هو القتل بقى عادى كده ؟؟

[KHALED AYMAN]

سلام عليكم
بصراحه انا مصدوم من الوضع الى احنا عايشين فيه خصوصا مدينه المحله الكبرى
من اسبوع توفى الى رحمه الله الحاج اشرف البغل ..صاحب سلسله مطاعم البغل فى المحله و المنصوره ..ما شاء الله عليه كان راجل محترم جدا زى باقى عيله البغل فى المحله ...لكن قضاء ربنا نفذ و هو بيعمل عمليه جراحيه
النهارده
اخوه الحاج ياسر ..رايح يزوره فى المقابر
ومعاه 3 فى العربيه
ومعاه عربيتين ماشيين معاه على الطريق الدائرى بتاع المحله
وبعد ما مشى من المقابر و هو راجع فى الطريق
تم اطلاق النار عليه هو تحديدا ...
مفيش حد من الى معاه فى العربيه اتصاب ولا العربيات الى حواليه
الضرب موجه ليه هو تحديدا
وللاسف توفى
راجل زى ده مكنش ليه اى خلاف مع اى شخص فى الدنيا
لان مجرد ما تشوفه قبل ما تتكلم معاه اصلا تلمح فيه الطيبه و الادب و الاخلاق !

مش فاهم هو ايه الوضع الرهيب الى احنا فيه ده
كان الخطف شغال و نص المحله اتخطف و الدفع اقل حاجه 100 الف
انا شخصيا اعرف ييجى 5 اتخطفوا ...و مش عيال صغيره لالا ده رجاله كبار 30 سنه و 40 !!
مش عارف هنروح لحد فين
الواحد بقى يخاف يمشى فى الشارع
ولا حتى فى الشارع
الواحد بيخاف و هو قاعد فى بيتهم
بقت حاجه تقرف
وبلد تقرف و تجيب المرض
انا حاسس ان الواحد يوم القيامه هيتعذب انه فضل عايش فى البلد دى

[osama.m]

هو في حاجة في البلد مظبوطة اصلا
والله والله والله نفسي اسيب البلد و اروح اي بلد تانية .. على الاقل احس اني انسان و ان في حد بيقدر الحكاية دي

[Egyzizo]

وبعدييييييييييييييييييييييييييييييييييييييين ..
أنا حاسس اننا دخلنا فى دوامة مش هنطلع منها.
أو ان اللى انكســر عمره ما هيتصلح.

[MohaMed_Refaat]

لا حول ولا قوة الا بالله ربنا يرحمهم جميعا ..........
ويصلح حال المخروبة دى بقى .

[rompo10]

احلي تحيه ---------- الشرطه وارجو عدم الوقف

يرجى انتقاء الالفاظ وعدم الخروج عن الاداب العامة

مشرف 3ب
27/4/2012
6.40pm

[KHALED AYMAN]

هو في حاجة في البلد مظبوطة اصلا
والله والله والله نفسي اسيب البلد و اروح اي بلد تانية .. على الاقل احس اني انسان و ان في حد بيقدر الحكاية دي

مفيش امل فى البلد دى والله
وانا شايف ان الى ادامه فرصه يسيب البلد وقاعد فيها بيفكر غلط
انا بقيت بكره البلد والله العظيم

وبعدييييييييييييييييييييييييييييييييييييييين ..
أنا حاسس اننا دخلنا فى دوامة مش هنطلع منها.
أو ان اللى انكســر عمره ما هيتصلح.

بالظببببط
الى انكسر عمره ما هيتصلح

لا حول ولا قوة الا بالله ربنا يرحمهم جميعا ..........
ويصلح حال المخروبة دى بقى .

المخروبه هتفضل مخروبه
الناس بتموت و كل ذنبهم انهم مصريين و عايشين فى مصر

[A7MED_PHARMA]

تحية عظيمة لرجال الشرطة البواسل

سمعني سلام بودعك

[me_medoo]

انا برضو اعرف راجل مشهور صاحب سلسلة محلات ......... ( مشهورة) انخطفت بنتو ورجعها ب ٨٠.٠٠٠ جنية ولو كان الخاطفين عرفو الانسان ده مين كانو طلبوا اكتر وده دليل ان حوادث الخطف عشوائية

[me_medoo]

وبعدين يا باشا المشكلة دلوقتي في القاهرة اقل خناقة. واقل فرح بتبص تلاقي نزل فيه عشرين أالي ورشاشات ومسدسات يعني حتى الي معاه مسدس يبلو ويشرب ميتوو. هيعمل ايه مسدس قدام رشاش ئالي في كل حته في كل مكان. السلاح موجود. العيال الصغيرة بتلعب بالاليكترك في الشارع عيني عينك

[KHALED AYMAN]

احنا عندنا فى المحله كميه سلاح اكتر من الى فى الجمهوريه كلها
الوضع صعب جدا هنا
انا بقى طبيعى فى اوقات زى دلوقتى اسمع ضرب نار
والله بقى طبيعى خلاص لا بتخض ولا بستغرب
مع انى ساكن فى منطقه كويسه مش فى مكان حراميه و كله سلاح

[Hondawy_2008]

لا حول و لا قوة الا بالله و الجماعات التكفيرية ضربوا نار علشان حمدين صباحي ميدخلش الشيخ زويد خلاص مفيش شرطة في البلد و البلد دي خربت فعلا و الله الواحد بيدور على أي فرصة يخرج منها ان شا الله اسرائيل حتى

[me_medoo]

وهو يا عم هنداوي فكرك اسرائيل ممكن تقبل فينا. طب جرب كده تروح تل ابيب اول ما توصل هناك هيقبضو عليك. ويسفروك على طول هههههههههه

[KHALED AYMAN]

الصومال ارحم من مصر والله

[me_medoo]

هتروح هناك هيمسكوك المتمردين وبرضو هيسفروك او تشتغل قرصان معاهم بلقمت عيشك ههههههه

[me_medoo]

هو الحل مش في السفر الحل اننا نجمع بعضينا ونشتري اسلحة ونكون عصابة اجرام ونبقى زي امريكا كده كلها عصابات احنا في مصر محتاجين لتحالف قوى الشعب ونكون عصابات لحد ما يبقى عندنا شرطة في البلد ويرجع الامن يستتب رغم ان الشرطة عاملة شغل برضو حلو اليومين دول وزي الفل بس لازم يكون عندهم قانون الطوارئ بجد لازم يرجع قانون الطوارئ علشان ترجع البلد تفوق بقه من البلطجية والحرامية