عندى فوبيا مزمنة من الحقن، هل هناك حل؟

[grand hand]

بس السحب من الوريد مبيوجعش اصلا .والوضع هتلاقيه مختلف عن وانت صغير..حاول بقدر الامكان متبصش للحقنه خالص ..
لازم تواجه خوفك..هتلاقي الموضوع بسيط جدا..
علي كده بقي اغسل سنانك كويس :))

لازم اواجه خوفى فعلا

شكرا لحضرتك على النصيحة الغالية

ماينفعش طبعا يتاخد من العضل
الموضوع ببساطة انك حتروح وتخلي الوالدة او المدام او اي حد بتثق فيه يحضن دماغك على ما تتسحب الحقنة
ويفضل طبعا تروح لحد بيسحب دم كتير
انا اعرف ممرضة بتشتغل معايا والله سحبتلي مرة وانا كنت عمال اقولها يلا انجزي قالتلي خلاص انا سحبت
الموضوع مش مؤلم على قد ماهو مرعب فانت ماتبصش
وبعدين يعني لو الموضوع صعب معاك للدرجه دي انت ممكن تاخد اي حاجة مهدئة قبل ما يتسحبلك
مع العلم انه مش مستاهل خالص
توكل على الله يا عم توقف سفرك ومستقبلك عشان حقنة ؟ دي هي شكه دبوس
خد الشكة وسافر بدل ما تفضل قاعد في البلد دي وساعتها الشكه حتبقى اكبر بكتييييير

ربنا يستر هحاول ان شاء الله

ولو فى حاجة مهدئة للتوتر ممكن تقولى عليها ربنا يكرمك

وشاكر جدا اهتمام حضرتك

انا زيك بس موضوع الدم والحاجات دي مش قوي يعني

بس فعلا الحقن دي مووووووووووووت ودلوقتي بحاول اخلي ولادي ميخافوش منها وكنت لسه من كام اسبوع ابني كان بيعمل تحليل دم وفضلت اشجع فيه لحد مالدكتور خد عينه من الوريد ومعيطش وبقي يقولي انا شاطر عشان معيطتش وانا في سري بقوله لو انا كنت عيطت :)

كتيييييييييير ابقي عايز اتبرع بالدم بس برده بخاف عشان الحقنه الكبيره دي مع اني اتبرعت قبل كده وموجعتيش بس هي فوبيا فعلا

سؤال محيرنى فعلا هو ليه ابرة التبرع بالدم طويلة وضخمة كدة، منظرها غير مشجع بالمرة وبتفكرنى بابر الحيوانات شبهها بالظبط!

والدى كان عنده نفس الفوبيا لحد وقت قريب لما الأمراض زادت عليه - شافاه الله وعافاه - ومش عايز اقولك كان بيعمل ايه عشان ياخد حقنة ومكنش بياخدها بردو حتى فى شدة المه مكنش بيردى ياخدها

لحد ما ربنا ابتلاه بمرض السكر وكان بياخد حقن انسولين كل يوم وواحدة واحدة وبالتدريج وتشجيع النفس وإرادة قوية اتعود عليها وبقت شئ عادى خالص عنده.

عايزك مش تبص للحقنة خالص وفكر فى اى حاجة ساعتها وانت مش ها تحس بأى حاجة خالص.

ربنا يشفى والد حضرتك شفاء لا يغادر سقما

وسوف احاول العمل بنصيحتك ان شاء الله

إيه دي ؟

























.


















.

حقنة يا عم والله العظيم حقنة

كان الله في عونك بعاني من الموضوع ده من 25 سنة وخوف رهيب وإغماء وعرق وهبوط لو فكرت في ازاي الذراع يتشك بالابرة وحاولت كتير التشجع والمقاومة واتحسن الموضوع شوية لكن مش عادي زي باقي الناس ربنا يعافينا بحاول اتجنب التحليلات الدم او الحقن قد ما اقدر ياااه كانك بتتكلم عني كان نفسي الاقي حد عنده الموضوع ده اول واحد بنفس الاعراض تحليلها نفسي انا وقفت مع والدي وانا عندي 5 سنين تقريبا اثناء سحب عينه دم من الوريد وحصلت لي الصدمة النفسية من الابرة الضخمة وقتها من سنين طويلة وخرطوم كيس الدم يللا بلاش اركز عشان انا بحاول انسي والشفاء من عند الله دي فوبيا وحالة نفسية خوف مرضي لاسند له ..حاول تدرب نفسك وانا كمان علي مواجهة الموقف تدريجيا وربنا يسهل ..

والله يا باشا انا مش عارف اقولهم ايه فى المستشفى اصلا يعنى بخاف من الحقن ولا ايه؟ وخايف حد ظريف يتريق عليا وانا بتوتر جدا من شكل الحقنة ورائحة المستشفيات من الاساس اللى هى رائحة الديتول والمطهرات عامة، ربنا يستر

أنا بقى عندى عقده من الحقن تماماً وبالذات دكتور الأسنان عملت ضرسين عصب من غير حقن لدرجة الدكتور بيقول كده شكل العصب ميت مع أنى كنت بكهرب من شدة الأم .

الحمد لله انى مش لوحدى فى موضوع الخوف ده

عايزين حد ينظم لنا دورة علاجية من فوبيا الحقن فى المنتدى يا جماعة

[A7MED_PHARMA]

شوفت لقيت ايه بالصدفة على الفيس










.
بالصدفة والله قولت لازم أوريهالك

[grand hand]

شوفت لقيت ايه بالصدفة على الفيس










.
بالصدفة والله قولت لازم أوريهالك

اكيد الواد بعد الحقنة دى هيتحول ديناصور وياكل الطبيب والمستشفى

[Screenplays]

هههههههههههههه كلنا هذا الرجل و المصيبه بقي من الخوف من الحشرات و الكلاب مش من الحقن بس

[grand hand]

هههههههههههههه كلنا هذا الرجل و المصيبه بقي من الخوف من الحشرات و الكلاب مش من الحقن بس

والله يا باشا الكلاب والنمور والاسود والتنانين دول كوم والحقن كوم تانى خالص

[adel1414]

بص ياباشا انا حقولك على وجهة نظرى دااااايما الخوف من اى حاجة راجع لسببين وجود تاريخ مع الشئ سبب لك الخوف زى مثلا اولااتعلمت السواقة خبطت العربية ممكن تخاف من السواقة بعد كدة او قلق توقعى بدون تاريخ مسبق زى انا ممكن اعمل حادثة لو سوقت العربية فتخاف برضه من السواقة...وفى الحالتين من وجهة نظرى ودة اللى جربته كتير ونفع انك تواجه خوفك من الشئ بكل الوسائل اللى ادت للخوف دة يعنى خايف من الحقن حاول حاول حاول تاخد الحقنة واستحمل مرة والتانية والتالتة خلاص حتتغلب على الخوف دة وكل حاجة بتاخد كيرف لحد متتعود لان ببساطة انا ممكن اصلا مكونش خايف من حاجة ولا عندى رهاب منها تحصلى مشكلة منها ولاحظ ان مكنش فى اى خوف مسبق...فسيبها على الله وتوكل العملية ارادة وتصميم وتحقير فكرة الخوف من شئ معين جواك لحد ماتتعود وكمان حتستغرب انك كنت ازاى خايف من الشئ دة...تقبل تحيااتى

[grand hand]

بص ياباشا انا حقولك على وجهة نظرى دااااايما الخوف من اى حاجة راجع لسببين وجود تاريخ مع الشئ سبب لك الخوف زى مثلا اولااتعلمت السواقة خبطت العربية ممكن تخاف من السواقة بعد كدة او قلق توقعى بدون تاريخ مسبق زى انا ممكن اعمل حادثة لو سوقت العربية فتخاف برضه من السواقة...وفى الحالتين من وجهة نظرى ودة اللى جربته كتير ونفع انك تواجه خوفك من الشئ بكل الوسائل اللى ادت للخوف دة يعنى خايف من الحقن حاول حاول حاول تاخد الحقنة واستحمل مرة والتانية والتالتة خلاص حتتغلب على الخوف دة وكل حاجة بتاخد كيرف لحد متتعود لان ببساطة انا ممكن اصلا مكونش خايف من حاجة ولا عندى رهاب منها تحصلى مشكلة منها ولاحظ ان مكنش فى اى خوف مسبق...فسيبها على الله وتوكل العملية ارادة وتصميم وتحقير فكرة الخوف من شئ معين جواك لحد ماتتعود وكمان حتستغرب انك كنت ازاى خايف من الشئ دة...تقبل تحيااتى

والله يا باشا انت لمست الحقيقة فى نقطة تاريخ الخوف دى، وانا فعلا عندى مشكلة منذ الصغر فى موضوع الحقن ده وفاكر فى يوم كان فى تطعيم بالحقن فى مدرستنا قمت مزوغ وقتى، والموضوع كبر معايا للاسف بالذات فى حقن الوريد، ساعات بتخيل ان سن الابرة ممكن يقطع الوريد لو اتحركت اثناء الحقنة وشكة الابرة للوريد وحجم الابرة نفسه منظرهم غبى ربنا ما يحكم بيها على اى حد، وبشكر حضرتك على مشاركتك لكن ما باليد حيلة