نحن في مصيبة يا سادة

[wael3m]

عودا حميدا ياراجل

بالنسبة للأكواد اللى بتهدى العربية الكتاب شكلة كان كبير فقالك نروج لأخره ناخد الملخص
زى ما كنا بنعمل فى الكلية بنذاكر أخر اسبوع .... انا لما بنزل مصر والله أى عربية بتقعد معايا شهر
بكون مغير المساعدين دا اساسى من كمية المطبات اللى باخدها لدرجة انى بفكر
اروج للجيش أأجر مدرعة رغم انى عارف انها هتبوظ من كتر المطبات ... حسبى الله ونعم الوكيل فيهم بجد

[mazagngi2010]

احم ..بسم الله الرحمن الرحيم ... أحب أهدي طريق بلبيس الزقازيق الصحراوي للموضوع ده .... حسبي الله ونعم الوكيل في اللي هلكلي كوتشات وجنوط العربيه على الطريق ده

حبيب قلبى اهلا بيك
كنت هغير الكاوتش من شهر علشان داخل فى 40 الف وبدات اتخنق منه
بس الحمد لله طريق بلبيس الزقازيق رجعنى لصوابى
حرام احط كاوتش جديد وامشي بيه على الطريق ده

[tarekzein]

للأسف المصيبه عارفها من فتره

وتقريبا حلها شبه مستحيل

عايز اقولك فى أحد المشروعات المهمه

أخدنا عينات من الأسفلت لمعمل كليه هندسه جامعه عين شمس

كل العينات فشلت والأسباب كانت :

رمل زياده / قطران زياده / نسبه الرطوبه عاليه / إلخ

العينه الوحيده التى تم قبولها

كانت من عينات الأسفلت المستخدمه فى مطار مرسى علم

والله الموفق والمستعان :)

[brown-eyes]

للاسف يا جماعة انا مش هتكلم عن الطرق لان للاسف حتي الارصفة عندنا عايزة تتبني من اول وجديد

[SYD]

يا جماعة الموضوع اكبر مما تتخيلوا
كاتب الموضوع لما قال مصيبة فهو مش بيشد قراء لموضوعه بأسم جذاب
لا دة بجد مصيبة
انا كراجل بتاع شبكات وعارف اهمية ال infrastructure للشبكة مقدر كلامه لأن الطرق والكباري لا تقل اهمية عن مثلا مواسير المياة والصرف الصحي

تخيل لو طلع تقرير بيقولك ان كل مواسير المياة في مصر غير صالحة للأستخدام ويجب تغييرها فورا

تفتكروا هتبقي مصيبة ولا بردو هنقول
حسبي الله ونعم الوكيل
وهنقول انا عربيتي مش عارف جرالها ايه
وهنقول هي دي مصر

اعتقد الموضوع اكبر من كدة

انا عارف موضوع كوبري السيدة دة من سنين كتير اوي
وعارف ان اي طريق في الدنيا لازم ملفاته تتعمل بميول عشان العربية تلف مستريحة والدائري الحمد لله معمول بالشكل دة

احنا عايزين حلول

او بمعني ادق احنا لازم نتغير

سيبك من الي فات

خلينا في الي جاي

المفروض الباشمهندس صاحب الموضوع ياخد علي نفسه عهد هو و زمايله انه لما يشتغل لازم يشتغل بضمير

ماتقنعنيش ان المادة دي هو اول واحد يدرسها في مصر

لا

اكيد الي صمم كل المشاريع الناجحة في مصر هو كمان درس المادة دي وعارف التقنيات والمعايير الواجب توافرها

تقبلوا مروري

والله المستعان
،
،

[korkor]

بلاش سواد اوى كده ياسيد فى بتاع 3 طرق وكبارى فى مصر متصممين صح واسفلتهم صح الصح كمان , هتنهبوا ايه 3 طرق وكبارى معمولين كويس 2 منهم كان فى اجانب مشرفين على المشروع والثالث ولامؤاخده كان رئيس الوزراء بيعدى عليه كل يوم كان لازم يبقى كويس

[OmaR_FekrY]

يا ابو السيد .. الطرق المصريه خط احمر !!

احناا لا اى اى ولا زى زى :)

[Mohamed.Ramah]

كفاية انا خلاص حنط من البلكونة

[abdalah_hashem]

دية مطبقة فى طرق كتير وبتتسمى ( رفع الطريق ) ولكن قيمة الرفع دية ( المسافة بين المستوى بتاع اجزء الداخلى وارتفاع الجزء الخارجى ) بتتحدد على اساس السرعة المقررة للطريق دة وبتبقى فى الملفات بس الجزء الخارجى هو اللى بيبقى مرفوع

يعنى مثلا لو هعمل طريق السرعة القصوى فية 90 كيلو متر فى الساعة للملاكى بيبقى فى وزن الملاكى مبيعديهوش مثلا 2 طن ونص مثلا فبيحب قوة الطرد المركزى لسسرعة دية فى الوزن دة وعلى اساس كدة يرفع الطريق

النقل مسموحلة مثلا ب 50 كيلو فى الساعة واقصى حمولة لية 20 طن مثلا مثلا فيحسب القصة تانى وياخد الاكبر فيهم

لو بصيت على قضيب المترو فى الملفات بيبقى فى رفع برضوا بحيث لا يزيد عن 15 سم بين مستوى القضيبين الداخلى والخارجى والسكك الحديدية كلها كدة برضة :)

[Elawany13]

ياااااااااارب رحمتك

[besso]

الحل ايه نقلع الطرق دى كلها ونعمل غيرها!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!