هو لية الجواز فى مصر كدة

[mr_safwt]

السلام عليكم ورحمة الله
هو لية يا جماعة الجواز فى مصر كدة يعنى عايز من ربع مليون لنص مليون يدوبك عشان تتجوز
فى حين ان واحد قريبى عرف واحدة امريكية واتجوزوا فى شقة مفروشة وما دفعش نكلة غير ايجار الشقة
دة لو واحدة بس فى مصر حلوة شوية مش زى الاجانب يعنى بتبقى عايز يسكنها فى القصر الجمهورى ويكتبوا باسمها كمان
وتبقى متفضلة علية كمان
انا مش فاهم اية اللى بيحصل دة

[Ghosts]

كل حاجة فى مصر معقدة ....
الجواز و الشغل والسكن و التعليم و الطرق والمواصلات ألخ ....

[mastr_n]

سلو بلدنا كدة لا وتلاقى امها تقولك بنتى مش اقل من فلانة وعلانة لازم الفرح يبقى فى فندق والشبكة ماتقلش عن كذا

سمعت اغنية نانسى يبقى انت اكيد فى مصر ههههه
ههه بصراحة اللة كان فى عون الشباب الى لسة ماتجوزش

[A7MED_PHARMA]

ماحنا قولنا

خليها تصدي .. وموديلها يعدي
=====
الموضوع عاوز إضراب من الشباب عن الجواز لمدة 6 شهور مثلا
6 شهور ماحدش يتجوز ولا يطلب إيد واحدة
هتلاقي البنت الي بتقولك عاوزة وعاوزة وتجيبلي وتعملي .. هتلاقيها على الرصيف مش لاقيه الي يتجوزها بخيمة في مخيمات الايواء
انا بتكلم طبعا عن الفئة الي بتغالي..مش البنات الي اهلها عرفوا يربوها وعارفين وضع البلد ووضع الشباب

[al_manara]

هههههههههه

واحد صاحبي كان اتقدم لواحدة شافها وعجبتة . المهم
اما راح لاهلها (كانوا في المنيا وهو في القاهرة) كانت طلابتهم
الفرح ليلة من باليل للصبح
والشبكة 250 جرام دهب
والشقة
والمرتب
و......................

[Hondawy_2008]

السلام عليكم ورحمة الله
هو لية يا جماعة الجواز فى مصر كدة يعنى عايز من ربع مليون لنص مليون يدوبك عشان تتجوز
فى حين ان واحد قريبى عرف واحدة امريكية واتجوزوا فى شقة مفروشة وما دفعش نكلة غير ايجار الشقة
دة لو واحدة بس فى مصر حلوة شوية مش زى الاجانب يعنى بتبقى عايز يسكنها فى القصر الجمهورى ويكتبوا باسمها كمان
وتبقى متفضلة علية كمان
انا مش فاهم اية اللى بيحصل دة

علشان في مصر البنت و أهلها معتقدين أن سيادتها ستتنازل و ستتعطف و تديك .... الذي لا يقدر بتمن هههههههههههههههه

[Hacker5]

انا مرتبط مغربية و مرتاح معاها و الجواز عندهم مش معقد و مش بيطلوبوا حاجات كتير زى هنا و مافيش الافترى بتاع هنا
دة كمان الفرح بيكون على العروسة هههههههههههه فى احسن من كدة ؟

[A7MED_PHARMA]

هههههههههه

واحد صاحبي كان اتقدم لواحدة شافها وعجبتة . المهم
اما راح لاهلها (كانوا في المنيا وهو في القاهرة) كانت طلابتهم
الفرح ليلة من باليل للصبح
والشبكة 250 جرام دهب
والشقة
والمرتب
و......................

لو ماكناش في منتدى محترم
كنت عملت #$%@$^%#^@#$$$$$$$$$$$$$$$%

قال تقولك مش عارف ايه
ياراجل دي حاجة تشل


مع ان الحسبة الصح..إن الست محتاجة الراجل في حياتها اكتر مالراجل محتاج
الآية معكوسة تماما
المفروض طالما الست هي الي محتاجة الراجل .. محتاجا الامان..وانه يحميها..ويصرف عليها.. ويكون سبب انه يعفها ويكون سبب انها تكون ام
المفروض هي الي تدفعله فلوس والله

[factorialx]

المشكله في اللي بيغيروا كلامهمم و يبانوا بيشتروا راجل
بس هما عايزين رجل أعمال
و يقولك مش هسألك شقتك فين و كام أوضه المهم تكون تمليك و الشبكه دي هديتك و أنا عارف ظروف الشباب و أنا إجوزت في منطقة كذا الأول و في شقه صغيره

وبعدين يقولك عايزين شقه في مصر الجديده أو المهندسين ماله الهرم
و الشبكه دهب إيطالي أو اسباني مش كفاية الجرام بقى بالشئ الفلاني

أقوله إيه ده هو يعني ! يا عمي غور إنت هي شوف بقى من المليونير اللي لسه متخرج اللي هيجبلها شقه ب 600 700 ألف جنيه
هو إنتوا يعني اللي ساكنين في جاردن سيتي و بنتك خريجة الجامعه الأمريكية

أقسم بالله حاجه تشل أنا بفكر جدا متجوزش مصرية أو متجوز خالص

هو يعني الواحد ما ينفعش يتجوز غير ما يكون معاه 200 ألف جنيه و مرتب 10 آلاف جنيه معاهم و قايمه ب 250 ألف كمان و مش بعيد يقولك إكتب الشقه بإسم العروسه

مافيش أحلى من العزوبية لو الناس كلها بتفكر كده

[factorialx]

أخو صاحبي بعد معاناه مع 6 بيوت و هو مهندس معيد في الجامعه الألمانية
إتجوز أجنبية في الآخر و من غير حتى 1/10 من الطلبات اللي طلبوها المصريين

[bmw3m007]

انا مرتبط مغربية و مرتاح معاها و الجواز عندهم مش معقد و مش بيطلوبوا حاجات كتير زى هنا و مافيش الافترى بتاع هنا
دة كمان الفرح بيكون على العروسة هههههههههههه فى احسن من كدة ؟

مالهاش اخوات يا باشا ؟

[aboomar22]

والله يا جماعة مش كل الناس فيه ناس محترمة جدا انت بس دور على بيت كويس انا والد زوجتى الله يرحمة قالى بابنى اللى تقدر علية والباقى عليا ولا طلب شبكة ولا اى حاجة الحمد لله مع انه من كان تاجر واسمة معروف قوى علشان كده الواحد دايما بيتقول الله يرحمة وبيرد المعاملة الطيبة لبنته

[lanos2004]

ماحنا قولنا

خليها تصدي .. وموديلها يعدي
=====
الموضوع عاوز إضراب من الشباب عن الجواز لمدة 6 شهور مثلا
6 شهور ماحدش يتجوز ولا يطلب إيد واحدة
هتلاقي البنت الي بتقولك عاوزة وعاوزة وتجيبلي وتعملي .. هتلاقيها على الرصيف مش لاقيه الي يتجوزها بخيمة في مخيمات الايواء
انا بتكلم طبعا عن الفئة الي بتغالي..مش البنات الي اهلها عرفوا يربوها وعارفين وضع البلد ووضع الشباب

هوة دة الكلام الصح

[M.FOUAD]

عشان الناس في مصر بتبص لبعضها مفيش حد همة في حالة

[abdalah_hashem]

الكلمة الشهيرة ((( ماهو كللك فى بيتكوا يابنى هو احنا هناخد حاجة لينا )))) هههههه