أزمة بنزين جديدة

[A7MED_PHARMA]

سمعت يوم السبت مقوله
من ناس فى طنطا
ان التريلات بتخش تاخد البنزين من شركة البترول وبدل ما توديه للبنزينات بتاخده وترميه فى الجبل
مش عارف صحة الكلام ده
وطبعا صاحب البنزينه هو المستفاد بياخد اكتر من حق البزين
لو الكلم ده صح تبقى مصيبه

لسه سامع الكلام ده بالظبط
ترلات تفضي البنزين في الجبل.......... لسه سامعه من سواق ميكروباص من زباين الصيدلية

[egyptiandiver]

السولار زحمة...

[Screenplays]

الله يخربيت دي بلد

[al_manara]

الله يخربيت دي بلد

لية بس .
ربنا يعديها علي خير

[Screenplays]

كل حاجه بايظه و خربانه و زي الزفت بجد قرفت

[yalahwy2010]

الزقازيق مافيهاش 92 خالص...........حسبى الله ونعم الوكيل فى قيادات الدولة اللى مش عارفة تدير البلد فى أتفه المشاكل

[iwantes350]

احنا هنا فى اسيوط والله مصيبة سودة
البنزين ال 80 وال 90 بخ اتبخر من البنزينات كلها
وال 92 التاكسي القديم بيحطه هيعملو ايه
وكل يوم الطريق مقفولة بسبب البنزين والادهى بقي انهم موتو واحد ..
وكمان كسرو بنزينة ابو واحد صحبي وضربو نار بس الحمد لله جت سليمة
وربنا يعديها على خير

[د.أبونضال]

طابور السولار في المنصورة يمتد لكيلو مترين وبيفكرني بأيام أزمة البترول في السبعينات في دول أوربا وأمريكا ,, بنزين 80 يتواجد لساعات معدودة في أوقات الذروة في بنزينات معينة ... أكاد أجزم أن هناك حيتان يتاجرون في الدعم طوال العام الماضي ويكدسون الملايين كل يوم

[maryano]

ايه حكايه بيرمو في الجبل دي؟؟؟؟؟!!!!!!!! بردو اول اميار في مدينه نصر كانت بوادر ازمة كل بنزينه كان ادمهاا 5 6 عربيات غير السولار البنزينه اللي فيهاا موقفاا الشارع
احنا مش حنخلص بقي من الارف دة

[hamaza81]

حكاية الجبل دي سمعتها قبل كدة من حد في المنيا
ربنا يصلح الأحوال

[amdd]

يا جماعة بكره ربنا يفرجها ان شاء الله
انتو مش فاكرين ازمة البوتاجاز بهدلتنا قد ايه ..وبعدين خرج علينا سيادة الوزير كاشف راسه وحل الموضوع ببدعه الكوبونات ووعدنا بيها خلال شهرين وان الازمة هيلبسوها طاقية إخفا

دلوقتى نفس اللعبة على نفس الملعب اخنق المواطن واقطع عنه البنزين علشان بيشمه و خطر على الصحة وبعديها بشوية اعمله بدعه تانيه بكوبونات برضة وقولهم ده الحل وكدا حصرى للشعب المصرى

والله العظيم انا صعبان على نفسى اللى بيتعمل فيا وفيكوا ده
مش كان معايا حق لما قولت والناس زعلت منى انى نفسى اعيش واشتغل فى اسرائيل او امريكا او اى حته بتعرف قيمة جذمة المواطن بتعها

[windofchange]

يعني ايه بيرموه فالجبل وايه الفايدة من كده غير ضغط المواطن وارضاخه لأي شيء بعد كده,,,السؤال بيقول هنا بيرموه فالجبل في تانكات ولا فين؟ عالارض!!

[zangry]

كل حاجه بايظه و خربانه و زي الزفت بجد قرفت

ياعزيزي المشكلة مش فى البلد وبلدنا جميلة وحلوة جدا واحلى من بلاد كتيرة بس المشكلة الحرامية والناس اللى معندهاش ضمير اللى ماسكة البلد