الامارات العربية المتحدة

[MoToRiZeR]

ربنا يوفقك و مش حأقدر أزود حاجة على اللى كل الأخوة قالوه غير بس ان أختى فى أبو ظبى برضو و زوجها من هواة الصيد و بيحلفلى انه بيطلع فى المرة الواحدة 5 أو 6 كيلو سمك (دة صيد من على الشاطئ مش من مركب) و بالتالى بيوفر تمن الغذاء 4 أو 5 مرات فى الأسبوع و بيعزم الجيران كمان :) ... فلو انت من هواة الصيد يبقى بند الأكل عندك حيقل جامد باذن الله.

ياااه يا ريت اروح هناك
انا من الناس اللي عندها استعداد تعيش كل حياتها عالسي فوود

[mohamed el hussien]

بوص هو لو كان العرض السعودية او الكويت
كونت قولتلك بلاش
وخليك في بلدك بكرامتك
ولا حد يتنك عليك ويقولك انت مصري
ولا الكلام دة
انت في بلدك مهما كانت

لكن الاماراتين اصلا بيحبوا المصريين
يعني المعاملة كويسة

يعني من الاخر وفق اوضاعك المالية الاول
قبل ما تقرر

وتوكل علي الله
وربنا معاك يا باشا

[mokhtar]

خد اللينك ده وادعيلى هتلاقى عليه ادق ادق تفاصيل الامارات او اى بلد خليجى هو لمنتدى المصريين المغتربين فى الخارج اى حاجه عايز تعرفها هيقولولك على طول

http://www.egyptiantalks.org/invb/index.php?showforum=5

..mokhtar..

[م/يوسف]

أخي العزيز.....
أنا حاليا باشتغل في أبو ظبي ولازم انبهك للوضع الحالي....بدل السكن 72 مايجبش ستوديو اليومين دول, ياعني لو أنت عيلة محتاج غرفتين وصالة تعمل حسابك على 130-140 ودة المينيمم على فكرة داخل أبو ظبي (المدينة).....
لو احتجت أى معلومات زيادة أنا تحت أمرك

[osama]

ســــــــــــــــــــــــــــافـــــــــــــــــــ ــــــــــر

[hazem_khidr]

انا كنت في ابو ظبي :).
لو راتبك يعادل 8 الاف درهم يبقي سافر و خد عيلتك معاك بالسكن يبقي سافر
اقل من كده ما تتحركش من مكانك .
و الاهم الاستخاره طبعا حتوضحلك انت رايح فين و جاي منين.
بالنسبه للسكن غااااااااااااالي يعني ال 75 لفدول يدوي يجبولك ستوديو في مكان معقول .
الاكل رخيص و مش حتصرف انت و مراتك اكتر من 800 درهم في اقصي الاحوال شامل البيبسي و الفواكه و المياه.
طبعا تعمل حسابك في قسط حوالي 700 درهم تجيبلك عربيه معقوله علشان ما تتبهدلش في المواصلات و لازم تكون زيرو علشان تستحمل علي الاقل ياريس .
المهم انوي خير و توكل علي الله

[goodwave]

إجري وإلحق نفسك وكمان 7 أضعاف ومتردد
العيشة غالية بس حتعيش واولادك عيشة كريمة وحتحس إنك بني أدم
ربنا يكرمك ويرزقنا

[goodwave]

كمان أحب أقولك إنها فرصة لن تتعوض بسهولة للاسباب التالية:

1- أولا عندك باكج مميزة فيها سكن وخلافة ما شاء الله
2- أكيد حيديك تذاكر سفر ويعملك الفيزا والإقامة
3- محدش دلوقتي بيبعت يجيب ناس من برة دبي (إلا قليل جدا) لأن عنده الناس في دبي مرطرطة وبتدور على شغل ويدوب مكالمة تليفون يجيبة عنده ويعمل معاه مقابله.
4- دبي وابو ظبي غاليين بس حتعيش بني ادم.
5- أرجح الراي إللي بيقول روح لوحدك الأول كام شهر وإستقر وبعدين خد الجماعة.

+++++++++++++++++++++

جندي مجند

مينفعش أروح انا أصطاد هناك بس مش شغل :) :) :) بصراحة خليتني أعيط لما قولت 5-6 كيلو سمك في اليوم من الشاطئ وأنا بسافر من شرق مصر لغربها علشان كيلو سمك :( :( :(

[hero]

ربنا بيحبك....وراضي عنك....وبيخفف عنك...وبيرحمك...
صلي استخارة واتكل علي الله ....وما تترددش....ماحدش لاقي مخرج من هنا...
مش هاقولك اكتر من كدة.....

[sherif80]

يا راجل حد يجيله فرصة يخلع من البلد و يسيبها

انت ناسى ان البلد بتتحرك :D:D

إجري وإلحق نفسك وكمان 7 أضعاف ومتردد
العيشة غالية بس حتعيش واولادك عيشة كريمة وحتحس إنك بني أدم
ربنا يكرمك ويرزقنا

+1

و ربنا يوفقك

[ashour]

انا معنديش حاجه اقدر افتى بيها غير الأستخارة
ممكن يبقى العض كويس و احسن من هنا ب 100 مرة مش 7 بس,
بس ربنا ميكنش كاتبلك الخير هناك؟؟؟؟
و ممكن يبقى الوضع الحالى مش مميز بس ربنا بكون كاتب الخير لحضرتك هنا؟؟؟؟

على الاقل اهو فضفضت معانا و قدرت تجمع فكرة عن الاوضاع هناك و المتطلبات
بس اعمل استخارة و سيبها على ربنا بقى.

[Hossam_Hassan]

نقطة مهمة لازم تحطها فى حساباتك، وهى استثمارك فى ال Cv بتاعتك، يعنى لو فرضنا انك مخطط انك تقعد هناك 5 سنين، ياترى ال Cv بتاعتك هتتقل نفس تقلها هنا، اللى اعرفه ان قطاع البنوك هناك متقدم، بس انت اكيد تعرف اكتر، فلو البنك هناك اقوى و يوم ما هترجع ان شاء الله هتلاقى فرص احسن من زملائك اللى هنا، يبقى تعتبر ده فى حد ذاته فلوس بتتحوش

[hishamnasr]

انا سفرت ابوظبي مرتين

البلد جميله جدا وهي اجمل امارة في الامارات مساحتها مش كبيره

انتا هتعيش هناك كويس اوي اكل نظيف مواصلات رائعة نظام رائع تعليم جيد جدا
هناك مغريات كتيرة للصرف يعني يمكن متقدرش تشيل قرش كويس ذي السعوديه او الكويت

ولكن في ابوظبي لن تشعر بالغربة وهتكون مرتاح نفسيا جدا

السكن غالي جدا والمدارس ويفضل ان تكون الوظيفة بالسكن او يكون المرتب يشتمل علي بدل سكن

انا نفسي اسافر واعيش هناك انا واولادي ومراتي

راي تستخير الله وتسافر 0000 فعلا مدينه جميله جدا انت هنا مش بتشيل حاجه ولكن هناك حياة افضل

اسعار الاكل والشرب بالنسبه لمصر معقوله واسعار السيارات والنزين كويسه جدا

[Salah_sr]

أولا صلي صلاة إستخارة و ثانيا يجب تضع في إعتبارك أنت مسافر لمدة طويلة و لا صغيرة و أن العمل في مصر بعد مدة طويلة في الغربة بيكون صعب بالنسبة للأكل فالأسعار قريبة من أسعار مصر و السكن غالي جداً شراء عربية سهل جدا و لكن الرخصة صعبة جدا بالنسبة للمدرسة يوجد جميع المستويات و حسب إمكانياتك سو فتجد و أبوظبي أهدأ كثير من دبي و نصيحتي بالنسبة للغربة (بعد16 سنة في مسقط) حوش الأول وبعدين أصرف حتي لاتمر الأعوام بدون فائدة يعني قرر منذ البداية عن المبلغ المراد تحويشة سنويا ثم دلع نفسك بالباقي وربنا يوفق

[noureymo]

انا بصراحة مش عارف اقول لكم ايه انتم بجد ساعدتوني كنير
ربنا يكرمكم ان شاء الله هستخير ربنا واقدم استقالتي بكرة ان شاء الله
ادعولي