أزمة بنزين جديدة

[hamaza81]

لاحول ولاقوة إلا بالله
النهاردة بدأت بوادر أزمة جديدة
أخويا كان في حلوان ماكانش لاقي
رجع كورنيش ودخل ميدان الجيزة لقى بنزين هناك
أنا في الهرم مالقتيش غير في موبيل دربالة اللي في اول الهرم وكان في في توتال في اول الهرم برضه

ربنا يعديها على خير

[shahen]

نفس الكلام فى محافظة قنا - لا حول ولا قوة الا بالله اللهم اصلح حال مصر.

[amrelsaqqa]

المنوفية كذلك

قاتل الله كل من يحاصرنا

[al_manara]

انا ملاحظها من كام يوم في القاهرة .
من حوالي 5 ايام تقريبا .
بنزينات كتير مافيهاش .
والسولار زحمة.
والانابيب تكاد تكون مختفية .

حكومة الجنزوري كتر خيرها . بنزين وسولار وانابيب .

[amrelsaqqa]

انا ملاحظها من كام يوم في القاهرة .
من حوالي 5 ايام تقريبا .
بنزينات كتير مافيهاش .
والسولار زحمة.
والانابيب تكاد تكون مختفية .

حكومة الجنزوري كتر خيرها . بنزين وسولار وانابيب .

بلاش بقى كلمة حكومة الجنزروى دى ..
ما احنا عارفين مين السبب

[dr.hazem]

الموضوع من اكتر من 5 ايام فعليا
انا من اسبوع حبيت امون واتغلبت
اول امبارح رحت امون وقفت طابور طوييييييل على بنزين 92

ولا استطيع ان اغفل مصيبة اللي بيبيعو بنزين 80 في السوق السودا عيني عينك والليتر بجنيه وربع


حسبنا الله ونعم الوكيل

[al_manara]

بلاش بقى كلمة حكومة الجنزروى دى ..
ما احنا عارفين مين السبب

صح .عندك حق . عارفين مين السبب .

(الطرف الثالث )

[د.أبونضال]

المنصورة شرحة ... عربيات النقل والميكروباس بتبات في البنزينات ... ومن حوالي 5 أيام لا يوجد غير بنزين 92 فقط... حبايبنا الحلوين بيأدبونا علشان نحرَّم

[AhmdDomar]

أنا على الاحتياطي وهسيب العربيه في الشغل لحد ما تتحل

[zangry]

الحمدلله عربيتنا متفولة

[mohammedabdallh]

سمعت يوم السبت مقوله
من ناس فى طنطا
ان التريلات بتخش تاخد البنزين من شركة البترول وبدل ما توديه للبنزينات بتاخده وترميه فى الجبل
مش عارف صحة الكلام ده
وطبعا صاحب البنزينه هو المستفاد بياخد اكتر من حق البزين
لو الكلم ده صح تبقى مصيبه

[dolly13]

انا لاحظت الحكاية دى من يوم الجمعة لكن افتكرت انها صدفة مش اكتر
ربنا يستر الحمد لله انى مفولة العربية امبارح

[Mostafa.Ismail]

انا مفول امبارح من امارات المعراج 92 ومكنش فى زحمة ولا مشاكل. وكان فى 92 و95.
وعلى ناصية الشارع اللى ساكن فية بنزينة التعاون وعندهم 80 و 90 زى الفل.

[Eng.Geo]

كل البنزينات عليها طوابير
امبارح طاقة عالدائري عليها عربيات كتير وقافلين حارتين من الطرق

[A7MED_PHARMA]

الزقازيق ...... منيلة بنيلة

طريق الزقازيق-ديرب نجم ..النهاردة
كان مقفول فعلا.
طااااااااااااااااااااااااااااااااااااااااااااااااا ااااااااااااااااااااااااااااااااااااااااااابور قدام بنزينة (إكوة) قافل الطريق من الناحيتين

وأنا بعد مالفيت الزقازيق مالقتش بنزين ..أو الاقي زحمة

رجعت البلد..وحطيت 80 ..من واحد بيبعه في البلد .. الــ 25 لتر بـــ 30 ج