إعـــــــلان

Collapse

.

,
See more
See less

هو محلات شرايط الكاسيت أختفت فين ؟؟؟

Collapse
X
 
  • Filter
  • الوقت
  • Show
Clear All
new posts

  • هو محلات شرايط الكاسيت أختفت فين ؟؟؟





    مساء الخير جميعا ياشباب
    انا عمال الف القاهرة على محل شرايط كاسيت مش لاقي
    حتى المحل المشهور الي في ميدان لبنان عن جلاتي عزة قفل
    رحت فيرجن في سيتي ستار لقيت كل الي عندو CD الله طيب والي عندو كاسيت الفبريكة بتاع عربيتو يعمل فيه ايه... ومحدش يقلي هات مشغل ام بي ثري بتاع الولاعة
    لأن بيبقى فيه اغاني كتير وتقعد تتوه في 150 ولا 200 اغنية
    يا أخي بقيت تفتقد متعة القيادة ومتعة الاستماع لشرايط الكاسيت ... حتى الراديو بقة فيه لوك لوك كتير ورغي ... وسوزي بتمسي على وائل ... وحماده بيسلم على نفين وبيقلها انا بحبك قوووووووي طيب وانا كمستمع وانا مال أهلي بوائل ونفين وأحمد وسوزي ... حاجة تحرق الدم بجد .
    وتلاقي برامج بتاعت العيال الهايفة ... بتاعت أي كلام في أي كلام يتكلمو شوية عن الحب والمسخرة ... وهوبااااااا يخوشو يشتمو في المجلس العسكري والحكومة والاخوان والسلفين وفاصل ونعود ... وبعدين مروة ومنى بتمسي على رامي وانتا فين ياوحش بقالك كتير مابتكلمنيش ,,, وهبه يتكلمو عن حال البلد ويشتمو في الاخوان والسلفين والمجلس العسكري ... ويبثو السم في أذن المستمع من غير مايحس ويقومو الشباب ويسخنوهم أكتر وأكتر ... وتلاقي الشباب الصغيرة تنزل ... تولع وتحرق أم البلد .

    وأذاعات تانية بتلاقي راجل كده من أيام سيد أبو حفيظة عمال يتكلم عن أهمية تشكيل وقواعد اللغة العربية عن كتاب البحصلي ... في معجم اعراب ابن تيمية .

    بجد راديو يحرق الدم ... المهم انا اعمل ايه في الكاسيت اليباني بتاع العربية ايه أولع فيه وهو بتاع الفبريكة ...

    طيب هما لغو الشرايط الكاسيت ليه ؟؟؟؟؟؟؟؟؟
    هيا ثبت انو عليها ضرر على البيئة ولا بتسبب السلطان زي كل حاجة في دنيتنا ... وبعدين كانت الشرايط الكاسيت بتتباع ب 6 جنية واخر فل وحلاوة وبعدين غلوها وخلوها 8 جنيه وقلنا ماشي وبعدين وصلت 9 جنية بسبب عمر دياب الي بيغلي شرايطو وقلنا ماشي ... وهبا طلعت 10 و12 و15 وقلنا ماشي لا وتلاقي الشرايط بقت كلها عك في عك ويتجي تشتري الشريط لمغني ... وفي النهاية يطلع الشريط كلو فيه اغنية وحدة حلوة والباقي كلو هجص في هجص ... يحطلك اول اغنية جمدة واخر اغنية والباقي اي حاجة تملى كده الشريط ... وكنا راضيين ... بس معقولة دلوقتي شركات الانتاج تلزمني أشتري أسطوانة ب 25 جنية وب 30 جنية ليه إن شاء الله ... ده لو هيطلعولي عبدالحليم من قبرو ذات نفسو علشان يغنيلي مخصوص ماهشتريها ؟؟؟

    وده حتى الاسطوانة بتتخربش ولالالالالا امسكها من هنا ومتمسكهاش من هنا ... وحط ايدك في نص ودخل صباعك مش عارف فين وامسح الاسطوانه ... الله انا هعقد اسمع وانبسط ولا هقعد أحسس على السيديهايا .

    يا أخي برضو الشريط ليه متعتو ... وبترميه في اي حته في درج التابلوة ... او تحت التابلوة او فوق التابلوة او حتى على الارض ... وحتى لمن يسف خالص ويبوظ بتقدر تلحمو بشوية مونكير ويشتغل زي الفل .

    وحتى في كارفور وهيبر كان زمان عندهم شرايط شرايط ... دلوقتي تلاقي شريط شريطين والباقي اسطونات الله ... يعني الناس الي عندها كاسيت في عربياتهم يعملووو ايه ؟؟؟؟؟؟؟
    ليه محلات الشرايط انقرضت في مصرررررررررر .
    هموت واشتري شريط وائل جسار الجديد .


    42
    كاسيت (شرايط) .
    0%
    11
    CD أو mp3
    0%
    31
    me_medoo

  • #2
    هههههههههه
    الفلاشة والام بى ثرى وكارت الميمورى
    التطور الطبيعى لشريط الكاسيت
    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

    Comment


    • #3
      حبيبي ألبي ألواني باشا ... ماهو المشكلة اني أنا عندي مكتبت شرايط قديمة ... وشرايط نادرة ... وكل شريط ليه عندي ذكريات جميلة ... شرايط من أيام ماكنت في الجمعة أيام مكان عندي شعر ... وكان سعتها الجل لسة طالع جديد ... أيام ماكنت باخود عربية الحج وقولوا معلش يابه علشان عندي امتحنات وانا لا عندي امتحنات ولا زفت بس رايح أتأنزح على زمايلي وأمرك قدام الجامعة ... حتى أفتكر شريط قديم لمحمد فؤاد وهو بيغني في السكة في السكة ، واغنية لولاكي لولة لولة لولة ... ده غير مجموعة رائعة لوردة وفيروز ونجاة وعبدالحليم ... الاغاني دي كلها هجبها منين ... ده كل شريط ليه معاك ذكريات ... وازاي كنت بتعدي كل شوية على الكشك الشرايط وتزمر وانتا في العربية وتقلو هاااا نزل شريط أيهاب توفيق الجديد يقلك لا بكرة انشاء الله لسه مكلم الشركة دلوقتي ... وايام مكنت تشتري الشريط وتاخود عليه بوسترررررررر هدية ... حتى كنت فاكر لمن أشتريت شريط هشام عباس الجديد بتاع أغنية ليلة الي كانت مكسرة الدنيا اياميها ومعلي الصوت على الاخر وبأمرك بعربيت الحج أمت العربية معومة مني وراحت طراااااااااااخ في عربية عميد الكلية الزلموكة بتاعتو ... وخدت بعضي وحطيت ديلي في سناني وقلت يافكيك هههههههههههههه القصد الشرايط دي كلها ذكريات هرميها يعني في الزبالة مش خسارة مش حرام الفلوس دي كلها الي اتصرفت عليها ... المفروض يخلو شرايط ويخلو سيدهات ... الي عاوز لعربيتو كاسيتات يشتري والي عاوز سيدهات يشتري يبقى في حرية في الاختيار مش تنقرض كده مرة وحدة من السوق . ولا ايه ؟
      me_medoo

      Comment


      • #4
        لسة كنت بسئل نفسى السؤال دة
        هههههههههههههه
        بجد ملقتش اجابة

        Comment


        • #5
          اديك قلت
          عشان بتشتري الشريط بتلاقي فيه اغنيتين تلاته حلوين
          والباقي وحش
          خلاص اغامر ليه
          5 دقايق وينزل من عالنت وخلاص
          حلو حسمعه وحش delete
          فاصحاب المحلات اكيد مع الوقت فلسوا :)

          Comment


          • #6
            المشاركة الأصلية كتبت بواسطة kareem fawzy مشاهدة المشاركة
            لسة كنت بسئل نفسى السؤال دة
            هههههههههههههه
            بجد ملقتش اجابة
            ههههههههه حبيب قلبي ... القلوب عند بعضها ... بس بجد حاجة تغيظ هما محلات الكاسيت راحو فين ... ده حتى كان في كشك في المعادي تحت الكوبري عند مطعم المليجي ... عديت عليه أمبارح ... بقلوا عاوز شريط وائل جسار الجديد علشان سمعت انو جامد طحن ... قلي ياااااااااااااااااااااااه انا بطلت خلاص ياباشا اشتغل في الشرايط ... قلتلو من أيمتى قالي ... من أيام زمااااااااان أيام مكنت رفيع وبتلبس نضارة أيام مكنت في الجامعة ... قلتلو ياه معقولة لسه فاكرني ... قالي فاكرك ياباشا ... وبصيت لقيتو حاطط عرايس وغوايش وعلب مكياج نص كوم ... وشوية دباديب وفرش ومشاط وتوك شعر ...
            ااااااااااااااااااااااااااالله لسه بسئل نفسي هيا الشرايط راحت فين ههههههههههه
            me_medoo

            Comment


            • #7
              المشاركة الأصلية كتبت بواسطة funnymickey مشاهدة المشاركة
              اديك قلت
              عشان بتشتري الشريط بتلاقي فيه اغنيتين تلاته حلوين
              والباقي وحش
              خلاص اغامر ليه
              5 دقايق وينزل من عالنت وخلاص
              حلو حسمعه وحش delete
              فاصحاب المحلات اكيد مع الوقت فلسوا :)
              دي متعه في حد ذاتها لمن تكون مشغل الشريط ... والي جمبك يقعد يقرفك ويقلك قدم سنة لالالالا رجع سنة ... يووووة اهو انتا جبت الاغنية الي قبلها قدام كمان شوية ... وتحس كده بالانتماء الاسري في العربية ... وتلاقي كل الي معاك مركزين معاك انك هترجع الشريط بالزبط ولا انتا هترجع كتيررر ... ده حتى صوت الشريط وهو بيرجع وعمال يوووور كده في قلب الكاسيت متعه في حد ذاتها ... وتبقى ودنك معاه لحسن يسف جو المسجل ولا حاجة ...

              تقدر انتا في الاسطوانة تقدم سنة ولا ترجع سنة ... مفيش غير ياتقدم الاغنية كلها يا تجيب الاغنية الي بعدها .

              وغير كده الاسطونات غاليه موووووووووت ... ومدة صلاحيتها او عمرها الافتراضي قليل ...
              me_medoo

              Comment


              • #8
                ال سى دى و ال mp3 و الانترنت حلوا محل الكاسيت خلاص. دلوقتى اى اغنيه حضرتك عايزها مهما كانت قديمه جداً و لا لسه نازله النهارده و سواء كانت عربى و لا اى لغه تانيه تتخيلها هتلاقيها برضه على الانترنت و تقدر تحملها على USB حجمها صغير جداً و تشغلها فى العربيه او فى المكتب او اى حته و طبعا الموضوع سهل جداً لأن مفيش حمايه فكريه فكل ده مجانا لكن شريط الكاسيت بفلوس و حجمه كبير و عليه عدد اغانى محدود لمطرب واحد و كمان سهل انه يبوظ و لا يسف و علشان كده مع الاسف انقرض

                Comment


                • #9
                  المشاركة الأصلية كتبت بواسطة me_medoo مشاهدة المشاركة
                  دي متعه في حد ذاتها لمن تكون مشغل الشريط ... والي جمبك يقعد يقرفك ويقلك قدم سنة لالالالا رجع سنة ... يووووة اهو انتا جبت الاغنية الي قبلها قدام كمان شوية ... وتحس كده بالانتماء الاسري في العربية ... وتلاقي كل الي معاك مركزين معاك انك هترجع الشريط بالزبط ولا انتا هترجع كتيررر ... ده حتى صوت الشريط وهو بيرجع وعمال يوووور كده في قلب الكاسيت متعه في حد ذاتها ... وتبقى ودنك معاه لحسن يسف جو المسجل ولا حاجة ...

                  تقدر انتا في الاسطوانة تقدم سنة ولا ترجع سنة ... مفيش غير ياتقدم الاغنية كلها يا تجيب الاغنية الي بعدها .

                  وغير كده الاسطونات غاليه موووووووووت ... ومدة صلاحيتها او عمرها الافتراضي قليل ...
                  متثبت علي اغنيه ياعم خنقتني :) :)
                  ياراجل ده انا صباعي وجعني من السيره بس
                  انا اصلا الكاسيت اللي كان في عربيه ابويا
                  زرار الترجيع والتقديم كان مش موجود
                  والتالي كنت بدب القلم الجاف في المكان ده عشان ادوس عالزرار

                  فمعنديش استعداد ارجع للذكريات المعفنه دي تاني :)
                  وانا عندي رأي فظيع جدا يحل مشكلتك دي خالص
                  بيع العربيه :)
                  .
                  .
                  .
                  .
                  .
                  .
                  .
                  .
                  .
                  وبفلوسها اعمل محل شرايط
                  :) :)

                  Comment


                  • #10
                    طيب انا بسئل نفسي سؤال تاني ؟
                    هو أحنا ليه معندناش راديو زي العالم والناس ...
                    يعني مثلاً بيقلك في لبنان في راديووو اسموو راديوو روتانا
                    في الخليج راديو أمو mbc fm .
                    حتى أذاعة الاخبار bbc بتيجي مشوشة .وعلى موجوة mw .
                    ده في اذاعة كمان اسمها أمارات أف أم .
                    فعلا تستمتع كده وانتا بتسمعهم
                    في ليبيا بيقلك الجزيرة بقت تبث موجات على الراديو الله ... هو في ليبيا بس واحنا ولاد الشغالة يعني مالناش نفس نسمع راديو محترم .
                    ده حتى أذاعة القران الكريم تحس واحد مشغل تسجيل قديم وعقيم ... وبقى كلو كلام ... يعني فيها ايه لمن يبثو أذاعة قناة المجد للقران الكريم على الراديوو ده حتى الصوت ديجتل وجميل .في الراديو في مصر ...
                    كان زمان بتقعد تسمع مسرحيات ومسلسلات وافلام على الراديو النهردة كلو رغي في رغي ولوك لوووك لوك لووووووك .
                    مع انك لو حسبت وقتك هتلاقي انك بسبب الزحمة بتقعد في عربيتك اكتر مابتقعد مع اصحابك على القهوة او اكتر ما بتقعد في بيتكم حتى بسبب الزحمة ... ده انا حاطط مخدة وبطنية صغيرة في العربية علشان لمن الطريق يوقف خالص وحبيت اغفل شووية ... ولمن الاشارة تفتح بتلاقي العربية الي ورايا بتصحيني بصوت كلكساتها هههههههههههه ... فأحنا محتاجين نسمع شيء محترم لأن الشعب المصري شعب ذواق وشعب سميع ... مش النهارده بقيت افتح نجوم اف أم ألاقيهم مشغلين شوية أغاني بيئة وشعبي وشوية مغنين حشاشين ولا يسوى تلاته ابيض ... وبقت نجوم أف أم بقت صيع أف أم ... وحبيبة أف أم ... يا أبيض يأسود ... مفيش حل وسط ... يعني يامطربين على القهاوي شعبي يامغنين لسه جداد عاملين فيها رومنسيين وحبيبتي ووحشتيني وشوية كلام عبيط لا لحن ولا كلمات .
                    me_medoo

                    Comment


                    • #11
                      المشاركة الأصلية كتبت بواسطة funnymickey مشاهدة المشاركة
                      متثبت علي اغنيه ياعم خنقتني :) :)
                      ياراجل ده انا صباعي وجعني من السيره بس
                      انا اصلا الكاسيت اللي كان في عربيه ابويا
                      زرار الترجيع والتقديم كان مش موجود
                      والتالي كنت بدب القلم الجاف في المكان ده عشان ادوس عالزرار

                      فمعنديش استعداد ارجع للذكريات المعفنه دي تاني :)
                      وانا عندي رأي فظيع جدا يحل مشكلتك دي خالص
                      بيع العربيه :)
                      .
                      .
                      .
                      .
                      .
                      .
                      .
                      .
                      .
                      وبفلوسها اعمل محل شرايط
                      :) :)
                      يااااااااااااااااااااااااااااااه فكرتني بالقلم البيك ابو .30 قرش ... الي ياعيني كل شوية اكسر قلم علشان أطلع الشريط ... ونقعد ندور على ملقاط ... ولو جمبيك وحده تقلها ممكن لوسمحتي تديني بنسة من شعرك هههههههههههههههههه
                      me_medoo

                      Comment


                      • #12
                        ايووووووووه وتقعد تحشره من تحت الشريط عشان يطلع
                        وياسلام بقي لو انتا فاكر طبعا ان الاستخدام الاول لمفتاح العربيه لو مكنش فيه غطا القلم البيك ده
                        كان تطليع الشريط
                        وتنضيف الودان كمان

                        وياعيني لو الشريط سف جوه
                        يطلع الاستخدام الازلي للقلم البيك

                        خد الصوره دي

                        Comment


                        • #13
                          والله اعم ميدو انت رائع
                          انا شغلي بيخليني في العربيه طول اليوم
                          اني الاقي حاجه تتسمع في اي اذاعه مفيش
                          حتي اذاعه الاغاني كانت بتجيب نوادرالطرب
                          كلها كلام في كلام
                          [SIGPIC][/SIGPIC] ياتقول كلام في محله يا تقول حلو ياحلو
                          [url]/photos/a.879931698703941.1073741827.879900435373734/879931905370587/?type=1[/url]

                          Comment


                          • #14
                            المشاركة الأصلية كتبت بواسطة hugan مشاهدة المشاركة
                            والله اعم ميدو انت رائع
                            انا شغلي بيخليني في العربيه طول اليوم
                            اني الاقي حاجه تتسمع في اي اذاعه مفيش
                            حتي اذاعه الاغاني كانت بتجيب نوادرالطرب
                            كلها كلام في كلام
                            وياريت ياباشا كلام بيفيد الا كلو كلام لا بيودي ولا بيجيب ... عارف لو يحطونا برامج التوك شو ... زي برنامج العاشرة مساءً على الراديو ولا برنامج 90 دقيقة ولا مصر الجديدة بتاع معتز أهو يسليك ...الا تلاقيهم بيحكو في الحب والهلس ... ده حتى بالليل بيطلع برنامج الساعه 1 بالليل اسمو انا والنجوم وهواك ... بتاع أسامة منير ... أنا حاسس أنو قاعد بيزبط البنات وبياخود نمرهم وعملي فيها دور الناصح ... ووبنات يتصلو يعترفو بجريمة الزناااااا على الهووووووى ... وعادي خالص ... ويقلها لالالالالالالا انتي لازم تسيبيه لأنو مبيحبكيش ... لو بيحبك كان اتجوزك بعد ماسقطي البيبي علشان خطرو ... ياحبيبي ياحبيبي ... يافرحتي يافرحتي ... يأخي يأخي ده بيقلك أذا بوليتم فأستتروو ... مش طالعه وجمهورية مصر العربية بتسمعك وتقول كان في بينا علاقة على الهوى كده ياسيدي ياسيدي على الصراحة ياروحي على القباحة ... هيا خلاص الي أختشو ماتو ... ولو شب ياعيني أتصل عليه علشان ياخود نصيحة منو على طول يسك السماعة في وش أمو ويقول نسمع مع بعض أغنية مقدرش انساك ويحطلك اي أغنية ولو بت بتكلمو يخليها تحكي وتفضفض وتحكي عن كل فضايحها ويقلك انا والنجوم وهواك ... ومدام ياخويا مش عاوز تسمع صوت الشباب ومقضيها جنس ناعم ... بعد ماتقول ارقام التيلفونات ومستنين أتصالكم قول ياريت مفيش شباب تتصل قول ياخويا للبنات فقط . الله غير اسم البرنامج وسميه انا والبناااااااااااااات وهواااااااااك .بدل يا خويا مايكسر بنفس الشباب ويقفل السماعة فوشوهم ويحطلك اغنية ... حاجة غريبة .
                            me_medoo

                            Comment


                            • #15
                              كل شئ موجود كل شئ موجود
                              لا تقلق
                              لو عاوز ادورلك عليه
                              عنيااااااااااااااااا
                              انت تأمرررررر

                              Comment

                              Working...
                              X