الي عاوز عروسة جميلة ؟؟؟ يخش هنا !!!

[me_medoo]

واللهِ يانجم انا عذرك ... أنتا باين عليك أنتا كمان بتتفرج على مسلسلات تركي كتير وفيديو كليب ...



ماهي هنا الكارثة بجد ... المشكلة الواحد بيفتح التلفزيون ويتفرج على النسوان في التلفزيون ، ويقعد يمخ مخ الاخ ويقعد يختار كده ... أه انا هتجوز جومانا ... لالالالالا لميـس أحلى ، لالالالالا ولا أقولك انا عاوز وحده شبه نـــــــــور ، أو بص بص أنا عاوز وحده فيها من نانسي كده أو جيه على هيفاء شوية ...
ويندمج المسكين مهع احداث المسلسل ... ويفتكر أنو بيتفرج على أعلان ستات ... كأنو بيتفرج على أعلان عربيات ويقعد يحلم مره بحته بي أم أو مره بحته هونداي ... او حته شوفارليه ... لكن في النهاية لمن يجي يصطدم في الواقع يلاقي نفسو مش هيقدر يحصل غير حته فيت أو حته 128 ... حتى مش قادر يجيب حته لادا كده ؟؟؟

كذالك هو الحال ... يجو أهلو يقولوا تعاله في عروووسة جميلة وروعه يروح يبص عليها يلاقيها عروسة 128 أو ززتافه قديمه ... ويذهل الشاب ويقول أيه دي يمه هيا دي العروسة الي جيبهالي دي محصلتش 128 دي بولنيززززززز يمه ... مفهاش ثبات ولا أوبشن ولا أي حاجة ... وياريت هقدر أغيرها بعد كده لمن ربنا يكرمني بقرشين ... الا هلاقيها تلزق في ارابيزي ... ومفيش المشكلة شركات او معارض تاخود مني قرشين وأزود عليها وأجيب حاجة أحلى أو حاجة أجدد ... ومن هنا يصطدم الشاب بالواقع المرير ، وتلاقيه منفصل عن أهلو تماماً ... ويبقى الشاب في وادي وأهلوا في وادي تاني ... هما عوزين يفرحو بيه ويجوزوه ... وهو مش ملاقي الف به الجمال في البنت الي أختروهالوا ... لأنو بيعمل مقارنة على الحجات الي بيشوفها في التلفزيون ، طيب هيعمل أيه المسكين ، ماهو كمان عندو مستوى معين للجمال وأبشن معينه مينفعش يقل عنها ... وتلاقي مامتو ياعني مكسوفه تقول لبنها ... يابني يا حبيبي هو ده الي موجود في مصـر يا كبد أمك ، يابني يا حبيبي أجبلك وحدة شبة نانسي عجرم مين بس ؟؟؟ أضربلك على الارض يعني وأطلعلك بطيخ ؟؟؟ولا أحجزلك على أول طيارة رايحه لبنان تروح تسافر تجبلك عروسة من هناك وتيجي ؟أه منتا أصل أول ما هتسافر لبنان هناك هتلاقي بنات مترميه في الشوارع كده وأي وحده تقلها أنا مصري هتقولك مصري واااااااو فرعون صغير !!! يالله بينا نتجوز !!! وااااو وهتخودني على مصر كمان ؟ انا من زمان نفسي اروح ايجبت واتفرج على كايرو ... واشوف الاهرمات !!! وانتا تسرح بيها وتقلها ده انا هوريكي الاهرمات وأبو الهول كمان وهوديكي على الكورنيش وأركبك مركب في النيل وأخدك على أسكندرية وأفرجك على بيـر مسعود ؟
وهيا تقلك : شووو شووو هيدا يا ألله بير مسعود واااو أنا من زمان بـسمع عنو ... وراح تطعميني جلاتي كمان على الكورنيش ؟ وأنتا تقلها رايح أطعميكي زلبية ولقمت القاضي وجلاتي وبطااطا وتيرمس ولب وسداني كمان لو حبيتي .
يابني يا حبيبي عيش عيشت أهلك والحب بيجي بعد الجواز ؟؟

الله يخرب بيت الدش والستاليت ألي لحس عقول الشباب ، وخلاهم مضربين عن الجواز ... يعني أنتو ياشباب فكرين البنت اللبنانية هتقدر تيجي تستحمل العيشة هنا في مصـر ولا حتى هتقدر تصرف عليها ، مالها يعني البنت المصرية صبورة وهادية وحمالت أسيــــــــــة ، وتشقى وتتعب معاك ومبتهنجش ... تماماً زي أريكسون 688 بتاع زمان فاكرينو كان يوقع من الدور التالت من جيبك في البلكون وتنزل تجيبو وتتكلم فيه عادي ولا كأنو حصلو حاجة ... مش زي البنات التانية النوكيا أول مايقع بس من جيب البنطلون على الارض هبا جبلك شاشة (والشاشة أتكسـرت ) وبطل يشتغل ... مالها البنت المصرية بس ... أهي بتستحمل الشقى والاستخدام ، وصدقوني اللبنانيه مش هتستحمل معاك وهتهنج بسرعة لمن تأكلها كل يوم فول وطعمية ... فول وطعمية ومسقعة ... هتلاقيها هنجت معاك وفيسط كمان ، لأن دول مش زينا البنات بتوع بره دول تلاقيها يفطروا قشطة بالعسل مربه فواكة شوية زعتر بزيت الزيتون على حتت لبنة بيض امليت كده ... مش بيفطرو فول وبالزيت الحاااااااااااااااااااار على الصبح .

انا بقول الكلام ده لأخويا الصغير ... الي عاوز ومحكم راسو انو يسافر بأي شكل بره مصر علشان يتجوز تقلش رايح مسافر يتعالج بره مصر علشان يعالج حالتو المستعصية ... وبقول الكلام ده لكتير من الشباب أخواتي الصغيريين الي مضربين عن الجواز في مصـر ... وأقلهم أرحموا أهاليكم يرحمكم من في السماء ومتعزبوش أهاليكم معاكم أرجوكم !!!

[تامر.محمد]

ههههههههههههههههههههههههههه الابتلاء الاكبر

[me_medoo]

ههههههههههههههههههههههههههه الابتلاء الاكبر

أه واللهِ يا بشمهندس تامر ... فعلا ً أبتلاء من رب العالمين ... والمشكلة في منهم الي يقلك لا انا هنزل أمشي في الشارع وأدور كده على بنت حلوة بنفسي ... طيب بالله عليك لو شفت بنت حلوة وماشية في الشارع هتقولها أيه ولا هتعمل أيه ، هل ياترى كل ما هتشوف بنت حلوة هتلحقها كده لغاية باب بيتهم ... يبقى كده أنتا محتاج محطة بانزين موبيل اون ذا رن ... وتاخود اجازة من الشغل سنة بدون مرتب ...

ولا لمن تشوف بت حلوة كده تقوم محضن عليها بعربيتك وتقولها توصيلة ياقمـر ... رايح فين يا جميل ... طيب أنتي مخطوبة أو مرتبطة ؟؟؟ ردي عليا انا قصدي شريف ؟
هههههههههههههههههههههههه

ومنهم واحد من الشباب بيقلي يا سلام لو كنا زي الهند قلتلوا أزاي يعني قالي يعني لو البت الي مش متجوزة تحط على أورتها أو جبينها نقطة خضرة والبت المتجوزة تحط على جبينها نقطة حمرا علشان الناس تعرف انها محجوزة !!!! هههههههههههههههه مكنش يتعز وكانو خرطوه للوز ياروح قلبي . وفي منهم بعض الشباب الي بيشتكولي وبيقولولي انا هتجنن يأخي ... قلتلو خير فيه أيه ؟ قالي يا أخي كل البنات لابسه خواتم في صوابعها ومبتبقاش عارف مين المخطوبة من مين الي متجوزة ... ومبتباقش كمان عارف دبلة الخطوبة او الجواز من خواتم الاكسسورات الي لابساها البنت ... هااهااها طيب انت يا حدق حتى لو عرفت انها مش مخطوبة ... أنتا يا حلوو هتعمل أيه ؟؟؟ هنا بقى السؤال ؟ هل ياترى هتلحقها ولا هتكلمها ولا هتعاكسها ؟؟؟

[koshary]

ياميدو والله مصر فيها بنات زي القمر بس انا شايف المشكلة الاكبر فى الماديات وانت عارف الحموات بنتى لازم تخش ل احدث غساله ولازم سنتين على مانجهزها ونروح نجيب العفش من دمياااااط وسنين دمياط اللى اقل اوضة نوم ب ببببببببببببببببببببببب 15 الف ولو لقيتها الشباب يجيب منين يعنى والله ياكبير البنات عندنا زى القمر وكويسين بس المشكله كلها فى الماديات والطلبات اللى لا ليها اول ولا اخر بنات بره دول اول ما بيؤمرو بحاجه بتلاقى عندهم الى هما عايزينو يطلبو 500 ياخدو الف انما عندنا البنات غلبانه عاوزين يعيشو

[me_medoo]

كان زمان فتحت شركة جديدة جمب الشغل عندنا ... وجابو حتت دين بت فيها سكرتيرة ... أنما أيه فرز أول عينها لوحدها حكايه حدوته كده لوحدها ، يعني كفايه تصحى كل يوم من النوم وتبص في وشها علشان تحس بالانتعاش قبل ماتروح الشغل ... ولقيت حتى الموظفين بقو يستأذنو بدري علشان يلحقو الميكروباص الي هتركبو السكرتيرة دي ... وكل مايجيلي حد عاوز يستئذن من الشغل ويطلع بدري شوية بحجة أمو تعبانه ولا أبوه هيولد أقولوا أأأأأأأأأأأأأأأأأأه تبقى رايح تستنى سوسن يا حلو ... أقعود ياولة مفيش خروج قبل مواعيد نهاية العمل الرسمية ... وأحس أن الموظفين عندنا بقو هيتشلو الكل عاوز ينصرف من الشغل مع أنصراف سوسن ... ده حتى تبص تلاقيهم وقفين كلهم عندنا على شبابيك الشركة عندنا بيتفرجو عليها وهيا واقفه مستنية الميكروباص .

بقيت هتجنن مش عارف اعمل ايه ... أديهم خصم ولا أرفدهم ولا أمنعهم بالقوة ولا أفيم شبابيك الشركة عندنا ، ولا أقفلها خالص .

حتى أقترحت على صاحب الشركة اننا ننقل مكاتب الموظفين الناحية التانية خالص بعيد عن الشارع ... وكلو علشان خاطر سوسن هانم ... لكن صاحب الشركة قالي ماهو كده وقت خروج سوسن ... هتبص تلاقي كل الموظفين سايبين شغلهم ويستئزنوا ويقلولك عاوزين نروح الحمام ... فقلتلو احنا نمنع دخول الحمام من الفترة مابين الساعه اتنين لتلاته ... بقينا هنتجنن نعمل أيه في ست سوسن الي مجننة موظفين الشركة عندنا والمكاتب والشركات الي حولينا ... وكل شوية ملقيش موظف اسئل عليه يقولولي طلع بره يشرب سيجارة وجي على طول ... نص ساعه ياراجل يامؤمن بيشرب سيجارة وحبكت يعني ما يشربش السيجارة غير قدام باب الشركة بتاعت ست سوسن ... لمات بقينا هنتجنن !!!

[me_medoo]

ياميدو والله مصر فيها بنات زي القمر بس انا شايف المشكلة الاكبر فى الماديات وانت عارف الحموات بنتى لازم تخش ل احدث غساله ولازم سنتين على مانجهزها ونروح نجيب العفش من دمياااااط وسنين دمياط اللى اقل اوضة نوم ب ببببببببببببببببببببببب 15 الف ولو لقيتها الشباب يجيب منين يعنى والله ياكبير البنات عندنا زى القمر وكويسين بس المشكله كلها فى الماديات والطلبات اللى لا ليها اول ولا اخر بنات بره دول اول ما بيؤمرو بحاجه بتلاقى عندهم الى هما عايزينو يطلبو 500 ياخدو الف انما عندنا البنات غلبانه عاوزين يعيشو

حبيب قلبي كوشري باشا ... انا بضم صوتي ومعلقتي ليك يا غالي ههههههههه ... فعلا ً بناتنا غلابة بجد ... وعوزين يعيشو ... نفسهم يتجوزوا زيهم زي أي بنت في الدنيا ، وتلاقي البت من طقاقها شايفها زميله مش راضي يفاتحها في الموضوع تقوم البت تقعد تلمح لزميلها يمكن يشد حيلوا شوية ويصارحها ويفاتحها بالموضوع ، وتيجي تقول لزميلها أنا في عريس متقدملي أيه رأيك ... على أساس أن زميلها يغار ويقلها لالالالالالالالالا أوعي تتجوزي انا عاوز أتقدملك ... بس تكتشف ان الافندي يقلها بجدددددد ألف ألف مبروووك واللهِ فرحتلك من كل قلبي . هههههههههههههههههه .

وتلاقي الواد جبلة ... لا حياة لمن تنادي ... فتقوم البت تقعد تفكر كده وتقول لنفسها اللهم طولك ياروح على هذا اللوح يمكن مكسوف انو يقولي انا عاوز أتجوزك بس امكانياتي مش مساعده ؟ طيب خلينا أسهلهالوا أكتر وأبسطهالو لومعاك طبق كشري وجيت خدت منو معلقه هتحس بحاجة ؟ ههههه زي فيلم غبي منو فيه ؟ وتبسطلو الموضوع أكتر وأكتر وأكتر وترميلي كلمة كده في وسط الكلام قال يعني بهزار ... طيب ما تيجي يا فلان نتجوز وتتقدملي ... فتلاقي الواد وقف زي الجبلة !!! مصدوم أنو أزاي بنت تتقدملو وتطلب أيدو ، يقوم الواد العبقري على طول البروسيسور بتاعو يشتغل والرمات بتاعتو تهنج ويقلها لا اصلي مبفكرش دلوقتي في الجواز (أحنا الي بينا صداقة بريئة وأحنا مجرد زمايل في الشغل وبس ) وكل فكروا انها رمت نفسها عليه وعاوزة تجوزوا وخلاص ... فعلاً حاجة غريبة ....

[Screenplays]

و الله الاهالي هما اللي تاعبين نفسهم علي الفاضي

[me_medoo]

و الله الاهالي هما اللي تاعبين نفسهم علي الفاضي

انا معاك واللهِ ... بس أحنا بجد نفسنا نفرح بشببنا وبأخوتنا ... وكمان عاذر الشباب ، يعني هما لقو حاجة عدلة ولا عليها القيمة وقالوا عليها لألألألأه .

منو لله يسوف بطرس غالي ... من ساعة ما دخل المواد المسرطنة للبلد والبنات عندنا بقت متسرطنه كده ، والزيت والسمنه المخشوشة واللحمة المجمدة والجبنه واللبن المغشوش والمعلبات الي كلها أمراض .

مستويات الجمال قلت عندنا جداً في مصر ... وتدنت لأبعد مدى ، وتلاقي بنت جميلة من أصل عشرة طالعه كده بالغلط طفرة جينية ... وبالذات في العاصمة (القاهرة ) وسط التلوث والدخان والامراض ... والي يجننك أنك بجد بجد لو عاوز بنت مصرية لسه بخيرها مش هتلاقيها غير في الارياف والاقاليم ... تلاقي البت هناك زبـــــــــــدة مربــــــــــة كده حتت غباشة بالقــــــــــــشطة ، ليه لأن البنات هناك عندهم تلاقيها متربية على السمنـــــة البلدي ورغيف العيش البتاااااو والفواكة والخضرة النضيفة ... الطـــــــــــــازة ...

بس المشكلة ... أزاي أنتا كشاب هتتجوز بنت جية من ورى الجاموسة ... هو صحيح ان الجاموسة كلها خيــــــرات وغزى ... بس هتبص هتلاقي في فرق في السرعات سيدي الرئيس ، وانتا من مجتمع وهيا من مجتمع تاني خالص ... وصحيح أن في كتير من الفلاحين بقو مثقفين ومتحضرين ... بس هتبص تلاقي أبوها وأمها لمن يجو يزوروك أبوها شايل قفص فراخ وبط وز فوق راسو وأمها واقفه تغرطلك كده على سلم العمارة ... ويافضحتك وسط السكان والجيران .

اللون الاحمر مخصص فقط للمداخلات الاشرافية

مشرف 3ب

[ahmedeihab]

هههههههههههههههههههههههههههههههههههه طريقه سردك للكلام
موتتنى من الضحك و تشبيه البنت المصريه بلعربيه حماله القسيه هى فعلا كده
ههههههههههههههه بس الواحد بيبقى محتاج التكييف يطرى على قلبه شويه
يعنى ليه اركب لادا و انا فى ايدى اركب هوندا
عندى الحل
خدواحده وواحده هديه شبه انجلينا جولى
لو عندك الحل ده انا موافق معاك
لان الشباب اللى عايز يتجوز دلوقتى
عايز من ده واحده شبه انجلينا جولى وواحده شبه مراته الاصليه
هههههههههههههههههه
^_^

[me_medoo]

هههههههههههه حبيب قلبي يا أحمد ، وأنجلينا جوليا دي بأه هتلاقيها فين في شارع جامعة الدول ... ولا في سيتي ستار مول ههههههههههههه والنبي والنبي أذا لقيت وحده شبة أنجلينا جولي أبقى لاغيني علشان انا نفسي في وحده كده أنجلينا ... أو أقلك ياباشا خود أنتا أنجلينا وسيبلي جولي ههههههههههههههه

[تامر.محمد]

أه واللهِ يا بشمهندس تامر ... فعلا ً أبتلاء من رب العالمين ... والمشكلة في منهم الي يقلك لا انا هنزل أمشي في الشارع وأدور كده على بنت حلوة بنفسي ... طيب بالله عليك لو شفت بنت حلوة وماشية في الشارع هتقولها أيه ولا هتعمل أيه ، هل ياترى كل ما هتشوف بنت حلوة هتلحقها كده لغاية باب بيتهم ... يبقى كده أنتا محتاج محطة بانزين موبيل اون ذا رن ... وتاخود اجازة من الشغل سنة بدون مرتب ...

ولا لمن تشوف بت حلوة كده تقوم محضن عليها بعربيتك وتقولها توصيلة ياقمـر ... رايح فين يا جميل ... طيب أنتي مخطوبة أو مرتبطة ؟؟؟ ردي عليا انا قصدي شريف ؟
هههههههههههههههههههههههه

ومنهم واحد من الشباب بيقلي يا سلام لو كنا زي الهند قلتلوا أزاي يعني قالي يعني لو البت الي مش متجوزة تحط على أورتها أو جبينها نقطة خضرة والبت المتجوزة تحط على جبينها نقطة حمرا علشان الناس تعرف انها محجوزة !!!! هههههههههههههههه مكنش يتعز وكانو خرطوه للوز ياروح قلبي . وفي منهم بعض الشباب الي بيشتكولي وبيقولولي انا هتجنن يأخي ... قلتلو خير فيه أيه ؟ قالي يا أخي كل البنات لابسه خواتم في صوابعها ومبتبقاش عارف مين المخطوبة من مين الي متجوزة ... ومبتباقش كمان عارف دبلة الخطوبة او الجواز من خواتم الاكسسورات الي لابساها البنت ... هااهااها طيب انت يا حدق حتى لو عرفت انها مش مخطوبة ... أنتا يا حلوو هتعمل أيه ؟؟؟ هنا بقى السؤال ؟ هل ياترى هتلحقها ولا هتكلمها ولا هتعاكسها ؟؟؟

للأسف مالهاش حل الا التدوير , و المعادلة في الحقيقة صعبة لأنها لو على الشكل بس مسيرك هتلاقي خامة تصلح هههههههههههههههه , لكن المشكلة ان الشكل عامل من عوامل بتعوز معاه حاجات تانية كتير جدا اصعب

[me_medoo]

للأسف مالهاش حل الا التدوير , و المعادلة في الحقيقة صعبة لأنها لو على الشكل بس مسيرك هتلاقي خامة تصلح هههههههههههههههه , لكن المشكلة ان الشكل عامل من عوامل بتعوز معاه حاجات تانية كتير جدا اصعب

أه والله يا بشمهندس تامر ... اهو المشكلة فعلاً في العوامل التانية دي ... أقبل ما أتجوز ، أيام زمان ... كنت مقضيها في الجامعة كده شباب وخروج وفسح ورحلات الجامعة ... أني أنمر على وحده ولا أعرف أنشن لأ أبداً ... وعدت الجامعة وخلصتها والحمدالله خلصت جيش وقمت قاعدت في بيتنا سنتين تلاته كده واخد أجازة من الجيش والجامعة بعد سنين التعـب والهلاك وشدة أعصاب أيام الامتحنات والسمر كورس ... ودور أغسطس الي دايمناً لازم أكون مسجل فيه و طالع بمادة أو مادتين مفيش مره أطلع صافي كده ...

وفعلاً ربنا مهدنيش ولا اتوفقت في حياتي غير لمن أتجوزت وربنا هداني ... وأستقريت ... وربنا رزقني بولد وبنت .

ولمن نويت فعلاً اتجوز دخت السبع دخات ورايح جي بصنية البسبوسة وعلبت الشيكولاته ...

وحده ياسيدي تلاقيها جميلة ومحترمة وأهلها أعوذ بالله من الشيطان الرجيم حاجة تفرح وتشرف .

ووحده تلاقي أهلها زي الفل وأبوها حتت سكرة زي البلسم يتحط على الجرح يبرا ... بس تلاقي البت مضروبة بشلة في وشها .
ووحده أهلها جمال وهيا جميلة بس أمها أجارك الله ولا الشويش عطية . وقفالك على الوحده وعملالي حما وانا لسه مقرتش الفتحة حتى على بنتهم . وترميلك كلام ملهوش لازمة من تحت لتحت ، من نوع الكلام الي يفقع المرارة .

ووحده رابعه بقة تبقى البت أدب وجمال وأخلاق وأهلها فوق الوصف رووعة بس تلاقي في البت عرق هبل أو سنه لاسعة أو صواميل مخها مفوته ... ودي مينفعش توديها عند عبشجي يربط صواميل مخها خالص . هيا كده عجبك على كده خدها ... هيا البت نزلة بعيب صناعة وبره الضمان وملهاش وكيل في مصـر . البت في البلوظة خالص .ههههههههههه

ده انا افتكر مره الحج جبلي عروووووووووووووسة قااااااااااااااااد كده حاجة تملى العين كده هجما ... هوج هوجن 2 . أو زكية زكريا الجزء التاني ... وخدني على مشمي وقال ايه يالله بينا يا أبني هنروح نزور خالتك أم خديجة ... علشان عزمانا على الغدى النهردة ... يابيه خالتي أم خديجة مين ... قالي وحده من قريبنا متعرفهاش انتا هيا قريبتنا من بعيد لبعيد ... أقولوا طيب روحوا أنتو يقولي لا لازم تيجي معنا ميصحش أنتا أبني الكبيررر ... وسندي ...

وأروحلك ياسيدي من هنا وفجئة وأحنا قاعدين ... وقاعدين بندردش وندحك بصيت لقيت الصالون مره وحده ظلم وفي شيء غطى على نور النجفة والظل بتاع خديجة غطا الاوضة كلها ... ولقيت حاجة عملالالالالالالاقة وشايله صنية في كبيرة بس الصنية ياعيني في أيديها مش باينة تحس أنها شايله ياعيني طبق فنجان قهوة صغير ومسكاها بأحكام وكوبيات العصير حتى الي فوق الصنية تحسها كده رغم انها شوب كبير تحسها غطيان قزازة حاجة سقة .

المهم واحنا نازلين من عندهم بصيت لقيت أبويا بيقولي ها يابطل أيه رأيك ؟؟؟

قلتلوا أيه رأيي في أيه يابه (عامل نفسي عبيط ههههههههه )
قالي في البت خديجة ؟ قلتلو البت خديجة هيا كل دي في نظرك يابه أسمها بت .... بت دي بت دي يابه .

قلتلوا لأ طبعاً ...
قالي لأ طبعاً ليه بس ؟؟؟ مالها يعني الانسة خديجة مال وجمال وأدب وأخلاق وأبوها مش عارف عندو أيه وشغال أيه ... وهيا يامشالله دكتورة قاااااااااد الدنيا .
قلتلوا : هيا من حيث قد الدنيا فهيا قد الدنياااااااااااااا .
أبويا : بطل قلت أدب ومسخرة ووقاحة ... كل ما أجبلك حاجة تقعد تتريق عليها ... هو أنتا مش راجل ولا أيه .
انا : يابه انا راجل ومشكلتي اني راجل بس مش عشر رجاله .
أبويا : يعني أرزعك بالقلم على وشك ولا أعمل فيك أيه انا مش فاهم ، ولا يسخر قوم من قوم عسى ان يكونوا أحسن منهم .

أنا : يابا انا مش بسخر ولا حاجة انا بقولك وقائع وبراهين . وبعدين في حد يتجوز وحده اسمها خديجة ؟؟؟

أبويا : يبني أنتا هتتجوزها ولا هتتجوز أسمها ... وبعدين مالو أسم خديجة ده حتى على اسم بنت الرسول عليه السلام .

انا : عليه الصلاة والسلام ، بس يابه ياحبيبي أنتا ليه بتعمل فيا كده ده انا أبنك حبيبك من لحمك ودمك ... أيش حال أنا البكري بتاعك ليه عاوز تنتقم مني كل ده علشان قعدت تمن سنين في الجامعة يعني ... ولا علشان كنت مبسمعش الكلام وانا صغير . دي دبدوووبة يا بابا .. ومفيش ملة سرير تستحملنا .

أبويا : يبني مش مشكلة أجوزها وهيا هتعمل رجيم .
انا : يابه رجيم أيه بس هو أحنا بنتكلم عن كيلو ولا أتنين .
أبويا : يبني أتجوزها والطب دلوقتي اتقدم هبقى أعملها عملية شفط على حسابي ... وأتفرج عليها بعد الشفط هتبقى عاملة أزاي !!!

انا : يابه احنا ليه نجيب عربية ولسه هنشدها ونعملها عمرة ما نجيب حاجة لسه زيرو ..

أبويا : بص أسمع لمن أقولك مش كل ما اقولك حاجة تقولي عربيات ومتور وزفت ... ده جواز !!!!!!!

بس الحمدالله جاريتوا في الكلام ولولا الله ثم أمي ... الي لمن شافتها قالت لأبويا لألألألألألألألألألألألألألأ . وفركشت الجوازة (ربنا يخليكي ليا يأمي ... أمي حبيبتي ) كان رب العالمين وحدو أعلم بحالي ... وتحياتي .

[ahmedhawas]

هههههه .. تسلم ايديك يا رفاعي .. موضوع جامد جداً .
إلا صحيح ..

متعرفش سوسن أخبارها إيه دلوقتي؟؟

[koshary]

حبيب قلبي كوشري باشا ... انا بضم صوتي ومعلقتي ليك يا غالي ههههههههه ... فعلا ً بناتنا غلابة بجد ... وعوزين يعيشو ... نفسهم يتجوزوا زيهم زي أي بنت في الدنيا ، وتلاقي البت من طقاقها شايفها زميله مش راضي يفاتحها في الموضوع تقوم البت تقعد تلمح لزميلها يمكن يشد حيلوا شوية ويصارحها ويفاتحها بالموضوع ، وتيجي تقول لزميلها أنا في عريس متقدملي أيه رأيك ... على أساس أن زميلها يغار ويقلها لالالالالالالالالا أوعي تتجوزي انا عاوز أتقدملك ... بس تكتشف ان الافندي يقلها بجدددددد ألف ألف مبروووك واللهِ فرحتلك من كل قلبي . هههههههههههههههههه .

وتلاقي الواد جبلة ... لا حياة لمن تنادي ... فتقوم البت تقعد تفكر كده وتقول لنفسها اللهم طولك ياروح على هذا اللوح يمكن مكسوف انو يقولي انا عاوز أتجوزك بس امكانياتي مش مساعده ؟ طيب خلينا أسهلهالوا أكتر وأبسطهالو لومعاك طبق كشري وجيت خدت منو معلقه هتحس بحاجة ؟ ههههه زي فيلم غبي منو فيه ؟ وتبسطلو الموضوع أكتر وأكتر وأكتر وترميلي كلمة كده في وسط الكلام قال يعني بهزار ... طيب ما تيجي يا فلان نتجوز وتتقدملي ... فتلاقي الواد وقف زي الجبلة !!! مصدوم أنو أزاي بنت تتقدملو وتطلب أيدو ، يقوم الواد العبقري على طول البروسيسور بتاعو يشتغل والرمات بتاعتو تهنج ويقلها لا اصلي مبفكرش دلوقتي في الجواز (أحنا الي بينا صداقة بريئة وأحنا مجرد زمايل في الشغل وبس ) وكل فكروا انها رمت نفسها عليه وعاوزة تجوزوا وخلاص ... فعلاً حاجة غريبة ....

والله ياميدو انت زى العسل ونفسى اقابلك صحيح انت جاى عيد ميلاد المنتدى ولا لا منتظر ردك لانى بجد نفسى اشوفك واتعرف على حضرتك انا رايح

[me_medoo]

هههههه .. تسلم ايديك يا رفاعي .. موضوع جامد جداً .
إلا صحيح ..

متعرفش سوسن أخبارها إيه دلوقتي؟؟

ههههههههههههههههههه ... أنتا كمان عاوز سوسن ، الحمدالله جيت من عند ربنا ومشيت ومرات صاحب الشركة الي كانت شغاله فيها سوسن طلبت من جوزها صاحب الشغل أنو يمشيها والراجل مشاها ... ياخسارة ... طب كنت قلي انك عاوز تمشيها كنا جبنها عيناها عندنا هنا في الشـــــــــــــــركة ... ههههههههه ...

ويادوبك ماصدقنا خلصنا من مشكلة سوسن دخلنا في مشكلة عبيـــــــــــر موظفة الحسابات الجديدة ... بنت أمورة قوي الخالق الناطق (مرفت أمين 2 ) أيام مكانت صغيرة ،كل شوية جيالي بتشتكيلي من الموظفين ... كل شوية ناطط لها واحد في المكتب عندها او بعد الشغل وانتي مرتبطة وانتي مش مرتبطة طيب انا عاوز أتقدملك .

قلتلها ياستي وفيها أيه بس ... خودي الموضوع ببساطة ... الواد قصدو شريف ؟

قالت لي لأ مينفعش هنا مكان شغل وانا جية بصراحة أشتغل مش جيه أتجوز .

قلتلها خلاص أنا هبعت للواد وأبستفهولك وأخليه يعتزرلك كمان ... بس بيني وبينكم مرضيتش أبعت للواد لأني انا عارفو شب محترم جداً وبيحافظ على صلاتوا وعارفوا كويس ، هو يمكن نقصو شوية خبرة ... ومعرفش أزاي ياكول ودنها بكلمتين حلوين على نكته حلوة وبعدين يوصل لقلبها ويفاتحها بالجواز ... بس هو أكمنوا دغري شويتين وملهوش في اللف والدوران فدخل شمال على طول .

وبيني وبينكم ... كل ده من ورى راس سوسن الي من ساعت ما اتوظفت جمبينا لغايت مسابت الشغل والشباب كلهم نفسهم اتفتحت للجواز ... وكل ما يشوفوا وحده حلوة يقولولها تتجوزيني على طول كده وش ولا مقدمات ولا مسهلات .

بس مش ملاحظين ياشباب : أن البنات أبتدت تحلوا شويتين بالذات بعد الثـــــــــــــورة وأسقاط راس النظام .