أعيش حياتى من غير جواز ولا أتجوز أى واحدة و خلاص؟؟!!

[تامر.محمد]

معليش انا على الاي باد. ، ومبيطلعليش لا صور ولا توقيع ولاشريط متحرك فوق علشان يوفر. ميجا بايت

همممممممممم
انا ابو جويرية :)))

[beckeryahia]

انا هبسطهالك لو في حد معاه طبق كشري وجيت خدت منو معلقه هتحس بحاجه ههههههههه ، البنت هتها اصغر منك كده بكام سنة وانتا شكلها على ايدك. وابعد عن النكديه زي ماقلتلك والشرشوحة ، وانتا هتقدر تسيطر عليها تماما زي عربيتك الي بتبقى حافظها وحافظ كل مشاكلها ووخده. على دوسة رجلك وسواقتك مش العربية بتتطبع على طبع صاحبها ونوع سواقتو كزالك المرأة انتا بتطبع عليها وهيا بتطبع عليك وزي مالعربية او ١٠٠٠ كيلو كده تلين ، كزالك المرئة او شهر عسل او قول اول سنة ده كده انتا في التلين ومينفعش تشغل التكيف في فترة التلين او تزود حدودك معاها وتفتح على المية. لين الاول وكل حاجة تبقى تمام وحافظ على مواعيد الصيانة بتاعتها كمان كل فسحة حلوة كده هيا صيانة لنفسية المرءة الاطبعاً النكديه الي بتقلبلك كل فسحة غم بغم دي انزل روح بيعها في كونتكت كار. على طول. واكتب لدواعي السفر. بحالت الزيرو واستخدام طبيب ههههههههه

انا اعترض شكلا وموضوعا علي تشبية شريكة الحياه بالعربية

[pro_samir]

me_medoo بجد انت ملكش حل ما شاء الله

انا سامع في وداني دلوقتي اغنيه الحياه حلوه

[kok3]

أااااااااااااااااااااااااااااااااااااااااه
وحيات امي انا كنت لسه افكر اكتب موضوع زي ده بس اتكسفت وقولت ممكن يعملولي ايقاف ولا حاجة
بس انا فعلا زهقت يا جماعه
المشكلة ان كل صحابي اتجوزو
انا كل يوم بنزل الف في الشوارع لوحدي
افضل اقلب في الفون بوك وادور على اي حد اكلمه شوية
انا من فترة قريبة كنت اعرف بنات كتيرة اويي اوييييي
بس الحمدلله انا بطلت اكلم كل البنات دي
عشان عايز الاقي بنت الحلال اللي اتجوزها وخلاص
المشكلة دلوقتي اني بديت ازهق
انا كل خميس بنزل الف لوحدي
اكل لوحدي
ادخل سنما لوحدي
ساعات ببقى نفسي اتكلم مع اي حد لما ببقى مخنوق
ومش لاقي وحدة بنت حلال
فعلا قمه المأساة

انت عامل زيي بالظبط نفس الحوار وبعدين المشكله ان اغلب الصحاب لما بيتجوزو بيبقوا زباله قوى بعد الجواز يعنى انا عندى صاحبى اللى كان انتيم بقى عبد المأمور عند مراته وهو متجوز اجنبيه مش من دوله نضيفه سلوفينيا حاجه كدا ملهاش لازمه ماعلينا صاحبى دا بقى بعد اما اتجوز اجى اكلمه فى التللفون هيا ترد عليا ها هنخرج ياخد الاذن منها ويرجع البيت بمعاد وحركات بقى من دا كتير ف اخر الحوار انا فكتنى منه خالص وغيرت رقمى لقيته جايلى البيت كام مره وانت فين وعامل ايه وواحشنى وكدا ويدوب بقى علشان الحق اروح عايزين نبقى نسهر مره وانا بقوله طيب حاضر ان شاء الله بصراحه انا بقرف منه اخر حاجه معرفش انا اصاحب حد مش راجل عبد الموضوع اصله ليه ابعاد ماديه او ما الى ذلك على اى حال المرحوم دا كان البيست فرند الله يرحمه اه يا زمن

[SonaSteel]

متهيئلك يا نجم ... عارف بعد ما تتخرج هتعمل ايه ، هتروح تاخود اجازة كده بقة بعد سنين العذاب والدراسة والامتحنات يجي خمس ست سنين كده وانتا قاعد نايم في البيت ..

وعقبال لمن تلاقي وظيفة مش هيبقى عندك وقت تدور على عروسة ... الشغل واخد كل وقتك وبترجع هلكان ، وياسلام بقة لمن ميكنش في الشغل بتاعك ولا بنت توحد ربنا وكلو رجاله في رجالة ... وتبقى هايص لايص مش عارف تسيب شغلك وتروح تدور على عروسة ولا تشتغل وتكبر دماغك ، ولا عمرك الي بيضيع من بين ايدك وصحابك كلهم أتجوزو وخلفو وانتا قاعد كده زي فردت الاستيبن في شنطة العربية ...

بس الجواز بيديك طاقه وبيدفعك انك تشتغل وتنتج انشالله حتى فاعل ... بس بيبقى وراك التزمات ... وبينشطك وبيدفعك للأمام .

هههههههههههههههههههه .......... المشاركة ديه كيفتني اوي يا بو حميييييد :)))

ويريت تخلي 5 العرسان اللي زي الورد دول
5 زي الورد و بوكيه معاك ههههههههههههههه
والله المستعاااااااان :))

[me_medoo]

همممممممممم
انا ابو جويرية :)))

هههههههههه انا أستهلكت كل طاقتي نفسي أفهم يعني أيه أبو جورية ؟؟؟

انا اعترض شكلا وموضوعا علي تشبية شريكة الحياه بالعربية

حبيب قلبي بأعتباري ... كنت مدرس ومدرب سابق ... فلازم أبسط اي عملية للدارس علشان يفهمها على الاخــــــر ... علشان يقدر يشـرب المعلومة وتدخل قلبو وبسهولة ... طالما في وجه شبه ولو بسيط ... بين الزوجة والعربية .
ده بالعكس بأه كمان ، الزوجة هيا الي بتقعد في البيت وبتاخود شريكة حياتك التانيه العربية معاك في كل مشاويرك ...

me_medoo بجد انت ملكش حل ما شاء الله

انا سامع في وداني دلوقتي اغنيه الحياه حلوه

هههههههههه هيا الحياة مش حلوة قوي بس أحنا بنحاول نحليها ، أنشالله حتى نحطلنا معلقتين عسل أو معلقتين سكـر على الحياه علشان نعرف نعيشها ... وتحياتي

انت عامل زيي بالظبط نفس الحوار وبعدين المشكله ان اغلب الصحاب لما بيتجوزو بيبقوا زباله قوى بعد الجواز يعنى انا عندى صاحبى اللى كان انتيم بقى عبد المأمور عند مراته وهو متجوز اجنبيه مش من دوله نضيفه سلوفينيا حاجه كدا ملهاش لازمه ماعلينا صاحبى دا بقى بعد اما اتجوز اجى اكلمه فى التللفون هيا ترد عليا ها هنخرج ياخد الاذن منها ويرجع البيت بمعاد وحركات بقى من دا كتير ف اخر الحوار انا فكتنى منه خالص وغيرت رقمى لقيته جايلى البيت كام مره وانت فين وعامل ايه وواحشنى وكدا ويدوب بقى علشان الحق اروح عايزين نبقى نسهر مره وانا بقوله طيب حاضر ان شاء الله بصراحه انا بقرف منه اخر حاجه معرفش انا اصاحب حد مش راجل عبد الموضوع اصله ليه ابعاد ماديه او ما الى ذلك على اى حال المرحوم دا كان البيست فرند الله يرحمه اه يا زمن

الموضوع مش كده خالص يا عزيزي ... بس كمان الزوج بيجبر زوجتو أنها تسيب كل صديقتها وقريبتها وتفضالو ، فمينفعش أنا أخليها تسيب وانا مسيبش شلة الانس والفرفشة والصياعة بتاعتي .... ودي شريككة حياتك انتا وهي في مركب واحدة .

هههههههههههههههههههه .......... المشاركة ديه كيفتني اوي يا بو حميييييد :)))

ويريت تخلي 4 العرسان اللي زي الورد دول
5 زي الورد و بوكيه معاك ههههههههههههههه
والله المستعاااااااان :))

هههههههههههه حبيب قلبي يا حسين باشا منور واللهي القسم هنا ... حبيبي قلبي انشاء الله تكون عروستك عندي .

[A.Saad]

تزوج بسرعة تندم ببطء
اختار واختار وانتظر واختار ايه المشكلة
بس اعرف تختار ازاى بس

[تامر.محمد]

هههههههههه انا أستهلكت كل طاقتي نفسي أفهم يعني أيه أبو جورية ؟؟؟

بنتي اسمها جويرية يا استاذي الكريم :)

[CalvinKlein]

أعيش حياتى من غير جواز ولا أتجوز أى واحدة و خلاص؟؟!!

معلش مجرد توضيح تقصد ايه باى واحدة و خلاص لان معناها كبيررررر

[me_medoo]

بنتي اسمها جويرية يا استاذي الكريم :)

حبيب قلبي يا بش مهندس تامر ياراجل بقة عندك بنوته حلوة ... وساكت من الصبح ... مش شايف العرسان هنا قد أيه ، ربنا يخلهالك يارب ...

[me_medoo]

معلش مجرد توضيح تقصد ايه باى واحدة و خلاص لان معناها كبيررررر

واللهي انا اعتقد ، أن صاحب الموضوع ... تعب ولف كتير وملقاش وحده تعجبو ... وكل شوية الحجة تزن عليه يبني خود فلانه يابني متضيعش علانه من بين أيديك ... دي تحفه دي حلوة ... وهو مش شايف أي وحده تملى عينو وقلبو على ما أعتقد والله أعلم .

[me_medoo]

تزوج بسرعة تندم ببطء
اختار واختار وانتظر واختار ايه المشكلة
بس اعرف تختار ازاى بس

+111111

شوف كلمتين فيهم الشفا .... تسلم ايدك واللهي يا غالي .

[me_medoo]

بس تعرف يا أستاذ تامر حلو أسمو جويرية على أسم أم المؤمنين جويرية بنت حارث زوجة الرسول صلى الله عليه وسلم .
أحسنت الاختيار ... وهو أقرب على كلمة حــــــــــــــــورية .

[factorialx]

البنات موجودين بس ناس كتيره أوي متخلفين بينفروا الواحد من الجواز بالمطالب الغريبة اللي بيطلبوها
هعيش حياتي و مش عايز جواز

[SonaSteel]

بنتي اسمها جويرية يا استاذي الكريم :)

هههههههههههههههههههههههههههههههههههههههههههههههههه ههههه ........ هو غالبا لسه مش مصدق برده
او من الصدمة مش مستوعب :)