أعيش حياتى من غير جواز ولا أتجوز أى واحدة و خلاص؟؟!!

[Screenplays]

بس انت بالطريقة دى مش حتتجوز خااالص
اى انسان فى الدنيا بيكون ليه مميزات وعيوب لكن انت المفروض تبقى عارف نفسك عايز ايه من شريكة حياتك
يعنى حاطط خطوط عريضة تحت بعض البنود اللى ما تقدرش تتنازل عنها وتدور على الخطوط العريضة دى وتبقى عارف الخطوط الرفيعة اللى ممكن تتغاضى عنها
بمعنى ان فى واحد بيدور على واحدة تكون متدينة جدا ودة بيكون خط عريض عنده فبيدور على النقطة دى وبيتغاضى عن بعض الامور الاخرى اللى مش مهمة اوى بالنسباله
.......................
انت مثلا بتدور على واحدة فارعة الجمال خلي دة بند عرييض عندك وخلى فيه بنود ممكن تتغاضى عنها
مثلا زى المستوى الدراسى
المستوى الاجتماعى لاهلها مش لازم يكون عالى
كدة يعنى حط بنود لنفسك ماتقدرش تستغنى عنها زى الجمال والاخلاق وحط بنود ممكن تتغاضى عنها واجتهد وربنا ان شاء الله يوفقك
لكن العروسة الفل اوبشن اللى انت عايزها دى مش موجودة على وجه الارض ... دى حنشوفها فى الجنة ان شاء الله
.......................
عايز اقول حاجة كمان البنت كمان بتحلم بشريك حياتها انه يكون وسيم ودمه خفيف ومتدين ومعاه فلوس كتير وطويل وجسمه رياضى وبمركز اجتماعى عالى واهله مش عارف ايه وايه وايه و و و و
هل دة يتوفر فى شخص واحد ؟ ... حقولهالك بمنتهى الصراحة هل انت شايف نفسك كامل ؟ مافيش حاجة ناقصة ؟
اكيد فيه .. مافيش حد بيشوف عيوبه !!!! يبقى احنا كمان لازم يكون فيه نوع من التواضع .. وزى ما احنا بنشتكى من المغالاه فى طريقة الزواج عند العروسة ... يبقى من باب اولى احنا نبدأ بنفسنا وما نغاليش فى طلباتنا
.......................
لازم تركز على المميزات اللى انت عايزها علشان تشوف المميزات دى .. والعيوب تكون مش حاجة مهمة بالنسبالك علشان انت مضطر انك تغمى عنيك عنها وماتركز فيها (خليك فاكر مافيش انسان كامل) لو ناوى تفضل تركز على عيوب زوجتك حتعيش فى نكد والست لو شافت فى عين زوجها عيوبها حتنكد عليه واى ست ممكن بسهولة تنكد على اى راجل (ان كيدهن عظيم)
ونصيحة منى يا باشا ماتضيعش منك بنت تكون مؤدبة واخلاقها كويسة لمجرد انها مش حلوة زى نانسى عجرم مثلا
........................
خلى بالك الشكل والحلاوة ممكن يروحوا من الست مع الوقت بسبب الجواز والحمل والخلفة زى ما الراجل وسامته بتقل مع الوقت بسبب ضغوط الحياه
ممكن واحدة تكون جميلة وتتجوزها وتكون مهملة فى نفسها وتتقلب شامبنزى عادى يعنى وفى واحدة جمالها مش بيبان غير بعد الجواز
صدقنى والله العظيم الموضوع دة فى حاجات تانية كتيييير اهم منه لازم تخلى بالك منها
.........................
فى حاجة كمان عايز اقولها انت بتدور على واحدة ولا حبت ولا اتخطبت ولا ارتبطت
مع احترامى لرأيك طبعا يا باشا لكن انا شايف انك ماتحاسبش بنى ادم على اللى فات (حط نفسك مكان الانسان دة)
هل انت مش ممكن بنت تعجبك وتخطبها و اثناء الخطوبة تكتشف حاجة مش عاجباك فيها .. طبع فيها مش عاجبك مثلا والخطوبة تتفشكل
هل دة كدة انت انسان مش كويس ؟؟؟ هل لو اتقدمت لبنت تانية بعد الخطوبة دى حترفضك لمجرد انك خطبت قبل كدة ؟؟؟
انا شايف اننا مانحاسبش حد على ماضيه طالما ماضيه مافيهوش شيئ عيب او خارج عن العرف وربنا يا رب يريح قلبك ويسعدك ويرزقك بالزوجة الصالحة اللى تقر عينك ... وربنا يكرمنا جميعا

كلام سليم بس برضه يستحيل تلاقي كل الخطوط العريضه في واحده

[Ghosts]

كلام سليم بس برضه يستحيل تلاقي كل الخطوط العريضه في واحده

مفيش حد فى الدنيا كامل ....
بس لو حبيت واحدة بجد مش هتبقى شايف فيها عيوب لأن مرايا الحب عمية و طرشة و خرسة ....

لكن لو أرتبطت بواحدة مش بتحبها ....
هتبقى شايف كل عيوبها ....

[amr.elsayed]

كلام سليم بس برضه يستحيل تلاقي كل الخطوط العريضه في واحده

بتختلف من واحد للتانى ... بس مش معاك انه مستحيل بس فى نفس الوقت صعب مش سهل
وبينى وبينك وعايز الحق ... ربنا بيعطى كل انسان اللى يستحقه يعنى الطيب فينا ربنا حيبعتله الطيبة
و الطيب لو ربنا رزقه بواحدة مش طيبة .. حتبقى طيبة على ايده وحيتكتبله ثواب كبيير

مفيش حد فى الدنيا كامل ....
بس لو حبيت واحدة بجد مش هتبقى شايف فيها عيوب لأن مرايا الحب عمية و طرشة و خرسة ....

لكن لو أرتبطت بواحدة مش بتحبها ....
هتبقى شايف كل عيوبها ....

بس يا جوست ماينفعش تتجوز اى واحدة بناء على العواطف بس ... لازم تحكم عقلك كمان علشان احنا فى زمن الحب بيتمثل

[Ghosts]

بتختلف من واحد للتانى ... بس مش معاك انه مستحيل بس فى نفس الوقت صعب مش سهل
وبينى وبينك وعايز الحق ... ربنا بيعطى كل انسان اللى يستحقه يعنى الطيب فينا ربنا حيبعتله الطيبة
و الطيب لو ربنا رزقه بواحدة مش طيبة .. حتبقى طيبة على ايده وحيتكتبله ثواب كبيير

بس يا جوست ماينفعش تتجوز اى واحدة بناء على العواطف بس ... لازم تحكم عقلك كمان علشان احنا فى زمن الحب بيتمثل

أستااااااااااذ و رئيس قسم ....
أحييك على مشاركتك الرائعة ....

[Screenplays]

حل المشكله دي : نتجوز روسيات مسلمات او اي جنسيه تانيه
هنتلاقي كل الخطوط العريضه و الرفيعه كمان ههههههههههه

[i_Am_Legend]

حل المشكله دي : نتجوز روسيات مسلمات او اي جنسيه تانيه
هنتلاقي كل الخطوط العريضه و الرفيعه كمان ههههههههههه

دلللللللللللللنى على سكتهم...وابقي راجل سيييييييس اذا مانفزتش........

[Screenplays]

اسمها عيل سيس مش راجل سيس هههههههههههههه
لما اتلاقي واحده لنفسي الاول هجوزك اختها و لا تزعل

[mezo73]

مش عارف لية انا هاشارك في الموضوع دة
يمكن عنوانة استفزني
علي العموم انا متجوز من 11 سنة يعني الحمد لله قربت اخرج في نص المدة
المهم انا قريت تعليقات طريفة جدا بس وراها زهق وملل ومصاريف وطبعا كل واحد لما يجيب تورتتين كل شهر اكيد يفكر يفتح محل حلويات اسهل

انا تقريبا مش هاديكو نصائح
بس هاسألكوا بعض الاسئلة لو جاوبتوا عليها ممكن ساعتها تعرفوا انتوا عايزين اية
لو ان واحد اتجوز واحدة جميلة جدا هل بكدة تكون اتحلت كل مشاكلة
وطلعت مابتعرفش تطبخ وبتنام للعصر وعاوزة تقضيها ازي الحال
طب ولو اتجوزت واحدة متدينة وهاتحافظ علي بيتك حتي لو انت غبت عشر سنين وتحافظ علي اولادك حتي لو مش جميلة ازي الحال

طيب لو سيادتك حصلك حاجة لاقدر الله هاتقف جنبك وتساعدك ولا هاتطلب الطلاق ولا هاتمشي علي حل شعرها يبقي ازي الحال
طيب انت بصيت في المراية هل انت توم كروز مافيكش اي عيوب خالص
واخيرا
تخيروا لنطافكم فأن العرق دساس

[amr.elsayed]

انا تقريبا مش هاديكو نصائح
بس هاسألكوا بعض الاسئلة لو جاوبتوا عليها ممكن ساعتها تعرفوا انتوا عايزين اية



لو ان واحد اتجوز واحدة جميلة جدا هل بكدة تكون اتحلت كل مشاكلة

لا طبعا فى حاجات تانية ضرورية وبيختلف ترتيبها من ضمن الاولويات وانا واحد من الناس اللى عندى اولويات كتير قبل الجمال

وطلعت مابتعرفش تطبخ وبتنام للعصر وعاوزة تقضيها ازي الحال

دى عبيطة دى يا باشا ولا ايه انا مش عايز من دة ههههههه

طب ولو اتجوزت واحدة متدينة وهاتحافظ علي بيتك حتي لو انت غبت عشر سنين وتحافظ علي اولادك حتي لو مش جميلة ازي الحال



هى متدينة علشان مش جميلة ؟؟؟ وهى كل البنات الجميلة مش متدينة ؟؟؟ !!!! ... مع احترامى لراى حضرتك انا لو مش شايفها جميلة ايه اللى يخلينى اتجوزها اصلا حتى لو متدينة
لكن فى جمال مقبول ودة شيئ نسبى بيختلف من شخص للتانى ... بس متقنعنيش انى اتجوز واحدة وانا مش شايفها حلوة على الاقل فى عنيا
انا شايف ان الزوج كدة يتفتن و لازم يكون فيه رضا عن الجزئية دى ... ما ينفعش خالص اتجوز واحدة لمجرد انها متدينة بس .... فيه حاجات تانية كتييييييييييييييييير لازم يتحط فى الحسبان ومنها القبول اللى هو بيتجرم للجمال النسبى اللى بيختلف من شخص للتانى .. ولو هى متدينة ومش جميلة فى نظرى حتلاقى واحد تانى يشوفها جميلة
باشا الشباب دة بيدور على واحدة يتجوزها مش واحدة يشفق عليها



طيب لو سيادتك حصلك حاجة لاقدر الله هاتقف جنبك وتساعدك ولا هاتطلب الطلاق ولا هاتمشي علي حل شعرها يبقي ازي الحال

انا شايف ان دة فى علم الغيب وبيتوقف على الموقف ... وعلى حسن الاختيار من الاول والتركيز على البيت اللى اتربت فيه .... و الله اعلم ... لكن طول ما نيتى انى عمرى ما حتخلى عنها مهما حصلها .. اعتقد ان ربنا حيردلى الخير بالخير الا لو انا قليل الاصل فا ربنا حيكم عليا بواحدة من نفس النوع


طيب انت بصيت في المراية هل انت توم كروز مافيكش اي عيوب خالص


ومين قال ان توم كروز اموووور ولا واد موز هههههههه يا باشا صدقنى الجمال مطلوب لكلا الطرفين واقصد الجمال النسبى اللى بيختلف من واحد للتانى
يعنى مثلا واحد يقول على واحدة انها جميلة وواحد تانى يشوفها بطريقة مختلفة خالص ودة اللى بنسميه القبول اللى بيساوى الجمال النسبى
واحدة تقول على واحد دة شكله حلو ترد البنت اللى جنبها يا شيخة دة بكرش واقرع ههههههه
سواء الرجل او المراة من حقهم يختاروا شريك حياتهم اللى يسر عينهم

واخيرا
تخيروا لنطافكم فأن العرق دساس

لا دى مش فاهمها خالص ... سهلها شويةيا استاذ ميزو

انا معترض على اننا نربط التدين بالجمال ... مش شرط علشان تكون متدينة انها تكون مش حلوة او على الاقل الاقى فيها القبول اللى يرضينى زى ما المفروض تلاقى فيا القبول اللى يرضيها غير كدة ندور على واحدة تانية يكون ليها قبول وفى نفس الوقت متدينة ولا هم قليلين اوى كدة وشاحين فى السوق
شوية اسألة لحضرتك
ايه لازمة النظرة الشرعية ؟؟؟؟؟
ايه هو التدين من وجه نظر حضرتك ؟؟؟ علشان اوضح اكتر ( التدين دة درجات ) فا من وجه نظرك تدين المراة دة شكله ايه
سؤال موديل 2012 ماكنش موجود من 11 سنة .... ايه رايك فى التمثيل ؟؟ تمثيل التدين ؟؟ تمثيل الاخلاق ؟؟ تمثيل الادب ؟؟ وبعد الجواز كله بيظهر على حقيقته اذا ما ظهرش قبل الجواز
عايزين نصيحة من حضرتك للنقطة دى
ايه رايك فى المجتمع اللى احنا عايشين فيه ؟ ومقارنة كدة من حضرتك بين دلوقتى و 11 سنة فاتو قبل ما حضرتك تتجوز
وربنا يحفظك يا رب ويحفظ اسرة حضرتك الكريمة ويباركلك فى حياتك الزوجية
اوعوا يكون فيه كلام فى المشاركة يتفهم غلط انا راجعتها لو في حاجة عايزة يتوضح قصدى فيها قولوا :b4_611:

[mezo73]

الرابط دة فية تفسير الحديث اللي انت ماعرفتوش
[url=http://www.islamweb.net/consult/index.php?page=Details&id=278310]

[shaddadfalcon1]

مش عارف لية انا هاشارك في الموضوع دة
يمكن عنوانة استفزني
علي العموم انا متجوز من 11 سنة يعني الحمد لله قربت اخرج في نص المدة
المهم انا قريت تعليقات طريفة جدا بس وراها زهق وملل ومصاريف وطبعا كل واحد لما يجيب تورتتين كل شهر اكيد يفكر يفتح محل حلويات اسهل

انا تقريبا مش هاديكو نصائح
بس هاسألكوا بعض الاسئلة لو جاوبتوا عليها ممكن ساعتها تعرفوا انتوا عايزين اية
لو ان واحد اتجوز واحدة جميلة جدا هل بكدة تكون اتحلت كل مشاكلة
وطلعت مابتعرفش تطبخ وبتنام للعصر وعاوزة تقضيها ازي الحال
طب ولو اتجوزت واحدة متدينة وهاتحافظ علي بيتك حتي لو انت غبت عشر سنين وتحافظ علي اولادك حتي لو مش جميلة ازي الحال

طيب لو سيادتك حصلك حاجة لاقدر الله هاتقف جنبك وتساعدك ولا هاتطلب الطلاق ولا هاتمشي علي حل شعرها يبقي ازي الحال
طيب انت بصيت في المراية هل انت توم كروز مافيكش اي عيوب خالص
واخيرا
تخيروا لنطافكم فأن العرق دساس

ماهي المشكله ان اغلب الجيل الجديد الشباب الولاد عايزين حاجه كامله من مجاميعه
فابريكه اوتوماتيك تقفيل الماني رفاهيه امريكي اقتصاديه ياباني رخص صيني :)

[amr.elsayed]

هو اللى مكتوب فى اللينك انه مش حديث لرسولنا الكريم صل الله عليه وسلم

عايز اوضح حاجة انا متفق معاك فيها ان الاصل فى الاختيار هو التدين والاخلاق وبعديها يجى حاجات كتير تانية اقل اهمية
ومنها الجمال والقبول والحسب والمستوى الاجتماعى والمستوى الدراسى ووووو ... وعلى الرغم انها اشياء اقل اهمية الا انها لازم تتحط فى الحسبان
ودة جزء من اللينك اللى حضرتك تفضلت واشرت اليه بيثبت نفس الكلام

والمقصود أن المعيار الحق في الزوجة الصالحة وكذلك في الزوج الصالح هو (الدين المستقيم والخلق الحسن)، وما سوى ذلك من الأمور كالنسب والمال والجمال والمستوى الدراسي والاجتماعي ونحوها من الأمور التي قد يحرص عليها بعض الناس فلا مانع من رعايتها ولكن بشرط ألا تكون هي الأصل، فلو قدر وجود فتاة صاحبة دين ولكنها ليست صاحبة نسب وأخرى صاحبة نسب وليست بصاحبة دين فإن المؤمن يقطع بالزواج من صاحبة الدين، ولو كانت ليست بصاحبة نسب إذا لم يجد سبيلاً إلا بين هذه أو تلك، وكذلك المرأة الصالحة فلو تقدم إليها رجل نسيب شريف في قومه وكان ناقص الدين أو الخلق وتقدم إليها رجل صالح صاحب دين وخلق ولكنه دونه في النسب ولم تجد سبيلاً إلا بينهما فإن المؤمنة تقطع باختيار صاحب الدين، وهذا أمر ينبغي التوسط فيه، فليس هو بالمعيار الذي يقيم به الإنسان! وفي نفس الوقت ليس بالمهدر الذي لا اعتبار له، بل هو معتبر ولكن بحسب المقدور عليه وبحسب ما اعتاد عليه الناس من هذا الشأن، فبهذا يحصل التوسط المقصود، ولذلك كان أصح أقوال أهل العلم - عليهم جميعًا رحمة الله تعالى – .

أن الكفاءة في الزواج إنما هي سلامة الدين والسلامة من العيوب القادحة من جنس الأمراض التي أشرنا لبعضها، فخير ما يكون للإنسان في هذه الحالة هو السعي في طاعة الله وذلك بالظفر بوصية النبي - صلى الله عليه وسلم - : (تنكح المرأة لأربع: لمالها ولجمالها ولحسبها ولدينها، فاظفر بذات الدين تربت يداك) متفق على صحته. وخرج مسلم في صحيحه عن النبي صلى الله عليه وسلم أنه قال: (الدنيا متاع وخير متاعها المرأة الصالحة). وخرج ابن ماجة عن النبي - صلى الله عليه وسلم – أنه قال: (ما استفاد المرء بعد تقوى الله خيرًا من امرأة صالحة إذا نظر إليه سرته، وإذا أمرها أطاعته وإذا أقسم عليها أبرته وإذا غاب عنها حفظته في نفسها وماله).
ونسأل اللهَ عز وجل أن يشرح صدوركم وأن ييسر أموركم وأن يجعلكم من عباد الله الصالحين وأن يوفقكم لما يحب ويرضى.

عايزين بس نرتب افكارنا علشان ما نختزلش الزواج فى فئة معينة من البنات فى زمن ربنا العالم باحوالنا خاصتا فى جزئية التدين
ويا ريت حضرتك ترد على اسألتنا .. التدين دة شكله ايه ؟ بتصلى مثلا ؟؟ بتصوم ؟؟؟ منقبة ؟؟؟ بتتكلم بقال الله وقال الرسول ؟؟؟
....................
بجد انا بدأت اشفق على الشباب اللى عاوز يتجوز ... المجتمع ممشى البنات فى الشارع كلها لابسة باديهات وبانطلونات محزقة وملزقة
ويطلب من الشاب انه يتجوز المتدينة ... ايوة المتدينة دى نعرفها ازاى ؟؟؟؟ اى واحدة منقبة مثلا ؟؟؟ بيكونوا موجودين فييين دوول ؟؟؟ .. وسالتك ايه رايك فى اللى بيمثلوا التدين علشان يتجوزو وفى اول موقف تلاقيها تحولت ؟؟؟
..................
طالما عايزين توجهوا الشباب للجهة الصحيحة يبقى تكلمونا على المجتمع اللى احنا عايشين فيه
اومال الشباب اللى بيتكلموا عن الروسيات وبيتمنوا يتجوزوا منهم دول .. ليه بيقولوا كدة ؟
علشان بيلاقوا بناتهم تدين وجمال وتقديس للحياة الزوجية ... هم متربين على كدة
يا استاذ ميزو .. احنا فى زمن البنت بتبقى محجبة و الواد ماشى جنبها ماسكها من وسطها فى نص الشارع
يبقى المجتمع بيعمل ضغط على الشاب ويقولوا اتجوز المتدينة وهو مش عارف اصلا المتدينة دى يعرفها ازاى
اصلها مش بالمظاهر ولا بالحجاب ولا بالنقاب ... احنا لا نملك الا اننا ندعو الله بان يرزقنا بالزوجة الصالحة وهو واحده القادر على قبول الدعاء

[amr.elsayed]

ماهي المشكله ان اغلب الجيل الجديد الشباب الولاد عايزين حاجه كامله من مجاميعه
فابريكه اوتوماتيك تقفيل الماني رفاهيه امريكي اقتصاديه ياباني رخص صيني :)

هى فين الفبريكة دى .. لعلمك بقى كلها الايام دى رشة دواخل
فين الاوتوماتيك دى ... دى كان زمان موجود بوفرة لكن دلوقتى كله استبترونيك تحسسك انها اوتوماتيك وبعد الجواز تكتشف انك لازم انت اللى تنقل هههههه
تقفيل المانى ... بلاش نتكلم على التقفيل المصرى كله عارفه
رفاهية امريكى ... يا عينى عليك يا شاب يا مصرى حتدفع تمن عربية فورد وفى الاخر تستلم عربية 128 بس ايه زيروووووو
اقتصادية يابانى ... هى فين الاقتصادية دى بتغير زيت كل يوم
رخص الصينى ... رخص ايه بالظبط no comment يا شداد
.......................
شداد حبيب قلبى وا/ ميزو اخونا الاكبر
انتوا عايزين توصلوا لايه بالظبط ؟؟؟؟؟؟
وربنا يباركلكوا فى حياتكم ويحميكم يا رب ويسعدكم فى حياتكم عامتا والزوجية خاصتا

[د.محمود صلاح]

اريح حاجة شوفتها في عمان هنا الجواز ...

بيكونوا متفقين تقريبا من الصغر ... ومصايف الفرح بيلموها من بعض ( القبيلة او الأسرة )

والمهر بيتقسط على افساط ( شرط ما تنقلهاش بإسمك ع البطاقة إلا لما قسط المهر يخلص والله العظيم )

السكن في بيت الاسرة غالبا ...

السن مبكر للإثنين ,,,

يخلف زي ما هو عايز هيلاقي :- مستشفيات مجهزة - مدارس وتعليم - خدمات ومرافق ... تامين اجتماعي

[mezo73]

عايزين بس نرتب افكارنا علشان ما نختزلش الزواج فى فئة معينة من البنات فى زمن ربنا العالم باحوالنا خاصتا فى جزئية التدين
ويا ريت حضرتك ترد على اسألتنا .. التدين دة شكله ايه ؟ بتصلى مثلا ؟؟ بتصوم ؟؟؟ منقبة ؟؟؟ بتتكلم بقال الله وقال الرسول ؟؟؟
....................
بجد انا بدأت اشفق على الشباب اللى عاوز يتجوز ... المجتمع ممشى البنات فى الشارع كلها لابسة باديهات وبانطلونات محزقة وملزقة
ويطلب من الشاب انه يتجوز المتدينة ... ايوة المتدينة دى نعرفها ازاى ؟؟؟؟ اى واحدة منقبة مثلا ؟؟؟ بيكونوا موجودين فييين دوول ؟؟؟ .. وسالتك ايه رايك فى اللى بيمثلوا التدين علشان يتجوزو وفى اول موقف تلاقيها تحولت ؟؟؟
..................
طالما عايزين توجهوا الشباب للجهة الصحيحة يبقى تكلمونا على المجتمع اللى احنا عايشين فيه
اومال الشباب اللى بيتكلموا عن الروسيات وبيتمنوا يتجوزوا منهم دول .. ليه بيقولوا كدة ؟
علشان بيلاقوا بناتهم تدين وجمال وتقديس للحياة الزوجية ... هم متربين على كدة
يا استاذ ميزو .. احنا فى زمن البنت بتبقى محجبة و الواد ماشى جنبها ماسكها من وسطها فى نص الشارع
يبقى المجتمع بيعمل ضغط على الشاب ويقولوا اتجوز المتدينة وهو مش عارف اصلا المتدينة دى يعرفها ازاى
اصلها مش بالمظاهر ولا بالحجاب ولا بالنقاب ... احنا لا نملك الا اننا ندعو الله بان يرزقنا بالزوجة الصالحة وهو واحده القادر على قبول الدعاء

يا عمرو ياحبيبي الله يباركلك انا خلاص هاموت من الضحك من الردود اللي قريتها
انا من ساعة كتبت رد طويل ولكن للاسف دوست علي اعتماد المشاركة الموضوع راح
وعلي فكرة انا مزعلتش خالص من كلامك لان انا شاعر جدا بمخاوفك من المستقبل والاختيار
وبما اننا في منتدي للسيارات فكل التعليقات عبارة عن تشبية بالعربيات فأكيد مفيش واحد هايتجوز وبعد شوية يروح لحماة ويقولة اصل جربتها ومعجبتنيش ومش مشكلة خد الشرط الجزائي
انا متفق في كثير مما ذكرت
احنا من البداية عندنا مشكلة اخلاق ولازم كلنا نعترف بكدة
التدين مش لبس النقاب ولا اللي مش مدينة بتكون مش محجبة
بمعني انة لايوجد شيئ مطلق مش كل الناس كويسة ومش كل الناس وحشة
ممكن يكون اهلي كويسين واخواتي كويسين وانا اكون مش كويس
موضوع التمثيل انا متأكد انة موجود بس اكيد لو انت صادق مع نفسك في الاول وصادق مع الغير اكيد ربنا هايوفقك للناس اللي زيك
انا غير متفق في موضوع الروسيات دة اطلاقا او الاجانب بشكل عام
وانا ماكنتش اقصد ان المتدينة هاتكون وحشة مطلقا بس انا كنت بأشير للاولويات
وانا اؤكد لك ان في بنات كتير كويسين وبيخرجوش من بيوتهم غير علشان الشغل او الكلية او لشراء الاحتياجات
دائما السلع الرخيصةهاتلقيها علي الرصيف بتتباع انما السلع الغالية موجودة في اماكن معروفة في البيت
بص حوليك شوف مين من اصحابك كويس بجد هاتلاقي اختة كويسة او اخت مراتة كويسة او بنات في العيلة عندكوا مثلا
نصيحة اولا كن صادق مع نفسك في البداية وصادق مع الله ربنا اكيد هايكرمك
يعني كنت راجع من اسكندرية ولقيت واحد راكن في الظلام وقفت لة ونزلت اسءلة عاوز حاجة لقيتة مرتبك وواحد ابن حلال مركبلة مسمار في الفردة مقاس مختلف ومفتاح العجل اللي معاة مفيهوش المقاس دة وعملتهالوا انا مش عارف لية انا وقفتلوا لان بكل المقاييس ماحدش بيقف لحد دلوقتي بس اكيد هو كويس فربنا بعتني لية
ثانيا كلنا نعرف الفرق بين الرث والثمين واين يوجد كل منهما
لان الزوجة كا الارض وانت كا البذرة فأذا وضعت بذرة جيدة في ارض بور لن تنبت واذا كانت الارض جيدة سوف تنبت شجرة مثمرة
ثالثا بعد مرور الاعوام علي الزواج نظرتك هاتختلف تماما ليس كل شئ الجمال وانما الاخلاق الحميدة والعشرة الطيبة والزوجة المطيعة الغير متسلطة التي تعينك في السراء والضراء
رابعا فالننظر جميعا الي امهاتنا ليسوا الاجمل علي الاطلاق ولكننا نحبهم ونجلهم ليس لجمالهن ولكن لحسن تربيتها لنا وما اكتسبت من متاعب حتي صرت رجلا
اللهم ارحم ابواي كما ربياني صغيرا
خامسا المتدينة ستجدها وقورة لديها حياء لاتمشي تتلفت وتنظر الي الرجال تلبس الحجاب عن اقتناع وليس لتاري عيب في شعرها او ان ابوها فرض عليها الحجاب ستجدها تصلي دونما يقول لها احد صلي
سادسا عندما تذهب الي اي بيت لرؤية عروسة انظر الي الاب وكيف تعاملة الزوجة فاذا كانت الام مطيعة لزوجها فاعلم ان البنت ستكون علي شاكلة امها
سابعا ودي حاجة غلسة جدا عاملة زي موضوع انك تاخد البندق وتقولها اكسريلي واحدة علشان تشوف اسنانها كويسة ولا مركبة طقم هههه
يجب ان تجعل هناك مقابلة بين العروسة واختك مثلا او والدتك لتراها بدون حجاب لان زي ماقولتلك في مشاكل ممكن واحد عندها مشكلة ومش باينة من الحجاب
كما ارجو ان تطلب دخول الحمام فاذا وجدتة نظيف فاعلم انة سيكون بيتك مثلة

واخيرا ادعوا الله لك ان يوفقك ويرزقك الزوجة الصالحة انت وكل من لم يتزوج بهذا المنتدي واللي اتجوز هاقولة اوعي تتجنن وتعملها تاني