عنوان بيتنا وابويا بيبقي فاضي من 6 ل 9

ياراجل ده الواحد بيشوف العجب وخصوصا لو كذا واحده ماشين مع بعض
الواحد ساعات بيخاف يقف احسن بنت ترخم بكلمه وساعتها بحس اني انا البنت

عامل كده زي لما تبقي عامل نفسك برررم وتركب عربيه كلها بنات شابات من سنك مثلا وتحس ساعتها انك بنوته راكبه عربيه كلها شنبات

[A7MED_PHARMA]

على فكرة إنت غلطان برضوو

طالما غرضك شريف زي مابتقول .. كان لازم تثبت لها إن غرضك شريف
لازم تصلح غلطتك
وتكلم باباها... بنات الناس مش لعبة في إيدك

[MNabeih]

لأ كله كوم و الناس الكبيرة كوم
هما اساسا مالهمش دعوة العربية ماشية بسرعة واللا لأ هانعدي هانعدي
و يروحوا باصين و بعنيهم بقي براحة يا بني مستعجل علي اية
و بالنسبة للبنات معظم الوقت بيقدروا بصراحة
اما اللي بتتنك بروح طالع مهوشهه تروح فطة من قدامي
و يا سلام لو دة حصل و امي او مراتي معايا بيقولولي دوسهم دوسهم و بيبقيوا عاوزين ينزلوا يكلوهم

[DreAmO]

وممكن واحدة تفضل متنحالك وانت مش واخد بالك

واول ماعينك تيجي عليها بالصدفه زي ما عينك بتيجي على اي عمود نور في الشارع هههههههههههه

تلاقيها بصتلك بصة الاشمئزاز اياها .. ودورت وشها


زي مشهد اللمبي وهو بيمتحن .. وباصص لورقه الراجل

واول مالراجل بصله .. راح اللمبي قايله .. بص في ورقتك

[Egyzizo]

سلام عليكم

الموضوع و ما فيه اني مش فاهم ليه لما تقف لواحدة بنت في عمر الشباب عشان تعدي الشارع

تلاقيها بصتلك من فوق لتحت و بتناكة مالهاش مثيل

و تعدي بكل بروود

و من غير ما تشكرك و كأنك عبد اسود و ممكن كمان تنفخ و هي بتعدي

اكني ما صدقت شوفتها عشان تعدي قصادي عشان اعاكسها و ابصلها

مع اني بقف و بشاور بايدي انها تعدي و بعدين ابص الناحية التانية عشان اعرفهم اني مش واقف عشان اعاكس

لكن بردو باخد نفس الوش الابلاكاش .. حتي لو مراتي راكبة جنبي

يا أخى مع ان العكس بيحصل معايا
لما أقف لواحدة علشان تعدى ، بتعدى مع ابتسامة رقيقة ، وأحياناً تلويحة باليد تحمل معنى باى أو شكراً ألله أعلم ..

جايز هن ليهم نظرة فى اللى سايق؟؟

[A7MED_PHARMA]

زززززيزو

لو السايق شاب.. يبقا أكيد أكيد أكيد(من وجهة نظرهم) واقف علشان يتفرج على فينوس الي معدية

والي يدايق أكتر بقا بخلاف الموضوع
لما واحدة تكون راكبة جمب واحد تاني... وتبصلك وانت سايق عربيتك
هههههههههههههههههههههههههههه

[Screenplays]

العيشه في مصر بقت قله ادب

[Ahmed_Ramadan]

أنا لسه حاصل موقف شبه ده من يومين و انا داخل الشارع عندى لقيت موتوسيكل عليه اتنين و انا بقيت مش بستريح لأى اتنين راكبين موتوسيكل

و بنت ماشية قدام شوية على الشمال و هما هدوا شوية لما لقونى ماشى وراهم بالرحة مش عاوز اعديهم....شوية و رحت سابق ووصلت البنت بقت ناحيتى و ماسكة شنطتها ناحية الشارع و عمالة تمرجحها فى بلاهة
جيت جنبها و ووالدتى كانت راكبة جنبى ....و قولتلها خلى الشنطة الناحية التانية علشان متتشدش منك
ألاقى تناكة الملكة إليزابيث و بصت بصة احتقار و معبرتنيش .....قولت أنا عملت الخير و روحت ماشى