Smart Phone SONY Xperia S

[mody3on]

الميكرو سيم كل الجديد بيستخدمه .. وبالنسبة للمنفذ الموبايل ذاكرته الداخلية 32 جيجا مش قليل خالص يعني .. بالنسبة للبطارية برضه مش شايفها مشكلة كبيرة يعني , بس رايي اللي ناوي يجيب اجمد موبايل موجود دلوقتي يستنى HTC One X

[mody3on]

ولو هتجيب الارك اس يبقى هات نوكيا n9 احسن في رايي

[karioky]

علشان الناس تبأة عرفه بس htc one x نفس الكلام البطارية مش بتتشال و Micro sim و مش بيركبلو SD Card

[ALSHARIEF]

tayb what's ur opinion about that one:

Motorola RAZR XT910 - Full phone specifications

والله ياباشا كمواصفات مكتوبة تحفة طبعا بس من ساعة xperia S و أنا متعقد و مقتنع إن لازم التليفون يتجرب على الواقع مع عدم الإكتفاء بمتابعة مواصفات مكتوبة فقط

بس بالنسبة للتليفون ده ممتاز بس طبعا السوق المصرى مش سوقه و لو حبيت تبيع هتخسر جامد ده لو إتباع أصلا يعنى ....................... مرار طافح

خلينا متابعين السونى s , و كمان نستنى نشوف ال one X HTC

[ALSHARIEF]

بالفعل هو فية مشكلة السخونة الشديدة بس مش دة سبب البيع
المشكلة الاساسية الشاشة الصفرا مع ارتفاع حرارة الجهاز وسوني وعدت بتلافيها في الاصدارات الجديدة ممكن تعمل جوجلنج عنها وتعرف اكتر ضيف

1.البطارية داخلية غير قابلة للفك والتركيب
2..ميكرو سيم كارد
3.مفيش منفذ كارد ذاكرة
وفعلا الارك خالي من العيوب دي

الله ينور يا باشا و جزاك الله خيرا على المعلومات ده ............ يعنى رأى حضرتك بلاش منه و لو حبكت سونى يا إما الأرك s أو نستنى الإصدارات الجديدة من سونى فينا بعد
بجد عاجز عن الشكر لحضرتك جزاك الله خيرا

[ALSHARIEF]

الميكرو سيم كل الجديد بيستخدمه .. وبالنسبة للمنفذ الموبايل ذاكرته الداخلية 32 جيجا مش قليل خالص يعني .. بالنسبة للبطارية برضه مش شايفها مشكلة كبيرة يعني , بس رايي اللي ناوي يجيب اجمد موبايل موجود دلوقتي يستنى HTC One X

Dear HTC ONE X

Kindly be noted that All of us are waiting your attendance
تعالى بقى وحشتنا أوى إنت فين بقى

[ALSHARIEF]

علشان الناس تبأة عرفه بس htc one x نفس الكلام البطارية مش بتتشال و Micro sim و مش بيركبلو SD Card

يعنى أنا مش فاهم إيه الميزة فى الحاجات ده علشان كده الشركات ده متمسكة بيها أنا نفسى أعرف

دا باينه هيبقى مرار طافح

[mody3on]

عشان الذاكرة الداخلية اسرع من الخارجية بكتير

[ashouhdy]

لأ كروت الذاكرة ال class6 or 8 or 10 سراااع جدا !

انا منتظر ال جلاكسى s3

[ALSHARIEF]

السلام عليكم و رحمة الله و بركاته ............................

كنت إمبارح فى مول العرب و بالمناسبة بسمة كانت هناك فى سبينس بتشرى حبة حاجات كدة حمزاوى كان طالبها منها و كمان كان هناك أحمد بلال و أحمد السيد ................. دا طبعا مش موضوعنا بس القافية حكمت

المهم : كل ستورز الإلكترونيات هناك بدون ذكر أسماء عاملين عرض هناك كالاتى : تحجز ال htc one x إللى هوه هينزل السوق المصرى بعد 15/4 و تاخد أكسيسوريز ليه بقيمة 1000 جنيه ( جراب + إسكرين بروتكتور + حامل و شاحن العربية ) و الجهاز سعره هيبقى 5200 إن شاء الله ....................... يابلاش

و مازلنا منتظرين الحقيقة فين !!!!!!!!!!!!!!!!!!!!!!!!!!!!!!!!!!!

[د.محمود صلاح]

انا اشتريته لمدة 18 ساعة فقط

وتخلصت منه بعد فرق الحركات الرهيبة بينه وبين النوت او الإس تو

العيوب

الستارة المنسدلة لا يوجد بها فتح وقفل البلوتوث والجي بي اس وغيرها مثل الجالاكسي نوت

البطارية مدمجة داخل الجهاز وانا احب يكون عندي بطكارية احتياطية ابدلها مع الأساسية

السيم كارت مايكرو يعني لما تقصه ما تقدجدرش تركبه على جهاز عادي

لايوجد منفذ ذاكرة

كان بطيء الإستجابة

لا يمكنني عمل روت وبعض برامجي المهمة محتاجة روت

الدعم الفني له قليل

اكسسواراته قليلة

المميزوات /-

الكاميرا 12 ميجا بكسل

زر الكاميرا

فتح الكاميرا من الزر حتى والجهاز مغلق

حجمه جميل وانيق

[mody3on]

انا اشتريته لمدة 18 ساعة فقط

وتخلصت منه بعد فرق الحركات الرهيبة بينه وبين النوت او الإس تو

العيوب

الستارة المنسدلة لا يوجد بها فتح وقفل البلوتوث والجي بي اس وغيرها مثل الجالاكسي نوت
(موجودة يا فندم بس بشكل تاني في الويدجتس , مش عيب اطلاقا )

البطارية مدمجة داخل الجهاز وانا احب يكون عندي بطكارية احتياطية ابدلها مع الأساسية
(مش حاجة minor مش كل الناس بتشيل بطاريات احتياطي )

السيم كارت مايكرو يعني لما تقصه ما تقدجدرش تركبه على جهاز عادي
(ينفع تتركب عادي بادابتر ب 10 جنيه )

لايوجد منفذ ذاكرة
(انت محتاجه ليه وعندك ذاكرة 32 جيجا ؟ )

كان بطيء الإستجابة
(عيب من حضرتك الجهاز ثنائي النواة بسرعة 1.5 من اقوى الاجهزة الموجودة حاليا -اقوى من النوت-

لا يمكنني عمل روت وبعض برامجي المهمة محتاجة روت
(يمكن عمل روت عادي جدا )

الدعم الفني له قليل
(عشان لسه جديد طبيعي جدا)

اكسسواراته قليلة
(برضه عشان لسه جديد حاجة طبيعية)

المميزوات /-

الكاميرا 12 ميجا بكسل

زر الكاميرا

فتح الكاميرا من الزر حتى والجهاز مغلق

حجمه جميل وانيق

في النهاية هي اراء ومع ذلك انا لو هشتري هستنى ال One X او حتى ال One S

[LegendJo]

كنت في موبايل شوب و قالي ان الـ htc ون اكس لو جبتوا " مافيش دعم خـــالص ولو اي حاجه حصلت للموبايل ارميه :) "

ترو ستوري

[mody3on]

لو حصله حاجة من ناحية ايه ؟ طب اقولك حاجة روحلهم بعد شهر يكون الموبايل نزل في الاستوك عندهم وابقى شوف هيقولولك ايه عليه , اسطورة من اساطير الزمان bla bla bla , كل ده عشان مش موجود عندهم لسه , ماهو ده اسلوب ادارة المبيعات :) , والدعم طبيعي جدا الموبايل لسه منزلش رسمي اصلا متوقع يكون الدعم عامل ازاي ؟

[LegendJo]

مش One X بس ,, HTC كله مالوش دعم والمشكله دي في دول عربيه تانيه على فكره ,,, وقريت ردود كتير لعرب بينصحوا انه محدش يشتريه لأن مافيش دعم نهائي للـ HTC ولو عايز تصلحه ممكن تصلحه برا البلد كمان ,, او تفضل تدور على محل يصلحه " وغالباً بيرجع اسوأ مالاول " ,, طبعاً لو حصله حاجه يعني ,,

ده اللي انا اعرفه من تجارب ناس ومن كلام المحلات زي موبايل شوب ,,