الي عاوز عروسة جميلة ؟؟؟ يخش هنا !!!

[M.belal]

هههههههههههههه وانتا بتروح منتدى فتكات بتعمل ايه هناك يا وله ؟ ههههههههه

هههههههههه والله يا بيه انا كل ما ابحث عن حاجة ع جوجل الاقى فتكات متصدرة
ولما بضطر ادخل الواحد بيلاقى مفاجات كده زى الموضوع ده :d

[ahmedhawas]

ربنا يخليييييييك ,, وخلى عندك امل او حتى عفاااااااااف وان شاء الله القسم هيشد حيلوووا ,, وبعدين خلى باااااالك انت كدة هيحطوووك فى ونتد ليست علشاااان كدة انت هتبور بناااااااااااات مصر ولدرجااااااااتى طلبى صعب !

ياريت نركز شوية .. أنا مش لاقي لا أمل ولا حتى عفاف .. مع إني مراجع الموضوع ده من أوله لآخره كام مرة.
بصراحة ملقيتش غير سوسن وعبير.

[me_medoo]

هنههههههههههههههه. اه منك يا احمد يا حواس ، هههههه تلاقيك يا عيني قلبت العشرين صفحه علشان تضور على حكاية امل وعفاف هههههههههه

[me_medoo]

هههههههههه والله يا بيه انا كل ما ابحث عن حاجة ع جوجل الاقى فتكات متصدرة
ولما بضطر ادخل الواحد بيلاقى مفاجات كده زى الموضوع ده :d

ههههههههه. اه والله وانا كمان كل ما اقلب حلى حاجة تطلعي فتكات في. وشي لدرجة اني بفكر ابقى عضو هناك في منتدى فتكات. يمكن اتعرفلي على فتوكة حلوة كده حلوة وامورة وصغيرة هههههههه

[RUN]

متجبوش سيره فتكااات لاحسن نلقيهم كلهم فى الموضوع هناا هههههههههه

[me_medoo]

هههههه ياسيدي. يجو ينورونا حاكم المنتدى هنا بتاعنا عيبو انو كلو شنبات مافهوش لاسوسن ولا عبير ههههههه. بس لمن يجو هنا عندنا في المنتدى هيلاقو شباب زي الورد وعرسان لقط والله ِههههه

[ainshouka]

انا شايف ان مواصفات البنت المناسبة من وجهة نظرى

الاخلاق ........... عاملة ازاى وطريقة تعاملها ........ هل بتبقى عصبية ولا عندها صبر وتحمل

تفكيرها عامل ازاى ............ مش مهم تكون خبيرة بس تكون عندها طريقة تفكير كويسة

تكون واحدة عاوزة تعيش ..............

الجمال .............. يكفينى انها تكون مقبولة فى نظرى انا ............... لان الجمال مش بيدوم كتير وبيختفى تدريجيا بعد الجواز نتيجة كثرة الاعباء

ولو افتكرت حاجة تانية حبقى اكتبها



بس اسلوبك ساااااااااااااخر جدا فى الكتابة ولذيذ

[i_Am_Legend]

يا ميدو انا مش قادر ابطل ضحك حرام عليك........والله يامعلم انا اتخنقت من حوار الجواز دة...مش لاقى واحدة عدلة اتجوزها...انا بفكر لو واحدة عجبتنى في الشارع ورشقت في نافوخي....ادخل عليها وششششششششششش كدة...اقولها هاتى رقم ابوكي ولا اخوكي...وربنا هاروحلهم...علشان انا خلاااااااااااص ...اتفقعت.

[saadelden]

طيب انا عاوز اقدم خدمة للاعضاء الشباب الجادين في البحث عن عروسة ومش عارف ابتدي ازاي بمعنى هل اخود صورهم وبيناتهم ، خدمة كده تكون فري كده لوجه الله ، والي حوليه بنوته كده عروسة حلوة كمان ، بس خايف من الشباب الغير جاد ، ايه رايكم في الفكرة يا شباب

بقالي فتره حاسس اني هقابل شريكه حياتي ف حادثه عربيه
زي مسرحيه المتزوجون

بس ربنا يستر و ماتبقاش حادثه جامده

[newhansol]

مش ملاحظين ان الموضوع وصل لسبع صفح ومافيش ولا حد من الجنس الناعم دخل يدينا كلمتين فى جنبنا ولا قرصه ودن ولا حاجه ولا همه ماشغولين بيعملو الغدا مثلا ولا يكونو بيحضرولنا مكيده ... استر يا ستير

الا مافيش اخبار عن سوسن اتعينت فين دلوقتى

[me_medoo]

مش ملاحظين ان الموضوع وصل لسبع صفح ومافيش ولا حد من الجنس الناعم دخل يدينا كلمتين فى جنبنا ولا قرصه ودن ولا حاجه ولا همه ماشغولين بيعملو الغدا مثلا ولا يكونو بيحضرولنا مكيده ... استر يا ستير

الا مافيش اخبار عن سوسن اتعينت فين دلوقتى

هههههههههههه وانا بقول مال عدد المشاهدة للموضوع عدى الالف شخص وعدد المشاركات قليل ونصهم انا الي كاتبهم ، أتاري ولاد اللذينه واقفين بره متسنين ... عارف لو وحده بس ... دخلت الموضوع وكتبت كلمتين بس هتبص تلاقي أمة لا اله الا الله سابت المنتدى كلو وداخلين يشاركوو هههههههههههه والي يعملي نفسو مئدب والي يعملي نفسو واد فتك ... ههههههههه شباب تعبان مايعلم بيهم غير ربنا ... ههههههههههههههههههههههه

[youtube]http://www.youtube.com/watch?v=5iualNPtaCI&feature=related[/youtube]
[youtube]http://youtu.be/5iualNPtaCI[/youtube]

[akramlail]

ارجعوا لاصل الموضوع يا جماعة اية الحل
فعلا مشكلة كبيرة انا نفسى اتسدت م اللى بشوفة مفيش وحدة عدلة ابدا
ولو لقيت وحدة صاروخ تلاقيها معوجة وبتقولك الجواز عندنا شبكة كزا ومهر كزا وفرح وليلة وممكن تكون حلوة ومستواها بسيط بس تمثل انها واااو يعنى
هما الحلوين اللى على قد حالهم راحوووووووووووووو فيييييييييييييييييين
تبص ف الشارع اغلبهم بقوا شبهة بعض نفس الحجاب نفس الالوان نفس اللبس
قلت خلاااص مش متجوز الا اذا ظهرت فيوم لوحدها كدة انما مش هدور تاااانى

[me_medoo]

معاك حق والله العظيم ياريس ... قليل قوي البنات الي بتفتح النفس على الجواز واول ما تشوفها تبص تلاقي نفسك عاوز تجري لوالدك وتقلوا يابه انا عاوز أتجوز ... ورغم أني متجوز بس في فعلاً ستات تفتح النفس كده ، وتخلي الواحد ينسى نفسو ، ويقول الله هو مش الشرع محللي أربعه ، بس ياترى هل هيا هتوافق ... طيب لو قبلت بيا ... ياترى هتقبل اني متجوز قبل كده ... طيب لو فرضاً أنها معندهاش أي مانع ، أنها تتجوز واحد متجوز بس كمان وعندو عيلين ... يا أ لله هو الواحد مينفعش يخبي العيلين الي عندو دول في أي حته لحد ماتم الجوازه ههههههههههه .

بس فعلاً يا أخي الستات الي تفتح النفس على الجواز قلو جداً ... وفعلاً انا بقيت لمن أمشي في الشارع أحس أن البنات كلهم شبه بعض نفس اللبس نفس التسريحة نفس الماشية قليل قوي لمن تلاقي وحده مميزة أو ملامحها مختلفة كده عن التانية ... وتلاقيها مسم سمة كدة ...

وفعلاً زي ماذكرت لو لقيت حتت فرسة ورايح تتقدملها ، يقعدو يتشرطو وتلاقي أمها حاطه رجل على رجل ، لأنها متأكدة ميه في الميه أنك مش هتلاقي زي بنتها وتبينلك البرستيج ... ومن ضمن البرستيج تيجي تقلك ده كان متقدملها ضابط ... تيجي تقولها اه وبعدين يا طنط حصل ايه ، قالت لا بس هيا رفضتو ... وجلها كمان باش مهندس قد الدنيا بييشتغل في المقاولون العرب ... وانتا يا عيني ها يطنط وبعدين حصل ايه ... بس رفضتو وبعدين جلها دكتور قد الدنيا ... ها يطنط وبعدين حصل ايه ؟؟؟
تقلك لا هيا رفضتهم كلهم ، تيجي انتا يا عيني تبقى قاعد زي الي شاخخ على روحو كده : وتقلها طيب عن ئذنك أنا يا طنط هستئذن انا بأه ، تقوم تقلك ليه هو حضرتك بتشتغل أيه ... تيجي تقلها أنا لا أنا فضلت خيرك انا عضـــــــــــــو برونزي في منتدى نايل موترز وقريب هترقى وأبقى عضو فضي أنشاء الله فضي ميتالك حضرتك هههههههههههههه .

ياعيني.... يا وليه ... ياولية يابنت اللذينة ضابط ورفضتوه ومهندس ورفضتوه ودكتور وترفض أومااااااااااااااااال أنتي عاوزة تجوزي بنتك عريس نوعوا أيه رائد فضاء مثلاً ولاكبتن طيــــــــــــــــــــار ... ولا أبن رئيس جمهورية مصر ولا أبن رئيس الحــــــــــــي .

حاجة تفلق بجــــــــــــد ... وتلاقيها كده قاعده مجعوصة قدامك الولية أم البت حماة المستقبل وعمالة تعدد في محاسن بنتها ... وبنتي شاطرة وبنتي بتسمع الكلام ودي من البيت للجمعه ومن الجمعة للبيت ... أومال يا طنط هيا كانت واقفة مع الواد شـريف بتاع الانســـــــر وراكبة جمبو العربية ليه ؟ ، أيه كانوا رايحين فين ؟ ... كان راح يصورلها الملزمة ولا كان رايحه معاه يزكرلها ... ؟

ومن يومين شفتها قاعدة في كافية أكسبريسو في شارع شهاب هيا وصحبتها ومعاهم تلاته أربع شباب ، كانو بيعملو أيه ياترى بيعملو أجتماع لأتحاد الطلبة ولا كانو قاعدين بيزكرو سوى .

ياولية ده أسم بنتك محفور في شارع العشـرين ... وكانت بلا فخـر من أوائل من أفتتح كافيه سفاري على طريق مصر أسكندرية الصحراوي ...

ومرينا واحد واتنين وتلاته وألف وباء وجيم وعين وسين بيحلفو هناك بأسم بنتك ... خليها جمبك أبقي روحي هتيلها عريس من على البلاج . هههههههههههههههههههه

حاجة بجد تغيظ ... وقال ايه عاوزة خمسين ألف جنيه مهـر زي بنت عمها وزيهم مأخــــــــــــر ليه أنشاء الله

[Yehia_future]

يا عم حرام عليك انتى قلب المواجع على الشباب اللى متجوزش بسيره سوسن وعبير هما ناقصين ... بس نصيحة الشكل المقبول مهم برضة فى الجواز .. ولكن مهم برضوا الصفات الشخصية للعروسة والصبر والتحمل والروح المرحة لان بيقلبوا بعد الجواز يعنى لو حلوه وكشرية هتشوف ايام رعب بعد الجواز لكن لو حلوة وظريفة هتقلب عادية بعد الجواز لككككن لو حلوة وهبله حتلاقيها ظريفة جدا بعد الجواز لانها هبلة اساساً ... وكلمة فى ودنك الهبل منتشر جامد اوى الايام دى ... وحذارى تتجوز اشكال زى سوسن وعبير دول يا حبيبى للفرجة وبيكونوا فول اوبشن علشان يقلبوا المواجع على الغلابة المتجوزين وبالذات الموظفين فى الشركات اصحاب المرتبات الضعيفة ... يعنى لو شركة جامد والمرتب جامد معظم الشركة حتلاقيها سوسن وعبير ولو الشركة المرتب مش قد كدة لازم كل فترة صاحب الشركة يجيب واحدة زى سوسن علشان يلهى الموظفين عن المرتب والزيادات ... زى الحكومة السابقة كانت بتلهى الشعب فى الكورة والمشاكل!!!

[abdalah_hashem]

الجمال مطلوب جدا وانها تكون سريعة الفهم ورد الفعل الكويس وتفكر كويس وتتصرف كويس واخلاق ودينها برضة مهمين جدا بعد كدة اى حاجة تانية

بس سوسن وعبير دول ,, دول للعرض فقط ممنوع الاقتراب :dههههههههه