Tweet
السلام عليكم و رحمة الله و بركاته ..........................
طبعا كتير مننا و أنا واحد من هؤلاء كان مستنى بفارغ الصبر ظهور هذا التليفون فى الأسواق المصرية و يمكن ده لإمكانياته الفظيعة : كاميرا 12 و بروسيسور 1.5 dual Core و للا حجمه و للا وزنه و للا..... و للا ....... وللا .......... يعنى إللى عايز يراجع الإمكانيات يتفضل Sony Xperia S - Full phone specifications
و يمكن علشان ده أول تليفون تنتجه سونى بعد ما إشترت حصة إريكسون و بقت سونى بس من غير إريكسون
و يمكن و يمكن و يمكن ........................................
المهم علشان مطولش على حضراتكم إمبارح و أنا عند واحد صاحبى بتاع موبيلات مشهور جدا فى شارع الهرم لقيت عنده التليفون ده بس مستعمل ( إستعمال يوم واحد فقط على عهدة الراوى إللى هو صاحب التليفون ............... طبعا التليفون جديد ب 3999 و المستعمل ده عامل 3400
)
مسكت التليفون و بدأت أقلب فيه بسم الله ماشاء الله تحفة و شياكة و أناقة و كل إللى إنت عايز تقوله بس أنا أعيب على التليفون ده فى الكاميرا بتاعته تحسها مش 12 ده ممكن تكون 8 بالعافية و طبعا الفيصل فى الموضوع ده هو عرض الصور بعد إلتقاطها على الكمبيوتر و من هنا بنقدر نحدد بس على العموم هى مش كاميرا الساتيو و لا ليها أى صلة بال 12 ميجا............ و لكن مايزال السؤال الذى يطرح نفسه بقوة على الألسن و الأذهان ليه يبيعه بعد يوم واحد بس دا لسه ملحقش يكتشف كل إللى فيه و يخسر فيه كل ده ليه .
طبعا حاولت أسئل صاحبى عن السبب قاللى و أنا مالى واحد جاى يبيع حالة محترمة و الجهاز نزله ييجى بتاع 800 أو 1000 جنيه ............. انا مالى بقى يبيعه و لا يخليه .
خرجت من عنده و روحت لواحد صاحبى تانى بتاع موبيلات بس فى شارع فيصل بقى ( معلش بقى بحب أعمل صداقات فى كل حتة لإنها بتنفع ) قاللى على الفاجعة الكبرى و هى كاتتاتى :
التليفون ده كان محجوز عنده قبل ماينزل بحوالى 10 - 14 يوم و كان محجوز 16 قطعة أول لما ظهر إتباعو كلهم و فى ظرف 10 أيام رجعلوا أصحاب 8 موبيلات منهم إللى عايز يبيع و إللى عايز يبدل بالأى فون 4gs و إللى عايز النوت و إللى عايز يبيع طبعا أنا زهلت من إللى بسمعه
راح فاتح الدرج عنده و طلعلى 5 حتت رجعوله على إنهم مستعملين و أصحابهم مش عايزينهم ................ يا حلااااااااااااااااااوة
و شوية وراح واحد صاحبه مكلمه عنده محل فى المهندسين قال له إنه لسه جايله واحد مستعمل خلصه من صاحبه على 3000 بس
طبعا أنا واقف مذهول و مش فاهم أى حاجة من إللى بيحصل قدامى مع إنى كنت هخلص فى التليفون ده و أنا واقف و أهو أنا المستفيد طبعا .......................بس بعد إيه أنا قولت أستنى بقى شوية ( أعدى شهر 4 مثلا ) و أشوف التليفون ده هيرسى على إيه دا بالشكل ده بعد شهر من دلوقتى هتلاقيه مستعمل أيام و ب 2000 جنيه أو ب 1500 مثلا
أنا قولت أعرض الموضوع لسبببين : الأول إنى أنقل إللى حصل قدامى علشان الناس تاخد بالها لو كانت مقدمة على شراء التليفون زى حالاتى كده و التانى إن لو فيه حد عنده معلومة يقدر يفيدنا بيها علشان مانلبس فى الحيط يبقى جزاه الله خيرا .
طبعا أنا أسف للإطالة بس أنا حاولت أختصر على قد مقدر و طبعا مستنى مشاركتكم
السلام عليكم و رحمة الله و بركاته
طبعا كتير مننا و أنا واحد من هؤلاء كان مستنى بفارغ الصبر ظهور هذا التليفون فى الأسواق المصرية و يمكن ده لإمكانياته الفظيعة : كاميرا 12 و بروسيسور 1.5 dual Core و للا حجمه و للا وزنه و للا..... و للا ....... وللا .......... يعنى إللى عايز يراجع الإمكانيات يتفضل Sony Xperia S - Full phone specifications
و يمكن علشان ده أول تليفون تنتجه سونى بعد ما إشترت حصة إريكسون و بقت سونى بس من غير إريكسون
و يمكن و يمكن و يمكن ........................................
المهم علشان مطولش على حضراتكم إمبارح و أنا عند واحد صاحبى بتاع موبيلات مشهور جدا فى شارع الهرم لقيت عنده التليفون ده بس مستعمل ( إستعمال يوم واحد فقط على عهدة الراوى إللى هو صاحب التليفون ............... طبعا التليفون جديد ب 3999 و المستعمل ده عامل 3400
)مسكت التليفون و بدأت أقلب فيه بسم الله ماشاء الله تحفة و شياكة و أناقة و كل إللى إنت عايز تقوله بس أنا أعيب على التليفون ده فى الكاميرا بتاعته تحسها مش 12 ده ممكن تكون 8 بالعافية و طبعا الفيصل فى الموضوع ده هو عرض الصور بعد إلتقاطها على الكمبيوتر و من هنا بنقدر نحدد بس على العموم هى مش كاميرا الساتيو و لا ليها أى صلة بال 12 ميجا............ و لكن مايزال السؤال الذى يطرح نفسه بقوة على الألسن و الأذهان ليه يبيعه بعد يوم واحد بس دا لسه ملحقش يكتشف كل إللى فيه و يخسر فيه كل ده ليه .
طبعا حاولت أسئل صاحبى عن السبب قاللى و أنا مالى واحد جاى يبيع حالة محترمة و الجهاز نزله ييجى بتاع 800 أو 1000 جنيه ............. انا مالى بقى يبيعه و لا يخليه .
خرجت من عنده و روحت لواحد صاحبى تانى بتاع موبيلات بس فى شارع فيصل بقى ( معلش بقى بحب أعمل صداقات فى كل حتة لإنها بتنفع ) قاللى على الفاجعة الكبرى و هى كاتتاتى :
التليفون ده كان محجوز عنده قبل ماينزل بحوالى 10 - 14 يوم و كان محجوز 16 قطعة أول لما ظهر إتباعو كلهم و فى ظرف 10 أيام رجعلوا أصحاب 8 موبيلات منهم إللى عايز يبيع و إللى عايز يبدل بالأى فون 4gs و إللى عايز النوت و إللى عايز يبيع طبعا أنا زهلت من إللى بسمعه
راح فاتح الدرج عنده و طلعلى 5 حتت رجعوله على إنهم مستعملين و أصحابهم مش عايزينهم ................ يا حلااااااااااااااااااوة
و شوية وراح واحد صاحبه مكلمه عنده محل فى المهندسين قال له إنه لسه جايله واحد مستعمل خلصه من صاحبه على 3000 بس
طبعا أنا واقف مذهول و مش فاهم أى حاجة من إللى بيحصل قدامى مع إنى كنت هخلص فى التليفون ده و أنا واقف و أهو أنا المستفيد طبعا .......................بس بعد إيه أنا قولت أستنى بقى شوية ( أعدى شهر 4 مثلا ) و أشوف التليفون ده هيرسى على إيه دا بالشكل ده بعد شهر من دلوقتى هتلاقيه مستعمل أيام و ب 2000 جنيه أو ب 1500 مثلا
أنا قولت أعرض الموضوع لسبببين : الأول إنى أنقل إللى حصل قدامى علشان الناس تاخد بالها لو كانت مقدمة على شراء التليفون زى حالاتى كده و التانى إن لو فيه حد عنده معلومة يقدر يفيدنا بيها علشان مانلبس فى الحيط يبقى جزاه الله خيرا .
طبعا أنا أسف للإطالة بس أنا حاولت أختصر على قد مقدر و طبعا مستنى مشاركتكم
السلام عليكم و رحمة الله و بركاته
و للا حضرتك تقصد إن البطارية متلا سبب فى إن التليفون بيفصل و يهنج و يعمل ريستارت كتير
Comment