العثور على إنجيل يحوي نبوءة عيسى عليه السلام بالنبي محمدصلى الله عليه وسلم

[wassim_nasser]

لا اله الا الله .. انا مش باقارن بين أديان .. انا بس مش عايز حد يتطاول علي عقيدتى .. دي كل طلباتى .. وعموما متشكر جدا ياجماعه علي الردود والتوضيح .. بس للأسف مش هاقدر اكمل نقاش عشان تفكيرى علي أدي ودماغى مش هاتسعفنى .. متشكر جدا لذوقكم وردودكم وتصبحوا علي خير

[medododo]

طيب ماتخليكو في ال common ground احسن ؟
عشان النقاش ده غالبا هيبقي نقاش بيزنطي بحت ولن يؤدي الا الي وقف

استاذ وسيم حاجه واحده استوقفني في كلامك - انك قلت ربنا بينزل كل دين بيكمل اللي قبله طيب معني كده ان اللي هيعتنق دين يوجد بعده دين اخر زي اي دين قبل الاسلام مثلا او اي دين قبل المسيحيه فعنده نقص لانه ماخدش اخر دين يعني زي مابنقول ده مش Up to Date- صح؟ ده كلامك ومش عايز رد انا بس عايزك تفكر فيه

[ahmad--ezzat]

" .. وكلها اديان سماوية ربنا سمح بيها ..

!!!!!!!!!

ارجو من الاداره وقف الموضوع

لان الموضوع ابتدى يقلب بكفر يخالف الشرع ويخالف الاسلام

صدق الله : اتقولون على الله ما لا تعلمون

مع كامل احترامى لجميع الاعضاء

كل واحد له دينه وعقيدته

ثم ان الكلام بعيد كل البعد عن الموضوع الاصلى اللى اصلا مكنش له لازمه بتحط مع احترامى برضه لجميع الاعضاء

ياريت بلاش كلام فى الدين عشان انا من الناس اللى بغير على دينى ومبحبش يتقال اى كلام

شكرا

[medododo]

حضرتك بتحكم بناء عن ايه ان الموضوع مالوش لازمة
بتغير على دينك دافع عنه وقول كلمة تكون حجة لك لا عليك يوم القيامة
مش نغلق الموضوع!!!!!!!!!!

[ahmad--ezzat]

حضرتك بتحكم بناء عن ايه ان الموضوع مالوش لازمة
بتغير على دينك دافع عنه وقول كلمة تكون حجة لك لا عليك يوم القيامة
مش نغلق الموضوع!!!!!!!!!!

الحكم بناء على الخبل اللى بيتقال وهيتقال

يافندم الموضوع مش دفاع ولا غيره
مين قلك ان الاسلام عايز دفاع ...هل هو متهم !!!!!!
ان الدين عند الله الاسلام
وغلق الموضوع لتجنب الايقاف وتجنب الفتن والخناقات والاختلافات لان الموضيع اللى زى دى مش بتنتهى على خير وانت اكيد فاهم ومبالك فى العقائد

ربنا سمح بالاديات كلها والكلام دة وما شابه ذلك
كلام ميصحش نهائى..وبالنسبه لموضوع اسلام كاكا لو الخبر صحيح دة شىء يفرحنى طبعا ان ربنا هداه وشرح صدره للاسلام

[windofchange]

مش متفق معاك يااستاذ احمد الموضوع مثمر جدااا وبناء وماشاء الله في ردود اعضاء تفرح افتخر بانهم من نايل موتورز

[DR/WAFEK]

هذا الفيديو فيه نقاش حضارى ومنطقى جدا فى اتصال هاتفى الصراحه عجبنى بالمنطقيه والتسلسل بتاعه طبعا كنا هنا فى المنتدى اسره واحده سواء مسلم او مسيحيى ومفيش حاجه هتزعلنا من بعض ولكن لو كان الحوار متحضر انا شايف ان مفيش مشكله منه
‫مسلم اتصل على برنامج مسيحي (انظر ماذا حدث)‬‎ - YouTube

[AirForces]

تصدق اول مرة بجد اسمع قصة الفيلم ده ! .. وبعدين يا باشا علي حد علمى رواية عزازيل اتنشرت و برضه ف عهد رجال مبارك يعنى ماحصلش تعتيم ولا حاجه انما كان الخلاف علي مضمون الرواية .. بالنسبه لموضوع الاعتراف بدين الاخر ف اسمحلي كلامك مش صحيح لأن المسيحى معترف بالاسلام و البابا شنوده نفسه لما سئل عن الدين الاسلامى قال بالنص : " هو دين سمح به الله مثلما سمح باليهودية والمسيحية" .. لكن تعالى حضرتك نرجع لأول مشاركه ف الموضوع هاتلاقي صاحب الموضوع كاتب بالنص ( الدين الاسلامى لا يعترف بالثالوث المقدس ولا صلب المسيح) .. يبقى مين اللي بينكر الاخر ؟ .. طيب بلاش دي .. ايام مابعد مذبحه ماسبيرو لما تعاطف الاخوة المسلمين مع المسيحين ورفع الصليب جنب القرآن .. طلع اكتر من عضو علي صفحات المنتدي بيحذر بشده من رفع الصليب و بيتهم المسلمين بالنفاق و الضعف وكأن ده فيه اساءة لهم وللدين الاسلامى وتم تبادل حديث عن ان الرسول (ص) لم يترك في بيته شئ به تصاليب الا و نقضه .. و ناس كتير حطته ف تواقيعهم ومشاركاتهم .. بس برضه ارجع واقولك مع اختلاف العقيده الا ان عقيدتك دي حاجه بينك و بين ربنا ماتخصنيش من قريب ولا بعيد وانا مؤمن بشدة ان الدين معاملة و اسلوب حياه وربنا يرحمنا جميعا و شكرا لذوقك وردك

معلش انا عاوز اوضح حاجة بس فى الرد دا

الدين الإسلامى فعلا ما بيعترفش بالثالوث ولا صلب المسيح لأن الدين الإسلامى مبنى على عقيدة التوحيد يعنى ربنا واحد يبقا ازاى هعترف ان ربنا تلاتة ؟

وفى القرآن
قال الله تعالى:﴿ وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا(157)بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزًا حَكِيمًا(158)﴾ (النساء:157-158).

يعنى آية صريحة فى القرآن انه المسيح ما اتصلبش فأكيد انا كمسلم مش هؤمن انه اتصلب لأنه كدا هبقا بخالف عقيدتى

وبرضو فى آية بتقول

﴿آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ(285)﴾

يعنى احنا بنؤمن بالكتب السماوية كلها من توراة وانجيل قبل الإسلام وبنؤمن بالرسل كلهم من اول إبراهيم عليه السلام لموسى وعيسى عليهم السلام ختاما بمحمد صلى الله عليه وسلم

تقبل تحياتى :)





يرجى من جميع الأعضاء المشاركات الايجابية وعدم التجاوز
مشرف الاجتماعي
ب9